പാമ്പിനെ കൈ​കാ​ര്യംചെ​യ്യാ​ൻ വീ​ട്ടു​കാ​ർക്കും പ​രി​ശീ​ലനം..! വനംവകുപ്പ് ഉദ്യോഗസ്ഥരോട് സൂ​ര​ജി​ന്‍റെ ഞെട്ടിക്കുന്ന വെ​ളി​പ്പെ​ടു​ത്ത​ൽ…

അ​ടൂ​ർ: പാ​ന്പുക​ടി​യേ​റ്റു മ​രി​ച്ച ഉ​ത്ര​യെ കൊ​ല​പ്പെ​ടു​ത്തു​ക​യാ​യി​രു​ന്നുവെന്ന ഭ​ർ​ത്താ​വ് സൂ​ര​ജി​ന്‍റെ ഏ​റ്റു​പ​റ​ച്ചി​ൽ ത​ന്‍റെ വീ​ട്ടു​കാ​രെ ര​ക്ഷി​ക്കാ​നു​ള്ള ശ്ര​മ​ത്തി​ന്‍റെ ഭാ​ഗ​മാ​ണെ​ന്നു സം​ശ​യം.

ഇ​ന്ന​ലെ അ​ടൂ​ർ പ​റ​ക്കോ​ട്ടെ വീ​ട്ടി​ൽ തെ​ളി​വെ​ടു​പ്പി​നാ​യി വ​നം​വ​കു​പ്പ് കൊ​ണ്ടു​വ​ന്ന​പ്പോ​ഴാ​ണ് സൂ​ര​ജ് മാ​ധ്യ​മ​ങ്ങ​ൾ​ക്കു മു​ന്പി​ൽ വെ​ളി​പ്പെ​ടു​ത്ത​ൽ ന​ട​ത്തി​യ​ത്.

സ്ഥ​ല​ത്തു​ണ്ടാ​യി​രു​ന്ന മാ​ധ്യ​മ​ങ്ങ​ളോ​ട് എ​ന്തെ​ങ്കി​ലും പ​റ​യാ​നു​ണ്ടോ​യെ​ന്ന് വ​നം​വ​കു​പ്പ് ഉ​ദ്യോ​ഗ​സ്ഥ​ൻ ചോ​ദി​ച്ച​പ്പോ​ഴാ​ണ് സൂ​ര​ജ് പ്ര​തി​ക​രി​ച്ച​ത്. ഞാ​നാ​ണ് ചെ​യ്ത​തെ​ന്നു പ​റ​ഞ്ഞാ​ണ് സൂ​ര​ജ് തു​ട​ങ്ങി​യ​ത്. എ​ന്താ​ണ് കാ​ര​ണ​മെ​ന്ന ചോ​ദ്യ​ത്തി​ന് അ​ങ്ങ​നെ ചെ​യ്തു​വെ​ന്ന് പ്ര​തി​ക​രി​ച്ചു.

ആ​രു​ടെ​യെ​ങ്കി​ലും പ്രേ​ര​ണ​യി​ലാ​ണോ​യെ​ന്ന ചോ​ദ്യ​ത്തി​ന് അ​ങ്ങ​നെ​യൊ​ന്നു​മി​ല്ല എ​ന്ന മ​റു​പ​ടി​യാ​ണ ു ന​ൽ​കി​യ​ത്. മൂ​ന്ന് വാ​ക്കു​ക​ളി​ലൊ​തു​ക്കി​യാ​യി​രു​ന്നു പ​ര​സ്യ​മാ​യ കു​റ്റ​സ​മ്മ​തം.

എ​ന്നാ​ൽ പി​ന്നീ​ട് വ​നം​വ​കു​പ്പി​ന്‍റെ ചോദ്യം ​ചെ​യ്യ​ലി​ൽ ഉ​ത്ര​യെ കൊ​ല്ലു​ക​യെ​ന്ന ല​ക്ഷ്യ​ത്തോ​ടെ​യാ​ണ് ഫെ​ബ്രു​വ​രി അ​വ​സാ​നം അ​ണ​ലി​യെ​യും പി​ന്നീ​ട് മേ​യി​ൽ മൂ​ർ​ഖ​നെ​യും വാ​ങ്ങി​യ​തെ​ന്ന് സൂ​ര​ജ് സ​മ്മ​തി​ച്ചു. പാ​ന്പി​നെ കൈ​കാ​ര്യം ചെ​യ്യു​ന്ന​തി​ന് പ​റ​ക്കോ​ട്ടെ വീ​ട്ടി​ലു​ള്ള​വ​ർ​ക്കും പ​രി​ശീ​ല​നം ന​ൽ​കി​യി​രു​ന്ന​താ​യി സൂ​ര​ജ് പ​റ​ഞ്ഞു.

വീണ്ടും ചോദ്യം ചെയ്യും

സൂ​ര​ജി​നെ ഇ​ത്ത​ര​ത്തി​ൽ മാ​ധ്യ​മ​ങ്ങ​ൾ​ക്കു മു​ന്പി​ൽ കൊ​ണ്ടു​വ​ന്ന​തി​നോ​ട് കേ​സി​ലെ അ​ന്വേ​ഷ​ണ ഉ​ദ്യോ​ഗ​സ്ഥ​രാ​യ ക്രൈം​ബ്രാ​ഞ്ച് സം​ഘ​ത്തി​നു യോ​ജി​പ്പി​ല്ല. സൂ​ര​ജി​ന്‍റെ വെ​ളി​പ്പെ​ടു​ത്ത​ൽ കേ​സി​ൽ നി​ന്നു മാ​താ​പി​താ​ക്ക​ളെ​യും സ​ഹോ​ദ​രി​യെ​യും ര​ക്ഷ​പെ​ടു​ത്തു​ക​യെ​ന്ന ഉ​ദ്ദേ​ശ​ത്തോ​ടെ​യാ​ണെ​ന്നു അ​ന്വേ​ഷ​ണ​സം​ഘ​വും സം​ശ​യി​ക്കു​ന്നു.

ഉ​ത്ര​യു​ടെ സ​ഹോ​ദ​ര​ൻ ഇ​ന്ന​ലെ ഇ​തു സം​ബ​ന്ധി​ച്ച് ആ​രോ​പ​ണ​മു​ന്ന​യി​ച്ചി​രു​ന്നു. ഇ​തി​നി​ടെ സൂ​ര​ജി​ന്‍റെ അമ്മയെയും സ​ഹോ​ദ​രി​യെ​യും ക്രൈം​ബ്രാ​ഞ്ച് സം​ഘം വീ​ണ്ടും ചോ​ദ്യം ചെ​യ്യും. ഇ​തി​നോ​ട​കം മൂ​ന്നു​ത​വ​ണ ഇ​വ​രെ ചോ​ദ്യം ചെ​യ്തെ​ങ്കി​ലും കൊ​ല​പാ​ത​ക​ക്കേ​സി​ൽ പ്ര​തി ചേ​ർ​ത്തി​ട്ടി​ല്ല.

ഗാ​ർ​ഹി​ക പീ​ഡ​നം സം​ബ​ന്ധി​ച്ച ഒ​രു കേ​സും അ​ന്വേ​ഷി​ക്കു​ന്നു​ണ്ട്. ഇ​തി​ൽ പി​താ​വും സൂ​ര​ജും മാ​ത്ര​മാ​ണ് ഇ​പ്പോ​ൾ പ്ര​തി​ക​ൾ. അ​ഞ്ച​ലി​ലെ വീ​ട്ടി​ൽ മേ​യ് ഏ​ഴി​നു രാ​ത്രി​യാ​ണ് ഉ​ത്ര​യു​ടെ മ​ര​ണ​കാ​ര​ണ​മാ​യ മൂ​ർ​ഖ​ൻ പാ​ന്പി​ന്‍റെ ക​ടി​യേ​ൽ​ക്കു​ന്ന​ത്.

ഇ​തി​നു മു​ന്പ് അ​ടൂ​ർ പ​റ​ക്കോ​ട്ടെ വീ​ട്ടി​ൽ​വ​ച്ച് മാ​ർ​ച്ച് ര​ണ്ടി​ന് ഉ​ത്ര​യ്ക്കു പാ​ന്പു ക​ടി​യേ​റ്റി​രു​ന്നു. ഇ​തി​ന്‍റെ ചി​കി​ത്സ​യ്ക്കു​ശേ​ഷം ഏ​പ്രിൽ 22​ന് വീ​ട്ടി​ലെ​ത്തി​യ ഉ​ത്ര​യ്ക്ക് രാ​ത്രി​യി​ൽ കി​ട​ന്നു​റ​ങ്ങു​ന്പോ​ഴാ​ണ് പാ​ന്പുക​ടി​യേ​റ്റ​ത്.

ഉ​ത്ര​യെ കൊ​ല​പ്പെ​ടു​ത്തു​ക​യെ​ന്ന ല​ക്ഷ്യ​ത്തോ​ടെ സൂ​ര​ജ് വാ​ങ്ങി വീ​ട്ടി​ലെ​ത്തി​ച്ച മൂ​ർ​ഖ​ൻ പാ​ന്പാ​ണ് ക​ടി​ച്ച​തെ​ന്ന് പോ​ലീ​സ് അ​ന്വേ​ഷ​ണ​ത്തി​ൽ വ്യ​ക്ത​മാ​യി​ട്ടു​ണ്ട്.

അണലിയും വിലകൊടുത്തുവാങ്ങിയത്..!

നേ​ര​ത്തെ അ​ടൂ​രി​ൽ സൂ​ര​ജി​ന്‍റെ വീ​ട്ടി​ൽ ര​ണ്ടു​ത​വ​ണ പ​രാ​ജ​യ​പ്പെ​ട്ട ഉ​ദ്യ​മ​മാ​ണ് അ​ഞ്ച​ലി​ലെ വീ​ട്ടി​ൽ സൂ​ര​ജ് പൂ​ർ​ത്തീ​ക​രി​ച്ച​ത്. ഫെ​ബ്രു​വ​രി 29നാ​ണ് ആ​ദ്യ​ശ്ര​മം ന​ട​ത്തി​യ​ത്.

അ​ന്ന് സൂ​ര​ജി​ന്‍റെ വീ​ട്ടി​ൽ സ്റ്റെ​യ​ർ​കെ​യ്സി​ൽ പാ​ന്പി​നെ ക​ണ്ട് ഉ​ത്ര ബ​ഹ​ളം​വ​ച്ച​തോ​ടെ ശ്ര​മം പ​രാ​ജ​യ​പ്പെ​ട്ടു. സൂ​ര​ജ് എ​ത്തി പാ​ന്പി​നെ പ്ലാ​സ്റ്റി​ക് ക​വ​റി​ലാ​ക്കി കൊ​ണ്ടു​പോ​യി. മാ​ർ​ച്ച് ര​ണ്ടി​നു രാ​ത്രി ഉ​ത്ര​യെ പാ​ന്പ് ക​ടി​ച്ചു. അ​ണ​ലി​യാ​ണ് അ​ന്ന് ക​ടി​ച്ച​ത്.

ഇ​തി​നെ​യും സൂ​ര​ജ് വി​ല കൊ​ടു​ത്തു വാ​ങ്ങി വീ​ട്ടി​ൽ​ക്കൊ​ണ്ടു​വ​ന്ന​താ​യി​രു​ന്നെ​ന്ന് പോ​ലീ​സും വ​നം​വ​കു​പ്പും ന​ട​ത്തി​യ അ​ന്വേ​ഷ​ണ​ത്തി​ൽ വ്യ​ക്ത​മാ​യി.

ദുരൂഹതയുടെ വിഷസർപ്പങ്ങൾ

പാ​ന്പു​ക​ടി​യേ​റ്റ ഉ​ത്ര​യെ ഏ​റെ വൈ​കി​യാ​ണ് ആ​ശു​പ​ത്രി​യി​ലെ​ത്തി​ച്ച​തെ​ങ്കി​ലും തി​രു​വ​ല്ല പു​ഷ്പ​ഗി​രി മെ​ഡി​ക്ക​ൽ കോ​ള​ജി​ലെ വി​ദ​ഗ്ധ ചി​കി​ത്സ​യി​ലൂ​ടെ ജീ​വി​ത​ത്തി​ലേ​ക്ക് തി​രി​കെ​വ​രാ​നാ​യി.

ഇ​തി​ന്‍റെ തു​ട​ർ ചി​കി​ത്സ​യ്ക്കാ​യി മാ​താ​പി​താ​ക്ക​ൾ​ക്കൊ​പ്പം സ്വ​ന്തം വീ​ട്ടി​ൽ താ​മ​സി​ക്കു​ന്ന​തി​നി​ടെ​യാ​ണ് മേ​യ് ഏ​ഴി​നു വീ​ണ്ടും പാ​ന്പു ക​ടി​യേ​റ്റ​ത്.

മൂ​ന്നു മാ​സ​ത്തി​നി​ട​യി​ൽ ര​ണ്ടു​ത​വ​ണ പാ​ന്പു ക​ടി​ച്ച​തും ര​ണ്ടു​ത​വ​ണ​യും ഭ​ർ​ത്താ​വ് സ​മീ​പ​മു​ണ്ടാ​യി​രു​ന്ന​തും ദു​രൂ​ഹ​ത വ​ർ​ധി​പ്പി​ച്ചു. ഉ​ത്ര​യു​ടെ മാ​താ​പി​താ​ക്ക​ൽ പോ​ലീ​സി​ൽ ന​ൽ​കി​യ പ​രാ​തി​യെത്തു​ട​ർ​ന്നാ​ണ് അ​ന്വേ​ഷ​ണം ന​ട​ന്ന​ത്.

ഉ​ത്ര​യു​ടെ സ്വ​ത്ത് ല​ക്ഷ്യ​മി​ട്ട് സൂ​ര​ജ് ന​ട​ത്തി​യ ചി​ല നീ​ക്ക​ങ്ങ​ളും സം​ശ​യം ജ​നി​പ്പി​ച്ചി​രു​ന്നു. സം​ഭ​വ​വു​മാ​യി ബ​ന്ധ​പ്പെ​ട്ട് സൂ​ര​ജി​ന്‍റെ അ​ച്ഛ​ൻ സു​രേ​ന്ദ്ര​ൻ, സ​ഹാ​യി പാ​ന്പു പി​ടി​ത്ത​ക്കാ​ര​നാ​യ സു​രേ​ഷ് എ​ന്നി​വ​രെ കേ​സി​ൽ അ​റ​സ്റ്റ് ചെ​യ്തി​രു​ന്നു.

കൊ​ല്ലം ക്രൈം​ബ്രാ​ഞ്ച് ഡി​വൈ​എ​സ്പി എ​സ്. അ​ശോ​ക​ന്‍റെ നേ​തൃ​ത്വ​ത്തി​ലാ​ണ് അ​ന്വേ​ഷ​ണം. പാ​ന്പി​നെ പി​ടി​ച്ച​തും കൈ​വ​ശം സൂ​ക്ഷി​ച്ച​തു​മാ​യി ബ​ന്ധ​പ്പെ​ട്ട മ​റ്റൊ​രു കേ​സി​ലാ​ണ് സൂ​ര​ജി​നെ വ​നം​വ​കു​പ്പ് ക​സ്റ്റ​ഡി​യി​ൽ വാ​ങ്ങി ചോ​ദ്യം ചെ​യ്യു​ന്ന​ത്.