വിലകേട്ടാലും അരിഞ്ഞാലും കണ്ണ് നിറച്ച് ഉള്ളിയും സവോളയും; വിലക്കയറ്റം ഇനിയും തുടർന്നേക്കുമെന്ന് കച്ചവടക്കാർ

കോ​ട്ട​യം: ഉ​ള്ളി​യും സ​വോ​ള​യും അ​രി​ഞ്ഞാ​ൽ ക​ണ്ണു​നി​റ​യും. എ​ന്നാ​ൽ ഇ​പ്പോ​ൾ വാ​ങ്ങി​യാ​ലും ക​ര​യും. കാ​ര​ണം വി​ല​യാ​ണ്.റോ​ക്ക​റ്റു പോ​ലെ കു​തി​ച്ചു​യ​ർ​ന്ന സ​വോ​ള-​ഉ​ള്ളി വി​ല ര​ണ്ടാ​ഴ്ച കൂ​ടി ഉ​യ​ർ​ന്നു നി​ൽ​ക്കു​മെ​ന്നാ​ണ് സൂ​ച​ന.

ഇ​ന്ന​ലെ​കോ​ട്ട​യ​ത്ത് സ​വോ​ള വി​ല 90, ഉ​ള്ളി 120.മ​ഹാ​രാ​ഷ്ട്ര​യി​ലെ നാ​സി​ക്, പൂ​ന, നാ​ഗ്പൂ​ർ എ​ന്നി​വി​ട​ങ്ങ​ളി​ൽ​നി​ന്നാ​ണു പ്ര​ധാ​ന​മാ​യും കേ​ര​ള​ത്തി​ൽ സ​വോ​ള എ​ത്തു​ന്ന​ത്. മ​ഴ ശ​ക്ത​മാ​യ​തോ​ടെ ഉ​ത്പാ​ദ​നം കു​റ​ഞ്ഞ​താ​ണു പെ​ട്ടെന്ന് വി​ല ഉ​യ​രാ​ൻ കാ​ര​ണ​മാ​യ​ത്.

വ​ൻ​കി​ട സ്റ്റോ​റു​ക​ളി​ൽ ആ​റു മാ​സം വ​രെ പ​ഴ​ക്ക​മു​ള്ള സ​വോ​ള വ​ലി​യ തോ​തി​ൽ സ്റ്റോ​ക്ക് ചെ​യ്തി​രി​ക്കു​ന്ന​തി​നാ​ലാ​ണ് സ​വോ​ള ഈ ​നി​ര​ക്കി​ലെ​ങ്കി​ലും നി​ൽ​ക്കു​ന്ന​തെ​ന്ന് വ്യാ​പാ​രി​ക​ൾ പ​റ​ഞ്ഞു. സ​വോ​ള സ്റ്റോ​ക്ക് ചെ​യ്യു​ന്ന​തു​പോ​ലെ നീ​ണ്ട കാ​ല​ത്തേ​ക്ക് ഉ​ള്ളി ക​രു​തി വ​യ്ക്കാ​നാ​വി​ല്ല.

ഈ​ജി​പ്തി​ൽ​നി​ന്നും സ​വോ​ള ഇ​റ​ക്കു​മ​തി​ക്ക് നീ​ക്ക​മു​ണ്ടെ​ങ്കി​ലും എ​ത്താ​ൻ ര​ണ്ടാ​ഴ്ച​യി​ലേ​റെ വൈ​കും. ഈ​ജി​പ്ഷ്യ​ൻ സ​വോ​ള​യു​ടെ രു​ചി​ഭേ​ദം ഇ​വി​ടെ ഏ​റെ താ​ൽ​പ​ര്യ​മി​ല്ല.

ഉ​ള്ളി ഇ​റ​ക്കു​മ​തി​യി​ൽ താ​മ​സം നേ​രി​ട്ടാ​ൽ വി​ല ഇ​നി​യും ഉ​യ​രു​മെ​ന്നാ​ണ് വ്യാ​പാ​രി​ക​ൾ പ​റ​യു​ന്ന​ത്. ട​ർ​ക്കി​യി​ൽ​നി​ന്നും ഇ​റാ​നി​ൽ​നി​ന്നു​മാ​ണ് ഉ​ള്ളി ഇ​റ​ക്കു​മ​തി പ്ര​തീ​ക്ഷി​ക്കു​ന്ന​ത്.

മ​ഹാ​രാ​ഷ്ട്ര​യ്ക്കു പു​റമേ ക​ർ​ണാ​ട​കം, ത​മി​ഴ്നാ​ട് എ​ന്നി​വി​ട​ങ്ങ​ളി​ലും ഉ​ള്ളി കൃ​ഷി​യു​ണ്ട്. എ​ന്നാ​ൽ മ​ഴ​മൂ​ലം ഇ​വി​ടെ​യും ഉ​ത്പാ​ദ​നം കു​റ​ഞ്ഞു.