വി​മ്യ​യു​ടെ ചി​കി​ത്സാ​ചെ​ല​വി​നായി പൊ​ന്നൂ​സ് ബ​സിന്‍റെ കാ​രു​ണ്യ​യാ​ത്ര നാളെ

വ​ട​ക്ക​ഞ്ചേ​രി: അ​ഞ്ചു​വ​യ​സു​കാ​രി വി​മ്യ​യു​ടെ ചി​കി​ത്സാ​ചെ​ല​വി​നു​ള്ള പ​ണം ക​ണ്ടെ​ത്താ​ൻ അ​നു​ഗ്ര​ഹ ബ​സി​നു പി​ന്നാ​ലെ വ​ട​ക്ക​ഞ്ചേ​രി-​ക​ണി​ച്ചി​പ്പ​രു​ത-​പ​നം​ങ്കു​റ്റി റൂ​ട്ടി​ലോ​ടു​ന്ന പൊ​ന്നൂ​സ് ബ​സ് നാ​ളെ കാ​രു​ണ്യ​യാ​ത്ര ന​ട​ത്തും.വ​ള്ളി​യോ​ട് മി​ച്ചാ​രം​കോ​ട് സൗ​ഹൃ​ദ ജ​ന​കീ​യ കൂ​ട്ടാ​യ്മ​യു​ടെ ജീ​വ​കാ​രു​ണ്യ പ്ര​വ​ർ​ത്ത​ന​ങ്ങ​ളു​മാ​യി സ​ഹ​ക​രി​ച്ചാ​ണ് ബ​സു​ട​മ അ​വ​റാ​ച്ച​ൻ ഈ ​സ​ൽ​പ്ര​വൃ​ത്തി ന​ട​ത്തു​ന്ന​ത്.

യാ​ത്ര​ക്കാ​രു​ടെ കാ​രു​ണ്യ സം​ഭാ​വ​ന​യ്ക്കൊ​പ്പം റൂ​ട്ടി​ലെ പ്ര​ധാ​ന സെ​ന്‍റ​റു​ക​ളി​ൽ​നി​ന്നും ധ​ന​സ​മാ​ഹ​ര​ണം ന​ട​ത്തു​മെ​ന്ന് സൗ​ഹൃ​ദ ജ​ന​റ​ൽ ക​ണ്‍​വീ​ന​ർ ശ്രീ​നാ​ഥ് പ​റ​ഞ്ഞു.കൂ​ലി​പ്പ​ണി​ക്കാ​രാ​യ കി​ഴ​ക്ക​ഞ്ചേ​രി ത​ച്ച​ക്കോ​ട് മ​ണി​ക​ണ്ഠ​ൻ-​വി​ജ​യ​കു​മാ​രി ദ​ന്പ​തി​ക​ളു​ടെ ഏ​ക​മ​ക​ളാ​യ വി​മ്യ​യു​ടെ ഒ​രു വൃ​ക്ക​യ്ക്ക് പ​ഴു​പ്പ് ബാ​ധി​ച്ചി​രി​ക്കു​ക​യാ​ണ്. അ​ടു​ത്ത​തി​ലേ​ക്ക് രോ​ഗം ബാ​ധി​ക്കാ​തി​രി​ക്കാ​ൻ പ​ഴു​പ്പു​ബാ​ധി​ച്ച വൃ​ക്ക നീ​ക്കം ചെ​യ്യ​ണം.

ഇ​തി​നു​ള്ള ഓ​പ്പ​റേ​ഷ​നും തു​ട​ർ​ചി​കി​ത്സ​യ്ക്കു​മാ​യി പ​ത്തു​ല​ക്ഷ​ത്തോ​ളം രൂ​പ ചെ​ല​വ് വ​രു​മെ​ന്നാ​ണ് ആ​ശു​പ​ത്രി അ​ധി​കൃ​ത​ർ പ​റ​ഞ്ഞി​ട്ടു​ള്ള​ത്.വി​മ്യ​യു​ടെ ചി​കി​ത്സാ​നി​ധി​യി​ലേ​ക്ക് ക​ഴി​ഞ്ഞ​ദി​വ​സം വ​ട​ക്ക​ഞ്ചേ​രി-​പു​തു​ക്കോ​ട് റൂ​ട്ടി​ലോ​ടു​ന്ന അ​നു​ഗ്ര​ഹ ബ​സ് കാ​രു​ണ്യ​യാ​ത്ര സം​ഘ​ടി​പ്പി​ച്ച് 53,000 രൂ​പ സ​മാ​ഹ​രി​ച്ചി​രു​ന്നു.

Related posts