കാസര്ഗോഡ്: വനംവകുപ്പ് 5.93 ലക്ഷം രൂപ അടിസ്ഥാന വിലയിട്ട മരത്തടികള് റവന്യൂ വകുപ്പ് പുനര്ലേലം നടത്തിയപ്പോള് കിട്ടിയത് വെറും 50,000 രൂപ. ആദ്യലേലങ്ങളില് മൂന്നുലക്ഷം രൂപ വരെ വില പറഞ്ഞിരുന്നെങ്കിലും അത് അംഗീകരിക്കാതെ കാലതാമസം വരുത്തി ഒടുവില് 50,000 രൂപയ്ക്ക് ലേലമുറപ്പിച്ചത് ഉദ്യോഗസ്ഥരും കരാറുകാരും തമ്മിലുള്ള ഒത്തുകളിയാണെന്ന ആക്ഷേപവും ഉയര്ന്നിട്ടുണ്ട്. 2019 ഒക്ടോബറില് ചെര്ക്കള-ജാല്സൂര് സംസ്ഥാനപാതയില് കാറഡുക്ക മുതല് ആദൂര് വരെയുള്ള ഭാഗത്ത് പാതയോരത്തുനിന്ന് മുറിച്ചുമാറ്റിയ അക്കേഷ്യ മരങ്ങളാണ് കാലം വൈകി ചുളുവിലയ്ക്ക് ലേലം ചെയ്തൊഴിവാക്കിയത്. മുള്ളേരിയയില് ഓടുന്ന കാറിനുമുകളിലേക്ക് മരം വീണ് ഒരാള് മരിക്കാനിടയായ സംഭവത്തെ തുടര്ന്നാണ് പാതയോരത്തെ മരങ്ങള് മുറിച്ചുമാറ്റാന് ജില്ലാ ഭരണകൂടം തീരുമാനമെടുത്തത്. മരങ്ങള് മുറിക്കുന്ന പ്രവൃത്തിക്കു തന്നെ ഒരു ലക്ഷം രൂപയിലേറെ ചെലവായിരുന്നു. മുറിച്ചുമാറ്റുന്ന മരങ്ങളുടെ വില നിര്ണയിക്കുന്നതിനുള്ള അധികാരം വനംവകുപ്പിനും ലേലം ചെയ്തു വില്ക്കാനുള്ള ചുമതല റവന്യൂ വകുപ്പിനുമാണ്. മുറിച്ചുമാറ്റിയ…
Read More5.93 ലക്ഷം രൂപയുടെ മരത്തടികള് ലേലം ചെയ്തത് 50,000 രൂപയ്ക്ക്; ഉദ്യോഗസ്ഥരും കരാറുകാരും തമ്മിലുള്ള ഒത്തുകളിയെന്ന് പരാതി
