സൗഹൃദം അകന്നതിലുള്ള വൈരാഗ്യം; ബ്യൂ​ട്ടീ​ഷ​നായ വനിതാ സുഹൃത്തിനെ വെ​ട്ടി​ക്കൊ​ല​പ്പെ​ടു​ത്താ​ൻ ശ്ര​മം; പ്ര​തി സം​സ്ഥാ​നം വി​ട്ട​താ​യി പോ​ലീ​സ്

കൊ​ച്ചി: കൊ​ച്ചി ന​ഗ​ര​ത്തി​ൽ ഉ​ത്ത​രാ​ഖ​ണ്ഡ് സ്വ​ദേ​ശി​നി​യാ​യ ബ്യൂ​ട്ടീ​ഷ​നെ ന​ടു​റോ​ഡി​ൽ വെ​ട്ടി​ക്കൊ​ല​പ്പെ​ടു​ത്താ​ൻ ശ്ര​മി​ച്ച കേ​സി​ലെ പ്ര​തി സം​സ്ഥാ​നം വി​ട്ട​താ​യി പോ​ലീ​സ് നി​ഗ​മ​നം. ഇ​യാ​ളെ ക​ണ്ടെ​ത്തു​ന്ന​തി​നാ​യി നോ​ർ​ത്ത് പോ​ലീ​സ് ഇ​ൻ​സ്പെ​ക്ട​ർ ബ്രി​ജു​കു​മാ​റി​ന്‍റെ നേ​തൃ​ത്വ​ത്തി​ലു​ള്ള പോ​ലീ​സ് സം​ഘം അ​ന്വേ​ഷ​ണം ആ​രം​ഭി​ച്ചു.

പ്ര​തി​യു​ടെ മൊ​ബൈ​ൽ ഫോ​ണ്‍ രേ​ഖ​ക​ളും സി​സി​ടി​വി ദൃ​ശ്യ​ങ്ങ​ളും കേ​ന്ദ്രീ​ക​രി​ച്ചു​ള്ള അ​ന്വേ​ഷ​ണം പു​രോ​ഗ​മി​ക്കു​ക​യാ​ണ്. സം​ഭ​വം ന​ട​ന്ന ആ​സാ​ദ് റോ​ഡി​ലാ​ണ് പ്ര​തി​യു​ടെ ഒ​ടു​വി​ല​ത്തെ മൊ​ബൈ​ൽ ട​വ​ർ ലൊ​ക്കേ​ഷ​ൻ.

പ്ര​തി എ​ത്തി​ച്ചേ​രാ​നി​ട​യു​ള്ള പ്ര​ദേ​ങ്ങ​ളി​ലെ​ല്ലാം പോ​ലീ​സ് നി​രീ​ക്ഷ​ണം ശ​ക്ത​മാ​ക്കി​യി​ട്ടു​ണ്ട്. ഇ​യാ​ൾ ബം​ഗ​ളൂ​രു, മും​ബൈ എ​ന്നി​വി​ട​ങ്ങ​ളി​ലേ​ക്ക് ക​ട​ന്നി​രി​ക്കാ​മെ​ന്നും പോ​ലീ​സ് സം​ശ​യി​ക്കു​ന്നു​ണ്ട്.

ശ​നി​യാ​ഴ്ച രാ​വി​ലെ 11ഓ​ടെ ക​ലൂ​ർ ആ​സാ​ദ് റോ​ഡി​ലാ​യി​രു​ന്നു സം​ഭ​വം. ഉ​ത്ത​രാ​ഖ​ണ്ഡ് സ്വ​ദേ​ശി​നി​യും ക​ലൂ​രി​ലെ സ്പാ​യി​ലെ ബ്യൂ​ട്ടീ​ഷ​നു​മാ​യ സ​ന്ധ്യ​യ്ക്ക്(25) ആ​ണ് വെ​ട്ടേ​റ്റ​ത്.

തൃ​പ്പൂ​ണി​ത്തു​റ​യി​ലെ സ്പാ​യി​ലെ ജീ​വ​ന​ക്കാ​ര​നും ഉ​ത്ത​രാ​ഖ​ണ്ഡ് കി​ച്ചാ പ്രേം​ന​ഗ​ർ സ്വ​ദേ​ശി​യു​മാ​യ ഫാ​റൂ​ഖ് അ​ലി​യാ​ണ് സ​ന്ധ്യ​യെ ആ​ക്ര​മി​ച്ച​ത്. ആ​ക്ര​മ​ണ​ത്തി​ൽ സ​ന്ധ്യ​യു​ടെ ഇ​ട​ത് കൈ​യ്ക്കും മു​തു​കി​നും ആ​ഴ​ത്തി​ൽ പ​രി​ക്കേ​റ്റി​രു​ന്നു.

ആ​ദ്യം കൊ​ച്ചി​യി​ലെ സ്വ​കാ​ര്യ ആ​ശു​പ​ത്രി​യി​ൽ പ്ര​വേ​ശി​പ്പി​ച്ച സ​ന്ധ്യ​യെ പി​ന്നീ​ട് കോ​ട്ട​യം മെ​ഡി​ക്ക​ൽ കോ​ള​ജി​ലേ​ക്ക് മാ​റ്റി.

കൊ​ല്ല​ത്തെ ഒ​രു ബ്യൂ​ട്ടി പാ​ർ​ല​റി​ൽ ക​ഴി​ഞ്ഞ നാ​ലു വ​ർ​ഷ​മാ​യി ഒ​രു​മി​ച്ച് ജോ​ലി ചെ​യ്തി​രു​ന്ന ഇ​രു​വ​രും സു​ഹൃ​ത്തു​ക്ക​ളാ​യി​രു​ന്നു. പി​ന്നീ​ട് ഇ​രു​വ​രും തൃ​പ്പൂ​ണി​ത്തു​റ​യി​ലെ ബ്യൂ​ട്ടി പാ​ർ​ല​റി​ൽ ഒ​രു​മി​ച്ചു ജോ​ലി ചെ​യ്തു.

ഫാ​റൂ​ഖ് അ​ലി നാ​ട്ടി​ൽ പോ​യ സ​മ​യ​ത്ത് സ​ന്ധ്യ ക​ലൂ​രി​ലെ പാ​ർ​ല​റി​ലേ​ക്ക് മാ​റി​യി​രു​ന്നു. ഇ​തി​ൽ ഫാ​റൂ​ഖ് അ​ലി പ്ര​കോ​പി​ത​നാ​യി​രു​ന്നു​വെ​ന്നാ​ണ് പോ​ലീ​സ് നി​ഗ​മ​നം. ഇ​വ​രു​ടെ സു​ഹൃ​ദ് ബ​ന്ധം വ​ഷ​ളാ​യ​താ​യും സൂ​ച​ന​യു​ണ്ട്.

ഫാ​റൂ​ഖ് സ​ന്ധ്യ​യു​ടെ നീ​ക്ക​ങ്ങ​ൾ നി​രീ​ക്ഷി​ച്ച് വ​ന്ന ശേ​ഷ​മാ​ണ് ക​ഴി​ഞ്ഞ ദി​വ​സം ആ​ക്ര​മി​ച്ച​ത്. ബൈ​ക്കി​ലെ​ത്തി​യ ശേ​ഷം കൈ​യി​ൽ ക​രു​തി​യി​രു​ന്ന ക​ത്തി ഉ​പ​യോ​ഗി​ച്ച് വെ​ട്ടു​ക​യാ​യി​രു​ന്നു.

ഒ​പ്പം ഉ​ണ്ടാ​യി യു​വ​തി ബ​ഹ​ളം വെ​ച്ച​തോ​ടെ ഇ​യാ​ൾ ബൈ​ക്കി​ൽ ര​ക്ഷ​പ്പെ​ട്ടു. വാ​ഹ​നം ഏ​താ​നും ദി​വ​സ​ങ്ങ​ൾ​ക്ക് മു​ന്പ് ഫാ​റൂ​ഖ വാ​ങ്ങി​യ​താ​ണെ​ന്ന് പോ​ലീ​സ് ക​ണ്ടെ​ത്തി​യി​ട്ടു​ണ്ട്.

സം​ഭ​വ​ത്തി​നു​ശേ​ഷം ഇ​യാ​ൾ തൃ​പ്പൂ​ണി​ത്തു​റ​യി​ലെ സ്ഥാ​പ​ന​ത്തി​ൽ എ​ത്തി​യി​ട്ടി​ല്ല. പ്ര​തി​യു​ടെ ഫോ​ണും സ്വി​ച്ച് ഓ​ഫ് ആ​ണ്.