കൊച്ചി: ടിനി ടോമിനെതിരായ അന്സിബയുടെ പരാതിയില് എറണാകുളം ജുഡീഷ്ല് ഫസ്റ്റ് ക്ലാസ് മജിസ്ട്രേറ്റ് കോടതിയില് കടവന്ത്ര പോലീസ് ഇന്ന് റിപ്പോര്ട്ട് നല്കിയേക്കും. സ്ത്രീത്വത്തെ അപമാനിച്ചുവെന്നും തനിക്കെതിരെ വര്ഗീയ പരാമര്ശം നടത്തുന്നുവെന്നും ചൂണ്ടിക്കാട്ടിയാണ് പരാതി. അന്സിബയുടെ പരാതിയില് കഴമ്പില്ലെന്ന പ്രാഥമിക നിഗമനത്തിലാണ് കടവന്ത്ര പോലീസ് കേസ് എടുത്തത്.
കേട്ടുകേള്വിയുടെ അടിസ്ഥാനത്തില് മാത്രം കേസെടുക്കാന് സാധിക്കില്ലെന്ന വിലയിരുത്തലിലാണ് പോലീസ്. എഫ്ഐആര് പോലും ഇടാതെ പോലീസ് കേസ് അവഗണിക്കുന്നുവെന്ന് ചൂണ്ടിക്കാട്ടിയായിരുന്നു അന്സിബയുടെ ഹര്ജി. തനിക്കെതിരെ നിരന്തരം സൈബര് അധിക്ഷേപങ്ങള് നടത്തുന്നുവെന്നും ‘ജിഹാദി’ എന്ന് വിളിച്ച് വര്ഗീയമായി അധിക്ഷേപിക്കാന് ശ്രമിച്ചുവെന്നുമാണ് ടിനി ടോമിനെതിരെയുള്ള പരാതി.
അതേസമയം, അന്സിബയുടെ പരാതിയുമായി ബന്ധപ്പെട്ട് പോലീസ് നടി നീന കുറുപ്പിന്റെ മൊഴിയും രേഖപ്പെടുത്തിയിരുന്നു. ടിനി ടോം തന്നെക്കുറിച്ച് മതം മാറ്റാന് ശ്രമിക്കുന്നു എന്നുള്പ്പെടെയുള്ള പരാമര്ശങ്ങള് നടത്തുന്നത് പലരും കേട്ടിട്ടുണ്ടെന്നും നീന കുറുപ്പ് അടക്കം അതിന് സാക്ഷിയാണെന്നുമായിരുന്നു അന്സിബ പറഞ്ഞത്. എന്നാല് ടിനി ടോം വര്ഗീയ അധിക്ഷേപം നടത്തിയതിനെക്കുറിച്ച് തനിക്ക് അറിയില്ലെന്നായിരുന്നു അമ്മ പ്രസിഡന്റ് ശ്വേതാ മേനാന് വ്യക്തമാക്കിയത്.
