‘ചന്ദ്രൻപിള്ള വലിയ വിഷമത്തിലാണ്..! 33 വർഷം കൂടെയുണ്ടായിരുന്ന സന്തത സഹചാരിയെ കള്ളൻ കൊണ്ടുപോയി;  തിരിച്ചു കിട്ടുമെന്ന പ്രതീക്ഷയിൽ കാത്തിരിക്കുന്നു

എ​രു​മേ​ലി: മുപ്പ​ത്തി​മൂ​ന്ന് വ​ർ​ഷ​മാ​യി സ​ന്ത​ത സ​ഹ​ചാ​രി ആ​യി​രു​ന്ന പ്രി​യ​പ്പെ​ട്ട സൈ​ക്കി​ൾ മോ​ഷ​ണം പോ​യ​തി​ന്‍റെ വി​ഷ​മ​ത്തി​ലാ​ണ് ച​ന്ദ്ര​ൻ​പി​ള്ള.

എ​രു​മേ​ലി​ക്ക​ടു​ത്ത് വി​ഴി​ക്ക​ത്തോ​ട് ശ്രീ ​വി​ലാ​സം ഹോ​ട്ട​ൽ ന​ട​ത്തു​ന്ന വ​യോ​ധി​ക​നാ​യ ച​ന്ദ്ര​ൻ​പി​ള്ള​യു​ടെ പ്രി​യ​പ്പെ​ട്ട​താ​യി​രു​ന്നു ത​ന്‍റെ പ​കു​തി പ്രാ​യ​മു​ള്ള പ​ഴ​യ സൈ​ക്കി​ൾ. 66കാ​ര​നാ​യ ച​ന്ദ്ര​ൻ​പി​ള്ള ക​ഴി​ഞ്ഞ 33 വ​ർ​ഷ​മാ​യി ആ ​സൈ​ക്കി​ളി​ലാ​ണ് എ​ന്നും യാ​ത്ര ചെ​യ്തി​രു​ന്ന​ത്.

ഹോ​ട്ട​ലി​ലേ​ക്ക് വെ​ള്ളം, വി​റ​ക്, പ​ല​വ്യ​ഞ്ജ​ന സാ​ധ​ന​ങ്ങ​ൾ തു​ട​ങ്ങി​യ​വ​യെ​ല്ലാം സൈ​ക്കി​ളി​ലാ​ണ് ച​ന്ദ്ര​ൻ​പി​ള്ള കൊ​ണ്ടു​വ​രി​ക.വ​ലി​യ വി​റ​ക് ത​ടി സൈ​ക്കി​ളി​ൽ കെ​ട്ടി വെ​ച്ചി​ട്ട് മ​റ്റൊ​രു വി​റ​ക് ക​ഷ​ണം കൈ​യി​ൽ പി​ടി​ച്ച് സൈ​ക്കി​ൾ ച​വി​ട്ടി വ​രു​ന്ന ച​ന്ദ്ര​ൻ​പി​ള്ള സാ​യാ​ഹ്ന​ങ്ങ​ളി​ലെ പ​തി​വ് കാ​ഴ്ച​യാ​ണ്.

ചൊ​വ്വാ​ഴ്ച സൈ​ക്കി​ളു​മാ​യി വി​റ​ക് ശേ​ഖ​രി​ക്കാ​ൻ പോ​യ​പ്പോ​ഴാ​ണ് മോ​ഷ​ണം ന​ട​ന്ന​തെ​ന്ന് ച​ന്ദ്ര​ൻ​പി​ള്ള പ​റ​ഞ്ഞു. സൈ​ക്കി​ൾ റോ​ഡ​രി​കി​ൽ വെ​ച്ച ശേ​ഷം പ​റ​മ്പി​ൽ നി​ന്ന് വി​റ​കു​ക​ൾ എ​ടു​ത്തു കൊ​ണ്ടു​വ​ന്ന​പ്പോ​ൾ സൈ​ക്കി​ൾ കാ​ണാ​നി​ല്ല.

പ​ല​യി​ട​ത്തും തെ​ര​ഞ്ഞു നി​രാ​ശ​യി​ലും സ​ങ്ക​ട​ത്തി​ലു​മാ​യ ച​ന്ദ്ര​ൻ​പി​ള്ള​യെ ആ​ശ്വ​സി​പ്പി​ച്ച് നാ​ട്ടു​കാ​രും തെ​ര​ച്ചി​ൽ ന​ട​ത്തി​യെ​ങ്കി​ലും ഫ​ല​മു​ണ്ടാ​യി​ല്ല. ആ​ക്രി പെ​റു​ക്കു​കാ​ർ സൈ​ക്കി​ൾ ക​വ​ർ​ന്ന​താ​കാ​മെ​ന്ന് സം​ശ​യ​മു​ണ്ട്.

ഒ​ട്ടേ​റെ പ​തി​വു​കാ​ർ ഭ​ക്ഷ​ണം ക​ഴി​ക്കാ​നെ​ത്തു​ന്ന ഇ​ടം കൂ​ടി​യാ​ണ് ശ്രീ ​വി​ലാ​സം ഹോ​ട്ട​ൽ. ഷ​ർ​ട്ട് ധ​രി​ക്കാ​റി​ല്ല ച​ന്ദ്ര​ൻ​പി​ള്ള. പ​ക​രം ഒ​രു തോ​ർ​ത്ത് തോ​ളി​ലി​ടും.

ഈ ​വേ​ഷ​ത്തി​ലാ​യി​രു​ന്നു ച​ന്ദ്ര​ൻ​പി​ള്ള​യു​ടെ സൈ​ക്കി​ൾ യാ​ത്ര​യും. സൈ​ക്കി​ൾ മോ​ഷ​ണം പോ​യ സം​ഭ​വ​ത്തി​ല്‍ കാ​ഞ്ഞി​ര​പ്പ​ള്ളി പോ​ലീ​സി​ല്‍ പ​രാ​തി ന​ല്‍​കി​യി​ട്ടു​ണ്ട്.