വ​ധു​വി​നെ അ​ണി​യി​ച്ചൊ​രു​ക്കി​യ ബ്യൂ​ട്ടീ​ഷ​ന് കോ​വി​ഡു​ണ്ടായിരുന്നു..! ഗു​രു​വാ​യൂ​രി​ലേ​ക്ക് കോ​വി​ഡ് ഭീ​ഷ​ണി ഫോ​ണ്‍​കോ​ൾ; വ്യാജബോംബുകൾ ഇനി പ​ഴ​ങ്ക​ഥ

സ്വ​ന്തം ലേ​ഖ​ക​ൻ

ഗു​രു​വാ​യൂ​ർ: ഗു​രു​വാ​യൂ​ർ ക്ഷേ​ത്ര​ത്തി​ൽ ബോം​ബു വെ​ച്ചി​ട്ടു​ണ്ടെ​ന്ന് പ​റ​ഞ്ഞ് ഇ​ട​ക്കി​ടെ വ​രാ​റു​ള്ള അ​ജ്ഞാ​ത ഫോ​ണ്‍​കോ​ളു​ക​ൾ ഇനി പ​ഴ​ങ്ക​ഥ. ഇ​പ്പോ​ഴിതാ ക്ഷേ​ത്ര​ത്തി​ലേ​ക്ക് കോ​വി​ഡ് ബോം​ബി​ന്‍റെ ഭീ​ഷ​ണി മു​ഴ​ക്കി​യു​ള്ള വിളിയെത്തിയിരിക്കുന്നു!

ക്ഷേ​ത്രം തു​റ​ന്ന് ദ​ർ​ശ​ന​സൗ​ക​ര്യം ഒ​രു​ക്കി ഒ​രു ദി​വ​സം പി​ന്നി​ടു​ന്പോ​ഴേ​ക്കും കോ​വി​ഡ് ഭീ​ഷ​ണി​യു​മാ​യി ക്ഷേ​ത്ര​ത്തി​ലേ​ക്ക് ഫോ​ണ്‍​കോ​ളെ​ത്തി.

ഇ​ന്നു ക്ഷേത്രത്തിൽ ന​ട​ക്കു​ന്ന വി​വാ​ഹ​ങ്ങ​ളി​ലൊ​ന്നി​ൽ പാ​ല​ക്കാ​ട് ജി​ല്ല​യി​ൽ നി​ന്നു​ള്ള വ​ധു​വി​നെ അ​ണി​യി​ച്ചൊ​രു​ക്കി​യ ബ്യൂ​ട്ടീ​ഷ​ന് കോ​വി​ഡു​ണ്ടെ​ന്നാ​യി​രു​ന്നു ഇ​ന്നു​രാ​വി​ലെ ഏ​ഴേ​മു​ക്കാ​ലി​ന് ചീ​ഫ് സെ​ക്യൂ​രി​റ്റി ഓ​ഫീ​സ​ർ​ക്ക് വ​ന്ന ഫോ​ണ്‍​കോ​ൾ.

വി​ളി​ച്ച​യാ​ൾ എ​റ​ണാ​കു​ള​ത്ത് നി​ന്നാ​ണ് വി​ളി​ക്കു​ന്ന​തെ​ന്ന് പ​റ​യു​ക​യും ത​ന്‍റെ പേ​ര് വെ​ളി​പ്പെ​ടു​ത്തു​ക​യും ചെ​യ്തു. എ​ന്നാ​ൽ കൂ​ടു​ത​ൽ കാ​ര്യ​ങ്ങ​ളും ഫോ​ണ്‍ ന​ന്പ​റും ചോ​ദി​ച്ച​പ്പോ​ൾ ക​ക്ഷി ഫോ​ണ്‍ ക​ട്ടു ചെ​യ്തു. ഇ​യാ​ളു​ടെ പേ​ര് യ​ഥാ​ർ​ഥമാണോ എ​ന്ന​തി​ൽ സം​ശ​യ​മു​ണ്ട്.

എ​ന്നാ​ൽ ഭീ​ഷ​ണി​യു​ടെ സ്വ​ര​മാ​യി​രു​ന്നി​ല്ലെ​ന്നും വി​ളി​ച്ച​യാ​ൾ ഒ​രു മു​ൻ​ക​രു​ത​ലെ​ടു​ക്കാ​ൻ വേ​ണ്ടി പ​റ​യും പോ​ലെ​യാ​ണ് തോ​ന്നി​യ​തെ​ന്നു​മാ​ണ് ക്ഷേ​ത്ര​ത്തി​ൽ ഫോ​ണെ​ടു​ത്ത​യാ​ൾ​ക്ക് തോ​ന്നി​യ​ത​ത്രെ. ഫോ​ണ്‍ വ​ന്ന വി​വ​രം ഗു​രു​വാ​യൂ​ർ ദേ​വ​സ്വം അ​ധി​കൃ​ത​ർ ടെ​ന്പി​ൾ പോ​ലീ​സി​നേ​യും ആ​രോ​ഗ്യ​വ​കു​പ്പി​നേ​യും അ​റി​യി​ച്ചു.

ഇ​രു​പ​തോ​ളം ക​ല്യാ​ണ​ങ്ങ​ളാ​ണ് ഇ​ന്ന് ഗു​രു​വാ​യൂ​രി​ൽ ന​ട​ക്കു​ന്ന​ത്. ഓ​രോ ക​ല്യാ​ണ​പാ​ർ​ട്ടി​യേ​യും ആ​രോ​ഗ്യ​വ​കു​പ്പ് പ​രി​ശോ​ധി​ച്ചു. പോ​ലീ​സ് എ​ല്ലാ ക​ല്യാ​ണ​പാ​ർ​ട്ടി​ക​ളു​ടേ​യും പേ​രും വി​ശ​ദാം​ശ​ങ്ങ​ളും ശേ​ഖ​രി​ച്ചു. ഫോ​ണ്‍​കോ​ളി​ന്‍റെ ഉ​റ​വി​ട​ത്തെ​ക്കു​റി​ച്ച് അ​ന്വേ​ഷ​ണം ആ​രം​ഭി​ച്ചി​ട്ടു​ണ്ട്.