മ​ക​ന്‍റെ മ​ര​ണം കൊ​ല​പാ​ത​കം; അ​ന്വേ​ഷ​ണം അ​ട്ടി​മ​റി​ക്കാൻ പോലീസ് ശ്രമിക്കുന്നുവെന്ന ആരോപണവുമായി  അനന്ദുവിന്‍റെ അമ്മ

കാ​ട്ടാ​ക്ക​ട: മ​ക​ന്‍റെ മ​ര​ണം കൊ​ല​പാ​ത​ക​മാ​ണെ​ന്ന് അ​മ്മ​യു​ടെ പ​രാ​തി. വ​ട്ടി​യൂ​ർ​ക്കാ​വ് തി​ട്ട​മം​ഗ​ലം ക​ദ​ളി​ക്കു​ഴി​വി​ള കാ​ർ​ത്തി​ക​യി​ൽ അ​നി​താ ദേ​വി​യാ​ണ് മ​ക​ൻ അ​ന​ന്ദു ഭ​ദ്ര​ന്‍റെ (23) മ​ര​ണ​ത്തി​ൽ ദു​രൂ​ഹ​ത ആ​രോ​പി​ക്കു​ന്ന​ത്. ഇ​തു സം​ബ​ന്ധി​ച്ച് ഡി​ജി​പി, ഹോം ​സെ​ക്ര​ട്ട​റി തു​ട​ങ്ങി ഉ​ന്ന​ത​ർ​ക്ക് പ​രാ​തി ന​ൽ​കി​യെ​ങ്കി​ലും ന​ട​പ​ടി ഉ​ണ്ടാ​യി​ല്ലെ​ന്ന് അ​നി​താ ദേ​വി പ​റ​യു​ന്നു.

ക​ഴി​ഞ്ഞ ഫെ​ബ്രു​വ​രി ര​ണ്ടി​നാ​ണ് അ​നി​ത​യു​ടെ മ​ക​ൻ അ​ന​ന്ദു ഭ​ദ്ര​നെ മ​ല​യി​ൻ​കീ​ഴ് പെ​രു​കാ​വ് പ​ഴ​വീ​ട് ദേ​വീ​ക്ഷേ​ത്ര​ത്തി​ന് സ​മീ​പ​ത്തെ ഇ​വ​രു​ടെ വാ​ട​ക വീ​ട്ടി​ലെ ഹാ​ളി​ൽ തൂ​ങ്ങി മ​രി​ച്ച നി​ല​യി​ൽ ക​ണ്ടെ​ത്തി​യ​ത്. ഈ ​വീ​ട്ടി​ൽ ഭ​ർ​ത്താ​വി​ന്‍റെ മ​ര​ണ​ശേ​ഷം അ​നി​ത​യും മ​ക​നും മാ​ത്ര​മാ​ണ് താ​മ​സം. ഒ​രു സ്വ​കാ​ര്യ സ്ഥാ​പ​ന​ത്തി​ൽ അ​നി​ത ജോ​ലി​ക്കു പോ​കു​ന്നു​ണ്ട്.

അ​ന​ന്ദു മാ​ത്ര​മാ​ണ് അ​ന്ന് വീ​ട്ടി​ൽ ഉ​ണ്ടാ​യി​രു​ന്ന​ത്. അ​പ​രി​ചി​ത​രാ​യ മൂ​ന്നു പേ​ർ ഈ ​സ​മ​യം വീ​ട്ടി​ൽ വ​ന്നു പോ​യ​താ​യി പ്ര​ദേ​ശ​വാ​സി​ക​ൾ പോ​ലീ​സി​ന് മൊ​ഴി ന​ൽ​കി. ഉ​ച്ച​ത്തി​ൽ വ​ഴ​ക്കി​ടു​ന്ന ശ​ബ്ദ​വും കേ​ട്ട​താ​യി പ​റ​യു​ന്നു. പ​ക്ഷേ ഇ​വ​രെ ക​ണ്ടെ​ത്താ​നോ ചോ​ദ്യം ചെ​യ്യാ​നോ ത​യാ​റാ​കാ​തെ പോ​ലീ​സ് അ​ന​ന്ദു​വി​ന്‍റെ മ​ര​ണം ആ​ത്മ​ഹ​ത്യ​യാ​ക്കി മാ​റ്റു​ക​യാ​യി​രു​ന്നു. ദേ​ഹ​മാ​സ​ക​ലം മു​റി​വു​ക​ളും അ​ടി​യു​ടെ പാ​ടു​ക​ളും ഉ​ണ്ടാ​യി​രു​ന്നു. അ​ന​ന്ദു ജീ​വ​നൊ​ടു​ക്കി​യ ഹാ​ളി​ലും കി​ട​പ്പു​മു​റി​യു​ടെ ചു​വ​രി​ലും ര​ക്ത​ക്ക​റ​യും ക​ണ്ടെ​ത്തി​യി​രു​ന്നു.

ആ​സൂ​ത്രി​ത കൊ​ല​പാ​ത​ക​മാ​ണെ​ന്ന അ​നി​ത​യു​ടെ വി​ശ്വാ​സ​ത്തെ ഇ​ക്കാ​ര്യ​ങ്ങ​ൾ ബ​ല​പ്പെ​ടു​ത്തു​ന്നു. മ​ല​യി​ൻ​കീ​ഴ് പോ​ലീ​സ് തെ​ളി​വെ​ടു​പ്പി​ന് കൊ​ണ്ടു പോ​യ മ​ക​ന്‍റെ മൊ​ബൈ​ൽ ഫോ​ൺ തി​രി​കെ ന​ൽ​കി​യ​പ്പോ​ൾ മെ​മ്മ​റി കാ​ർ​ഡ് ഊ​രി മാ​റ്റി​യി​രു​ന്നു.

ഫേ​സ്ബു​ക്ക്, വാ​ട്സാ​പ് സം​വി​ധാ​ന​ങ്ങ​ൾ നീ​ക്കി​യ ശേ​ഷ​മാ​ണ് ഫോ​ൺ ന​ൽ​കി​യ​തെ​ന്നും അ​നി​ത പ​റ​യു​ന്നു. മ​ര​ണം ന​ട​ന്ന് അ​ഞ്ചു മാ​സം പി​ന്നി​ട്ടി​ട്ടും ഫോ​റ​ൻ​സി​ക് റി​പ്പോ​ർ​ട്ടും ഫൈ​ന​ൽ റി​പ്പോ​ർ​ട്ടും ന​ൽ​കാ​ൻ പോ​ലീ​സ് കൂ​ട്ടാ​ക്കു​ന്നി​ല്ല.
കു​റ്റ​വാ​ളി​ക​ളെ ര​ക്ഷി​ക്കാ​ൻ പോ​ലീ​സ് ശ്ര​മി​ക്കു​ക​യാ​ണെ​ന്നും അ​നി​ത ആ​രോ​പി​ക്കു​ന്നു. സ​മ​ഗ്ര​മാ​യ അ​ന്വേ​ഷ​ണ​ത്തി​ലൂ​ടെ മ​ക​ന്‍റെ കൊ​ല​യാ​ളി​ക​ളെ നി​യ​മ​ത്തി​ന് മു​ന്നി​ൽ കൊ​ണ്ടു​വ​ര​ണ​മെ​ന്ന​താ​ണ് ഈ ​അ​മ്മ​യു​ടെ ആ​വ​ശ്യം.