വ​ട​ക്ക​ഞ്ചേ​രി- മ​ണ്ണൂ​ത്തി ദേ​ശീ​യ​പാ​ത​ റോഡിന്‍റെ ശോച്യാവസ്ഥ; സി​പി​എം ദേ​ശീ​യ​പാ​ത ഉ​പ​രോ​ധി​ച്ചു

വ​ട​ക്ക​ഞ്ചേ​രി: മു​ട​ങ്ങി​ക്കി​ട​ക്കു​ന്ന വ​ട​ക്ക​ഞ്ചേ​രി- മ​ണ്ണൂ​ത്തി ദേ​ശീ​യ​പാ​ത​യു​ടെ നി​ർ​മ്മാ​ണം ആ​രം​ഭി​ച്ച് ഗ​താ​ഗ​തം സു​ഗ​മ​മാ​ക്ക​ണ​മെ​ന്നാ​വ​ശ്യ​പ്പെ​ട്ട് സി​പി​എം വ​ട​ക്ക​ഞ്ചേ​രി ഏ​രി​യാ ക​മ്മി​റ്റി​യു​ടെ നേ​തൃ​ത്വ​ത്തി​ൽ ദേ​ശീ​യ​പാ​ത ഉ​പ​രോ​ധി​ച്ചു. ഇ​ന്ന് രാ​വി​ലെ വ​ട​ക്ക​ഞ്ചേ​രി റോ​യ​ൽ ജം​ഗ്ഷ​നി​ൽ ന​ട​ന്ന ഉ​പ​രോ​ധ​സ​മ​രം സി​പി​എം ജി​ല്ലാ സെ​ക്ര​ട്ട​റി സി. ​കെ രാ​ജേ​ന്ദ്ര​ൻ ഉ​ദ്ഘാ​ട​നം ചെ​യ്തു.

ആ​ല​ത്തൂ​ർ ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്‍റ് സി. ​കെ ചാ​മു​ണ്ണി, മു​ൻ എം​എ​ൽ​എ സി.​ടി. കൃ​ഷ്ണ​ൻ, ഏ​രി​യ സെ​ക്ര​ട്ട​റി കെ.​ബാ​ല​ൻ തു​ട​ങ്ങി​യ​വ​ർ പ്ര​സം​ഗി​ച്ചു. വ​ട​ക്ക​ഞ്ചേ​രി – മ​ണ്ണു​ത്തി നി​ർ​മ്മാ​ണം ആ​രം​ഭി​ച്ച് വ​ർ​ഷ​ങ്ങ​ൾ ക​ഴി​ഞ്ഞി​ട്ടും ഇ​ന്നും യാ​ത്രാ ദു​രി​തം തു​ട​രു​ക​യാ​ണ്.

ദേ​ശീ​യ​പാ​ത​യു​ടെ​യും കു​തി​രാ​നി​ൽ നി​ർ​മ്മി​ക്കു​ന്ന ഇ​ര​ട്ട​ക്കു​ഴ​ൽ തു​ര​ങ്ക​ത്തി​ന്‍റെ​യും നി​ർ​മ്മാ​ണം നി​ല​ച്ചി​ട്ട് ഒ​ന്ന​ര​വ​ർ​ഷം പി​ന്നി​ട്ട് ക​ഴി​ഞ്ഞു. ദേ​ശീ​യ​പാ​ത ക​രാ​റെ​ടു​ത്തി​രി​ക്കു​ന്ന കെഎം​സി ക​ന്പ​നി​യും, ദേ​ശീ​യ​പാ​താ അ​ഥോ​റി​റ്റി​യും ത​മ്മി​ലു​ള്ള ഒ​ത്തു​ക​ളി​യാ​ണ് നി​ർ​മ്മാ​ണം നി​ല​യ്ക്കാ​ൻ കാ​ര​ണ​മെ​ന്ന് സ​മ​ര​ക്കാ​ർ ആ​രോ​പി​ച്ചു. ക​രാ​ർ ക​ന്പ​നി മൂ​ന്ന് ത​വ​ണ ക​രാ​ർ ലം​ഘ​നം ന​ട​ത്തി​യി​ട്ടും ക​ന്പ​നി​ക്കെ​തി​രെ ന​ട​പ​ടി സ്വീ​ക​രി​ക്കാ​ൻ കേ​ന്ദ്ര​സ​ർ​ക്കാ​രോ, ദേ​ശീ​യ​പാ​താ അ​ഥോ​റി​റ്റി​യോ ത​യ്യാ​റാ​വു​ന്നി​ല്ല.

ദേ​ശീ​യ​പാ​ത​യി​ൽ രൂ​പം കൊ​ണ്ടി​ട്ടു​ള്ള വ​ൻ​കു​ഴി​ക​ൾ ഇ​പ്പോ​ൾ ജ​ന​ങ്ങ​ളു​ടെ ജീ​വ​നും സ്വ​ത്തി​നും ഭീ​ഷ​ണി​യാ​യി​രി​ക്കു​യാ​ണ്. കു​തി​രാ​നി​ലെ റോ​ഡ് ത​ക​ർ​ച്ച​യെ തു​ട​ർ​ന്ന് ഗ​താ​ഗ​ത​ക്കു​രു​ക്ക് പ​തി​വാ​യി. പ​തി​നാ​യി​ര​ക​ണ​ക്കി​ന് യാ​ത്ര​ക്കാ​രാ​ണ് ഇ​തു​മൂ​ലം പെ​രു​വ​ഴി​യി​ലാ​കു​ന്ന​ത്. ഈ ​സാ​ഹ​ച​ര്യ​ത്തി​ലാ​ണ് സി​പി​എം സ​മ​ര​വു​മാ​യി രം​ഗ​ത്ത് വ​രു​ന്ന​ത്. പ്ര​ശ്ന​ത്തി​ന് ഉ​ട​ൻ പ​രി​ഹാ​രം ക​ണ്ടി​ല്ലെ​ങ്കി​ൽ ശ​ക്ത​മാ​യ സ​മ​ര​ത്തി​ന് നേ​തൃ​ത്വം കൊ​ടു​ക്കാ​നാ​ണ് സി​പി​എം തീ​രു​മാ​നം.