ലോകം മുഴുവന്‍ ആരാധകരുള്ള നടിയാണ് സണ്ണിലിയോണ്‍. പോണ്‍ നടി എന്ന നിലയില്‍ പ്രശസ്തയായ താരം പിന്നീട് ഇന്‍ഡസ്ട്രി ഉപേക്ഷിച്ച് ബോളിവുഡില്‍ ചേക്കേറുകയായിരുന്നു.
ബോളിവുഡ് കരിയറിന്റെ തുടക്കത്തില്‍ സണ്ണിയ്ക്ക് പല തരത്തിലുള്ള വിമര്‍ശനങ്ങളും അധിക്ഷേപങ്ങളും നേരിടേണ്ടി വന്നിട്ടുണ്ട്.
എന്നാല്‍ തന്റെ കഠിനാധ്വാനത്തിലൂടെ തന്റെ വിമര്‍ശകരെയെല്ലാം സണ്ണി ലിയോണ്‍ ആരാധകരാക്കി മാറ്റി.
തന്റെ ഈ യാത്ര യിലുടനീളം സണ്ണിയ്ക്ക് പിന്തുണയായി കൂടെ ഉണ്ടായിരുന്നത് ഭര്‍ത്താവ് ഡാനിയേല്‍ വെബ്ബര്‍ ആയിരുന്നു.
സണ്ണി ലിയോണിന്റെ ജീവിത കഥ പ്രമേയമാക്കി ഇറങ്ങിയ വെബ് സീരിയസാണ് കരണ്‍ജീത് കൗര്‍ ദ അണ്‍ടോള്‍ഡ് സ്റ്റോറി ഓഫ് സണ്ണി ലിയോണ്‍.
വെബ് സീരിയസിന്റെ അവസാന സീസണില്‍ താന്‍ പൊട്ടിക്കരഞ്ഞ കാര്യം നടി വെളിപ്പെടുത്തിയതാണ് ഇപ്പോള്‍ വൈറലായി മാറുന്നത്.
താന്‍ ജീവിതത്തില്‍ അനുഭവിച്ച പല കാര്യങ്ങളിലേക്കും മടങ്ങി പോകുക എന്നത് പ്രയാസമായിരുന്നു. ഷൂട്ടിംഗിന്റെ ഇടക്ക് ആ ഓര്‍മ്മകള്‍ വേദനിപ്പിച്ചു എന്നും താരം പറയുന്നു.
ആ കാര്യങ്ങള്‍ ഒന്നും ഓര്‍മ്മിക്കാന്‍ പോലും ഇഷ്ടപെടുന്നില്ല, ദുസ്വപ്നം എന്ന് വിശ്വസിക്കാനാണ് പലപ്പോഴും ആഗ്രഹിക്കുന്നത് എന്നും സണ്ണി ലിയോണ്‍ പറയുന്നു.
അമ്മയുടെ മരണം, അച്ഛന്റെ കാന്‍സര്‍ മൂലം ഉള്ള മരണം എല്ലാം തന്നെ തകര്‍ത്തുവെന്നും, ഷൂട്ടിംഗിന്റെ ഇടക്ക് പലപ്പോഴും താന്‍ പൊട്ടി കരഞ്ഞുവെന്നും അതെല്ലാം കണ്ട് നിസഹായനായി ഭര്‍ത്താവ് ഡാനിയേല്‍ വൈബര്‍ കണ്ട് നിന്നെന്നും സണ്ണി പറയുന്നു.
നീലച്ചിത്ര ലോകത്ത് നിന്നും നിന്നും ബോളിവുഡിലേക്കുള്ള സണ്ണി ലിയോണിന്റെ കടന്നുവരവിന്റെ കഥയാണ് വെബ് സീരീസില്‍ പറയുന്നത്.
