തലശേരി: ഹൈഡ്രോളിക് പ്രസിംഗിലൂടെ ഹൽവ രൂപത്തിലാക്കിയ മൂന്നുകിലോ കഞ്ചാവ് പിടികൂടി. ഇന്നു രാവിലെ തലശേരി മാഹി റോഡിൽ ഹുസൻമൊട്ടയിൽ നടത്തിയ വാഹനപരിശോധനയ്ക്കിടെയാണു സ്വകാര്യബസിൽ കടത്തുകയായിരുന്ന കഞ്ചാവ് പിടികൂടിയത്. നടാൽ മൊടോൺ വീട്ടിൽ സുജീഷിനെ (21) എക്സൈസ് സംഘം അറസ്റ്റ് ചെയ്തു. കണ്ണൂർ കോയന്പത്തൂർ റൂട്ടിലോടുന്ന സ്വകാര്യ ബസിൽ യാത്രക്കാരനായിരുന്ന സുജീഷിന്റെ ഷോൾഡർ ബാഗിൽ തൂക്കിയിട്ട നിലയിലാണു കഞ്ചാവ് കണ്ടെത്തിയത്. പ്രതിയെ ഇന്നു വടകര നർകോട്ടിക് കോടതിയിൽ ഹാജരാക്കും. എക്സൈസ് ഡപ്യൂട്ടി കമ്മീഷണർ പി.കെ. സുരേഷിന്റെ നേതൃത്വത്തിലുള്ള സംഘമാണു പ്രതിയെ പിടികൂടിയത്. വടക്കേമലബാർ കേന്ദ്രീകരിച്ചു പ്രവർത്തിക്കുന്ന വൻ കഞ്ചാവ് ശൃംഖലയെ കുറിച്ചു പ്രതിയിൽനിന്ന് വിലപ്പെട്ട വിവരങ്ങൾ എക്സൈസ് സംഘത്തിനു ലഭിച്ചിട്ടുണ്ട്.പ്രതിയുടെ വീട്ടിലും പരിസരത്തും എക്സൈസ് സംഘം പരിശോധന നടത്തി.
Read MoreCategory: Kannur
മിനിമം ചാർജ് 10രൂപയായി പുനർനിർണയിക്കൽ; സ്വകാര്യ ബസുടമകളുടെ യോഗം 26ന്
കണ്ണൂർ: മിനിമം ചാർജ് 10 രൂപയാക്കി നിശ്ചയിക്കുക, മിനിമം ചാർജിൽ സഞ്ചരിക്കാവുന്ന ദൂരം സിംഗിൾ സ്റ്റേജായി നിലനിർത്തുക, വിദ്യാർഥികളുടെ മിനിമം ചാർജ് രണ്ടുരൂപയും യാത്രാനിരക്ക് രാമചന്ദ്രൻ കമ്മീഷൻ റിപ്പോർട്ടിൽ പറയുന്ന 25 ശതമാനവും ആക്കുക, കിലോമീറ്റർ നിരക്കിൽ കാലോചിതമായ വർധന ഏർപ്പെടുത്തുക, ബസുകളുടെ പ്രായപരിധി 20 വർഷമായി നിജപ്പെടുത്തുക, ഡീസൽ വിലയിൽ സ്വകാര്യ ബസുകൾക്ക് ഇളവ് അനുവദിക്കുക തുടങ്ങിയ അടിയന്തര ആവശ്യങ്ങൾ ഉന്നയിച്ചു സംസ്ഥാന സർക്കാരിനു നിവേദനം നൽകുമെന്നു കേരള സ്റ്റേറ്റ് ബസ് ഓപ്പറേറ്റേഴ്സ് അസോസിയേഷൻ കോ-ഓർഡിനേഷൻ കമ്മിറ്റി അറിയിച്ചു. 26ന് സംസ്ഥാനത്തെ മുഴുവൻ സ്വകാര്യ ബസുടമ സംഘടനകളുടെയും യോഗം തിരുവനന്തപുരത്തുചേരും. മുഖ്യമന്ത്രിയുടെ പ്രളയദുരിതാശ്വാസനിധിയിലേക്കു കണ്ണൂർ ജില്ലാ ബസ് ഓപ്പറേറ്റേഴ്സ് ഓർഗനൈസേഷൻ സ്വരൂപിച്ച സംഖ്യയും ലിമിറ്റഡ് സ്റ്റോപ്പ് ബസ് ഓപ്പറേറ്റേഴ്സ് അസോസിയേഷൻ സ്വരൂപിച്ച സംഖ്യയും ഓൾ കേരള ബസ് ഓപ്പറേറ്റേഴ്സ് ഓർഗനൈസേഷൻ സംസ്ഥാന ജനറൽ സെക്രട്ടറി ടി.…
Read Moreതളിപ്പറമ്പിൽ 44.6 പവന് സ്വര്ണവുമായി രണ്ട് ഉത്തര്പ്രദേശ് സ്വദേശികൾ പിടിയിൽ; പോലീസിനെ കണ്ട് സ്വർണം വലിച്ചെറിഞ്ഞ് രക്ഷപ്പെടാൻ ശ്രമിച്ചെങ്കിലും ബലപ്രയോഗത്തിലൂടെ കീഴടക്കുകയായിരുന്നു
തളിപ്പറമ്പ്: സംശയകരമായ സാഹചര്യത്തില് 44.6 പവന് സ്വര്ണവുമായി രണ്ട് ഉത്തര്പ്രദേശ് സ്വദേശികളെ പോലീസ് പിടികൂടി. ആഗ്രയിലെ വിശ്വംഭര് (33), മേദിനിപൂരിലെ ശ്യാമള്ദാല് (31) എന്നിവരെയാണ് ഇന്നലെ വൈകുന്നേരം അഞ്ചോടെ പോലീസ് തളിപ്പറമ്പ് ദേശീയപാതയ്ക്കു സമീപത്തെ ബദരിയ പ്ലാസ ഹോട്ടലിനു സമീപത്തുവച്ചു പോലീസ് പിടികൂടിയത്. മഫ്ടിയിലെത്തിയ പോലീസിനെ കണ്ടയുടനെ ഇരുവരും സ്വര്ണം വലിച്ചെറിഞ്ഞ് ഓടിരക്ഷപ്പെടാന് ശ്രമിച്ചുവെങ്കിലും പോലീസ് ബലംപ്രയോഗിച്ചു പിടികൂടുകയായിരുന്നു. തളിപ്പറമ്പിലേക്കു കഞ്ചാവ് എത്തിക്കുന്നത് ഇവരാണെന്നു സംശയിച്ചു കുറച്ചുദിവസങ്ങളായി പോലീസ് ഇരുവരേയും നിരീക്ഷിച്ചുവരികയായിരുന്നു. 61.9 ഗ്രാം ബോംബെ ചെയിന്, 6.1 ഗ്രാം മൂന്ന് തങ്കക്കട്ടികള്, രണ്ടു സ്വര്ണക്കട്ടികള് എന്നിവയുള്പ്പെടെയാണു പോലീസ് കണ്ടെടുത്തത്. ചെറുവത്തൂരിലെ ഒരു ജ്വല്ലറിയിൽ കൊടുക്കാനുള്ള സ്വര്ണമാണെന്നാണു കസ്റ്റഡിയിലുള്ളവര് പോലീസിനോട് പറഞ്ഞത്. പിടികൂടിയ സ്വര്ണവും കസ്റ്റഡിയിലുള്ളവരേയും ഇന്നു കോടതിയില് ഹാജരാക്കുമെന്നു പ്രിന്സിപ്പല് എസ്ഐ കെ.ദിനേശന് പറഞ്ഞു.
Read Moreതലശേരി നഗരമധ്യത്തിൽ പട്ടാപ്പകൽ പിടിച്ചുപറി; മണിക്കൂറുകൾക്കുള്ളിൽ പ്രതികളെ പിടിച്ച് പോലീസ്
തലശേരി: ആദായ നികുതി വകുപ്പ് ഉദ്യാഗസ്ഥർ ചമഞ്ഞു കൊള്ള സംഘമെത്തിയതിനു പിന്നാലെ നഗരമധ്യത്തിൽ പട്ടാപ്പകൽ പിടിച്ചുപറിയും അരങ്ങേറി. പിടിച്ചു പറി സംഘത്തെ മണിക്കൂറുകൾക്കുള്ളിൽ പോലീസ് പിടികൂടി. ധർമടം സ്വദേശി ആവിക്കൽ വളപ്പിൽ അബ്ബാസിനെയാണു രണ്ടംഗസംഘം തടഞ്ഞുനിർത്തി പോക്കറ്റിലുണ്ടായിരുന്ന 1500 രുപ കവർന്നെടുത്തത്. ഇന്നലെ വൈകുന്നേരം നാലോടെ റെയിൽവേ സ്റ്റേഷനിൽ നിന്നും സിഗ്മ സിറാമിക്സിന്റെ മുന്നിലൂടെയുള്ള നടപ്പാതയിലായിരുന്നു സംഭവം നടന്നത്. വിവരമറിഞ്ഞു സ്ഥലത്തെത്തിയ എസ്ഐ അനിലിന്റെ നേതൃത്വത്തിലുള്ള സംഘം നഗരത്തിൽ വ്യാപകമായ റെയ്ഡ് നടത്തുകയും പ്രതികളെന്നു സംശയിക്കുന്നവരെ പിടികൂടുകയും ചെയു. റഷീദ്, സിജോ സേവ്യർ എന്നിവരാണു പിടിയിലായത്. ഇവരെ വിശദമായി ചോദ്യം ചെയ്തു വരികയാണെന്നു പോലീസ് പറഞ്ഞു.
Read Moreഒന്നുകിൽ സർക്കാർ വിജയിക്കും, അല്ലെങ്കില് ഞങ്ങൾ മരിക്കും; ദേശീയപാത അലൈൻമെന്റിൽ തുരുത്തികോളനി അപ്രത്യക്ഷമാകും; കുടിൽ കെട്ടി സമരം 146 ദിവസം പിന്നിട്ടു
പാപ്പിനിശേരി: മൂന്നാമത്തെ ദേശീയപാത അലൈൻമെന്റിലൂടെ തുരുത്തി കോളനി പാടെ തുടച്ചു മാറ്റപ്പെടുന്നതിനെതിരെ ആരംഭിച്ച കുടിൽ കെട്ടി സമരം 146 ദിവസം പിന്നിട്ടു. സമരസമതിയുടെ നേതൃത്വത്തിൽ ഇതിനകം നൂറിൽ പരം വ്യത്യസ്ഥങ്ങളായ സമരമുറകളും നടത്തി. വേളാപുരം, കോട്ടകത്ത്, അത്താഴക്കുന്ന് പ്രദേശങ്ങളിലെ സമരസമിതികളും കൂടി ചേർന്ന് സംയുക്തമായിട്ടാണ് നിരാഹാര പരിപാടികൾ നടത്തിവന്നത്. കോടതി സ്റ്റേ നിലനില്ക്കുമ്പോൾ ധൃതിപ്പെട്ട് മൂന്ന് ഡി നോട്ടിഫിക്കേഷൻ നടത്തിയത് നിയമ സംവിധാനത്തിനോട് കാണിക്കുന്ന കടുത്ത വഞ്ചനയായിട്ടാണ് സമരസമിതി നേതാവായ നിഷിൽ കുമാർ ആരോപിച്ചത്. ദേശീയ പാതയുടെ മൂന്നാമത്തെ അലൈൻമെന്റ് തുരുത്തി പ്രദേശത്തു നിന്നും മാറ്റി സ്ഥാപിക്കാതെ പ്രദേശവാസികളാരും തന്നെ സമരത്തിൽ നിന്നും പിന്തിരിയാൻ തയാറല്ലെന്ന നിലപാടിലാണ്. ഒന്നുകിൽ സർക്കാർ വിജയിക്കും, അല്ലെങ്കില് ഞങ്ങൾ മരിക്കും എന്നാണ് സമരസമിതി നേതാക്കളും പ്രദേശവാസികളും ഒറ്റക്കെട്ടായി പറയുന്നത്. തുരുത്തി കടിൽ കെട്ടി നടത്തി വരുന്ന സമരപന്തലിൽ ചേർന്ന യോഗത്തിൽ കൺവീനർ…
Read Moreഉത്സവലഹരിയിൽ മട്ടന്നൂർ; വർഷങ്ങളായുള്ള കാത്തിരിപ്പിനൊടുവിൽ മൂർഖൻ പറമ്പിൽ വിമാനം പറന്നിറങ്ങി
മട്ടന്നൂർ: വർഷങ്ങളായുള്ള കാത്തിരിപ്പിനൊടുവിൽ വിമാനം മട്ടന്നൂർ മൂർഖൻ പറമ്പിൽ പറന്നിറങ്ങിയപ്പോൾ മട്ടന്നൂർ പ്രദേശത്തുള്ളവരുടെ സന്തോഷം ഇരട്ടിയായിരുന്നു. വലിയ യാത്രാവിമാനം കണ്ണൂർ രാജ്യാന്തര വിമാനത്താവളത്തിൽ പരിശോധനയ്ക്ക് എത്തുമെന്നു മാധ്യമങ്ങളിലൂടെ അറിഞ്ഞ ജനങ്ങൾ വിമാനത്താവളത്തിലേക്ക് പുറപ്പെട്ടുവെങ്കിലും പൊതുജനങ്ങൾക്ക് പ്രവേശനമില്ലെന്നു അറിഞ്ഞതോടെ അവർ പദ്ധതി പ്രദേശത്തിനു പുറത്തുനിന്ന് വിമാനം കണ്ടു. സമീപപ്രദേശങ്ങളിലെ വീട്ടുകാർ വീടുകളുടെയും കെട്ടിടങ്ങളുടെയും മുകളിൽ കയറിയാണ് യാത്രാവിമാനം കൺനിറയെ കണ്ടത്. പഴശിരാജാ കോളജിനു സമീപത്തും ഏറെപ്പേർ കാത്തിരുന്നു. കിയാൽ അധികൃതർക്കും ജനപ്രതിനിധികൾക്കും തൊഴിലാളികൾക്കും മാധ്യമ പ്രവർത്തകർക്കും മാത്രമായിരുന്നു ഇന്നു വിമാനത്താവളത്തിലേക്ക് പ്രവേശനം. കീഴല്ലൂർ പഞ്ചായത്തിലെ മൂർഖൻ പറമ്പിൽ വിമാനത്താവളത്തിനു വർഷങ്ങൾക്ക് മുമ്പ് 2000 ഏക്കറിലധികം സ്ഥലം ഏറ്റെടുത്തപ്പോൾ നിർമാണ പ്രവൃത്തി പൂർത്തീകരിച്ചു ഇത്രയും വേഗം വിമാനം ഇറങ്ങുമെന്നു ആരും കരുതിയില്ല. കഴിഞ്ഞ യുഡിഎഫ് സർക്കാരിന്റെ കാലത്ത് വിമാനത്താവളത്തിൽ പരീക്ഷണ പറക്കലിനു ചെറുവിമാനം ഇറങ്ങിയിരുന്നു. ഇതിനു ശേഷം കഴിഞ്ഞ മാസവും…
Read Moreപയ്യന്നൂർ നഗരത്തിൽ മദ്യലഹരിയില് യുവാവിന്റെ നഗ്നനൃത്തം; സഹികെട്ട യാത്രക്കാർ പഴയ പാന്റ്സ് കൊണ്ടുവന്ന് യുവാവിന് നൽകി; പിന്നീട് സംഭവിച്ചത്….
പയ്യന്നൂര്: പയ്യന്നൂര് നഗരഹൃദയത്തില് അതിരാവിലെ മദ്യലഹരിയില് നഗ്നനൃത്തമരങ്ങേറി. ഇന്ന് രാവിലെ ആറോടെയാണ് പയ്യന്നൂര് പഴയ ബസ് സ്റ്റാൻഡിന് സമീപം മദ്യപന് ഉടുതുണിയില്ലാതെ അഴിഞ്ഞാടിയത്. ഫുട്പാത്തിൽ നടത്തിയ അരങ്ങേറ്റം കണ്ട് പൊറുതി മുട്ടിയവര് എവിടെ നിന്നോ സംഘടിപ്പിച്ച പഴയ പാന്റ് ഇയാളെ നിര്ബന്ധിച്ച് ധരിപ്പിക്കുകയായിരുന്നു. ബാറുകളിലും ബീവറേജ് ഔട്ട്ലെറ്റുകളിലും മദ്യ വില്പന സമയക്രമമനുസരിച്ചാണ് നടക്കുന്നതെങ്കിലും പുറത്ത് ഏത് സമയത്തും യഥേഷ്ടം മദ്യം ലഭിക്കുന്ന അവസ്ഥയുണ്ട്. ബസ് സ്റ്റാൻഡിന് സമീപം ചിലര് തമ്പടിച്ച് അധിക വിലയീടാക്കി സമാന്തര മദ്യവില്പന നടത്തുന്നതായി പരാതിയുണ്ട്.
Read Moreഇനി ടേക്ക്ഓഫ്; കണ്ണൂരിൽ എയർക്രാഫ്റ്റ് പരീക്ഷണം; വലിയ യാത്രവിമാനം റൺവേയിലിറങ്ങി
കണ്ണൂർ: ഡയറക്ടർ ജനറൽ ഓഫ് സിവിൽ ഏവിയേഷൻ അന്തിമപരിശോധന പൂർത്തിയായതിനെ തുടർന്ന് എയർക്രാഫ്റ്റ് പരീക്ഷണത്തിന് വലിയ യാത്രാവിമാനം കണ്ണൂർ വിമാനത്താവളത്തിൽ ഇറങ്ങി. വ്യാഴാഴ്ച രാവിലെയാണ് വിമാനം കണ്ണൂരിൽ ഇറങ്ങിയത്. 190 സീറ്റുകളുള്ള എയർ ഇന്ത്യ എക്സ്പ്രസ് ബോയിംഗ് വിമാനമാണ് കണ്ണൂരിലെത്തിയത്. അന്താരാഷ്ട്ര സിവിൽ ഏവിയേഷൻ ഓർഗനൈസേഷൻ നിബന്ധന പ്രകാരമുള്ള ഡിവിആർഒ പരീക്ഷണത്തിനായി തിരുവനന്തപുരത്തുനിന്നുമാണ് യാത്രാവിമാനം എത്തിയത്.
Read Moreകണ്ണൂർ വാഴ്സിറ്റിയെ സിപിഎം ഓഫീസാക്കി മാറ്റാൻ ശ്രമമെന്ന് വി.ടി.ബലറാം എംഎൽഎ
കണ്ണൂർ: കണ്ണൂർ സർവകലാശാലയെ സിപിഎം പാർട്ടി ഓഫീസാക്കി മാറ്റാൻ ശ്രമിക്കുകയാണെന്ന് വി.ടി. ബലറാം എംഎൽഎ. കണ്ണൂർ സർവകലാശാലയിലെ രാഷ്ട്രീയവത്കരണം അവസാനിപ്പിക്കുക, വിദ്യാർഥിനികളെ പീഡിപ്പിച്ച വകുപ്പ് മേധാവിക്കെതിരേ നടപടി സ്വീകരിക്കുക തുടങ്ങിയ ആവശ്യങ്ങൾ ഉന്നയിച്ച് സ്റ്റേറ്റ് എംപ്ലോയീസ് ആൻഡ് ടീച്ചേഴ്സ് ഓർഗനൈസേഷൻ (സെറ്റോ) ജില്ലാ കമ്മിറ്റിയുടെ നേതൃത്വത്തിൽ കണ്ണൂർ സർവകലാശാലയിലേക്ക് നടത്തിയ മാർച്ച് ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. കണ്ണൂർ സർവകലാശാല വരുന്നതിനെ ആദ്യം എതിർത്തവരാണു സിപിഎമ്മുകാർ. കോഴിക്കോട് സർവകലാശാല ഉള്ളപ്പോൾ എന്തിന് കണ്ണൂർ യൂണിവേഴ്സിറ്റി എന്നു പറഞ്ഞവരാണ് ഇപ്പോൾ ഈ സർവകലാശാലയെ നശിപ്പിക്കാനുള്ള പ്രവർത്തനങ്ങൾ നടത്തുന്നത്. രാഷ്ട്രീയ ഭിക്ഷാംദേഹികളെയും ഒരുനിലവാരമില്ലാത്തവരെയും സിൻഡിക്കറ്റ് അംഗങ്ങളാക്കി മാറ്റി സർവകലാശാലയുടെ എല്ലാ പ്രൗഢിയും ബഹുമാനവും തകർത്തുകൊണ്ട് മുന്നോട്ടുപോവുകയാണ്. ഈ അംഗങ്ങൾക്ക് എന്താണ് സർവകലാശാലയുമായിട്ടുള്ള ബന്ധം. എല്ലാം ശരിയാക്കുമെന്നു പറഞ്ഞ് അധികാരത്തിലേറിയവർ യഥാർഥത്തിൽ സ്ത്രീപീഡകരെ സംരക്ഷിക്കുന്ന നയമാണ് കൈക്കൊള്ളുന്നത്. ഇവിടെ ഒരു വകുപ്പ്…
Read Moreദുരിതാശ്വാസനിധിയിലേക്ക് തുകയുമായി കുരുന്നുകളും; ഓണാഘോഷം നടത്തുന്നതിനു ഭണ്ഡാരപ്പെട്ടിയിൽ ശേഖരിച്ച പണവുമായാണ് അങ്കണവാടി കുട്ടികൾ മന്ത്രിയെ കാണാനെത്തിയത്
മട്ടന്നൂർ: അങ്കണവാടിയിൽ ഓണാഘോഷം നടത്തുന്നതിനു ഭണ്ഡാരപ്പെട്ടിയിൽ ശേഖരിച്ച പണം ദുരിതാശ്വാസ നിധിയിലേക്ക് കൈമാറി കുരുന്നുകൾ മാതൃകയായി. കീഴല്ലൂർ പഞ്ചായത്തിലെ 18 അങ്കണവാടികളിലെ കുട്ടികളിൽ നിന്നു സമാഹരിച്ച 16,000 രൂപയാണ് ദുരിതാശ്വാസനിധിയിലേക്ക് നൽകിയത്. ചാലോട് അങ്കണവാടിയിലെ ഫാത്തിമയുടെ വാക്കുകളാണ് ദുരിതാശ്വാസ നിധിയിലേക്ക് പണം കണ്ടെത്താൻ പ്രോത്സാഹനമായത്. പ്രളയവും സഹായ വിതരണവും ദൃശ്യമാധ്യമങ്ങളിലും മറ്റും കണ്ട ഫാത്തിമ അങ്കണവാടി വർക്കരോട് ഓണാഘോഷത്തിനു സമാഹരിച്ച പണം ദുരിതാശ്വാസ നിധിയിലേക്ക് കൈമാറിയാലോയെന്നു ചോദിക്കുകയായിരുന്നു. അങ്കണവാടി വർക്കർ ശ്രീലത സൂപ്പർവൈസർ ശോഭനയെ അറിയിച്ചതോടെ അനുകൂല തീരുമാനമാകുകയായിരുന്നു. തുടർന്നാണ് കീഴല്ലൂർ പഞ്ചായത്തിലെ എല്ലാ അങ്കണവാടികളിൽ നിന്നും ദുരിതാശ്വാസഫണ്ട് സ്വരൂപിക്കുവാൻ തീരുമാനിച്ചത്. ചാലോട് അങ്കണവാടിയിൽ നിന്നു 4000 രൂപയും മറ്റു അങ്കണവാടികളിൽ നിന്നുമായി സമാഹരിച്ച തുകയും കുട്ടികൾ ചേർന്നു മന്ത്രി ഇ.പി. ജയരാജനു മട്ടന്നൂരിൽ നടന്ന ചടങ്ങിൽ കൈമാറിയത്.
Read More