ചെറിയ ഒരു ലീവ് അപേക്ഷ എങ്ങനെ ആളുകളെ ചിരിപ്പിച്ചും എന്നാൽ സാധാരണ ലീവ് അപേക്ഷപോലെയല്ല മറിച്ച് ഒരു യുവതിയുടെ ക്രീയേറ്റീവ് അതുപോലെതന്നെ രസകരമായ ലീവ് അപേക്ഷയാണ് സമൂഹ മാധ്യമങ്ങളിൽ ചർച്ചയാകുന്നത്.
ഔദ്യോഗികമായി ഇമെയിൽ അയക്കുന്നതിന് പകരം, സിനിമാ ട്രെയിലർ മോഡലിൽ അവധി അപേക്ഷിച്ച് സോഷ്യൽ മീഡിയയിൽ വൈറലായി യുവതി. ടാലിയ എന്ന യുവതിയാണ് തന്റെ ബോസുമാരായ ഫ്രാങ്കിനോടും ജാക്കിനോടും ബാലിയിലേക്ക് 10 ദിവസത്തെ അവധി ചോദിക്കാൻ ഈ വ്യത്യസ്തമായ വഴി തിരഞ്ഞെടുത്തത്.
നെറ്റ്ഫ്ലിക്സ് ഡോക്യുമെന്ററി ട്രെയിലറുകളുടെ ശൈലിയിലായിരുന്നു വീഡിയോ നിർമിച്ചിരുന്നത്. താൻ അടുത്ത കാലത്തായി വലിയ മാനസിക സമർദ്ദത്തിലാണെന്ന് ഇന്റർവ്യൂവർമാരോട് ടാലിയ കുറ്റസമ്മതം നടത്തുന്ന രീതിയിലാണ് വീഡിയോ ആരംഭിക്കുന്നത്.
ബോസുമാരോട് ഒരു പ്രധാന കാര്യം ചോദിക്കാൻ തനിക്ക് പേടിയാണെന്നും ശരിയായ സമയത്തിനായി കാത്തിരിക്കുകയാണെന്നും ടാലിയ പറയുന്നു. എന്നാൽ ‘ഇതാണ് ശരിയായ സമയം’ എന്ന് ഇന്റർവ്യൂവർ പ്രോത്സാഹിപ്പിക്കുമ്പോൾ തനിക്ക് ബാലിയിൽ പോയി അടിച്ചുപൊളിക്കാൻ 10 ദിവസത്തെ അവധി വേണമെന്ന് ടാലിയ ആവശ്യപെടുന്നു. അവസാനം ബോസ് സമ്മതിച്ചോ ഇല്ലയോ?” എന്ന സസ്പെൻസോടെയാണ് ട്രെയിലർ അവസാനിക്കുന്നത്.
ടാലിയയുടെ ക്രിയേറ്റീവ് ലീവ് ആപ്ലിക്കേഷൻ കണ്ട് ബോസുമാരായ ഫ്രാങ്കും ജാക്കും അമ്പരന്നു. ഈ വീഡിയോ സോഷ്യൽ മീഡിയയിൽ പങ്കുവെച്ചുകൊണ്ട് തങ്ങളും തിരിച്ച് ഒരു ‘ഡോക്യുമെന്ററി ട്രെയിലർ’ രൂപത്തിൽ തന്നെ മറുപടി നൽകേണ്ടി വരുമോ എന്ന് അവർ തമാശയായി ചോദിച്ചു. ഇൻസ്റ്റാഗ്രാമിൽ പങ്കുവെച്ച ഈ വീഡിയോ ഇതിനോടകം 70 ലക്ഷത്തിലധികം ആളുകളാണ് കണ്ടുകഴിഞ്ഞത്. ഈ പെൺകുട്ടിക്ക് അവധി മാത്രമല്ല, ശമ്പളവർദ്ധനവും നൽകണം എന്നാണ് വീഡിയോയ്ക്ക് താഴെ വരുന്ന കമന്റുകൾ.
