പോകുന്നതിന് മുൻപൊരു പണികൂടി..! പോ​ലീ​സ് ആ​സ്ഥാ​ന​ത്ത് പൂ​ഴ്ത്തിവ​ച്ച ഫ​യ​ലു​ക​ൾ ക​ണ്ടെ​ടു​ക്കാ​ൻ മി​ന്ന​ൽ ​പ​രി​ശോ​ധ​ന​യ്ക്കൊ​രു​ങ്ങി ഡി​ജി​പി ടി.​പി.​സെ​ൻ​കു​മാ​ർ

തി​രു​വ​ന​ന്ത​പു​രം: പോ​ലീ​സ് ആ​സ്ഥാ​ന​ത്ത് സം​സ്ഥാ​ന പോ​ലീ​സ് മേ​ധാ​വി​യെ മ​റിക​ട​ന്ന് ന​ട​ത്തു​ന്ന നീ​ക്ക​ങ്ങ​ൾ​ക്കെ​തി​രെ ക​ർ​ശ​ന ന​ട​പ​ടി​ക്കൊ​രു​ങ്ങി ഡി​ജി​പി. ഡോ. ​ടി.​പി.​സെ​ൻ​കു​മാ​ർ. ത​ന്നെ കാ​ണി​ക്കാ​തെ വി​വി​ധ സെ​ക്ഷ​നു​ക​ളി​ൽ പൂ​ഴ്ത്തി വ​ച്ചി​രി​ക്കു​ന്ന  ഫ​യ​ലു​ക​ൾ ക​ണ്ടെ​ത്താ​ൻ ഡിജിപി മി​ന്ന​ൽ പ​രി​ശോ​ധ​ന​ക്കൊ​രു​ങ്ങു​ന്നു.  പോ​ലീ​സ് ആ​സ്ഥാ​ന​ത്ത്  ഭ​ര​ണ വി​ഭാ​ഗം എ​ഡി​ജി​പി ടോ​മി​ൻ ത​ച്ച​ങ്ക​രി ന​ട​ത്തു​ന്ന ഇ​ട​പെ​ട​ലു​ക​ളെ ത​ള്ളി​ക്കൊ​ണ്ടാ​ണ് സെ​ൻ​കു​മാ​റി​ന്‍റെ നീ​ക്കം.

പോ​ലീ​സ് ആ​സ്ഥാ​ന​ത്തെ നി​ല​വി​ലെ സം​ഭ​വ വി​കാ​സ​ങ്ങ​ളി​ൽ  പ​ല ഉ​ന്ന​ത ഉ​ദ്യോ​ഗ​സ്ഥ​ർ​ക്കും ജീ​വ​ന​ക്കാ​ർ​ക്കും  അ​മ​ർ​ഷ​മു​ണ്ട്.     ര​ഹ​സ്യ വി​ഭാ​ഗ​മാ​യ ടി ​സെ​ക്ഷ​നി​ലെ ( ടോ​പ് സീ​ക്ര​ട്ട് വി​ഭാ​ഗം) 30 ഫ​യ​ലു​ക​ൾ അ​ടി​യ​ന്തി​ര​മാ​യി ഹാ​ജ​രാ​ക്കാ​ൻ ഡി​ജി​പി ഇ​ന്ന​ലെ സെ​ക്ഷ​ൻ ഓ​ഫീ​സ​ർ​ക്ക് നി​ർ​ദേ​ശം ന​ൽ​കി . പോ​ലീ​സ് ആ​സ്ഥാ​ന​ത്തെ ടി ​സെ​ക്ഷ​നി​ലെ ഉ​ൾ​പ്പെ​ടെ പ​ല ഫ​യ​ലു​ക​ളും പൂ​ഴ്ത്തി വ​ച്ച​താ​യും താ​ൻ കാ​ണാ​തെ ആ​ഭ്യ​ന്ത​ര​വ​കു​പ്പി​ലേ​ക്ക് പോ​കു​ന്നു​വെ​ന്നും മ​ന​സ്സി​ലാ​ക്കി​യാ​ണ് സെ​ൻ​കു​മാ​റി​ന്‍റെ ന​ട​പ​ടി. ടി.​സെ​ക്ഷ​ന്‍റെ അ​ധി​കാ​രം ഡി​ജി​പി​യു​ടെ കീ​ഴി​ലാ​ണ് എ​ന്നാ​ൽ ഭ​ര​ണ വി​ഭാ​ഗം എ​ഡി​ജി​പി ഈ ​വി​ഭാ​ഗ​ത്തി​ൽ ഇ​ട​പെ​ടു​ന്ന​താ​ണ് സു​പ്ര​ധാ​ന ഫ​യ​ലു​ക​ൾ ത​ന്‍റെ മേ​ശ​പ്പു​റ​ത്ത് വ​രാ​ത്ത​തി​ന് കാ​ര​ണ​മെ​ന്ന് സെ​ൻ​കു​മാ​റി​ന് ബോ​ധ്യ​പ്പെ​ട്ടി​രു​ന്നു.

ടി.​സെ​ക്ഷ​നി​ലെ ജൂ​നി​യ​ർ സൂ​പ്ര​ണ്ട് ഡി​ജി​പി​യു​ടെ നി​ർ​ദേ​ശ​ങ്ങ​ൾ അ​നു​സ​രി​ക്കാ​തെ ആ​ഭ്യ​ന്ത​ര​വ​കു​പ്പി​നെ സ​മീ​പി​ച്ച​ത് ഏ​റെ ദി​വ​സ​ങ്ങ​ളാ​യി ച​ർ​ച്ച​ക​ളി​ൽ നി​റ​ഞ്ഞ് നി​ൽ​ക്കു​ക​യാ​യി​രു​ന്നു. കൂ​ടാ​തെ ടി ​സെ​ക്ഷ​നെ വി​വ​രാ​വാ​കാ​ശ നി​യ​മ​ത്തി​ന്‍റെ പ​രി​ധി​യി​ലാ​ക്കി അ​ദ്ദേ​ഹം ഉ​ത്ത​ര​വി​റ​ക്കി.​യെ​ങ്കി​ലും സെ​ക്ഷ​ന്‍റെ നി​സ​ഹ​ക​ര​ണം ഡി​ജി​പി​ക്ക് കോ​ട​തി​യി​ൽ സ​മാ​ധാ​നം പ​റ​യേ​ണ്ട സാ​ഹ​ച​ര്യ​ത്തി​ലേ​ക്കാ​ണ് കാ​ര്യ​ങ്ങ​ൾ നീ​ങ്ങു​ന്ന​ത്.

സം​സ്ഥാ​ന പോ​ലീ​സ് മേ​ധാ​വി​യാ​യു​ള്ള ഡി​ജി​പി സെ​ൻ​കു​മാ​റി​ന്‍റെ ര​ണ്ടാം വ​ര​വി​ന് മു​ന്നോ​ടി​യാ​യി  ഭ​ര​ണ വി​ഭാ​ഗം എ​ഡി​ജി​പി ടോ​മി​ൻ ത​ച്ച​ങ്ക​രി ഉ​ദ്യോ​ഗ​സ്ഥ​രു​ടെ പ്ര​ത്യേ​ക യോ​ഗം വി​ളി​ച്ച​ത് മു​ത​ൽ പോ​ലീ​സ് ആ​സ്ഥാ​ന​ത്ത് സ്ഥി​തി​ഗ​തി​ക​ൾ മാ​റി​മ​റി​യു​ക​യാ​യി​രു​ന്നു. സെ​ൻ​കു​മാ​ർ ഇ​റ​ക്കി​യ ഉ​ത്ത​ര​വു​ക​ൾ സ​ർ​ക്കാ​ർ റ​ദ്ദാ​ക്കു​ക​യും ഗ​ണ്‍​മാ​നെ സ്ഥ​ലം മാ​റ്റി​യ​തും എ​ല്ലാം പോ​ലീ​സ് ആ​സ്ഥാ​ന​ത്തെ ചേ​രി​പ്പോ​ര് കൂ​ടു​ത​ൽ രൂ​ക്ഷ​മാ​ക്കു​ക​യാ​യി​രു​ന്നു.

പോ​ലീ​സ് മേ​ധാ​വി ത​ന്നോ​ട് അ​പ​മ​ര്യാ​ദ​യാ​യി പെ​രു​മാ​റി​യെ​ന്നും ഭീ​ഷ​ണി​പ്പെ​ടു​ത്തി​യെ​ന്നും കാ​ട്ടി  ഭ​ര​ണ വി​ഭാ​ഗം എ​ഡി​ജി​പി ടോ​മി​ൻ ജെ ​ത​ച്ച​ങ്ക​രി ചീ​ഫ് സെ​ക്ര​ട്ട​റി​ക്ക് പ​രാ​തി ന​ൽ​കി​യ​തു​മെ​ല്ലാം പോ​ലീ​സ് ആ​സ്ഥാ​ന​ത്തെ പ്ര​വ​ർ​ത്ത​ന​ങ്ങ​ളി​ൽ ക​രി​നി​ഴ​ൽ വീ​ഴ്ത്തി​യി​രി​ക്കു​ക​യാ​ണ്. ത​ച്ച​ങ്ക​രി​യു​ടെ പ​രാ​തി​യി​ൽ സെ​ൻ​കു​മാ​റി​നോ​ട് ആ​ഭ്യ​ന്ത​ര​വ​കു​പ്പ് ഷോ​ക്കോ​സ് നോ​ട്ടീ​സ് ന​ൽ​കി​യി​ട്ടു​ണ്ട്.