ചങ്ങനാശേരി: പുതുതലമുറയില്പ്പെട്ട ജനപ്രതിനിധികള് ആദ്യകാലത്ത് ത്യാഗപൂര്ണമായ ജനസേവനം നടത്തിയവരെ ഓര്മിക്കുകയും അവരുടെ പ്രവര്ത്തനങ്ങള് പഠിക്കാന് ശ്രമിക്കുകയും വേണമെന്ന് കര്ദിനാള് മാര് ജോര്ജ് ആലഞ്ചേരി.
തൃക്കൊടിത്താനം പഞ്ചായത്തിന്റെ പ്രഥമ പ്രസിഡന്റായിരുന്ന കെ.ജെ. ജയിംസ് കിഴക്കേപ്പറമ്പിലിന്റെ 25-ാം ചരമവാര്ഷികത്തോടനുബന്ധിച്ച് നടന്ന അനുസ്മരണ യോഗം ഉദ്ഘാടനവും സ്മരണിക പ്രകാശനവും നിർവ ഹിച്ചു പ്രസംഗിക്കുകയായിരുന്നു അദ്ദേഹം.
തൃക്കൊടിത്താനം ഫൊറോന വികാരി ഫാ. സെബാസ്റ്റ്യന് പുന്നശേരി അധ്യക്ഷത വഹിച്ചു. ഫ്രാന്സിസ് ജോര്ജ് എംപി, ജോബ് മൈക്കിള് എംഎല്എ, മോണ്. ആന്റണി എത്തയ്ക്കാട്ട്, പഞ്ചായത്ത് പ്രസിഡന്റ് മോട്ടി മുല്ലശേരി, വി.ജെ. ലാലി, സണ്ണി തോമസ്, വിനു ജോബ്, ബാബു രാജേന്ദ്രന് എന്നിവര് പ്രസംഗിച്ചു.
