കണ്ണൂർ: കണ്ണൂരിൽ പിക്കപ്പ് വാൻ നിയന്ത്രണം വിട്ട് മരത്തിലിടിച്ച് അപകടം. ഒരാൾ മരിച്ചു. രണ്ട് പേർക്ക് പരിക്കേറ്റു. ബംഗാൾ സ്വദേശി കലിത്തോത്തെ ആണ് മരിച്ചത്. കണ്ണൂർ കരുവഞ്ചാലിൽ ആണ് അപകടമുണ്ടായത്. ഇടിയുടെ ആഘാതത്തിൽ വാഹനത്തിന്‍റെ മുൻഭാഗം പൂർണമായും തകർന്നു.
Read More
കണ്ണൂർ: കണ്ണൂർ പയ്യന്നൂരിൽ വീണ് ചുണ്ടിന് പരിക്കേറ്റതിനെ തുടർന്ന് ആശുപത്രിയിൽ പ്രവേശിപ്പിച്ച ഒന്നരവയസുകാരൻ ചികിത്സയിലിരിക്കെ മരിച്ച സംഭവത്തിൽ ചികിത്സാ പിഴവ് ഉണ്ടായെന്ന സംസ്ഥാന തല വിദഗ്ധ സമിതിയുടെ റിപ്പോർട്ടിന്‍റെ അടിസ്ഥാനത്തിൽ തുടർ നടപടികളിലേക്ക് പൊലിസ്. ഒന്നര വയസുകാരൻ ദേവാൻഷ് ശൗര്യയുടെ മരണത്തിലാണ് പയ്യന്നൂരിലെ സ്വകാര്യ ആശുപത്രിയിലെ ചികിത്സയിൽ വീഴ്ചയുണ്ടായെന്നാണ് ആരോഗ്യ സെക്രട്ടറിയുടെ നേതൃത്വത്തിലുള്ള സമിതി കണ്ടെത്തിയത്. കൂടുതൽ ഡോക്ടർമാരെ പ്രതി ചേർക്കണോയെന്ന് പൊലിസ് ഉടൻ തീരുമാനിക്കും. അനസ്തീഷ്യ നൽകിയ ഡോക്ടറെ മാത്രമാണ് നിലവിൽ പ്രതി ചേർത്തിട്ടുള്ളത്. പീഡിയാട്രിഷ്യൻ, പ്ലാസ്റ്റിക് സർജൻ എന്നിവരെക്കൂടി പ്രതി ചേർക്കണമെന്നാണ് കുടുംബത്തിന്‍റെ ആവശ്യം. വീണ് ചുണ്ടിന് മുറിവേറ്റ കുട്ടിക്ക് സ്റ്റിച്ച് ഇടാൻ അനസ്തീഷ്യ നൽകിയതിന് പിന്നാലെ ബോധരഹിതനാവുകയായിരുന്നു. ഒരാഴ്ചക്ക് ശേഷം ജൂലൈ 10ന് കുട്ടി മരിച്ചു. ചികിത്സാ പിഴവ് ഉണ്ടായെന്നായിരുന്നു ആദ്യം വിഷയം പരിഗണിച്ച ജില്ലാതല വിദഗ്ധ സമിതിയിലെ ഭൂരിപക്ഷം അംഗങ്ങളും അഭിപ്രായപ്പെട്ടത്.
Read More
ആലക്കോട്: വയോജനങ്ങളുടെ ഒറ്റപ്പെടൽ ഒഴിവാക്കി മാനസികവും സാമൂഹികവുമായ ഉണർവ് നൽകുക എന്ന ലക്ഷ്യത്തോടെ പഞ്ചായത്തുകൾ ആരംഭിച്ച പകൽവീടുകൾ പ്രവർത്തന രഹിതമായി. കോവിഡ് കാലത്ത് വയോജനങ്ങൾ വീടുകളിൽ ഒതുങ്ങിയതും പിന്നീട് പഞ്ചായത്തുതലത്തിൽ ആവശ്യമായ പ്രോത്സാഹനം ലഭിക്കാതിരുന്നതുമാണ് പകൽവീടുകളുടെ പ്രവർത്തനം നിലയ്ക്കാൻ കാരണം. വയോജനങ്ങൾ ഒത്തുചേരുന്നതിനായി പഞ്ചായത്തുകൾ ലക്ഷക്കണക്കിന് രൂപ ചെലവഴിച്ചാണ് പകൽവീടുകൾ ഒരുക്കിയത്. പത്രം വായിക്കാനും ടിവി കാണാനും ഭക്ഷണം പാകം ചെയ്യാനും വിശ്രമിക്കാനുമുള്ള സൗകര്യങ്ങൾ ഉൾപ്പെടെ ഇവിടെ ഒരുക്കിയിരുന്നു. തുടക്കത്തിൽ മികച്ച പ്രതികരണം ലഭിച്ചെങ്കിലും പിന്നീട് പങ്കാളിത്തം കുറഞ്ഞു. കോവിഡ് മഹാമാരിക്കുശേഷം പല പകൽവീടുകളും പൂർണമായും നിർജീവമായി. ചുമതലയുള്ളവർ മാസത്തിൽ ഒന്നോ രണ്ടോ തവണ തുറക്കുന്നതൊഴിച്ചാൽ കാര്യമായ പ്രവർത്തനങ്ങളൊന്നും നടക്കുന്നില്ല. വിവിധ സംഘടനകൾ വയോജന മേഖലയിൽ സജീവമായതും പകൽവീടുകളുടെ പ്രവർത്തനത്തെ ബാധിച്ചതായി ചൂണ്ടിക്കാട്ടുന്നു. പഞ്ചായത്തുകൾക്ക് സാമ്പത്തിക ബാധ്യതയായി മാറുന്ന അവസ്ഥയിലാണ് പല പകൽവീടുകളും. പ്രത്യേക വകുപ്പ് പ്രഖ്യാപനത്തിൽ…
Read More
തേർത്തല്ലി: കഞ്ചാവ് കടത്തികൊണ്ടുവരികയായിരുന്ന യുവാവിനെ ആലക്കോട് എക്സൈസ് അറസ്റ്റ് ചെയ്തു. പി.വി. നിതിനാണ് (34) അഞ്ചു ഗ്രാം കഞ്ചാവുമായി പെരിങ്ങാലയിൽ നിന്ന് പൊലിസ് പിടിയിലായത്. ആലക്കോട് എക്സൈസ് റേഞ്ച് ഓഫിസിലെ അസി. എക്സൈസ് ഇൻസ്പെക്ടർ ടി. ആർ. രാജേഷ്, പ്രിവന്‍റീവ് ഓഫിസർ ഗ്രേഡ് എം.പി. ഹാരീസ്, സി.കെ. ഷിബു, സിവിൽ എക്സൈസ് ഓഫിസർ പി.ആർ. വിനീത്, പി.ജി. വിഷ്ണു എന്നിവർ ചേർന്നാണ് പ്രതിയെ പിടികൂടിയത്.
Read More
കണ്ണൂർ: പ്രതിപക്ഷ നേതാവ് പിണറായി വിജയനും സിപിഎം സംസ്ഥാന സെക്രട്ടറി എം.വി.ഗോവിന്ദനും എതിരെ ഗുരുതര ആരോപണങ്ങളുമായി ടി.കെ.ഗോവിന്ദൻ എംഎൽഎ. പാർട്ടിയെയും മുഖ്യമന്ത്രി പദവും ഉപയോഗിച്ച് കുടുംബത്തിന്‍റെ ബിസിനസ് വളർത്തിയത് ആരാണ്. അവരാണ് യഥാർത്ഥ വർഗവഞ്ചകരെന്നും അദ്ദേഹം തുറന്നടിച്ചു.പാർട്ടി താൽപര്യങ്ങൾക്ക് പകരം വ്യക്തിതാൽപര്യം ഉയർത്തിപ്പിടിക്കുന്ന വഞ്ചകനാണ് പാർട്ടി സെക്രട്ടറി. പാർട്ടിക്കുള്ളിൽ താനും സി. കുഞ്ഞികൃഷ്ണനും ഉന്നയിച്ച വിമർശനങ്ങൾ ശരിയാണെന്ന് തെളിയിക്കുന്നതാണ് നിലവിലെ നടപടികൾ. തോമസ് ഐസക്കിനെയും ടി.പി.രാമകൃഷ്ണനെയും സെക്രട്ടേറിയറ്റിൽ നിന്ന് ഒഴിവാക്കിയത് സ്വതന്ത്ര അഭിപ്രായം പറഞ്ഞതുകൊണ്ടാണ്. അത് പാർട്ടി മേലാളന്മാർക്ക് ഇഷ്ടപ്പെട്ടില്ലെന്നും അദ്ദേഹം കുറ്റപ്പെടുത്തി. എം.വി. ജയരാജനെ ഉൾപ്പെടുത്തിയത് കൊണ്ട് മാത്രം കാര്യമില്ല. ഇതെല്ലാം അണികളെ കബളിപ്പിക്കാനുള്ള തന്ത്രങ്ങൾ മാത്രമാണെന്നും അദ്ദേഹം കൂട്ടിച്ചേർത്തു. പിണറായിയുടെ മകൾക്കെതിരെയുള്ള ആരോപണങ്ങളിൽ സമഗ്രമായ അന്വേഷണം നടക്കട്ടെയെന്നും ടി.കെ. ഗോവിന്ദൻ വ്യക്തമാക്കി.
Read More
കണ്ണൂർ: തലശേരിയിൽ നിന്ന് നാല് പെൺകുട്ടികളെ കാണാതായി. ഗവ. ചില്‍ഡ്രന്‍സ് ഹോമില്‍ നിന്നാണ് കുട്ടികളെ കാണാതായത്. പെൺകുട്ടികൾ പുറത്തുപോയത് ഇന്ന് പുലർച്ചെയായിരുന്നു. പൊലിസ് സിസിടിവി ദൃശ്യങ്ങൾ പരിശോധിക്കുന്നു. കുട്ടികളെ കണ്ടെത്താൻ പൊലിസ് അന്വേഷണം ഊർജിതമാക്കി. രാത്രി 12.30നും ഒന്നിനും ഇടയിലാണ് പെണ്‍കുട്ടികളെ കാണാതായത്. പെണ്‍കുട്ടികളെ ഏറെക്കുറെ കണ്ടെത്തിയെന്നാണ് പൊലീസ് പറയുന്നത്. നേരത്തെ ഇതിലൊരാള്‍ പുറത്ത് പോയിരുന്നു. അധികം വൈകാതെ ഇവരെ കണ്ടെത്തുമെന്നാണ് പൊലിസ് പറയുന്നത്.
Read More
സുല്‍ത്താന്‍ ബത്തേരി: കേസില്‍ പിടിച്ചെടുത്ത് പൊലിസ് സ്റ്റേഷനില്‍ സൂക്ഷിച്ച ഏഴ് ചാക്ക് നിരോധിത പുകയില ഉത്പന്നം(ഹാന്‍സ്)കാണാതായി. തൊണ്ടിമുതല്‍ നഷ്ടമായത് കഴിഞ്ഞ ദിവസമാണ് പൊലിസിന്‍റെ ശ്രദ്ധയില്‍പ്പെട്ടത്. സംഭവത്തില്‍ പൊലിസ് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചു. കനത്ത സുരക്ഷയുള്ള സ്റ്റേഷനില്‍നിന്ന് നിരോധിത പുകയില ഉത്പന്നങ്ങള്‍ കാണാതായത് വലിയ ചർച്ചകൾക്കാണ് വഴിവച്ചിരിക്കുന്നത്.
Read More
തലശേരി: തലശേരി പഴയ ബസ് സ്റ്റാൻഡ് പരിസരത്ത് അബോധാവസ്ഥയിൽ കണ്ടെത്തിയ യുവാവ് ചികിത്സയ്ക്കിടെ മരിച്ച സംഭവത്തിൽ പൊലിസ് അന്വേഷണം ആരംഭിച്ചു. തളിപ്പറമ്പ് ഏഴോം പറമ്പത്ത് വീട്ടിൽ എസ്.കെ. ശ്രീകാന്ത് (41) ആണ് മരിച്ചത്. വ്യാഴാഴ്ച രാത്രി ഇയാൾക്ക് മർദനമറ്റതായി പൊലിസിന് വിവരം ലഭിച്ചിട്ടുണ്ട്. ഹൃദ്രോഗത്തിന് മരുന്നുവാങ്ങാൻ വന്നയാളുമായി ശ്രീകാന്ത് പലതവണ കലഹിക്കാൻ ശ്രമിച്ചതായും തുടർന്ന് അയാൾ തള്ളിമാറ്റുമ്പോൾ ശ്രീകാന്ത് വീണതായും പറയുന്നുണ്ട്.എറണാകുളത്ത് സ്വകാര്യ കമ്പനിയിൽ ഡ്രൈവറായ ശ്രീകാന്ത് അവിവാഹിതനാണ്. കണ്ണൂരിൽ നിന്ന് എറണാകുളത്തേക്ക് പോകാനുള്ള ട്രെയിൻ ടിക്കറ്റ് ഇയാളുടെ പക്കലുണ്ടായിരുന്നു.ദേഹമാസകലം രക്തംപുരണ്ട നിലയിലാണ് ശ്രീകാന്തിനെ കണ്ടെത്തിയത്. ഉടൻ തന്നെ തലശേരി ജനറൽ ആശുപത്രിയിൽ എത്തിച്ച് പ്രാഥമിക ചികിത്സ നൽകിയിരുന്നു. തുടർന്ന് വിദഗ്ധ ചികിത്സയ്ക്കായി പരിയാരത്തെ കണ്ണൂർ ഗവ.മെഡിക്കൽ കോളജ് ആശുപത്രിയിലേക്ക് മാറ്റുന്നതിനിടെയാണ് മരണം സംഭവിച്ചത്. ശ്രീകാന്തിന്‍റെ കൈയിലുണ്ടായിരുന്ന രണ്ട് മൊബൈൽ ഫോണുകൾ കാണാതായതായി പരാതിയുണ്ട്. മരണത്തിൽ ദുരൂഹതയുണ്ടെന്ന്…
Read More
കണ്ണൂര്‍: സൂപ്പര്‍ ലീഗ് കേരളയിലെ നിലവിലെ ജേതാക്കളായ കണ്ണൂര്‍ വാരിയേഴ്‌സ് എഫ്‌സിയുടെ ഹോം മത്സരങ്ങള്‍ നടക്കുന്ന കണ്ണൂര്‍ മുന്‍സിപ്പല്‍ ജവഹര്‍ സ്റ്റേഡിയത്തില്‍ ഒരുക്കങ്ങള്‍ പുരോഗമിക്കുന്നു. ആദ്യഘട്ടത്തിൽ ഗ്രൗണ്ടിനു ചുറ്റുമുള്ള കാടുകള്‍ വെട്ടിത്തെളിക്കുന്ന പ്രവൃത്തികൾ പൂര്‍ത്തിയായി. സൂപ്പര്‍ ലീഗ് മത്സരത്തിന് അനുയോജ്യമായ രീതിയില്‍ സ്റ്റേഡിയത്തെ ഒരുക്കുക എന്ന ലക്ഷ്യത്തോടെ ഗ്രൗണ്ടില്‍ പുല്ലുവച്ച് പിടിപ്പിക്കുന്ന രണ്ടാം ഘട്ട പ്രവര്‍ത്തനങ്ങള്‍ പുരോഗമിക്കുകയാണ്. ഗാലറിയുടെ പെയിന്‍റിംഗ്, സ്റ്റേഡിയത്തില്‍ താത്കാലികമായുള്ള ലൈറ്റുകൾ സ്ഥാപിക്കൽ, ഡ്രസിംഗ് റൂം, മെഡിക്കൽ റൂം, മീഡിയ റൂം, ബ്രോഡ്കാസ്റ്റിംഗിനു വേണ്ട പ്രത്യേക സൗകര്യങ്ങള്‍ തുടങ്ങിയ പ്രവൃത്തികൾ വരും ദിവസങ്ങളില്‍ ആരംഭിക്കും. 25ന് കണ്ണൂര്‍ ജവഹര്‍ സ്റ്റേഡിയത്തില്‍ നടക്കുന്ന കണ്ണൂര്‍ വാരിയേഴ്‌സ് എഫ്‌സി തൃശൂര്‍ മാജിക് എഫ്‌സി തമ്മിലുള്ള ഉദ്ഘാടന മത്സരത്തോടെയാണ് സൂപ്പര്‍ ലീഗ് കേരള മൂന്നാം സീസൺ തുടങ്ങുക. നിലവിലെ ജേതാക്കളായ കണ്ണൂര്‍ വാരിയേഴ്‌സ് മൂന്നാം സീസണിലേക്കുള്ള താരങ്ങളുടെ സൈനിംഗ്…
Read More
കാസര്‍ഗോഡ്: യുവാക്കളുടെ മാനസികാരോഗ്യം സംബന്ധിച്ച ബോധവത്കരണവുമായി ബിയോണ്‍ഡ് ദ് ഹൊറൈസണ്‍ എ റൈഡ് ഫോര്‍ റെസിലിയന്‍സ് എന്ന കാമ്പയിന്‍ നാളെ മുതല്‍ 18 വരെ കേരളത്തില്‍ പര്യടനം നടത്തും. മാനസികാരോഗ്യപ്രവര്‍ത്തകയും മോട്ടിവേഷണല്‍ സ്പീക്കറും ഫാഷന്‍ സ്‌റ്റൈലിസ്റ്റുമായ സെഹര്‍ ഹാഷ്മിയും സമാനമനസ്‌കരായ യുവാക്കളും ഈ ദൗത്യവുമായി എന്‍ഫീല്‍ഡ് ബുള്ളറ്റില്‍ രാജ്യമാകെ ചുറ്റിസഞ്ചരിക്കുകയാണ്. വടക്കേഇന്ത്യന്‍ പര്യടനം കഴിഞ്ഞവര്‍ഷം പൂര്‍ത്തിയാക്കിയ ദൗത്യസംഘം ഇപ്പോള്‍ ദക്ഷിണേന്ത്യന്‍ പര്യടനത്തിലാണ്. ഇവര്‍ നാളെ മുതല്‍ 18 വരെ സംസ്ഥാനത്ത് ഒന്പതു ജില്ലകളില്‍ 18 കേന്ദ്രങ്ങളില്‍ സംഘം യുവാക്കളോടു സംവദിക്കും. കാസര്‍ഗോഡ് നാളെ, കണ്ണൂര്‍ 10, 11ന്, കോഴിക്കോട് 12ന്, മലപ്പുറം13ന്, തൃശൂര്‍ 14ന്, എറണാകുളം 15ന്, ആലപ്പുഴ 16ന്, കൊല്ലം 17ന്, തിരുവനന്തപുരം 18ന് എന്നിങ്ങനെയാണു ജില്ലകളില്‍ പരിപാടി. സെപ്റ്റംബര്‍ 18നു വൈകുന്നേരം കന്യാകുമാരിക്കു പോകും. കേരള ശാസ്ത്രസാഹിത്യ പരിഷത്ത് യുവസമിതിയാണ് സംസ്ഥാനത്ത് ഈ ഉദ്യമത്തെ…
Read More