ആകെ ഡിപ്രഷനായിരിക്കുന്ന സമയങ്ങളില്‍ പെട്ടെന്ന് ഒരു ആശ്വാസത്തിനുവേണ്ടി ഞാന്‍ ഏറ്റവും ആദ്യം ചെയ്യുന്ന ഒരു കാര്യം ഏറ്റവും പ്രിയപ്പെട്ട ഒരാളെ വിളിക്കുക എന്നതാണ്.
മിക്കപ്പോഴും ഭര്‍ത്താവ് ശ്രീകാന്ത് എന്ന ശ്രീയെ തന്നെയാവും വിളിക്കുന്നത്. എനിക്ക് അപ്പോള്‍ ഉള്ള പ്രശ്‌നം മൊത്തം ശ്രീയോട് പറയും. ചിലപ്പോള്‍ ശ്രീ എന്തേലും പരിഹാരം പറയും.
അല്ലെങ്കില്‍ ആശ്വസിപ്പിക്കും. കുറച്ചുനേരം അങ്ങനെ ഒരു സംഭാഷണം നടക്കുന്നതിലൂടെ അപ്പോഴത്തെ ആ മൂഡ് മാറിക്കിട്ടും. സമ്മര്‍ദം വരുമ്പോള്‍ ഭക്ഷണം വാരി വലിച്ച് കഴിക്കുന്നവരെക്കുറിച്ച് കേട്ടിട്ടുണ്ട്.
പക്ഷേ എന്‍റെ കാര്യത്തില്‍ അതല്ല. അങ്ങനെ വല്ലാത്ത നിരാശയോടെയുള്ള എന്തെങ്കിലും സമ്മര്‍ദം ആണെങ്കില്‍ എനിക്ക് ഇഷ്ടമുള്ള, കുറേ നാളായി കഴിക്കാന്‍ ആഗ്രഹിക്കുന്ന എന്തെങ്കിലും ഓർഡര്‍ ചെയ്ത് കഴിക്കും. -അശ്വതി ശ്രീകാന്ത്
