2000 ഡോ​ള​ർ വാ​ങ്ങി ഭ​ർ​ത്താ​വ് ഉ​പേ​ക്ഷി​ച്ച യു​വ​തി​യു​മാ​യി മാ​ലി സ്വ​ദേ​ശിയുടെ ​ വി​വാ​ഹം ന​ട​ത്തി​; വ്യാ​ജ​വി​വാ​ഹ സ​ർ​ട്ടി​ഫി​ക്ക​റ്റ് കൊടുത്തത് മുട്ടന്‍പണി

തി​രു​വ​ന​ന്ത​പു​രം: വ്യാ​ജ​വി​വാ​ഹ സ​ർ​ട്ടി​ഫി​ക്ക​റ്റ് നി​ർ​മി​ച്ച് യു​വ​തി​യെ മാ​ലി സ്വ​ദേ​ശി​യ്ക്ക് വി​വാ​ഹം ചെ​യ്തു കൊ​ടു​ത്ത് പ​ണം ത​ട്ടി​യെ​ടു​ത്ത സം​ഘ​ത്തി​ലെ ര​ണ്ടു​പേ​രെ പോ​ലീ​സ് പി​ടി​കൂ​ടി.

വ​ള്ള​ക്ക​ട​വ് സ്വ​ദേ​ശി ഹാ​ജ നി​സാ​മു​ദീ​ൻ (48), മു​ട്ട​ത്ത​റ വ​ടു​വ​ത്ത് കോ​വി​ൽ സ്വ​ദേ​ശി ആ​ന​ന്ദ് (41) എ​ന്നി​വ​രെ​യാ​ണ് ഫോ​ർ​ട്ട് പോ​ലീ​സ് അ​റ​സ്റ്റ് ചെ​യ്ത​ത്.

ഈ ​കേ​സി​ലെ പ്ര​ധാ​ന പ്ര​തി​യാ​യ മ​ണ​ക്കാ​ട് ഗം​ഗാ ന​ഗ​റി​ൽ ഡോ.​അ​സീ​സ് ഒ​ളി​വി​ലാ​ണെ​ന്ന് പോ​ലീ​സ് പ​റ​ഞ്ഞു.

ക​ഴി​ഞ്ഞ ഡി​സം​ബ​റി​ൽ തി​രു​വ​ന​ന്ത​പു​ര​ത്ത് ചി​കി​ത്സ​യ്ക്ക് എ​ന്ന പേ​രി​ൽ എ​ത്തി​യ മാ​ലി സ്വ​ദേ​ശി​യാ​യ യൂ​സ​ഫ് അ​ബ്ദു​ൾ ക​രീ​മി​ൽ നി​ന്ന് സം​ഘം 2000 ഡോ​ള​ർ വാ​ങ്ങി ഭ​ർ​ത്താ​വ് ഉ​പേ​ക്ഷി​ച്ച യു​വ​തി​യു​മാ​യി വി​വാ​ഹം ന​ട​ത്തി​യെ​ന്ന് പോ​ലീ​സ് പ​റ​ഞ്ഞു.

തു​ട​ർ​ന്ന് ഒാ​ൾ ഇ​ന്ത്യ മു​സ്‌​ലിം കൗ​ൺ​സി​ൽ എ​ന്ന സം​ഘ​ട​ന​യു​ടെ പേ​രി​ലു​ള്ള വ്യാ​ജ​ലെ​റ്റ​ർ പാ​ഡി​ൽ വി​വാ​ഹം മു​സ്‌​ലീം ജ​മാ​അ​ത്ത് ഹാ​ളി​ൽ വ​ച്ച് ന​ട​ത്തി​യ​താ​യു​ള്ള വ്യാ​ജ​വി​വാ​ഹ സ​ർ​ട്ടി​ഫി​ക്ക​റ്റ് വാ​ങ്ങി​യെ​ന്ന് പോ​ലീ​സ് പ​റ​ഞ്ഞു.

തു​ട​ർ​ന്ന് മാ​ലി​യി​ലേ​യ്ക്ക് പോ​യ ദ​മ്പ​തി​ക​ൾ മാ​ലി സ​ർ​ക്കാ​ർ അ​ഥോ​റി​റ്റി​യ്ക്ക് സ​ർ​ട്ടി​ഫി​ക്ക​റ്റ് ഹാ​ജ​രാ​ക്കി​യ​പ്പോ​ൾ സ​ർ​ട്ടി​ഫി​ക്ക​റ്റ് വ്യാ​ജ​മാ​ണെ​ന്ന് ക​ണ്ടെ​ത്തി​യ അ​ധി​കൃ​ത​ർ തി​രു​വ​ന​ന്ത​പു​രം ഫോ​റി​നേ​ഴ്സ് റീ​ജ​ണ​ൽ ര​ജി​സ്ട്രേ​ഷ​ൻ ഓ​ഫീ​സ​ർ (എ​ഫ്ആ​ർ​ആ​ർ​ഒ) വി​വ​രം അ​റി​യി​ക്കു​ക​യാ​യി​രു​ന്നു.

തു​ട​ർ​ന്ന് ന​ട​ത്തി​യ അ​ന്വേ​ഷ​ണ​ത്തി​ലാ​ണ് പ്ര​തി​ക​ൾ കു​ടു​ങ്ങി​യ​ത്. ഒ​ളി​വി​ൽ പോ​യ ഡോ.​അ​സീ​സി​ന്‍റെ വീ​ട്ടി​ൽ ന​ട​ത്തി​യ റെ​യ്ഡി​ൽ നി​ര​വ​ധി വ്യാ​ജ​വി​വാ​ഹ സ​ർ​ട്ടി​ഫി​ക്ക​റ്റു​ക​ൾ പോ​ലീ​സ് ക​ണ്ടെ​ടു​ത്തു.

പ്ര​തി​ക​ൾ സ​മാ​ന​രീ​തി​യി​ലു​ള്ള ത​ട്ടി​പ്പു​ക​ൾ ന​ട​ത്തി​യി​ട്ടു​ണ്ടോ എ​ന്ന് ക​ണ്ടെ​ത്താ​ൻ പോ​ലീ​സ് വി​ശ​ദ​മാ​യ അ​ന്വേ​ഷ​ണം ആ​രം​ഭി​ച്ചു. ഫോ​ർ​ട്ട് അ​സി​സ്റ്റ​ന്‍റ് ക​മ്മീ​ഷ​ണ​ർ അ​നി​ൽ​ദാ​സി​ന്‍റെ നേ​തൃ​ത്വ​ത്തി​ൽ എ​സ്എ​ച്ച്ഒ സി.​ബി​നു, എ​സ്ഐ​മാ​രാ​യ സ​ജു ഏ​ബ്ര​ഹാം, സെ​ൽ​വി​യ​സ് രാ​ജ്, എ​ന്നി​വ​ര​ട​ങ്ങി​യ പോ​ലീ​സ് സം​ഘ​മാ​ണ് അ​ന്വേ​ഷ​ണം ന​ട​ത്തി പ്ര​തി​ക​ളെ പി​ടി​കൂ​ടി​യ​ത്. കോ​ട​തി​യി​ൽ ഹാ​ജ​രാ​ക്കി​യ പ്ര​തി​ക​ളെ റി​മാ​ൻ​ഡ് ചെ​യ്തു.