വഴി തടസ്സപ്പെടുത്തി യുവാക്കളുടെ ലഹരി  ഉപയോഗം; ചോദ്യം ചെയ്ത യുവാവിനെ വീട്ടിൽ കയറി മക്കളുടെ മുന്നിൽ വെച്ച് വെട്ടി വീഴ്ത്തി

ചെ​ങ്ങ​ന്നൂ​ർ: പാ​ണ്ട​നാ​ട് കു​ത്തി​യ​തോ​ട് ഒ​ന്നാം വാ​ർ​ഡി​ൽ പു​ളി​നി​ൽ​ക്കും ത​റ​യി​ൽ വി​നോ​ജ് പി ​ചാ​ക്കോ​യെ ജൂ​ൺ 18ന് ​രാ​ത്രി 11 മ​ണി​ക്ക് സം​ഘ​മാ​യെ​ത്തി​യ ആ​ളു​ക​ൾ വീ​ട്ടി​ൽ ക​യ​റി ആ​ക്ര​മി​ച്ച സംഭവത്തിൽ ഇതുവരെ പ്രതികളെ പിടികൂടാൻ പോലീസിന് കഴിഞ്ഞിട്ടില്ല.

ഭാ​ര്യ​യു​ടെ​യും ര​ണ്ട് മ​ക്ക​ളു​ടെ​യും മു​ന്നി​ൽ വെ​ച്ചാ​ണ് വി​നോ​ജി​ന് നേ​രേ ആ​ക്ര​മ​ണം ഉ​ണ്ടാ​യ​ത്. ത​ല​യ്ക്കും കൈ​യ്ക്കും ഗു​രു​ത​ര പ​രി​ക്കേ​റ്റ വി​നോ​ജി​ന് ചെ​ങ്ങ​ന്നൂ​ർ ജി​ല്ലാ ആ​ശു​പ​ത്രി​യി​ൽ പ്രാ​ഥ​മി​ക ചി​ക​ത്സ ന​ൽ​കി​യ ശേ​ഷം കോ​ട്ട​യം മെ​ഡി​ക്ക​ൽ കോള​ജി​ൽ വി​ദ​ഗ്ധ ചി​കി​ത്സ ന​ൽ​കി.

വീ​ടി​നു സ​മീ​പ​ത്താ​യി മ​ദ്യ​പി​ക്കു​ക​യും ക​ഞ്ചാ​വ് വി​ൽ​പ്പ​ന ന​ട​ത്തു​ക​യും ചെ​യ്തു​വ​ന്ന യു​വാ​ക്ക​ളു​ടെ ബൈ​ക്കു​ക​ൾ വീ​ട്ടി​ലേ​ക്കു​ള്ള വ​ഴി​യി​ൽ സ്ഥി​ര​മാ​യി ത​ട​സം ഉ​ണ്ടാ​ക്കു​ന്ന​തി​നെ വി​നോ​ജ് ചോ​ദ്യം ചെ​യ്തി​രു​ന്നു. ഇ​തി​ന്‍റെ വൈ​രാ​ഗ്യ​മാ​ണ് ആ​ക്ര​മ​ണ​ത്തി​ന് കാ​ര​ണ​മെ​ന്ന് പ​രാ​തി​യി​ൽ പ​റ​യു​ന്നു.

ര​ണ്ട് സം​ഘ​ങ്ങ​ളാ​യി തി​രി​ഞ്ഞാ​ണ് ഇ​വി​ടെ ക​ഞ്ചാ​വി​ന്‍റെ​യും മ​ദ്യ​ത്തി​ന്‍റെയും വി​ൽ​പ്പ​ന​യും ഉ​പ​യോ​ഗ​വും ന​ട​ത്തി വ​ന്നി​രു​ന്ന​ത്.

പ​രി​ക്കേ​റ്റ വി​നോ​ജി​നെ ആ​ശു​പ​ത്രി​യി​ലേ​ക്ക് കൊ​ണ്ടു പോ​കും വ​ഴി കാ​ർ ത​ട​യാ​ൻ ശ്ര​മി​ക്കു​ക​യും വാ​ഹ​ന​ത്തി​ന് നേ​രേ ക​ല്ലെ​റി​യു​ക​യും ചെ​യ്ത​താ​യി കു​ടും​ബം പ​റ​ഞ്ഞു. ചെ​ങ്ങ​ന്നൂ​ർ പോ​ലീ​സ് കേ​സെ​ടു​ത്ത് അ​ന്വേ​ഷ​ണം ആ​രം​ഭി​ച്ചെ​ങ്കി​ലും പ്ര​തി​ക​ളെ ഇ​തു​വ​രെ അ​റ​സ്റ്റ് ചെ​യ്തി​ട്ടി​ല്ല.