കൊച്ചി നഗരത്തിൽ വൻ തീപിടിത്തം; ബാ​ങ്ക് കെ​ട്ടി​ട​ത്തിന്‍റെ ഒ​രു ഭാ​ഗം  പൂ​ർ​ണ​മാ​യും ക​ത്തി​ന​ശി​ച്ചു ; ല​ക്ഷ​ങ്ങ​ളു​ടെ ന​ഷ്ടം

കൊ​ച്ചി: കൊ​ച്ചി ന​ഗ​ര​ത്തി​ൽ പ്ര​വ​ർ​ത്തി​ക്കു​ന്ന സ്വ​കാ​ര്യ ബാ​ങ്ക് കെ​ട്ടി​ട​ത്തി​ൽ വ​ൻ തീ​പി​ടി​ത്തം. ല​ക്ഷ​ങ്ങ​ളു​ടെ ന​ഷ്ടം.
റ്റി.​ഡി. റോ​ഡി​ൽ വാ​സു​ദേ​വ ബി​ൽ​ഡിം​ഗി​ലെ ഒ​ന്നാം നി​ല​യി​ൽ പ്ര​വ​ർ​ത്തി​ക്കു​ന്ന ബാ​ങ്ക് ഓ​ഫ് ബ​റോ​ഡ​യു​ടെ റീ​ജണ​ൽ ഓ​ഫീ​സി​നാ​ണു തീ​പി​ടി​ച്ച​ത്. ഇ​ന്നു രാ​വി​ലെ ഏ​ഴോ​ടെ​യു​ണ്ടാ​യ തീ​പി​ടി​ത്ത​ത്തി​ൽ ബാ​ങ്കി​ന്‍റെ ഒ​രു ഭാ​ഗം പൂ​ർ​ണ​മാ​യും ക​ത്തി​ന​ശി​ച്ചു. റി​സ​പ്ഷ​ൻ, സെ​ർ​വ​ർ റൂം, ​പാ​ൻ​ഡ്രി ഏ​രി​യ​ എ​ന്നി​വ​യാ​ണു പൂ​ർ​ണ​മാ​യും അ​ഗ്നി​ക്കി​ര​യാ​യ​ത്. ഷോ​ർ​ട്ട് സ​ർ​ക്യൂ​ട്ടാ​ണു തീ​പി​ടി​ത്ത​ത്തി​നു കാ​ര​ണ​മെ​ന്നാ​ണു പ്രാ​ഥ​മി​ക നി​ഗ​മ​നം.

റ്റി​ഡി റോ​ഡി​ലൂ​ടെ​യെ​ത്തി​യ സൈ​ക്കി​ൾ യാ​ത്രി​ക​നാ​ണു ബാ​ങ്ക് കെ​ട്ടി​ട​ത്തി​ൽ​നി​ന്നു പു​ക ഉ​യ​രു​ന്ന​ത് ക​ണ്ട​ത്. വി​വ​രം ല​ഭി​ച്ച​ത​നു​സ​രി​ച്ച് സ്ഥ​ല​ത്തെ​ത്തി​യ ഗാ​ന്ധി​ന​ഗ​ർ, ക്ല​ബ് റോ​ഡ് ഫ​യ​ർ​ഫോ​ഴ്സി​ന്‍റെ നാ​ലു യൂ​ണി​റ്റു​ക​ൾ ഒ​രു മ​ണി​ക്കൂ​റോ​ളം പ​രി​ശ്ര​മി​ച്ച​ശേ​ഷ​മാ​ണു തീ ​നി​യ​ന്ത്ര​ണ​വി​ധേ​യ​മാ​ക്കി​യ​ത്.

ബാ​ങ്ക് കെ​ട്ടി​ട​ത്തി​ലേ​ക്ക് അ​ധി​കൃ​ത​ർ​ക്കു പ്ര​വേ​ശി​ക്കാ​ൻ സാ​ധി​ക്കാ​ത്ത​തു ര​ക്ഷാ​പ്ര​വ​ർ​ത്ത​നം ഏ​താ​നും മി​നി​ട്ടു​ക​ൾ വൈ​കു​ന്ന​തി​നും കാ​ര​ണ​മാ​യി. പി​ന്നീ​ട് വാ​തി​ലും ജ​ന​ലും ത​ക​ർ​ത്താ​ണ് ഫ​യ​ർ​ഫോ​ഴ്സ് ബാ​ങ്കി​നു​ള്ളി​ൽ പ്ര​വേ​ശി​ച്ച​ത്.
അ​ധി​കൃ​ത​രു​ടെ സ​മ​യോ​ചിത ഇ​ട​പെ​ട​ലാ​ണു വ​ൻ ദു​ര​ന്തം ഒ​ഴി​വാ​ക്കി​യ​ത്. കെ​ട്ടി​ട​ത്തി​ന്‍റെ താ​ഴ​ത്തെ നി​ല​യി​ൽ ഉ​ൾ​പ്പെ​ടെ നി​ര​വ​ധി സ്ഥാ​പ​ന​ങ്ങ​ളും സ​മീ​പ​ത്തു​ള്ള കെ​ട്ടി​ട​ങ്ങ​ളി​ൽ ആ​ളു​ക​ളും താ​മ​സി​ക്കു​ന്നു​മു​ണ്ട്. ഈ ​സ്ഥ​ല​ങ്ങ​ളി​ലേ​ക്കു തീ ​പ​ട​ർ​ന്നാ​ൽ വ​ൻ അ​പ​ക​ടം സം​ഭ​വി​ച്ചേ​നെ.

റീ​ജ​ണ​ൽ ഓ​ഫീ​സാ​യ​തി​നാ​ൽ ഇ​വി​ടെ ബാ​ങ്കി​ട​പാ​ടു​ക​ൾ ഒ​ന്നും ന​ട​ക്കു​ന്നി​ല്ല. ഓ​ഫീ​സ് സം​ബ​ന്ധ​മാ​യ കാ​ര്യ​ങ്ങ​ളാ​ണു​ള്ള​ത്. ഇ​തി​നാ​ൽ​ത​ന്നെ തീ​പി​ടി​ത്ത​ത്തി​ൽ പ​ണം ന​ഷ്ട​മാ​യി​ട്ടി​ല്ലെ​ന്ന് ബാ​ങ്ക് അ​ധി​കൃ​ത​ർ പ​റ​ഞ്ഞു. ഫ​യ​ലു​ക​ൾ ഉ​ൾ​പ്പെ​ടെ സു​ര​ക്ഷി​ത​മാ​ണെ​ന്നും റി​സ​പ്ഷ​നി​ലെ ഇ​ല്ക്ട്രോ​ണി​ക് ഉ​പ​ക​ര​ണ​ങ്ങ​ൾ മാ​ത്ര​മാ​ണു ന​ഷ്ട​മാ​യി​ട്ടു​ള്ള​തെ​ന്നും അ​ധി​കൃ​ത​ർ പ​റ​ഞ്ഞു. തീ​പി​ടി​ത്ത​ത്തെ​ത്തു​ട​ർ​ന്ന് ഉ​യ​ർ​ന്ന ക​ന​ത്ത പു​ക പ്ര​ദേ​ശ​ത്ത് മ​ണി​ക്കൂ​റു​ക​ളോ​ളം ത​ങ്ങി​നി​ന്നു. സം​ഭ​വ​മ​റി​ഞ്ഞ് നൂ​റു​ക​ണ​ക്കി​നു​പേ​രാ​ണു സ്ഥ​ല​ത്ത് ത​ടി​ച്ചു​കൂ​ടി​യ​ത്.