ചെ​വി വേ​ദ​ന​യു​മാ​യെ​ത്തി​യ യു​വാ​വ് മ​രി​ച്ച സം​ഭ​വം വി​വാ​ദ​മാ​കു​ന്നു; ഇ​ഞ്ച​ക‌്ഷ​ൻ കൊ​ടു​ത്ത​തോ​ടെ ദേ​ഹാ​സ്വാ​സ്ഥ്യ​മു​ണ്ടാ​യ​താ​യി ബ​ന്ധു​ക്ക​ൾ

മ​ഞ്ചേ​രി: ചെ​വി വേ​ദ​ന​യ്ക്കു ചി​കി​ത്സ തേ​ടി​യെ​ത്തി​യ യു​വാ​വ് മ​ഞ്ചേ​രി മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ മ​രി​ച്ച സം​ഭ​വം വി​വാ​ദ​മാ​കു​ന്നു. ആ​ശു​പ​ത്രി അ​ധി​കൃ​ത​രുടെ വീ​ഴ്ച​യാ​ണ് മ​ര​ണ​ത്തി​നി​ട​യാ​ക്കി​യ​തെ​ന്നാ​രോ​പി​ച്ചു ബ​ന്ധു​ക്ക​ൾ രം​ഗ​ത്തെ​ത്തി. സം​ഭ​വ​ത്തി​ൽ അ​സ്വാ​ഭാ​വി​ക മ​ര​ണ​ത്തി​നു കേ​സെ​ടു​ത്ത് മ​ഞ്ചേ​രി പോ​ലീ​സ് അ​ന്വേ​ഷ​ണം ആ​രം​ഭി​ച്ചു.

മ​ഞ്ചേ​രി​ക്ക​ടു​ത്തു ഇ​രു​ന്പു​ഴി സ്വ​ദേ​ശി പാ​ല​ത്തി​ങ്ങ​ൽ വേ​ലാ​യു​ധ​ന്‍റെ മ​ക​ൻ പ്ര​കാ​ശ​ൻ (39) ആ​ണ് മ​ഞ്ചേ​രി മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ വെ​ള​ളി​യാ​ഴ്ച രാ​ത്രി മ​രി​ച്ച​ത്. ചെ​വി വേ​ദ​ന​യെ തു​ട​ർ​ന്നു ബൈ​ക്കി​ൽ ഭാ​ര്യ​ക്കൊ​പ്പം ആ​ശു​പ​ത്രി​യി​ലെ​ത്തി​യ​താ​യി​രു​ന്നു പ്ര​കാ​ശ​ൻ. ചി​കി​ത്സ​യു​ടെ ഭാ​ഗ​മാ​യി ഇ​ഞ്ച​ക‌്ഷ​ൻ കൊ​ടു​ത്ത​തോ​ടെ പ്ര​കാ​ശ​ന് ദേ​ഹാ​സ്വാ​സ്ഥ്യ​മു​ണ്ടാ​യ​താ​യി ബ​ന്ധു​ക്ക​ൾ പ​റ​യു​ന്നു.

ഏ​റെ വൈ​കാ​തെ മ​ര​ിച്ചു. ചി​കി​ത്സയിലെ വീ​ഴ്ച​യാ​ണ് മ​ര​ണ​ത്തി​നു കാ​ര​ണ​മെ​ന്നാ​രോ​പി​ച്ച് ബ​ന്ധു​ക്ക​ളും നാ​ട്ടു​കാ​രും ആ​ശു​പ​ത്രി പ​രി​സ​ര​ത്തു ബ​ഹ​ളം വ​ച്ചു. എ​ന്നാ​ൽ യു​വാ​വി​ന്‍റെ മ​ര​ണ​ത്തി​ൽ അ​സ്വാ​ഭാ​വി​ക​ത​യോ ചി​കി​ത്സാ പി​ഴ​വോ വ​ന്നി​ട്ടി​ല്ലെ​ന്നാണ് ആ​ശു​പ​ത്രി അ​ധി​കൃ​ത​ർ പ​റ​യു​ന്നത്. ബ​ന്ധു​ക്ക​ളു​ടെ ആ​വ​ശ്യ​പ്ര​കാ​രം പോ​സ്റ്റു​മോ​ർ​ട്ടം കോ​ഴി​ക്കോ​ട് മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലേ​ക്കു മാ​റ്റി.

പോ​സ്റ്റ്മോ​ർ​ട്ട​ത്തി​നു ശേ​ഷം ഇ​ന്ന​ലെ ഉ​ച്ച​യോ​ടെ ബ​ന്ധു​ക്ക​ൾ ഏ​റ്റു​വാ​ങ്ങി​യ മൃ​ത​ദേ​ഹം കു​ടും​ബ ശ്മ​ശാ​ന​ത്തി​ൽ സം​സ്ക​രി​ച്ചു. സം​ഭ​വ​ത്തി​ൽ അ​സ്വാ​ഭാ​വി​ക മ​ര​ണ​ത്തി​നു കേ​സെ​ടു​ത്ത് മ​ഞ്ചേ​രി പോ​ലീ​സ് അ​ന്വേ​ഷ​ണം ആ​രം​ഭി​ച്ചി​ട്ടു​ണ്ട്. സൗ​മ്യ​യാ​ണ് പ്ര​കാ​ശ​ന്‍റെ ഭാ​ര്യ. മാ​താ​വ് : ക​ല്ല്യാ​ണി.