മാഹി: കളിക്കുന്നതിനിടെ അലുമിനിയം പാത്രം തലയിൽ കുടുങ്ങിയ രണ്ടു വയസുകാരനെ മാഹി അഗ്നിശമനസേന സുരക്ഷിതമായി പാത്രം മുറിച്ച് രക്ഷപ്പെടുത്തി.
ചാലക്കര പൊന്തയാട്ട് റോഡിലെ ബൈത്തൽ ബറാക്കയിലെ ഷാഹുലിന്റെ മകൻ രണ്ടു വയസുകാരൻ അർഹാമിന്റെ തലയിലാണ് അലുമിനിയം പാത്രം കുടുങ്ങിയത്.
വീട്ടുകാർ പല വിധത്തിൽ ശ്രമിച്ചെങ്കിലും പാത്രം ഊരിയെടുക്കാൻ കഴിയാത്തതിനെ തുടർന്ന് ഉടൻ തന്നെ കുട്ടിയുമായി രക്ഷിതാക്കൾ ഫയർ സ്റ്റേഷനിൽ എത്തുകയായിരുന്നു. സ്റ്റേഷൻ ഓഫിസർ രതീഷ് കുമാർ, ടി. സുരേന്ദ്രൻ, ലീഡിംഗ് ഫയർമാൻ വി. ബിജു എന്നിവരുടെ നേതൃത്വത്തിൽ കട്ടർ ഉപയോഗിച്ച് സുരക്ഷിതമായി പാത്രം കഴുത്തിൽ നിന്ന് മുറിച്ച് മാറ്റി രക്ഷപ്പെടുത്തുകയായിരുന്നു.
