വ്യത്യസ്ത ഭാവപ്രകടനങ്ങൾക്കൊണ്ട് ഇന്നലെ വരെ സൈബറിടങ്ങളിൽ തിളങ്ങിയ പൂക്കി മുഖ്യമന്ത്രിയെ ട്രോളി ജെൻസി പിള്ളേർ.അതിന്റെ വീഡിയോയും ട്രോളുമാണ് ഇപ്പോൾ സോഷ്യൽ മീഡിയിലെങ്ങും.
വി. ഡി. സതീശൻ സത്യപ്രതിജ്ഞയ്ക്ക് മുന്നോടിയായി നടത്തിയ വാർത്താസമ്മേളനത്തിൽ വാഹന മോഡിഫിക്കേഷനെക്കുറിച്ചുള്ള ചോദ്യത്തിന് അദ്ദേഹം നൽകിയ മറുപടിയും മുഖഭാവങ്ങളുമാണ് ആദ്യം വൈറലായത്. അതോട മുഖ്യമന്ത്രിക്ക് ‘ജെൻസി’ പിള്ളേർ ‘പൂക്കി’ പട്ടവും കൊടുത്തു.
എന്നാലിന്ന് ഇതേ ഭാവങ്ങൾ വീണ്ടും ഇറക്കാൻ നോക്കിയ മുഖ്യന് കിട്ടിയതോ മുട്ടൻ പണിയും. ശ്രദ്ധപിടിക്കാൻ ഭാവവുമായി എത്തിയ മുഖ്യമന്ത്രിയെ ട്രോളുകൾക്കൊണ്ട് വാരുകയാണ് സോഷ്യൽ മീഡിയ.
വീഡിയോ വൈറലായതോടെ നിരവധി ആളുകളാണ് കമന്റുമായി എത്തുന്നത്. മുഖ്യമന്ത്രിയെ പൂക്കിയാക്കാൻ പി ആർ ടീം വല്ലാതെ കഷ്ടപ്പെടുന്നു, എന്നും ചക്ക വീണ് മുയൽ ചാവില്ല ക്യൂട്നെസ് കുറച്ചുകൂടിപ്പോയെന്നുമൊക്കെയാണ് കമന്റ്.
