ജ​ന​ങ്ങ​ളു​ടെ ഉ​റ​ക്കം കെ​ടു​ത്തി  തു​റ​വൂ​രി​ൽ വീ​ണ്ടും മോ​ഷ​ണം; പോലീസ് പട്രോളിംഗ് ശക്തമാക്കണമെന്ന ആവശ്യവുമായി  നാട്ടുകാർ

തു​റ​വൂ​ർ: ജ​ന​ങ്ങ​ളു​ടെ ഉ​റ​ക്കം കെ​ടു​ത്തി വീ​ണ്ടും മോ​ഷ​ണം. ക​ഴി​ഞ്ഞ ര​ണ്ടാ​ഴ്ച​യാ​യി പ്ര​ദേ​ശ​ത്ത് മോ​ഷ​ണ​ങ്ങ​ൾ നി​ര​വ​ധി അ​ര​ങ്ങേ​റി. ഇ​തു​വ​രെ​യും ഒ​രാ​ളെ പോ​ലും പി​ടി​കൂ​ടാ​നാ​യി​ട്ടി​ല്ല. കോ​ടം​തു​രു​ത്ത് പ​ഞ്ചാ​യ​ത്ത് അ​ഞ്ചാം വാ​ർ​ഡി​ൽ അ​ഭി​രാ​മം വീ​ട്ടി​ൽ വി​നോ​ദി​ന്‍റെ വീ​ട്ടി​ലാ​ണ് ഏ​റ്റ​വും അ​വ​സാ​നം മോ​ഷ​ണം ന​ട​ന്നി​രി​ക്കു​ന്ന​ത്.

16പ​വ​നും ഏ​ഴാ​യി​രം രൂ​പ സൈ​ക്കി​ൾ എ​ന്നി​വ​യാ​ണ് മോ​ഷ​ണം പോ​യ​ത്. ഞ​യ​റാ​ഴ്ച പു​ല​ർ​ച്ചെ ര​ണ്ടി​നു​ശേ​ഷ​മാ​ണ് ക​വ​ർ​ച്ച ന​ട​ന്ന​ത്. വീ​ടി​ന്‍റെ മു​ൻ​ഭാ​ഗ​ത്തെ വാ​തി​ൽ കു​ത്തി​ത്തു​റ​ന്നാ​ണ് മോ​ഷ​ണം ന​ട​ത്തി​യി​രി​ക്കു​ന്ന​ത്. രാ​വി​ലെ വീ​ട്ടു​കാ​ർ ഉ​ണ​ർ​ന്ന​പ്പോ​ഴാ​ണ് മോ​ഷ​ണ​വി​വ​രം അ​റി​ഞ്ഞ​ത്.

വീ​ട്ടു​കാ​ർ അ​റി​യി​ച്ച​തി​നെ തു​ട​ർ​ന്ന് കു​ത്തി​യ​തോ​ട് പോ​ലീ​സ് എ​ത്തി അ​ന്വേ​ഷ​ണം ആ​രം​ഭി​ച്ചു. വി​ര​ല​ട​യാ​ള വി​ദ​ഗ്ധ​രും ഫോ​റ​ൻ​സി​ക് ഉ​ദ്യോ​ഗ​സ്ഥ​രു​മെ​ത്തി തെ​ളി​വ് ശേ​ഖ​രി​ച്ചു. ക​ഴി​ഞ്ഞ ഒ​രാ​ഴ്ച​ക്കു​ള്ളി​ൽ ഈ ​മേ​ഖ​ല​യി​ൽ ന​ട​ന്ന ര​ണ്ടാ​മ​ത്തെ മോ​ഷ​ണ​മാ​ണ് ഇ​ത്.

ക​ഴി​ഞ്ഞ ദി​വ​സം പാ​ട്ടു​കു​ള​ങ്ങ​ര ഭാ​ഗ​ത്തെ മൂ​ന്നു​വീ​ടു​ക​ളി​ൽ മോ​ഷ​ണം ന​ട​ന്നി​രു​ന്നു. ഇ​വി​ടെ നി​ന്നും സ്വ​ർ​ണ​വും പ​ണ​വും മോ​ഷ​ണം പോ​യി​രു​ന്നു. കു​ത്തി​യ​തോ​ട് പോ​ലീ​സ് കേ​സെ​ടു​ക്കു​ന്നു​ണ്ടെ​ങ്കി​ലും ഒ​രാ​ളെ​പ്പോ​ലും പി​ടി​കൂ​ടാ​നാ​യി​ട്ടി​ല്ല. കു​ത്തി​യ​തോ​ട് പോ​ലീ​സ് സ്റ്റേ​ഷ​ൻ പ​രി​ധി​യി​ൽ, ജീ​പ്പ്, ബൈ​ക്ക്, കാ​ൽ​ന​ട പ​ട്രോ​ളിം​ഗ് നി​ല​ച്ച​തും മോ​ഷ്ടാ​ക്ക​ൾ​ക്ക് വി​ല​സാ​ൻ സ​ഹാ​യ​മാ​കു​ന്നു.