തിരുവനന്തപുരം: സംസ്ഥാനത്ത് വൈദ്യുതി പ്രതിസന്ധി രൂക്ഷം. കഴിഞ്ഞ ദിവസത്തെ മാത്രം പീക്ക് അവര് ഉപഭോഗം രണ്ടര ലക്ഷം മെഗാവാട്ടിലും കൂടുതലായിരുന്നു. സര്വകാല റിക്കോര്ഡാണിത്. പ്രതിസന്ധി രൂക്ഷമായി തുടരുന്ന സാഹചര്യത്തില് ബദല് മാര്ഗം കണ്ടെത്താനുള്ള ശ്രമത്തിലാണ് കെഎസ്ഇബി.
പവർ എക്സ്ചേഞ്ചിൽ നിന്ന് കൂടുതൽ വൈദ്യുതി ലഭ്യമാക്കാനാകുമെന്ന പ്രതീക്ഷയിലാണ് കെഎസ്ഇബി. നിലവിലെ സാഹചര്യത്തിൽ വൈദ്യുതി നിയന്ത്രണം ഈ മാസം 30 വരെ തുടരാൻ സാധ്യതയുണ്ട്.
സംസ്ഥാനത്ത് നാളെ മുതല് ഒറ്റപ്പെട്ട ശക്തമായ മഴയ്ക്ക് സാധ്യതയുണ്ടെന്നും അറിയിപ്പുണ്ട്. മഴ ലഭിക്കുന്നതോടെ വൈദ്യുതി ഉപഭോഗം കുറയുമെന്ന പ്രതീക്ഷയിലാണ് കെഎസ്ഇബി. വൈദ്യുതി പ്രതിസന്ധി കണക്കിലെടുത്ത് എസി, ഇലക്ട്രിക് വാഹനങ്ങൾ എന്നിവയുടെ ഉപയോഗം പരമാവധി കുറയ്ക്കണമെന്നും കെഎസ്ഇബി അഭ്യർഥിച്ചിട്ടുണ്ട്.
