38 വര്ഷം മുന്പാണ് ഞാന് പ്രിയേട്ടനുമായി ഒന്നിച്ച് ജോലി ചെയ്തത്. അദ്ദേഹത്തിനൊപ്പം വീണ്ടും ഒരു ജ്വല്ലറിയുടെ പരസ്യചിത്രത്തിൽ ജോലി ചെയ്യാനായതില് ഒത്തിരി സന്തോഷം. ആ നിമിഷങ്ങള് ഞാന് ശരിക്കും ആസ്വദിച്ചു. ഞങ്ങളൊന്നിച്ച് അവസാനം ചെയ്ത സിനിമ ചിത്രം ആയിരുന്നു. കല്യാണിയുടെ അമ്മയായാണ് ഞാന് ഇത്തവണ അഭിനയിക്കുന്നത്.
റീലിലും റിയലായും കല്യാണിയുടെ അമ്മ, ഒത്തിരി സന്തോഷം. പ്രിയേട്ടന്റെ എക്സിക്യുട്ടീവ് ഡയറക്ടര് എന്നോട് ഇത്രയും വര്ഷങ്ങള്ക്കു ശേഷമല്ലേ, ടെന്ഷനുണ്ടോ എന്ന് ചോദിച്ചിരുന്നു. ഇല്ലെന്നായിരുന്നു എന്റെ മറുപടി. കാരണം, പ്രിയേട്ടന് എന്നെ അറിയാം. എന്റെ നല്ലതും ചീത്തയുമായ മുഖഭാവങ്ങള് വരെ അദ്ദേഹത്തിന് അറിയാവുന്നതാണ്.
എന്നെ ഏറ്റവും ഭംഗിയായി പ്രസന്റ് ചെയ്യാന് അദ്ദേഹത്തിന് അറിയാം. ഇത് കേട്ടപ്പോള് അവളുടെ നല്ലതും, ചീത്തയുമായ സ്വഭാവങ്ങള് എനിക്കറിയാമെന്ന് തമാശയായി പറഞ്ഞിരുന്നു. സെറ്റിലെത്തിയപ്പോള് എനിക്ക് നൊസ്റ്റാള്ജിയ ആയിരുന്നു തോന്നിയത്. എന്റെ സന്തോഷക്കണ്ണീര് അടക്കിപ്പിടിക്കാന് ഞാന് പരമാവധി ശ്രമിച്ചിരുന്നു.
എന്നെ സംബന്ധിച്ച് ഒരു പിക്നിക് പോലെയായിരുന്നു ഈ ഷൂട്ട്. പ്രിയേട്ടനും കല്യാണിക്കുമൊപ്പം വര്ക്ക് ചെയ്യാന് അവസരമുണ്ടാക്കിയതിന് ജ്വല്ലറി ഗ്രൂപ്പിനോട് നന്ദി പറയുന്നു. പലവക വികാരങ്ങളാല് നിറഞ്ഞിരിക്കുകയാണ് എന്റെ മനസ്. ജീവിതം തന്നെ പൂര്ണമായൊരു വൃത്തം പോലെ തോന്നുകയാണ്. എന്നെ സ്നേഹിക്കുകയും, എനിക്കായി പ്രാര്ഥിക്കുകയും ചെയ്യുന്ന എല്ലാവരും ഇതും ഏറ്റെടുക്കുമെന്ന് കരുതുന്നു. -ലിസി
