മൂവാറ്റുപുഴ: തിരക്കുള്ള സമയങ്ങളിൽ മൂവാറ്റുപുഴ-കാക്കനാട് റൂട്ടിൽ കെഎസ്ആർടിസി ബസ് സർവീസുകൾ റദ്ദാക്കുന്നതിനെരേ പ്രതിഷേധിച്ച് യാത്രക്കാർ. ഇന്നലെ വൈകുന്നേരം നാലു മുതൽ മൂവാറ്റുപുഴ ഡിപ്പോയിൽനിന്നു കാക്കനാടു വഴി കലൂർക്ക് ബസുകൾ പുറപ്പെടാതെ വന്നതോടെ യാത്രക്കാർ ബസ് ഡിപ്പോയിൽ ബഹളമുണ്ടാക്കി. തുടർന്നു 5.30ഓടെയാണ് ബസ് പുറപ്പെട്ടത്. ജോലി കഴിഞ്ഞും സ്കൂളുകളും കോളജുകളും വിട്ടും എത്തുന്നവർക്ക് നാലു കഴിഞ്ഞാൽ പിന്നീട് ബസ് കിട്ടുവാൻ വൈകുകയാണെന്നാണ് പരാതി. അതിനു മുൻപുള്ള മൂന്നു ബസുകൾ നേരത്തെ തന്നെ റദ്ദാക്കിയിരുന്നു. ഇപ്പോൾ നാലു ബസിലെ ആളുമായാണ് വൈകിട്ട് നാലിന് പുറപ്പെടുന്നത്. ഇത് ഇഴഞ്ഞു ലക്ഷ്യസ്ഥാനത്തെത്തുന്പോഴേക്കും രാത്രിയാകുന്ന സ്ഥിതിയാണുള്ളത്. സ്ത്രീകളും കുട്ടികളുമാണ് ഇതുമൂലം ഏറെ ക്ലേശം അനുഭവിക്കുന്നത്. പ്രശ്നം പലതവണ അധികൃതരുടെ ശ്രദ്ധയിൽപ്പെടുത്തിയെങ്കിലും നടപടി ഉണ്ടാകുന്നില്ലെന്നു യാത്രക്കാർ പറയുന്നത്. ഡിപ്പോയിൽ ആവശ്യത്തിനു കണ്ടക്ടർമാരും ഡ്രൈവർമാരും ഇല്ലാത്തതിനാലാണു സർവീസുകൾ റദ്ദാക്കുന്നതെന്നാണ് അധികൃതരുടെ വിശദീകരണം. കഴിഞ്ഞ ഒരുമാസത്തിനിടെ പത്തോളം കണ്ടക്ടർമാരും…
Read MoreCategory: Kochi
എടയാർ സ്വർണക്കവർച്ച; പ്രത്യേക അന്വേഷണ സംഘത്തെ രൂപീകരിച്ചെങ്കിലും പ്രതികളെക്കുറിച്ച് ഒരു സൂചനയും ലഭിക്കാതെ പോലീസ്
ആലുവ: ആറു കോടിയോളം രൂപ വിലമതിക്കുന്ന 20 കിലോ സ്വർണം കവർന്ന സംഭവത്തിൽ അന്വേഷണത്തിൽ പുരോഗതിയില്ല. പ്രത്യേക അന്വേഷണ സംഘം രൂപീകരിച്ചെങ്കിലും പ്രതികളെക്കുറിച്ച് യാതൊരു സൂചനയും ലഭിച്ചിട്ടില്ല. സംഭവസമയത്ത് എടയാർ, ഏലൂർ, പാനായിക്കുളം, കളമശേരി ഭാഗങ്ങളിൽ സജീവമായിരുന്ന മൊബൈൽ ഫോണുകൾ കേന്ദ്രീകരിച്ചുള്ള വിശദമായ അന്വേഷണത്തിലാണ് പ്രത്യേക സംഘം. ഇതിനായി സൈബർ സെല്ലിലെ വിദഗ്ധ സംഘത്തിന്റെ സഹായത്തോടെയാണ് പരിശോധന. കഴിഞ്ഞ വ്യാഴാഴ്ചയായിരുന്നു സംഭവം. കാറിൽ എടയാറിലെ സ്വർണ ശുദ്ധീകരണശാലയിലേക്കു കൊണ്ടുവന്ന ഉരുപ്പടികൾ ബൈക്കിലെത്തിയ രണ്ടംഗ സംഘം വാഹനം തടഞ്ഞു ചില്ലു തകർത്തു കവർച്ച നടത്തുകയായിരുന്നു. പ്രധാന സാക്ഷികളായ കാർ യാത്രികരെ വിശദമായി ചോദ്യം ചെയ്തെങ്കിലും യാതൊരു തുന്പും ലഭിച്ചിരുന്നില്ല. ക്വട്ടേഷൻ സംഘങ്ങളെ കേന്ദ്രീകരിച്ചും സിസിടിവി ദൃശ്യങ്ങൾ പരിശോധിച്ചും നടത്തിയ അന്വേഷണങ്ങളും ഫലം കണ്ടില്ല. ഒടുവിലാണ് സൈബർ സെല്ലിന്റെ സഹായം തേടിയിരിക്കുന്നത്. കവർച്ചാ സംഘത്തിനു പുറത്തുനിന്നുള്ള സഹായം ലഭിച്ചുവെന്ന നിഗമനത്തിലാണ്…
Read Moreകണ്ടെയ്നർ റോഡിലെ അപകടങ്ങൾ ; പോർട്ട് ട്രസ്റ്റിനെയും കേസിൽ പ്രതിയാക്കണമെന്ന് ദ്വീപ് നിവാസികൾ
വൈപ്പിൻ: കണ്ടെയ്നർ ലോറികൾക്ക് പാർക്കിംഗിനായി മതിയായ സൗകര്യം ഏർപ്പെടുത്താനാകാതെ പാർക്കിംഗിനു കണ്ടെത്തിയ സ്ഥലം കണ്ടെയ്നർ ഡന്പിംഗ് യാർഡ് ആക്കി മാറ്റിയ പോർട്ട് ട്രസ്റ്റിനെതിരേ സ്വമേധയ കേസെടുക്കണമെന്ന് നാട്ടുകാർ ആവശ്യപ്പെട്ടു. ഇന്നലെ കണ്ടെയ്നർ റോഡിനരുകിൽ പാർക്ക് ചെയ്തിരുന്ന കണ്ടെയ്നർ ലോറിയിൽ ബൈക്ക് ഇടിച്ച് മാതാപിതാക്കൾക്കൊപ്പം സഞ്ചരിച്ചിരുന്ന ഏഴു വയസുകാരൻ മരണപ്പെട്ട സാഹചര്യത്തിലാണ് നാട്ടുകാർ രംഗത്തു വന്നിട്ടുള്ളത്. പാർക്ക് ചെയ്യാൻ മതിയായ സ്ഥലമില്ലാത്തതിനാൽ കണ്ടെയ്നർ ലോറികൾ അനധികൃതമായി കണ്ടെയ്നർ റോഡിൽ തന്നെ പാർക്ക് ചെയ്യുന്നത് മൂലമാണ് അപകടങ്ങളും മരണങ്ങളും തുടർക്കഥയാകുന്നത്. നേരത്തെ ഹൈക്കോടതി ഇടപെടലിനെ തുടർന്ന് മതിയായ പാർക്കിംഗ് സൗകര്യം ഉണ്ടാക്കണമെന്ന് ജില്ലാ ഭരണകൂടം പോർട്ട് ട്രസ്റ്റിനു നിർദ്ദേശം നൽകിയിരുന്നതാണ്. ഇതനുസരിച്ച് വല്ലാർപാടത്ത് മൂന്നാം പാലം കയറുന്നതിനു മുന്പായി വടക്ക് ഭാഗത്തു പെട്രോൾ പന്പിനോട് ചേർന്നും രണ്ടാം പാലത്തിനു തെക്ക് തണ്ണീർതടം നികത്തിയ എംപിഇഡിഎയുടെ സ്ഥലത്തും പാർക്കിംഗ് സൗകര്യം ഏർപ്പെടുത്താൻ…
Read Moreകല്ലട ബസിലെ മർദനം; റിപ്പോർട്ട് ലഭിച്ചു, നടപടി സ്വീകരിക്കുമെന്ന് ഇരിങ്ങാലക്കുട ജോയിന്റ് ആർടിഒ
കൊച്ചി: കല്ലട ബസ് ജീവനക്കാർ യാത്രക്കാരെ മർദിച്ച സംഭവത്തിൽ എറണാകുളം ആർടിഒ ജോജി പി. ജോസിന്റെ റിപ്പോർട്ടു ലഭിച്ചതായി ഇരിങ്ങാലക്കുട ജോയിന്റ് ആർടിഒ. ഇന്നലെ വൈകിട്ടോടെയാണ് റിപ്പോർട്ട് ലഭിച്ചത്. ഫയൽ പരിശോധിച്ചുവരുന്നതായും പെർമിറ്റ് റദ്ദാക്കണമെന്ന റിപ്പോർട്ടുണ്ടെങ്കിൽ നടപടികൾ സ്വീകരിക്കുമെന്നും അദ്ദേഹം പറഞ്ഞു. ഗതാഗത വകുപ്പിന്റെ അന്വേഷണ റിപ്പോർട്ടിന്റെയും ബസ് ഉടമ സുരേഷ് കല്ലടയുടെ മൊഴിയുടെയും അടിസ്ഥാനത്തിലാണ് പെർമിറ്റ് റദ്ദാക്കാനുള്ള ശിപാർശ എറണാകുളം ആർടിഒ നൽകിയിട്ടുള്ളത്. ഹരിപ്പാടുനിന്നും വൈറ്റിലയിലേക്കു യാത്രികരെ എത്തിച്ച ബസിന്റെ പെർമിറ്റ് റദ്ദാക്കാനാണ് ശിപാർശ. ബസ് രജിസ്റ്റർ ചെയ്തിട്ടുള്ളത് ഇരിങ്ങാലക്കുട ആർടി ഓഫീസിൽ ആയതിനാലാണ് ഇതു സംബന്ധിച്ച റിപ്പോർട്ട് അവിടേക്ക് അയച്ചു നൽകിയത്. ഇരിങ്ങാലക്കുട ജോയിന്റ് ആർടിഒ ആണ് പെർമിറ്റ് റദ്ദ് ചെയ്യേണ്ടത്. സംഭവത്തിൽ ബസ് ഉടമ സുരേഷ് കല്ലട ഗതാഗത വകുപ്പ് ഉദ്യോഗസ്ഥർക്കും പോലീസിന്റെ പ്രത്യേക അന്വേഷണ സംഘത്തിനു മുന്പാകെയും ഹാജരായി മൊഴി നൽകിയിരുന്നു.…
Read Moreവനിത ക്വട്ടേഷനിൽ യുവാവിന് മർദനം; യുവതിയുടെ ഭർത്താവ് അറസ്റ്റിൽ; ഗുണ്ടാസംഘങ്ങൾക്കായി അന്വേഷണം ഊർജിതമാക്കിയതായി പ്രിൻസിപ്പൽ എസ്ഐ
ആലുവ: വനിത ക്വട്ടേഷനിൽ പതിനഞ്ചംഗ ഗുണ്ടകൾ യുവാവിനെ മണിക്കൂറുകളോളം മർദിച്ച് അവശനാക്കി റോഡിൽ തള്ളിയ സംഭവത്തിൽ യുവതിയുടെ ഭർത്താവ് അറസ്റ്റിൽ. നെടുന്പാശേരി ഗാന്ധിഗ്രാമത്തിൽ പെരിങ്ങാട്ട് പ്രിയകുമാർ എന്ന കണ്ണനെ (47) ആണ് ആലുവ ഈസ്റ്റ് പോലീസ് അറസ്റ്റ് ചെയ്തത്. ഇയാളിൽ നിന്നും ലഭിച്ച സൂചനകൾ പ്രകാരം അത്താണി, കോട്ടായി ഭാഗത്തെ ഗുണ്ടാസംഘങ്ങൾക്കായി അന്വേഷണം ഉൗർജിതമാക്കിയതായി പ്രിൻസിപ്പൽ എസ്ഐ മോഹിത് രാഷ്ട്രദീപികയോട് പറഞ്ഞു. ഞായറാഴ്ച രാത്രി ആലുവ പറവൂർ കവലയ്ക്ക് സമീപം ഒത്തുതീർപ്പിനെന്ന വ്യാജേന നെടുന്പാശേരി വിമാനത്താവളത്തിലെ ഡ്രൈവർ കുട്ടമശേരി സ്വദേശി ഫൈസലിനെ ഗുണ്ടാസംഘം വിളിച്ചുവരുത്തുകയായിരുന്നു. വിമാനത്താവളത്തിലെ ഡ്രൈവറായ യുവതിയുമായി ജോലി സ്ഥലത്തുണ്ടായ വാക്കുതർക്കത്തെ തുടർന്ന് ഇവർ നല്കിയ ക്വട്ടേഷനായിരുന്നു സംഭവത്തിനു കാരണം. പറവൂർ കവലയിലെത്തിയപ്പോൾ അപകടം മണത്തറിഞ്ഞ ഫൈസൽ കാറുമായി രക്ഷപ്പെടാൻ ശ്രമിച്ചെങ്കിലും ആക്രമികൾ താക്കോൽ ഉൗരിയെടുത്തു. തുടർന്ന് അറസ്റ്റിലായ കണ്ണൻ ഉൾപ്പെടെയുള്ള സംഘം ഫൈസലിനെ വാഹനത്തിൽ…
Read Moreട്രാക്ക് നവീകരണം; എറണാകുളം-ഗുരുവായൂർ പാസഞ്ചർ സർവീസുകൾ മൂന്നു ദിവസങ്ങളിൽ റദ്ദാക്കി
കൊച്ചി: എറണാകുളം-അങ്കമാലി, തൃശൂർ-വടക്കാഞ്ചേരി പാതയിൽ ട്രാക്ക് നവീകരണ പ്രവർത്തനങ്ങൾ നടക്കുന്നതിനാൽ മൂന്നു ദിവസങ്ങളിലെ എറണാകുളം-ഗുരുവായൂർ റൂട്ടിലെ പാസഞ്ചർ സർവീസുകൾ റദ്ദാക്കി. ചൊവ്വാഴ്ച മുതൽ 16 വരെ എറണാകുളം-ഗുരുവായൂർ പാസഞ്ചർ (56370), ഗുരുവായൂർ-എറണാകുളം പാസഞ്ചർ (56375) സർവീസുകളാണു പൂർണമായും റദ്ദാക്കിയത്. ഈ ദിവസങ്ങളിൽ ചെന്നൈ-എഗ്മോർ-ഗുരുവായൂമർ എക്സ്പ്രസ് (16127) എറണാകുളം ജംഗ്ഷനിൽ രണ്ടു മണിക്കൂറോളം പിടിച്ചിടും. ചൊവ്വാഴ്ച എറണാകുളം-പൂന എക്സ്പ്രസും (22149) ബുധനാഴ്ച തിരുവനന്തപുരം സെൻട്രൽ-ഹസ്രത്ത് നിസാമുദ്ദീൻ സൂപ്പർ ഫാസ്റ്റ് എക്സ്പ്രസും (22655) ആലുവയ്ക്കും അങ്കമാലിക്കുമിടയിൽ 25 മിനിറ്റോളം പിടിച്ചിടുമെന്നും റെയിൽവേ അറിയിച്ചു.
Read Moreഈ റോഡിൽ കുഴിയുണ്ട്..! മുന്നറിയിപ്പ് ബോർഡ് വയ്ക്കാൻ ഹൈക്കോടതി ഉത്തരവ്; നടപടികളിൽ വീഴ്ചവരുത്തിയാൽ നഷ്ടപരിഹാരം നൽകാൻ സർക്കാരിനു ബാധ്യത
കൊച്ചി: പൊതുറോഡുകളിൽ കുഴികളോ മറ്റെന്തെങ്കിലും അപകടസാധ്യതകളോ ഉണ്ടെങ്കിൽ അക്കാര്യം വ്യക്തമാക്കി മുന്നറിയിപ്പു ബോർഡുകൾ സ്ഥാപിക്കണമെന്ന് ഹൈക്കോടതി. ഇത്തരം നടപടികളിൽ വീഴ്ച വരുത്തുന്നതുമൂലം ഉണ്ടാകുന്ന അപകടങ്ങളിൽ പരിക്കേൽക്കുന്നവർക്ക് നഷ്ടപരിഹാരം നൽകാൻ സർക്കാരിനു ബാധ്യതയുണ്ടെന്നും ഹൈക്കോടതി ഉത്തരവിൽ പറയുന്നു. പൊതുറോഡുകൾ നന്നായി പരിപാലിക്കാൻ സർക്കാരിനും പൊതുമരാമത്ത് വകുപ്പിനും ഉത്തരവാദിത്വമുണ്ട്. ഇത്തരം കാര്യങ്ങളിൽ സർക്കാർ ജീവനക്കാരിൽനിന്നുണ്ടാകുന്ന വീഴ്ചകൾക്ക് സർക്കാരിനു പരോക്ഷ ബാധ്യത ഉണ്ടെന്നും സിംഗിൾ ബെഞ്ച് വ്യക്തമാക്കി. അടൂർ – കൈപ്പട്ടൂർ റോഡിലെ കുഴിയിൽ വീണ് കാലൊടിഞ്ഞ സംഭവത്തെത്തുടർന്ന് നഷ്ടപരിഹാരം തേടി തട്ടയിൽ സ്വദേശിനി ശാന്തമ്മ നൽകിയ ഹർജിയിലാണു സിംഗിൾ ബെഞ്ച് ഇക്കാര്യം പറഞ്ഞത്. 1997 ഡിസംബർ 14-ന് വൈകിട്ട് ബാലകലോത്സവം കണ്ടു മടങ്ങവെയാണ് ഹർജിക്കാരിക്ക് പരിക്കേറ്റത്.
Read Moreവകതിരിവില്ലാതെ കൂട്ട അവധിയെടുത്ത് ഡോക്ടർമാർ; ഉള്ള ഒരു ഡോക്ടറാവട്ടെ രോഗികളെ നോക്കി വലയുന്നു; വടവുകോട് സർക്കാർ ആശുപത്രിയിലെ രീതികളിങ്ങനെ…
കോലഞ്ചേരി: വടവുകോട് സർക്കാർ ആശുപത്രിയിൽ ഡോക്ടർമാർ ലീവിൽ പോയതോടെ രോഗികൾ വലയുന്നു. ചികിൽസക്കായി ചീട്ടെടുത്തിട്ടും ചികിൽസ നിഷേധിച്ചതായി പരാതി. വർക്ക് അറേജ്മെൻറ്റിന്റെ ഭാഗമായി ഇന്നലെ എത്തിയ ഒരു ഡോക്ടർ നൂറിന് മുകളിൽ രോഗികളെയാണ് പരിചരിച്ചത്. കോടിക്കണക്കിന് രൂപ മുടക്കി പുതിയ കെട്ടിടങ്ങൾ നിർമിച്ചും ആധുനിക സൗകര്യങ്ങൾ ഏർപ്പെടുത്തിയും നന്നായി പ്രവർത്തിച്ചുവന്ന വടവുകോട് സർക്കാർ ആശുപത്രിയാണ് ഡോക്ടർമാരില്ലാതെ വലയുന്നത്. നാല് ഡോക്ടർമാരുടെ സേവനമുള്ള ഇവിടെ നാല് പേരും ലീവിലായതാണ് പ്രശ്നങ്ങൾക്ക് കാരണമായി പറയുന്നത്. ഒരു ഡോക്ടർ പി.ജിക്ക് അഡ്മിഷൻ കിട്ടി പോകുകയും ഒരാൾ മെറ്റേർനിറ്റി ലീവിലുമാണ്. മറ്റൊരു ഡോക്ടറാണെങ്കിൽ ആശുപത്രിയിൽ എത്താറുമില്ല. പിന്നെയുള്ള ഒരു ഡോക്ടറുടെ സേവനം മാത്രമാണ് ഇവിടെ ലഭിക്കുന്നത്. അദ്ദേഹവും ലീവിലാകുന്നതോടെ ആശുപത്രിയിൽ ഡോക്ടർമാരില്ലാത്ത സ്ഥിതിയാണ്. ദിവസേന നൂറുകണക്കിന് രോഗികൾ വരുന്ന ആശുപത്രിയിൽ ഉടൻ ഡോക്ടർമാരെ നിയമിക്കണമെന്ന് വി.പി. സജീന്ദ്രൻ എംഎൽഎ ആവശൃപ്പെട്ടു. പ്രദേശത്തെ പാവപ്പെട്ട…
Read Moreപാലം വേണമെന്ന ആവശ്യം സാധിച്ചു കൊടുത്തു; പക്ഷേ പാലത്തിലേക്ക് കയറാനുള്ള അപ്രോച്ച് റോഡ് നിർമിച്ചില്ല; ഏണിവെച്ച് കയറി നാട്ടുകാർ
മൂവാറ്റുപുഴ: അഞ്ചു വർഷമായിട്ടും അപ്രോച്ച് റോഡ് നിർമിക്കാത്തതുമൂലം മുളവൂർ വായനശാലപ്പടി പാലത്തിലേക്ക്ആളുകൾ കയറുന്നത് താൽക്കാലികമായി സ്ഥാപിച്ച ഏണിയിലൂടെ. ജില്ലാ പഞ്ചായത്ത് 30 ലക്ഷം രൂപ രൂപ മുടക്കി നിർമിച്ച പാലത്തിന്റെ അവസ്ഥയാണിത്. പായിപ്ര പഞ്ചായത്ത് നാലാം വാർഡിലെ മുളവൂർ വായനശാലപ്പടിയിൽ മുളവൂർ തോടിന് കുറുകെ നിർമിച്ച പാലമാണ് അപ്രോച്ച് റോഡ് നിർമിക്കാത്തതിനാൽ നോക്കുകുത്തിയായി മാറിയത്. അപ്രോച്ച് റോഡിന് സ്വകാര്യ വ്യക്തികളുടെ സ്ഥലമേറ്റെടുക്കൽ വൈകിയതും ഏറ്റെടുത്ത സ്ഥലത്ത് എട്ട് മീറ്റർ വീതിയില്ലാത്തതിനാൽ തുക അനുവദിക്കാൻ സാങ്കേതിക തടസങ്ങൾ നേരിട്ടതും റോഡ് നിർമാണം വൈകാൻ കാരണമായി. നാല് മീറ്റർ വീതിയിലും 20 മീറ്റർ നീളത്തിലും നിർമിച്ച പാലം പൂർത്തിയാകാതെ നിൽക്കുകയാണ്. 2013-14 സാന്പത്തിക വർഷത്തിൽ ജില്ലാ പഞ്ചായത്ത് ഏറ്റെടുത്ത പ്രോജക്ടാണിത്. പദ്ധതി അവസാനിപ്പിച്ച് കരാറുകാരൻ പിൻവാങ്ങുകയും ചെയ്തു. വെസ്റ്റ് മുളവൂർ കനാൽ ബണ്ട് റോഡിലെ എംഎസ്എം സ്കൂളിന് സമീപത്തുനിന്ന് ആരംഭിച്ച്…
Read Moreചൂർണിക്കര വ്യാജരേഖ കേസ്; തെളിവെടുപ്പ് പൂർത്തിയായാൽ പോലീസ് അന്വേഷണം അവസാനിക്കും; തുടരന്വേഷണം വിജിലൻസിന് മാത്രം
ആലുവ: ചൂർണിക്കര പഞ്ചായത്തിലെ ഭൂമി നികത്തലിനു വ്യാജരേഖ നിർമിച്ച കേസിന്റെ അന്വേഷണം ഇനി വിജിലൻസിന്. ഫോർട്ട്കൊച്ചി ആർഡിഒ നല്കിയ പരാതിയിൽ ആലുവ ഈസ്റ്റ് പോലീസ് നടത്തിയ അന്വേഷണത്തിൽ മുഖ്യപ്രതികളായ ഇടനിലക്കാരൻ അബു, തിരുവനന്തപുരം ലാൻഡ് റവന്യൂ കമ്മീഷണർ ഓഫീസ് ജീവനക്കാരൻ അരുണ് എന്നിവർ പിടിയിലായിരുന്നു. റിമാൻഡിൽ കഴിയുന്ന ഇരുവരെയും കസ്റ്റഡിയിൽ വാങ്ങി കൂടുതൽ ചോദ്യം ചെയ്യുകയും തെളിവെടുപ്പ് പൂർത്തിയാക്കുകയും ചെയ്താൽ പോലീസ് അന്വേഷണം അവസാനിപ്പിക്കാനാണ് തീരുമാനം. വകുപ്പുതലത്തിൽ സംഭവത്തിൽ കൂടുതൽ പങ്കുണ്ടോയെന്നതടക്കം വിജിലൻസാകും ഇനി അന്വേഷിക്കുക.റവന്യൂ വകുപ്പിൽ സമാനരീതിയിൽ തട്ടിപ്പുകൾ നടന്നിട്ടുണ്ടോയെന്നതാവും വിജിലൻസിന്റെ പ്രധാന അന്വേഷണം. മറ്റ് ഉദ്യോഗസ്ഥർ വ്യാജരേഖ നിർമാണത്തിൽ പങ്കാളിയാണോയെന്നും സ്ഥിരീകരിക്കാൻ പിടിയിലായ പ്രതികളെ കസ്റ്റഡിയിൽ വിശദമായി ചോദ്യം ചെയ്യേണ്ടിവരും. കസ്റ്റഡിയിൽ ലഭിച്ചാൽ വ്യാജ ഉത്തരവുകൾ ടൈപ്പ് ചെയ്ത തിരുവനന്തപുരം, പറവൂർ എന്നിവിടങ്ങളിലെ ഡിടിപി സെന്ററുകളിലും സീൽ പതിച്ചുനല്കിയ തിരുവനന്തപുരം ലാൻഡ് റവന്യൂ കമ്മീഷണറേറ്റിലും…
Read More