2001 സെപ്റ്റംബർ 11ലെ ഭീകരാക്രമണത്തിൽ ജീവൻ പൊലിഞ്ഞ 2,977 മനുഷ്യർക്ക് ആദരമർപ്പിച്ച് ന്യൂയോർക്ക് ഹാർബറിൽ വിസ്മയകരമായ ഡ്രോൺ പ്രദർശനം സംഘടിപ്പിച്ചു. ആക്രമണത്തിന്റെ 25-ാം വാർഷികത്തിന് മുന്നോടിയായി ബുധനാഴ്ച രാത്രിയിലാണ് ആയിരക്കണക്കിന് പ്രകാശ ഡ്രോണുകൾ ആകാശത്തുയർന്ന് ലോക വ്യാപാര കേന്ദ്രത്തിന്റെ ഇരട്ട ഗോപുരങ്ങളുടെ മാതൃക പുനഃസൃഷ്ടിച്ചത്.
“2,977 ലൈറ്റ്സ് ഓവർ ന്യൂയോർക്ക് ഹാർബർ” എന്ന് പേരിട്ടിരിക്കുന്ന ഈ ദൃശ്യാവിഷ്കാരത്തിൽ, ദുരന്തത്തിൽ കൊല്ലപ്പെട്ട ഓരോ വ്യക്തിയെയും പ്രതിനിധീകരിച്ചാണ് 2,977 ഡ്രോണുകൾ ഉപയോഗിച്ചത്.
‘സ്കൈ എലമെന്റസ്’ ഒരുക്കിയ ഈ ഡ്രോൺ ഷോ, ദുരന്തത്തിൽ രക്ഷപ്പെട്ടവർ, കൊല്ലപ്പെട്ടവരുടെ കുടുംബാംഗങ്ങൾ, ആദ്യ പ്രതികരണ സേനാംഗങ്ങൾ എന്നിവരടങ്ങുന്ന 9/11 കൂട്ടായ്മയുടെ സഹകരണത്തോടെയാണ് നിർമിച്ചത്.
ഫയർഫൈറ്റർ ആർട്ടിസ്റ്റുമായ ബ്രെൻഡ ബെർക്ക്മാൻ, രക്ഷാപ്രവർത്തകനായിരുന്ന ടിം ബ്രൗൺ, ‘9/11 ഫാമിലീസ് യുണൈറ്റഡ്’ പ്രസിഡന്റ് ടെറി സ്ട്രാഡ, കൊല്ലപ്പെട്ട പോലീസ് ഉദ്യോഗസ്ഥ മൊയ്റ സ്മിത്തിന്റെ ഭർത്താവ് ജിം സ്മിത്ത് തുടങ്ങിയവർ നിർമാണത്തിൽ പങ്കാളികളായി.
ഓർമ്മപ്പെടുത്തലും നവീകരണവും ലക്ഷ്യമിട്ട് ഒരുക്കിയ ഈ സൗജന്യ പൊതു കലാപ്രദർശനം, ദുരന്തം നടന്ന് കാൽ നൂറ്റാണ്ട് തികയുന്ന വേളയിൽ ആഗോളതലത്തിൽ വലിയ ശ്രദ്ധ നേടി.
The tribute was d
