നാ​ട്ടു​കാ​ർ സ്നേ​ഹ​പൂ​ർ​വം വിളിച്ചു, ര​ക്ഷ​ക​ൻ ഗോ​പി! റോ​ഡ​പ​ക​ട​മോ? പേ​ടി​ക്ക​ണ്ട…​ര​ക്ഷ​ക​നാ​യി ഗോ​പി വി​ളി​പ്പു​റ​ത്തു​ണ്ട്; ഗോ​പി കാ​ർ​ക്ക​ശ്യ​ക്കാ​ര​നാകുന്നത്  ഒറ്റക്കാര്യത്തിൽ മാത്രം…

ഒ​റ്റ​പ്പാ​ലം: റോ​ഡ​പ​ക​ട​മോ. പേ​ടി​ക്ക​ണ്ട…​ര​ക്ഷ​ക​നാ​യി ഗോ​പി വി​ളി​പ്പു​റ​ത്തു​ണ്ട്. ല​ക്കി​ടി മു​ള​ഞ്ഞു​ർ സ്വ​ദേ​ശി​യാ​യ ഓ​ട്ടോ​ഡ്രൈ​വ​റാ​ണ് ഗോ​പി എ​ന്ന ഗോ​പാ​ല​കൃ​ഷ്ണ​ൻ.

റോ​ഡ​പ​ക​ട​ങ്ങ​ളി​ൽ അ​ക​പ്പെ​ടു​ന്ന​വ​രേ​യും അ​ത്യാ​പ​ത്തി​ൽ അ​ക​പ്പെ​ടു​ന്ന​വ​രേ​യും ര​ക്ഷ​പ്പെ​ടു​ത്തു​ക​യെ​ന്ന ദൗ​ത്യം സ്വ​യം ഏ​റ്റെ​ടു​ത്തി​ട്ടു​ള്ള ഈ ​യു​വാ​വി​ന് നാ​ട്ടു​കാ​ർ സ്നേ​ഹ​പൂ​ർ​വം ന​ൽ​കി​യ പേ​രാ​ണ് ര​ക്ഷ​ക​ൻ ഗോ​പി.

ഇ​തി​ന​കം അ​പ​ക​ട​ങ്ങ​ളി​ൽ​പ്പെ​ട്ട ഇ​രു​ന്നൂ​റി​ന​ടു​ത്ത് ആ​ളു​ക​ളെ ഗോ​പി ആ​ശു​പ​ത്രി​യി​ൽ എ​ത്തി​ച്ചി​ട്ടു​ണ്ട്. ഇ​തി​ല​ധി​ക​വും റോ​ഡ​പ​ക​ട​ങ്ങ​ളി​ൽ​പ്പെ​ട്ട​വ​രാ​ണ്.

അ​ത്യാ​ഹി​തം ന​ട​ന്ന​താ​യി വി​വ​രം ല​ഭി​ച്ചാ​ലു​ട​ൻ ഗോ​പി സം​ഭ​വ​സ്ഥ​ല​ത്ത് പാ​ഞ്ഞെ​ത്തും. ജീ​വ​നു​വേ​ണ്ടി മ​ര​ണ​ത്തോ​ട് മ​ല്ല​ടി​ക്കു​ന്ന മ​നു​ഷ്യ ജീ​വ​ൻ ആ​രു​ടെ​തു​മാ​വ​ട്ടെ ര​ക്ത​ത്തി​ൽ പി​ട​യു​ന്ന ആ ​ശ​രീ​ര​ത്തെ നെ​ഞ്ചോ​ട് ചേ​ർ​ത്ത് ആ​ശു​പ​ത്രി​യി​ലാ​ക്കാ​ൻ ഗോ​പി​യു​ടെ ഓ​ട്ടോ കു​തി​ച്ചു​പാ​യും.

റോ​ഡ​പ​ക​ട​ങ്ങ​ൾ ഉ​ണ്ടാ​യാ​ൽ ഗോ​പി​യു​ടെ മൊ​ബൈ​ലി​ലേ​ക്ക് ഉ​ട​നേ വി​ളി​യ​ത്തും. ചി​ല​പ്പോ​ൾ വ​ണ്ടി​യി​ൽ യാ​ത്ര​ക്കാ​രു​ണ്ടാ​കും. അ​വ​രെ അ​ടു​ത്തു​ള്ള സ്റ്റോ​പ്പി​ൽ ഇ​റ​ക്കി കാ​ര്യ​ങ്ങ​ൾ പ​റ​ഞ്ഞ് ബോ​ധ്യ​പ്പെ​ടു​ത്തി ഗോ​പി സം​ഭ​വ​സ്ഥ​ല​ത്തെ​ത്തും.

ജീ​വ​ൻ ര​ക്ഷി​ച്ച വ​ക​യി​ലും യ​ഥാ​സ​മ​യം വി​ല​പ്പെ​ട്ട മ​നു​ഷ്യ ജീ​വ​ൻ ര​ക്ഷി​ക്കാ​ൻ സന്മന​സ് കാ​ട്ടി​യ​തു ക​ണ​ക്കി​ലെ​ടു​ത്തും പ​ല​രും പ​ല​ത​വ​ണ ഗോ​പി​ക്ക് പാ​രി​തോ​ഷി​ക​ങ്ങ​ളും പ​ണ​വും സ​മ്മാ​നി​ക്കാ​ൻ മു​തി​ർ​ന്നി​ട്ടു​ണ്ട്.

എ​ന്നാ​ൽ ഇ​വി​ടെ മാ​ത്രം ഗോ​പി കാ​ർ​ക്ക​ശ്യ​ക്കാ​ര​നാ​കും. പ​ണം പ്ര​തീ​ക്ഷി​ച്ച​ല്ല താ​നി​ത് ചെ​യ്യു​ന്ന​തെ​ന്ന് മു​ഖ​ത്തു​നോ​ക്കി വെ​ട്ടി​തു​റ​ന്ന് പ​റ​യും. കേ​ൾ​ക്കു​ന്ന​യാ​ൾ​ക്ക് എ​ന്തു​തോ​ന്നി​യാ​ലും ത​നി​ക്കൊ​രു ചു​ക്കു​മി​ല്ലെ​ന്നാ​ണ് ഗോ​പി​യു​ടെ മ​റു​പ​ടി.

ആ​ശു​പ​ത്രി​യി​ലെ​ത്താ​ത്ത​തു​മൂ​ലം ഒ​രു മ​നു​ഷ്യ​ജീ​വ​നും പൊ​ലി​യ​രു​തെ​ന്ന് ഗോ​പി​ക്ക് നി​ർ​ബ​ന്ധ​ബു​ദ്ധി​യു​ണ്ട്. ത​ന്‍റെ ഒ​രു പ​തി​റ്റാ​ണ്ടി​ലെ​ത്തു​ന്ന ര​ക്ഷാ​പ്ര​വ​ർ​ത്ത​ന​ക​ൾ​ക്കി​ടെ​യി​ൽ ആ​ശു​പ​ത്രി​യി​ലെ​ത്തി​ച്ച വി​ല​പ്പെ​ട്ട എ​ട്ടു​ജീ​വ​നു​ക​ൾ പൊ​ലി​ഞ്ഞ​ത് ഗോ​പി​ക്ക് തീ​രാ​ത്ത വേ​ദ​ന​യാ​ണ്.

സ്വ​ന്തം ജീ​വി​താ​നു​ഭ​വ​മാ​ണ് ഗോ​പി​യെ ര​ക്ഷാ​പ്ര​വ​ർ​ത്ത​ക​നാ​ക്കി മാ​റ്റി​യ​ത്. മെ​ക്കാ​നി​ക് ജോ​ലി​ക്കാ​ര​നാ​യി​രു​ന്ന ഗോ​പി സ്പേ​യ​ർ​പാ​ർ​ട്സ് വാ​ങ്ങി​ക്കു​ന്ന​തി​നു

ബൈ​ക്കി​ൽ സ​ഞ്ച​രി​ക്ക​വേ കാ​റി​ടി​ച്ച് ഗു​രു​ത​ര​മാ​യി പ​രി​ക്കേ​റ്റ് റോ​ഡി​ൽ കി​ട​ന്ന ഗോ​പി​യെ തി​രി​ഞ്ഞു​നോ​ക്കാ​ൻ ആ​രു​മു​ണ്ടാ​യി​ല്ല. അ​ന്ന് പാ​ല​ക്കാ​ട് സ്വ​ദേ​ശി​യാ​യ സു​രേ​ഷ് എ​ന്ന യു​വാ​വാ​ണ് ഗോ​പി​ക്ക് ര​ക്ഷ​ക​നാ​യ​ത്.

കാ​ഴ്ച്ച​ക്കാ​രാ​യി കൂ​ട്ടം​കൂ​ടി നി​ന്ന​വ​ർ നി​ഷ്ക്രി​യ​രാ​യി ഒ​ഴി​ഞ്ഞ് മാ​റി​യ​പ്പോ​ൾ മ​ടി​കൂ​ടാ​തെ വ​ഴി​യാ​ത്ര​ക്കാ​ര​നാ​യ സു​രേ​ഷ് എ​ന്ന യു​വാ​വ് ഗോ​പി​യെ ആ​ശു​പ​ത്രി​യി​ലെ​ത്തി​ച്ച് ജീ​വ​ൻ ര​ക്ഷി​ച്ചു. അ​ന്ന് ആ​ശു​പ​ത്രി കി​ട​ക്ക​യി​ൽ ഗോ​പി​യൊ​രു പ്ര​തി​ജ്ഞ​യെ​ടു​ത്തു.

ആ ​ശ​പ​ഥ​മാ​ണ് ഗോ​പി​യി​ലെ ര​ക്ഷ​ക​നെ ഉ​ണ​ർ​ത്തി​യ​ത്. അ​ന്ന് തു​ട​ങ്ങി​യ ര​ക്ഷാ​പ്ര​വ​ർ​ത്ത​ന​ങ്ങ​ൾ ഇ​ന്നും ഗോ​പി തു​ട​രു​ന്ന​ത് ആ​രി​ൽ​നി​ന്നും ഒ​ന്നും പ്ര​തീ​ക്ഷി​ക്കാ​തെ ത​ന്നെ​യാ​ണ്.

ഗോ​പി​യി​ലെ മ​നു​ഷ്യ​സ്നേ​ഹി​യെ തി​രി​ച്ച​റി​ഞ്ഞ് മു​ൻ ഒ​റ്റ​പ്പാ​ലം എ​സ്ഐ​യാ​യി​രു​ന്ന എം.​ശ​ശി​ധ​ര​നാ​ണ് ആ​ദ്യ​മാ​യി ഗോ​പി​യെ അ​നു​മോ​ദി​ച്ചും പാ​രി​തോ​ഷി​ക​മാ​യി ആ​യി​രം രൂ​പ സ​മ്മാ​നി​ച്ച​തും.

സ​ർ​ക്കാ​ർ പ​ണ​മാ​യ​തു​കൊ​ണ്ട് മാ​ത്രം നി​ർ​ബ​ന്ധ​ത്തി​ന് വ​ഴ​ങ്ങി ഗോ​പി അ​ത് സ്വീ​ക​രി​ച്ചു. രാ​ത്രി​യി​ൽ വ​ഴി​യി​ൽ ഒ​റ്റ​പ്പെ​ട്ടു പോ​കു​ന്ന സ്ത്രി​ക​ൾ​ക്കും ഗോ​പി​യെ ധൈ​ര്യ​മാ​യി വി​ളി​ക്കാം. സ്ത്രീ ​സൗ​ഹൃ​ദ ഓ​ട്ടോ​റി​ക്ഷ​യാ​ണ് ഗോ​പി​യു​ടേ​ത്.

കൈ​യി​ൽ​നി​ന്നും സ്വ​ന്തം പ​ണം മു​ട​ക്കി​യാ​ണ് ഗോ​പി അ​പ​ക​ട​ത്തി​ൽ​പ്പെ​ടു​ന്ന​വ​രെ ആ​ശു​പ​ത്രി​യി​ലെ​ത്തി​ക്കു​ന്ന​തും പ്രാ​ഥ​മി​ക ശു​ശ്രൂ​ഷ​ക​ൾ​ക്കാ​വ​ശ്യ​മാ​യ ചെ​ല​വു​ക​ൾ വ​ഹി​ക്കു​ന്ന​തും. അ​പ​ക​ട​ത്തി​ൽ​പ്പെ​ട്ട​വ​രെ ആ​ശു​പ​ത്രി​യി​ലെ​ത്തി​ച്ച​തി​ന്‍റെ പേ​രി​ൽ പ​ല​പ്പോ​ഴും ഗോ​പി​ക്ക് പു​ലി​വാ​ലു പി​ടി​ക്ക​ണ്ടി വ​ന്ന അ​നു​ഭ​വ​ങ്ങ​ളും ഉ​ണ്ടാ​യി​ട്ടു​ണ്ട്.

എ​ന്നാ​ൽ ഈ ​തി​ക്താ​നു​ഭ​വ​ങ്ങ​ളൊ​ന്നും ഗോ​പി​യി​ലെ മ​നു​ഷ്യ​സ്നേ​ഹി​യെ ത​ള​ർ​ത്തി​യി​ല്ല. ജീ​വി​ത​ത്തി​ൽ നന്മമാ​ത്രം ചെ​യ്യാ​ൻ ശ്ര​മി​ക്കു​ന്ന ഗോ​പി​ക്ക് മ​ന​സി​നേ​റ്റ വ​ലി​യൊ​രു മു​റി​വു​ണ്ട്.

വീ​ട്ടു​മു​റ്റ​ത്ത് നി​ർ​ത്തി​യി​ട്ടി​രു​ന്ന ഗോ​പി​യു​ടെ ഉ​പ​ജീ​വ​ന​മാ​ർ​ഗ​മാ​യ ഓ​ട്ടോ​റി​ക്ഷ ചി​ല​ർ ചേ​ർ​ന്ന് രാ​ത്രി​യി​ൽ ക​ത്തി​ച്ചു. ഗോ​പി​യു​ടെ പ​രാ​തി​യി​ൽ അ​ന്വേ​ഷ​ണം ന​ട​ന്നെ​ങ്കി​ലും പ്ര​തി​ക​ളെ പി​ടി​കൂ​ടി​യി​ല്ല.

ഭാ​ര്യ സ​രി​ത​യും മ​ക്ക​ളാ​യ ഗോ​കു​ൽ കൃ​ഷ്ണ, ഘോ​ഷ് കൃ​ഷ്ണ എ​ന്നി​വ​ർ പൂ​ർ​ണ പി​ന്തു​ണ​യാ​ണ് ഗോ​പി​ക്ക് ന​ല്കി​വ​രു​ന്ന​ത്.