കരുനാഗപ്പള്ളി ടൗണിലെ സി​ഗ്ന​ൽ സം​വി​ധാ​നം  വാഹനം ഇടിച്ചു തകർത്തു;   അപകടം നടന്ന് ആഴ്ചകൾ കഴിഞ്ഞിട്ടും നടപടിയെടുക്കാതെ അധികൃതർ

ക​രു​നാ​ഗ​പ്പ​ള്ളി:​ദേ​ശീ​യ പാ​ത​യി​ൽ സി​ഗ്ന​ൽ സം​വി​ധാ​നം വാ​ഹ​ന​മി​ടി​ച്ച് ത​ക​ർ​ന്നു. ഏ​താ​നം ദി​വ​സ​ങ്ങ​ൾ​ക്കു മു​മ്പ് സ്ഥാ​പി​ച്ച സം​വി​ധാ​ന​മാ​ണ് ത​ക​ർ​ന്ന​ത് ടൗ​ണി​ലെ ഗ​താ​ഗ​ത കു​രു​ക്ക് പ​രി​ഹ​രി​ക്കു​ന്ന​തി​നാ​യി ദേ​ശീ​യ​പാ​ത​യി​ൽ ലാ​ലാ​ജി ജം​ഗ്ഷ​നി​ൽ സ്ഥാ​പി​ച്ച സി​ഗ്ന​ൽ സം​വി​ധാ​നം വാ​ഹ​നം ഇ​ടി​ച്ചു ത​ക​ർ​ന്ന​ത്.​ അ​പ​ക​ടം ന​ട​ന്നു് ഒ​രാ​ഴ്ച ക​ഴി​ഞ്ഞി​ട്ടും സി​ഗ്ന​ൽ സം​വി​ധാ​നം ത​ക​ർ​ത്ത വാ​ഹ​നം ക​ണ്ടെ​ത്താ​ൻ ക​ഴി​യാ​ത്ത​തി​നെ തു​ട​ർ​ന്ന് സം​വി​ധാ​നം പു​ന​സ്ഥാ​പി​ക്കു​വാ​നും ക​ഴി​ഞ്ഞി​ട്ടി​ല്ല.’

പോ​ലീ​സ് ഇ​തി​നെ കു​റി​ച്ച് യാ​തൊ​രു വി​ധ അ​ന്വേ​ഷ​ണ​വും ന​ട​ത്തി​യി​ട്ടി​ല്ല എ​ന്നാ​ണ് നാ​ട്ടു​കാ​ർ പ​റ​യു​ന്ന​ത് ലാ​ലാ​ജി ജം​ഗ​ഷ​നി​ൽ സ്ഥാ​പി​ച്ചി​ട്ടു​ള്ള എ​തെ​ങ്കി​ലും ക​ട​യി​ലെ സി​സി​ടി​വി ദൃ​ശ്യ​ങ്ങ​ൾ പ​രി​ശോ​ധി​ച്ചാ​ൽ മ​തി അ​ജ്ഞാത വാ​ഹ​ന​ത്തെ ക​ണ്ടെ​ത്തു​വാ​ൻ .ഏ​റെ നാ​ള​ത്തെ ജ​ന​ങ്ങ​ളു​ടെ കാ​ത്തി​രി​പ്പി​ന് ഒ​ടു​വി​ലാ​ണ് ദേ​ശീ​യ പാ​ത​യി​ലെ പ്ര​ധാ​ന ജം ​ഗ​്ഷ നു​ക​ളി​ൽ സി​ഗ്ന​ൽ സം​വി​ധാ​നം ന​ട​പ്പി​ൽ വ​രു​ത്തി​യ​ത് .ഇ​തി​നാ​ൽ ക​രോ​ട്ട് ജം ​ഗ്​ഷ​ൻ മു​ത​ൽ പു​തി​യ​കാ​വ് വ​രെ അ​പ​ക​ട​ങ്ങ​ളും അ​മി​ത​വേ​ഗ​ത​യി​ലു​ള്ള വാ​ഹ​ന​ങ്ങ​ളു​ടെ ഓ​ട്ട​വും ഒ​രു പ​രി​ധി വ​രെ നി​യ​ന്ത്ര​ണ വി​ധേ​യ​മാ​യി.​

ലാ​ലാ​ജി​യി​ൽ സ്ഥാ​പി​ച്ച സി​ഗ്ന​ൽ ലൈ​റ്റു​ക​ൾ പ്ര​വ​ർ​ത്ത​നം ആ​രം​ഭി​ച്ച നാ​ൾ മു​ത​ൽ കൃ​ത്യ​മാ​യി പ്ര​വ​ർ​ത്തി​പ്പി​ച്ചി​രു​ന്നി​ല്ല. ഇ​തി​നെ​തി​രേ ആ​ക്ഷേ​പ​ങ്ങ​ൾ ഉ​യ​ർ​ന്നിരു​ന്നു. അ​ത്യാ​വ​ശ്യ സാ​ഹചര്യങ്ങ​ളി​ൽ പോ​ലീ​സ്, സി​ഗ്ന​ൽ ബ്ളി​ങ്കിം​ഗി​ംഗ് മോ​ഡി​ലേ​ക്ക് മാ​റ്റു​ന്ന​ത് പി​ന്നീ​ട് പൂ​ർ​വസ്ഥി​തി​യി​ലേ​ക്ക് മാ​റ്റു​ന്നി​ല്ലെന്നും പ​രാ​തി​യു​ണ്ട്.

ദേ​ശീ​യ​പാ​ത അ​ധി​ക്യ​ത​ർ പ​ല​ത​വ​ണ പോ​ലീ​സി​ൽ പ​രാ​തി അ​റി​യി​ച്ചി​ട്ടും യാ​തൊ​രു ന​ട​പ​ടി​യും പോ​ലീ​സ് സ്വീ​ക​രി​ക്കു​ന്നി​ല്ല. ദേ​ശീ​യ​പാ​ത പി ​ഡ​ബ്യു ഡി ​വി​ഭാ​ഗം 27 ല​ക്ഷം രൂ​പ ചെ​ല​വ​ഴി​ച്ചാ​ണ് മൂ​ന്നു കേ​ന്ദ്ര​ങ്ങ​ളി​ൽ സി​ഗ്ന​ൽ സം​വി​ധാ​നം സ്ഥാ​പി​ച്ച​ത്. ലാ​ലാ​ജി ജം​ഗ്ഷ​ൻ കൂ​ടാ​തെ പു​തി​യ​കാ​വ്, ഓ​ച്ചി​റ എ​ന്നി​വി​ട​ങ്ങ​ളി​ലും സി​ഗ്ന​ൽ സം​വി​ധാ​നം സ്ഥാ​പി​ച്ചി​രു​ന്നു.

സോ​ളാ​ർ സം​വി​ധാ​നം ഉ​പ​യോ​ഗി​ച്ചാ​ണ് സി​ഗ്ന​ൽ പ്ര​വ​ർ​ത്തി​ക്കു​ന്ന​ത്. ദേ​ശീ​യ പാ​ത​യി​ൽ നി​ന്നും ഇ​രു​ഭാ​ഗ​ങ്ങ​ളി​ലേ​ക്കും റോ​ഡു​ക​ൾ തി​രി​യു​ന്ന ഭാ​ഗ​ങ്ങ​ളി​ലാ​ണ് സി​ഗ്ന​ൽ സം​വി​ധാ​നം സ്ഥാ​പി​ച്ചി​രി​ക്കു​ന്ന​ത്.​ഇ​തോ​ടെ ഇ​രു​ഭാ​ഗ​ങ്ങ​ളി​ലേ​ക്ക് പോ​കു​ന്ന വാ​ഹ​ന​ങ്ങ​ൾ​ക്ക് യ​ഥേ​ഷ്ടം ക​ട​ന്നു പോ​കു​ന്ന​തി​ന് സി​ഗ്ന​ൽ സം​വി​ധാ​നം സ​ഹാ​യ​ക​മാ​യി​രു​ന്നു.

കെ​ൽ​ട്രോ​ണി​നാ​ണ് 3 വ​ർ​ഷ കാ​ല​ത്തേ​ക്ക് സി​ഗ്ന​ൽ സം​വി​ധാ​ന​ത്തി​ന്‍റെ പ​രി​പാ​ല​ന ചു​മ​ത​ല. വാ​ഹ​ന​മി​ടി​ച്ച് ത​ക​ർ​ന്ന സി​ഗ്ന​ൽ പോ​സ്റ്റ് ന​ന്നാ​ക്കു​ന്ന​തി​ന് 27000 ത്തോ​ളം രൂ​പ ചെ​ല​വ് വ​രു​മെ​ന്നാ​ണ് കെ​ൽ​ട്രോ​ൺ ദേ​ശീ​യ​പാ​ത അ​ധി​കൃ​ത​രെ അ​റി​യി​ച്ചി​രി​ക്കു​ന്ന​ത്. ഇ​ത് അ​പ​ക​ടം വ​രു​ത്തി​യ വാ​ഹ​ന ഉ​ട​മ​യി​ൽ നി​ന്നും ഈ​ടാ​ക്കു​ന്ന​തി​നാ​യി പ്ര​സ്തു​ത വാ​ഹ​നം ഏ​താ​ണെ​ന്ന് ക​ണ്ടു പി​ടി​ച്ചു ന​ൽ​ക​ണ​മെ​ന്നാ​വ​ശ്യ​പ്പെ​ട്ട് കെ​ൽ​ട്രോ​ൺ പോ​ലീ​സ് അ​ധി​കൃ​ത​ർ​ക്ക് ക​ത്ത് ന​ൽ​കി​യി​ട്ടു​ണ്ട്.

ഇ​ത് എ​ത്ര​യും വേ​ഗം ക​ണ്ടെ​ത്തി പ്ര​ശ്നം പ​രി​ഹ​രി​ക്കാ​നാ​കി​ല്ലെ​ങ്കി​ൽ ല​ക്ഷ​ങ്ങ​ൾ മു​ട​ക്കി സ്ഥാ​പി​ച്ച സി​ഗ്ന​ൽ സം​വി​ധാ​നം നോ​ക്കു​കു​ത്തി​യാ​യി മാ​റും.