ഹോ​സ്റ്റ​ൽ കെ​ട്ടി​ട​ത്തി​ൽ നി​ന്നു വീ​ണ ന​ഴ്സിം​ഗ് വി​ദ്യാ​ർ​ഥി​നി​യു​ടെ നി​ല ഗു​രു​ത​ര​മാ​യി തു​ട​രു​ന്നു;   ആശുപത്രിയിലെ മൊഴിയിൽ സീനിയർ വിദ്യാർഥികളുടെ റാംഗിംഗ് എന്ന് സൂചന

പ​ന്ത​ളം: ഹോ​സ്റ്റ​ൽ കെ​ട്ടി​ട​ത്തി​ന്‍റെ മൂ​ന്നാം നി​ല​യി​ൽ നി​ന്നും വീ​ണ് ഗു​രു​ത​ര​മാ​യി പ​രി​ക്കേ​റ്റ ന​ഴ്സിം​ഗ് വി​ദ്യാ​ർ​ഥി​നി​യു​ടെ ന​ട്ടെ​ല്ലി​ന്‍റെ ശ​സ്ത്ര​ക്രി​യ പൂ​ർ​ത്തി​യാ​യി. പ​ന്ത​ളം ചി​ത്രാ ന​ഴ്സിം​ഗ് സ്കൂ​ളി​ലെ ഒ​ന്നാം വ​ർ​ഷ ബി​എ​സ്സി ന​ഴ്സിം​ഗ് വി​ദ്യാ​ർ​ഥി​നി​യാ​യ ച​ങ്ങ​നാ​ശേ​രി ചെ​ളി​യ​നാ​ട് കു​ന്നം​കേ​രി കാ​രും​വേ​ലി​ൽ സ്നേ​ഹ​ തോ​മ​സി​നാ​ണ്(18) ശ​സ്ത്ര​ക്രി​യ ന​ട​ത്തി​യ​ത്. തി​രു​വ​ല്ല പു​ഷ്പ​ഗി​രി മെ​ഡി​ക്ക​ൽ കോ​ള​ജി​ലെ തീ​വ്ര​പ​രി​ച​ര​ണ വി​ഭാ​ഗ​ത്തി​ലാ​ണ് സ്നേ​ഹ ചി​കി​ത്സ​യി​ൽ ക​ഴി​യു​ന്ന​ത്. ഇ​രു കാ​ലു​ക​ളു​ടെ​യും പാ​ദ​ങ്ങ​ൾ​ക്കും ശ​സ്ത്ര​ക്രി​യ​യ്ക്ക് ഡോ​ക്ട​ർ​മാ​ർ നി​ർ​ദേ​ശി​ച്ചി​ട്ടു​ണ്ടെ​ങ്കി​ലും മ​ഞ്ഞ​പ്പി​ത്തം ബാ​ധി​ച്ച​തി​നാ​ൽ ഇ​ത് മാ​റ്റി​വ​ച്ചി​രി​ക്കു​ക​യാ​ണ്.

മൂ​ന്നി​ന് രാ​ത്രി ഏ​ഴോ​ടെ​യാ​ണ് സ്നേ​ഹ വീ​ണ് പ​രി​ക്കേ​ൽ​ക്കു​ന്ന​ത്. സ്നേ​ഹ വീ​ണു പ​രി​ക്കേ​റ്റ സം​ഭ​വ​വു​മാ​യി ബ​ന്ധ​പ്പെ​ട്ടു പോ​ലീ​സ് കേ​സെ​ടു​ത്ത് അ​ന്വേ​ഷ​ണം തു​ട​ങ്ങി​യി​ട്ടു​ണ്ട്. റാ​ഗിം​ഗ് നി​രോ​ധ​ന നി​യ​മ​പ്ര​കാ​ര​മാ​ണ് കേ​സ്. സം​ഭ​വ​ത്തെ തു​ട​ർ​ന്ന് മ​ജി​സ്ട്രേ​റ്റ് രേ​ഖ​പ്പെ​ടു​ത്തി​യ ര​ഹ​സ്യ മൊ​ഴി​യി​ലും ഇ​ത് കൂ​ടാ​തെ, പ​ന്ത​ളം പോ​ലീ​സി​ന് ന​ല്കി​യ മൊ​ഴി​യി​ലും റാ​ഗിം​ഗ് സം​ബ​ന്ധി​ച്ച സൂ​ച​ന​ക​ളു​ണ്ടാ​യി​രു​ന്നു. ഇ​തി​ന്‍റെ അ​ടി​സ്ഥാ​ന​ത്തി​ലാ​ണ് സീ​നി​യ​ർ വി​ദ്യാ​ർ​ഥി​നി​ക​ൾ​ക്കെ​തി​രെ പോ​ലീ​സ് കേ​സെ​ടു​ത്ത​ത്.

ഫ്ര​ഷേ​ഴ്സ് ഡേ ​ആ​ച​ര​ണ​ത്തി​ന്‍റെ ഭാ​ഗ​മാ​യു​ള്ള വി​നോ​ദ പ​രി​പാ​ടി​ക​ൾ​ക്ക് സീ​നി​യ​ർ വി​ദ്യാ​ർ​ഥി​നി​ക​ൾ നി​ർ​ബ​ന്ധി​ച്ചി​രു​ന്നെ​ങ്കി​ലും താ​ന​തി​ന് വ​ഴ​ങ്ങി​യി​രു​ന്നി​ല്ലെ​ന്നും ഇ​ത്ത​രം വി​നോ​ദ​ങ്ങ​ൾ​ക്ക് ത​യാ​റാ​വാ​തി​രു​ന്ന​തോ​ടെ ഒ​റ്റ​പ്പെ​ടു​ന്നു​വെ​ന്ന തോ​ന്ന​ലു​ണ്ടാ​യി​രു​ന്നു​വെ​ന്നും മൊ​ഴി​യി​ലു​ണ്ട്.

ബ​ന്ധു​വീ​ട്ടി​ൽ നി​ന്ന് പ​ഠി​ക്കു​ന്ന മ​റ്റൊ​രു കു​ട്ടി​ക്കൊ​പ്പം താ​മ​സം മാ​റ​ണ​മെ​ന്ന് മാ​താ​പി​താ​ക്ക​ളോ​ട് ആ​വ​ശ്യ​പ്പെ​ട്ടി​രു​ന്ന​ത്രെ. 31 ന് ​ഉ​ച്ച​യോ​ടെ മാ​താ​പി​താ​ക്ക​ൾ ഹോ​സ്റ്റ​ലി​ലെ​ത്തി ക​ണ്ടു സം​സാ​രി​ച്ച ശേ​ഷം മ​ട​ങ്ങി. അ​ന്നു വൈ​കു​ന്നേ​രം അ​ഞ്ചോ​ടെ കു​ളി​ക്കാ​നും വ​സ്ത്രം അ​ല​ക്കി വി​രി​ക്കാ​നും മ​റ്റു​മാ​യി മു​ക​ളി​ലെ നി​ല​യി​ലേ​ക്ക് പോ​യി.

പ്ലം​ബിം​ഗ്, വ​യ​റിം​ഗ് സാ​മ​ഗ്രി​ക​ൾ സൂ​ക്ഷി​ച്ചി​രി​ക്കു​ന്ന മു​റി​യി​ലേ​ക്ക് പോ​യി​രു​ന്നെ​ന്നും പി​ന്നീ​ടു​ള്ള​തൊ​ന്നും ഓ​ർ​മ​യി​ല്ലെ​ന്നു​മാ​ണ് മൊ​ഴി. ര​ക്ത​സ​മ്മ​ർ​ദം കു​റ​യു​ന്ന​ത് മൂ​ല​മു​ള്ള അ​സ്വ​സ്ഥ​ത​ക​ൾ അ​നു​ഭ​പ്പെ​ടാ​റു​ണ്ടാ​യി​രു​ന്നെ​ന്നും ഇ​തി​ന് ചി​കി​ത്സ​യി​ലാ​യി​രു​ന്നെ​ന്നും പോ​ലീ​സി​ന് ന​ല്കി​യ മൊ​ഴി​യി​ൽ പ​റ​ഞ്ഞി​രു​ന്നു.

അ​ടൂ​ർ ഡി​വൈ​എ​സ്പി ആ​ർ.​ജോ​സി​ന്‍റെ മേ​ൽ​നോ​ട്ട​ത്തി​ൽ പ​ന്ത​ളം സി​ഐ ഇ.​ഡി.​ബി​ജു​വാ​ണ് അ​ന്വേ​ഷ​ണം ന​ട​ത്തു​ന്ന​ത്. തു​ട​ർ ന​ട​പ​ടി​ക​ളു​ടെ ഭാ​ഗ​മാ​യി പോ​ലീ​സ് സീ​നി​യ​ർ വി​ദ്യാ​ർ​ഥി​നി​ക​ൾ, പ്രി​ൻ​സി​പ്പ​ൽ സി​സ്റ്റ​ർ തോ​മ​സീ​ന എ​ന്നി​വ​രി​ൽ നി​ന്നും പോ​ലീ​സ് മൊ​ഴി​യെ​ടു​ത്തി​രു​ന്നു. ക്രൂ​ര​മാ​യ ത​ര​ത്തി​ലു​ള്ള റാ​ഗിം​ഗ് ന​ട​ന്നി​ട്ടി​ല്ലെ​ന്നാ​ണ് പോ​ലീ​സി​ന്‍റെ അ​നു​മാ​നം. സ്നേ​ഹ​യു​ടെ മൊ​ഴി​യി​ൽ സീ​നി​യ​ർ വി​ദ്യാ​ർ​ഥി​നി​ക​ളെ​ന്നു മാ​ത്ര​മാ​ണ് പ​രാ​മ​ർ​ശം. എ​ന്നാ​ൽ, ഇ​വ​ർ ആ​രൊ​ക്കെ​യെ​ന്ന് ക​ണ്ടെ​ത്താ​നാ​ണ് സീ​നി​യ​ർ വി​ദ്യാ​ർ​ഥി​നി​ക​ളു​ടെ മൊ​ഴി​യെ​ടു​ത്ത​തെ​ന്ന് പോ​ലീ​സ് അ​റി​യി​ച്ചു.