പു​തു​വൈ​പ്പ് ക​ട​ൽത്തീര​ത്ത് അ​ടി​ഞ്ഞ കാ​ലു​ക​ൾ മരണശേഷം അറ്റുപോയതെന്ന് പോലീസ് സർജൻ

വൈ​പ്പി​ൻ: പു​തു​വൈ​പ്പ് എ​ൽ​എ​ൻ​ജി ടെ​ർ​മി​ന​ലി​ന​ടു​ത്ത് ക​ട​ൽത്തീ​ര​ത്ത് അ​ടി​ഞ്ഞ ര​ണ്ട് കാ​ലു​ക​ൾ സ്ത്രീ​യു​ടേ​ത​ല്ല പു​രു​ഷ​ന്‍റേ​താ​ണെ​ന്ന് പോ​ലീ​സ്. എ​റ​ണാ​കു​ളം ജ​ന​റ​ലാ​ശു​പ​ത്രി​യി​ൽ സൂ​ക്ഷി​ച്ചി​രു​ന്ന കാ​ലു​ക​ൾ ഇ​ന്ന​ലെ പോ​ലീ​സ് സ​ർ​ജനെ​ക്ക​ണ്ട് പോ​സ്റ്റ്മോ​ർ​ട്ടം ന​ട​ത്തി​യ​ശേ​ഷ​മാ​ണ് പോ​ലീ​സ് ഇ​ക്കാ​ര്യം വ്യ​ക്ത​മാ​ക്കി​യ​ത്. ഉ​ദേ​ശം 40നും 50​നും ഇ​ട​യി​ൽ പ്രാ​യ​മു​ള്ള​യാ​ളു​ടേ​താ​ണ് കാ​ലു​ക​ൾ.

കാ​ൽ ക​ണ്ടെ​ത്തി​യ​പ്പോ​ൾ പോ​ലീ​സി​ന്‍റെ പ​രി​ശോ​ധ​ന​യി​ൽ കാ​ലു​ക​ൾ സ്ത്രീ​യു​ടേ​താ​ണെ​ന്ന് സം​ശ​യം പ​റ​ഞ്ഞി​രു​ന്നു. കാ​ലു​ക​ൾ മ​ര​ണ​ശേ​ഷം അ​റ്റ് പോ​യ​താ​യി​രി​ക്കാ​മെ​ന്നാ​ണ് പോ​ലീ​സ് സ​ർ​ജന്‍റെ നി​ഗ​മ​നം. ഫോ​റ​ൻ​സി​ക് പ​രി​ശോ​ധ​ന​ക്കാ​യി ഡി​എ​ൻ​എ സാ​ന്പി​ൾ ഉ​ൾ​പ്പെ​ടെ ശേ​ഖ​രി​ച്ചി​ട്ടു​ണ്ട്. പോ​സ്റ്റ്മോ​ർ​ട്ടം റി​പ്പോ​ർ​ട്ടും ഡി​എ​ൻ​എ പ​രി​ശോ​ധ​നാ ഫ​ല​വും ല​ഭി​ച്ചാ​ൽ മാ​ത്ര​മെ കൂ​ടു​ത​ൽ വ്യ​ക്ത​ത വ​രു​ക​യു​ള്ളെ​ന്ന് മു​ള​വു​കാ​ട് പോ​ലീ​സ് അ​റി​യി​ച്ചു.

ഈ ​മാ​സം എ​ട്ടി​ന് മ​ത്സ്യ​ത്തൊ​ഴി​ലാ​ളി​ക​ളാ​ണ് തീ​ര​ത്ത് കാ​ലു​ക​ൾ ക​ണ്ടെ​ത്തി​യ​ത്. ഒ​രു കാ​ൽ അ​ര​യ്ക്ക് കീ​ഴെ​നി​ന്നും മു​റി​ഞ്ഞ രീ​തി​യി​ലും ര​ണ്ടാ​മ​ത്തേ​ത് പാ​ദം വേ​ർ​പെ​ട്ട് ര​ണ്ടാ​യ നി​ല​യി​ലു​മാ​യി​രു​ന്നു. അ​തേ സ​മ​യം ക​ഴി​ഞ്ഞ വ​ർ​ഷം ഓ​ഗ​സ്റ്റി​ൽ ഇ​വി​ടെ ത​ന്നെ ക​ണ്ടെ​ത്തി​യ പു​രു​ഷ​ന്‍റെ ഉ​ണ​ങ്ങി​യ അ​വ​സ്ഥ​യി​ലു​ള്ള ത​ല​യോ​ട്ടി​യും ശ​രീ​ര​ഭാ​ഗ​ങ്ങ​ളും ഇ​ന്നും ദു​രൂ​ഹ​ത​ക​ൾ അ​ഴി​യാ​തെ അ​വ​ശേ​ഷി​ക്കു​ക​യാ​ണ്.

ഉ​ണ​ങ്ങി​യ മ​നു​ഷ്യ ശ​രീ​രം ക​ണ്ടെ​ത്തി​യ​പ്പോ​ൾ കു​ര​ങ്ങി​ന്‍റേ​തെ​ന്നാ​യി​രു​ന്നു പോ​ലീ​സ് നി​ഗ​മ​നം . എ​ന്നാ​ൽ പി​ന്നീ​ട് ഫോ​റ​ൻ​സി​ക് പ​രി​ശോ​ധ​ന ന​ട​ത്തി​യ​പ്പോ​ഴാ​ണ് മ​നു​ഷ്യ​ന്‍റെ​താ​ണെ​ന്ന് വ്യ​ക്ത​മാ​യ​ത്. പി​ന്നീ​ട് ഇ​ത് സം​ബ​ന്ധി​ച്ച് അ​ന്വേ​ഷ​ണം ഒ​ന്നും ഉ​ണ്ടാ​യി​ല്ല. മൃ​ത​ദേ​ഹം ആ​രു​ടേ​താ​ണെ​ന്ന് ഇ​തു​വ​രെ തെ​ളി​ഞ്ഞ​തു​മി​ല്ല. ഇ​തി​നി​ട​യി​ലാ​ണ് വീ​ണ്ടും ദു​രൂ​ഹ​ത​യു​ണ​ർ​ത്തി മ​നു​ഷ്യ​ന്‍റെ കാ​ലു​ക​ൾ മാ​ത്രം ക​ര​ക്ക​ടി​ഞ്ഞ​ത്.