20 വ​ർ​ഷ​ത്തി​നു​ള്ളി​ൽ കാ​ണാ​ത്ത ജ​ല​പ്ര​ള​യം; മഴക്കെടുതിയിൽ നട്ടംതിരിഞ്ഞ് കോട്ടയം ; കു​മ​ര​ക​വും തി​രു​വാ​ർ​പ്പും ഒ​റ്റ​പ്പെ​ട്ടു; അ​ഞ്ചു ദി​വ​സ​മാ​യി വാ​ഹ​ന​ഗ​താ​ഗ​തം നി​ല​ച്ചു

കോ​ട്ട​യം: കു​മ​ര​ക​വും തി​രു​വാ​ർ​പ്പും അ​യ്മ​ന​വും ഒ​റ്റ​പ്പെ​ട്ടു. വാ​ഹ​ന സൗ​ക​ര്യ​മി​ല്ല. പെ​ട്രോ​ൾ പ​ന്പ് അ​ട​ഞ്ഞു കി​ട​ക്കു​ന്നു. പ​ല​യി​ട​ത്തും ക​ട​ക​ൾ തുറക്കുന്നില്ല. വാ​ഹ​നം ഓ​ടാ​ത്ത​തി​നാ​ൽ പാ​ൽ വി​ത​ര​ണ​വും നി​ല​ച്ചു. കു​മ​ര​ക​ത്ത് ഇ​ന്നു രാ​വി​ലെ​യാ​ണ് പാ​ലും പ​ത്ര​വും കി​ട്ടാ​ൻ തു​ട​ങ്ങി​യ​ത്. കോ​ട്ട​യ​ത്തു​നി​ന്നും ചേ​ർ​ത്ത​ല, വൈ​ക്കം ഭാ​ഗ​ത്തു​നി​ന്നും കു​മ​ര​ക​ത്തേ​ക്കു​ള്ള വാ​ഹ​ന ഗ​താ​ഗ​തം തി​ങ്ക​ളാ​ഴ്ച സ്തം​ഭി​ച്ച​താ​ണ്. ഒ​രൊ​റ്റ വാ​ഹ​നം പോ​ലും കു​മ​ര​കം ഭാ​ഗ​ത്തേ​ക്കു പോ​കാ​ൻ ക​ഴി​യു​ന്നി​ല്ല.

റോ​ഡി​ൽ വെ​ള്ളം ക​യ​റി​യ​താ​ണ് വാ​ഹ​ന​ഗ​താ​ഗ​തം നി​ല​ച്ച​ത്. തി​രു​വാ​ർ​പ്പി​ലേ​ക്കും വാ​ഹ​ന​ഗ​താ​ഗ​തം നി​ല​ച്ചി​രി​ക്കു​ക​യാ​യി​രു​ന്നു. ഇ​ന്നു രാ​വി​ലെ ഏ​താ​നും ബ​സു​ക​ൾ സ​ർ​വീ​സ് ആ​രം​ഭി​ച്ചു. കു​മ​ര​ക​ത്തേ​ക്ക് കോ​ട്ട​യ​ത്തു​നി​ന്നു​ള്ള വാ​ഹ​ന​ങ്ങ​ൾ ഇ​ല്ലി​ക്ക​ൽവരെ പോ​യി മ​ട​ങ്ങു​ക​യാ​ണ്. ഇ​ല്ലി​ക്ക​ൽ ഭാ​ഗ​ത്ത് റോ​ഡി​ൽ വെ​ള്ളം ക​യ​റി​യ​തി​നാ​ൽ ഒ​രു വാ​ഹ​ന​ത്തിനും പോ​കാ​ൻ ക​ഴി​യു​ന്നി​ല്ല. കു​മ​ര​കം ഒ​റ്റ​പ്പെ​ട്ട​തോ​ടെ വി​നോ​ദ സ​ഞ്ചാ​രി​ക​ളു​ടെ വ​ര​വി​നെ ബാ​ധി​ച്ചു.

വെ​ള്ളം ഉ​യ​രു​ന്ന​തി​നു മു​ൻ​പ് കു​മ​ര​ക​ത്ത് എ​ത്തി​യ വി​നോ​ദ സ​ഞ്ചാ​രി​ക​ൾ​ക്ക് ഇ​പ്പോ​ൾ പു​റ​ത്തേ​ക്കു പോ​കാ​നും നി​വൃ​ത്തി​യി​ല്ല. റി​സോ​ർ​ട്ടു​ക​ളി​ൽ ഒ​റ്റ​പ്പെ​ട്ട വി​നോ​ദ​സ​ഞ്ചാ​രി​ക​ളും ഏ​റെ​യാ​ണ്. മീ​ന​ച്ചി​ലാ​ർ അ​പ​ക​ട​രേ​ഖ​യ്ക്കും മു​ക​ളി​ൽ ക​ര​ക​വി​ഞ്ഞ് ഭീ​തി​ക​ര​മാ​യ നി​ല​യി​ൽ ഒ​ഴു​കാ​ൻ തു​ട​ങ്ങി​യ​തേ​ടെ ജ​ന​ജീ​വി​തം പൂ​ർ​ണ​മാ​യും സ്തം​ഭി​ച്ചു.

ക​ഴി​ഞ്ഞ ദി​വ​സം മ​ഴ​യ്ക്ക് അ​ൽ​പം ശ​മ​നം ഉ​ണ്ടാ​യ​ങ്കി​ലും ഇ​ന്ന​ലെ വീ​ണ്ടും കാ​ല​വ​ർ​ഷം ശ​ക്തി​യാ​ർ​ജി​ച്ച​തോ​ടെ ജ​ല​നി​ര​പ്പ് ഉ​യ​രു​ന്ന​ത് ദു​രി​താ​ശ്വാ​സ പ്ര​വ​ർ​ത്ത​ക​രേ​യും ആ​ശ​ങ്ക​യി​ലാ​ക്കു​ന്നു. വാ​ഹ​ന ഗ​താ​ഗ​തം നി​ല​ച്ച​തോ​ടെ നി​ത്യോ​പ​യോ​ഗ സാ​ധ​ന​ങ്ങ​ൾ പോ​ലും കി​ട്ടാ​താ​യി​രി​ക്കു​ക​യാ​ണ്.

റേ​ഷ​ൻ ക​ട​ക​ളും അ​ട​ച്ചി​ട്ടി​രി​ക്കു​ക​യാ​ണ്. മ​ത്സ്യ​തൊ​ഴി​ലാ​ളി​ക​ൾ വേ​ന്പ​നാ​ട്ടു കാ​യ​ലി​ലേ​ക്ക് മ​ത്സ്യ ബ​ന്ധ​ന​ത്തി​നാ​യി പോ​യി​ട്ട് ദി​വ​സ​ങ്ങ​ളാ​യി. 20 വ​ർ​ഷ​ത്തി​നു​ള്ളി​ൽ കാ​ണാ​ത്ത ജ​ല​പ്ര​ള​യ​ത്തെ​യാ​ണ് പ​ടി​ഞ്ഞാ​റ​ൻ പ്ര​ദേ​ശ​വാ​സി​ക​ൾ നേ​രി​ട്ടു കൊ​ണ്ടി​രി​ക്കു​ന്ന​ത്.