മ​ത്സ്യ​ഫെ​ഡി​ൽ വ​ൻ​തു​ക തി​രി​മ​റി ന​ട​ത്തി​യ കേ​സ്:  ഒ​ളി​വി​ലാ​യി​രു​ന്ന ഉ​ദ്യോ​ഗ​സ്ഥ​ൻ അ​റ​സ്റ്റി​ൽ; അ​ന്തി​പ​ച്ച​ വരുമാനത്തിൽ നിന്ന് ത​ട്ടി​യ​ത് 94 ല​ക്ഷം രൂ​പ

കൊ​ല്ലം :മ​ത്സ്യ​ഫെ​ഡി​ന്‍റെ അ​ന്തി​പ​ച്ച​യി​ൽ നി​ന്നു ല​ഭി​ച്ചി​രു​ന്ന വ​രു​മാ​ന​ത്തി​ൽ നി​ന്ന് 94 ല​ക്ഷം രൂ​പാ തി​രി​മ​റി ന​ട​ത്തി​യ കേ​സി​ൽ ഒ​ളി​വി​ൽ​പോ​യ ഉ​ദ്യോ​ഗ​സ്ഥ​ൻ പി​ടി​യി​ൽ.

മ​ത്സ്യ​ഫെ​ഡ് ജൂ​നി​യ​ർ അ​സി​സ്റ്റ​ന്‍റ് ക​രു​നാ​ഗ​പ്പ​ള്ളി ആ​ദി​നാ​ട് തെ​ക്ക് ക​രി​ച്ചാ​ഴി ചി​റ​യി​ൽ വീ​ട്ടി​ൽ അ​നി​മോ​ൻ(46) ആ​ണ് പോ​ലീ​സ് പി​ടി​യി​ലാ​യ​ത്.

ശ​ക്തി​കു​ള​ങ്ങ​ര​യി​ലെ പ്രീ ​പ്രോ​സ​സി​ങ് സെ​ന്‍റ​റി​ൽ ജൂ​നി​യ​ർ അ​സി​സ്റ്റ​ന്‍റാ​യി ജോ​ലി നോ​ക്കി വ​രു​ക​യാ​യി​രു​ന്നു പ്ര​തി.
ക​ഴി​ഞ്ഞ വ​ർ​ഷം ജ​നു​വ​രി മാ​സം മു​ത​ൽ സെ​പ്റ്റം​ബ​ർ മാ​സം വ​രെ ഫി​ഷ​റീ​സ് വ​കു​പ്പി​ന്‍റെ അ​ന്തി​പ​ച്ച വാ​ഹ​ന​ത്തി​ൽ നി​ന്നും ല​ഭി​ച്ച വി​റ്റു​വ​ര​വ് തു​ക കു​റ​ച്ചു കാ​ണി​ച്ചാ​ണ് ഇ​യാ​ളും സ​ഹാ​യി​യാ​യ ഒ​ന്നാം പ്ര​തി മ​ഹേ​ഷും 94 ല​ക്ഷം രൂ​പ തി​രി​മ​റി ന​ട​ത്തി​യ​ത്.

ഓ​ഡി​റ്റിം​ഗ് ന​ട​ത്തി​യ​പ്പോ​ഴാ​ണ് ഭീ​മ​മാ​യ തു​ക ത​ട്ടി​പ്പ് ന​ട​ത്തി​യ​താ​യി മ​ന​സി​ലാ​കു​ന്ന​ത്.ശ​ക്തി​കു​ള​ങ്ങ​ര പ്രീ ​പ്രോ​സ​സി​ങ് സെ​ന്‍റ​ർ മാ​നേ​ജ​ർ ന​ല്കി​യ പ​രാ​തി​യു​ടെ അ​ടി​സ്ഥാ​ന​ത്തി​ൽ കേ​സ് ര​ജി​സ്ട്ര​ർ ചെ​യ്ത​റി​ഞ്ഞ് പ്ര​തി​ക​ൾ ര​ണ്ടു പേ​രും ഒ​ളി​വി​ൽ പോ​കു​ക​യാ​യി​രു​ന്നു.

പി​ന്നീ​ട് ഒ​ന്നാം പ്ര​തി​യാ​യ മ​ഹേ​ഷി​നെ ബ​ന്ധു വീ​ട്ടി​ൽ നി​ന്ന് പോ​ലീ​സ് അ​റ​സ്റ്റ് ചെ​യ്തു. കൊ​ല്ലം അ​സി​സ്റ്റ​ന്‍റ് പോ​ലീ​സ് ക​മ്മീ​ഷ​ണ​ർ അ​ഭി​ലാ​ഷ്.​എ യു​ടെ നി​ർ​ദ്ദേ​ശാ​നു​സ​ര​ണം ശ​ക്തി​കു​ള​ങ്ങ​ര സ്റ്റേ​ഷ​ൻ ഇ​ൻ​സ്പെ​ക്ട​ർ ബി​നു വ​ർ​ഗീ​സ് ആ​ണ് ഒ​ളി​വി​ലാ​യി​രു​ന്ന അ​നി​മോ​നെ അ​റ​സ്റ്റ് ചെ​യ്ത​ത്.