കൂത്താട്ടുകുളം : മാലിന്യ സംസ്കരണ പദ്ധതിയും പാതിവഴിയിൽ അവസാനിച്ചു. മാറി വരുന്ന ഭരണസമിതികൾ കൂത്താട്ടുകുളത്ത് നിരവധി പദ്ധതികൾ ആവിഷ്കരിച്ചെങ്കിലും ദീർഘവീഷണം ഇല്ലാത്തതിനാൽ പലതും പാതി വഴിയിൽ ഉപേക്ഷിക്കുന്ന അവസ്ഥയിലാണ്. മാലിന്യ സംസ്ക്കരണ പ്ലാന്റിന്റെ നിർമാണമാണ് ഒടുവിൽ നിലച്ചിരിക്കുന്നത്. 2005-10 കാലഘട്ടത്തിൽ പ്രസിഡന്റായിരുന്ന എൽ. വസുമതിയമ്മയുടെ നേതൃത്വത്തിലുള്ള ഭരണസമിതിയാണ് മാലിന്യ സംസ്കരണ പ്ലാന്റിന്റെ നിർമാണം ആരംഭിച്ചത്. കൂത്താട്ടുകുളത്തും പരിസരപ്രദേശങ്ങളിൽനിന്നും ശേഖരിക്കുന്ന മാലിന്യങ്ങൾ തരം തിരിച്ച് ജൈവമാലിന്യങ്ങൾ പ്ലാന്റിൽ നിക്ഷേപിക്കുകയായിരുന്നു പദ്ധതിയുടെ ലക്ഷ്യം. ഇതിൽ നിന്ന് ഉത്പാദിപ്പിക്കുന്ന ഗ്യാസ് വ്യാപാര സ്ഥാപനങ്ങൾക്ക് നൽകുന്നതിനും ഉദ്ദേശിച്ചിരുന്നു. എന്നാൽ ആദ്യഘട്ടത്തിൽ തന്നെ പ്ലാന്റിൽ നിന്നു ഉദ്ദേശിച്ചരീതിയിൽ ഗ്യാസ് ഉത്പാദിപ്പിക്കാൻ കഴിഞ്ഞില്ല. കേരള ശുചിത്വ മിഷനിൽ നിന്ന് കൂത്താട്ടുകുളം പഞ്ചായത്തിന് ലഭിച്ച പ്ലാന്റ് രണ്ട് വർഷത്തോളം മാത്രമാണ് പ്രവർത്തിച്ചത്. സോഷ്യോ ഇക്കണോമിക് യൂണിറ്റാണ് പ്ലാന്റ് നിർമിച്ചത്. അഞ്ചര ലക്ഷം രൂപയും ഇതിനുവേണ്ടി അന്ന് ചെലവഴിച്ചിരുന്നു.…
Read MoreCategory: Kochi
കല്ലട ബസ് സംഭവം; കൂടുതല് പേര് ഉള്പ്പെട്ടിട്ടുണ്ടോ എന്ന് അന്വേഷണം; മർദനമേറ്റവരുടെ നഷ്ടപ്പെട്ട ലാപ്ടോപ്പിനെക്കുറിച്ച് അറിയില്ലെന്ന് പ്രതികൾ
കൊച്ചി: കല്ലട ബസില് യുവാക്കളെ മര്ദിച്ച സംഭവത്തില് കൂടുതല് പേര് ഉള്പെട്ടിട്ടുണ്ടോയെന്ന് അന്വേഷണം. പിടിയിലായ ഏഴു പേരെ കൂടാതെ കൂടുതല് പേര് ഉണ്ടെന്നാണ് മര്ദനമേറ്റവര് പറയുന്നത്. എന്നാല് ലഭിച്ച മൂന്ന് സിസിടിവി ദൃശ്യങ്ങളിലും യുവാക്കളെ മര്ദിച്ചവരായി കാണുന്ന മുഴുവന് പേരെയും അറസ്റ്റ് ചെയ്തിട്ടുണ്ടെന്ന് തൃക്കാക്കര അസിസ്റ്റന്റ് കമ്മീഷണര് സ്റ്റുവര്ട്ട് കീലര് പറഞ്ഞു. മര്ദനമേറ്റവരുടെ ലാപ്ടോപ്പ് കണ്ടെത്താനുള്ള അന്വേഷണവും നടത്തുന്നുണ്ട്. ഇത് ആക്രമിച്ചവരുടെ പക്കലുണ്ടെന്നാണ് മര്ദനമേറ്റവര് പറയുന്നത്. എന്നാല്, ഇതുസംബന്ധിച്ച് തങ്ങള്ക്കൊന്നുമറിയില്ലെന്നാണ് പ്രതികളുടെ മൊഴി. കൂടുതല് ചോദ്യം ചെയ്യലില് നിന്നുമാത്രമേ ഇതുസംബന്ധിച്ചും വ്യക്തത വരുത്താനാവൂ. അതിനാല് പ്രതികളെ വിശദമായി ചോദ്യം ചെയ്തുവരികയാണെന്നും തൃക്കാക്കര എസി പറഞ്ഞു. അതേസമയം പ്രതികളുമായി അന്വേഷണംസംഘം ഇന്നലെ തെളിവെടുപ്പ് നടത്തി. വൈറ്റിലയിലെ കല്ലട ഓഫീസിലും യുവാക്കളെ മര്ദിച്ച വൈറ്റില ജംഗ്ഷനിലുമാണ് പ്രതികളുമായി അന്വേഷണസംഘം തെളിവെടുപ്പ് നടത്തിത്. റിമാന്ഡില് കഴിഞ്ഞിരുന്ന പ്രതികളെ ശനിയാഴ്ചയാണ് നാല് ദിവസത്തേക്ക്…
Read Moreകാറ്റും മഴയും; കോതമംഗലത്ത് 80 ലക്ഷത്തിന്റെ നഷ്ടം; ഏത്തവാഴ കൃഷി പൂർണമായും നശിച്ച നിലയിൽ
കോതമംഗലം: കഴിഞ്ഞ ദിവസമുണ്ടായ കനത്ത കാറ്റിലും മഴയിലും കോതമംഗലത്ത് 47 വീടുകൾ ഭാഗികമായി തകർന്നു. ഏക്കറു കണക്കിനു സ്ഥലത്തെ കാർഷിക വിളകളും നശിച്ചിട്ടുണ്ട്. 80 ലക്ഷം രൂപയുടെ നഷ്ടം കണക്കാക്കുന്നതായി റവന്യു വകുപ്പ് അധികൃതർ പറഞ്ഞു. ഒട്ടുമിക്ക വീടുകളും ഭാഗിമായിട്ടാണ് തകർന്നിരിക്കുന്നത്. കാർഷിക മേഖലയെ പിടിച്ചുലച്ചുകൊണ്ടാണ് കാറ്റ് കടന്നുപോയത്. ഏത്താവാഴ കൃഷിക്കാണ് കാറ്റിൽ കൂടുതലും നശിച്ചത്. പ്രളയത്തിലും അതിനു മുന്പും സംഭവിച്ച കാറ്റിലും മഴക്കെടുതിയിലുമായി നാലു കോടിയുടെ കൃഷിനാശമാണ് താലൂക്കിൽ ഉണ്ടായത്. തേക്ക്, ആഞ്ഞിലി, പ്ലാവ് തുടങ്ങി ലക്ഷങ്ങളുടെ ഘനമരങ്ങളും കാറ്റിൽ നിലംപൊത്തി. ന്യൂനമർദ്ദം ശക്തിപ്പെട്ട് അടുത്ത ദിവസങ്ങളിലും കാറ്റും മിന്നലും ശക്തിപ്പെടുമെന്ന കാലാവസ്ഥ പ്രവചനം പ്രദേശത്തെയാകെ ഭീതിയിലാഴ്ത്തിയിരിക്കുകയാണ്. ഭൂതത്താൻകെട്ടിന് സമീപം ചെമ്മീൻകുത്തിൽ ഇടിമിന്നലേറ്റ് പുതുക്കയിൽ ജോണിന്റെ തൊഴുത്തിൽ കെട്ടിയിരുന്ന കറവപശു ചത്തു. 30000 രൂപ വിലമതിക്കുന്ന പശുവാണ് ചത്തത്. പിണ്ടിമന വില്ലേജിലാണ് കാറ്റ് ഏറ്റവും കൂടുതൽ…
Read Moreമഞ്ഞപ്പിത്തഭീതിയിൽ മൂവാറ്റുപുഴ; 20 പേർക്കു രോഗം സ്ഥിരീകരിച്ചു
മൂവാറ്റുപുഴ: ജില്ലയുടെ കിഴക്കൻ മേഖലയായ മൂവാറ്റുപുഴയിൽ മഞ്ഞപ്പിത്തം പടരുന്നു. തൃക്കളത്തൂർ, വാഴപ്പിള്ളി, മുടവൂർ, ഊരമന പ്രദേശങ്ങളിലാണ് ഹെപ്പറ്റൈറ്റിസ് ബി വിഭാഗത്തിലുള്ള മഞ്ഞപ്പിത്ത ബാധിതരെ കണ്ടെത്തിയിരിക്കുന്നത്. മൂവാറ്റുപുഴ ജനറൽ ആശുപത്രിയിലും, സമീപപ്രദേശങ്ങളിലെ സ്വകാര്യ ആശുപത്രികളിലുമായി ഇതുവരെ 20 പേരാണ് ചികിത്സ തേടിയത്. കഴിഞ്ഞ വർഷം ഊരമനയിൽ ഹെപ്പറ്റൈറ്റിസ് ബി വിഭാഗത്തിൽപ്പെട്ട മഞ്ഞപ്പിത്തം ബാധിച്ച് നിരവധി പേർ മരിച്ചിരുന്നു. രോഗത്തിന്റെ ഉറവിടം കണ്ടെത്തുന്നതിന് ആരോഗ്യ വകുപ്പിന്റെ നേതൃത്വത്തിൽ പരിശോധനകൾ നടത്തിയെങ്കിലും ഫലം കണ്ടില്ല. എറണാകുളത്തെ സ്വകാര്യ ആശുപത്രിയിൽ നിന്നും വെല്ലൂർ, മണിപ്പാൽ എന്നിവിടങ്ങളിൽ നിന്നുമുള്ള വിദഗ്ധ സംഘം പ്രദേശത്ത് പരിശോധന നടത്തിയെങ്കിലും രോഗത്തിന്റെ കാരണം കണ്ടെത്താൻ കഴിഞ്ഞിരുന്നില്ല. ഈ വർഷവും അതേ മേഖലയിൽ തന്നെ രോഗം കണ്ടെത്തിയതു നാട്ടുകാരിൽ ആശങ്ക ഉളവാക്കിയിരിക്കുകയാണ്. രോഗകാരണം കണ്ടെത്താൻ കഴിയാത്തതിനാൽ പ്രതിരോധ വാക്സിനേഷനും, ബോധവത്കരണവുമാണ് പ്രതിവിധിയെന്ന് ഡോക്ടർമാർ പറയുന്നു. പിഎച്ച്സികളിൽ പ്രതിരോധ വാക്സിനേഷൻ നൽകുന്നില്ല.…
Read Moreഅടിസ്ഥാന സൗകര്യമില്ല; പാലക്കാട് മെഡിക്കല് കോളജിലെ വിദ്യാര്ഥികളെ മറ്റു സ്വാശ്രയ മെഡിക്കല് കോളജുകളില് പ്രവേശിപ്പിക്കാം
കൊച്ചി: മതിയായ അടിസ്ഥാന സൗകര്യമില്ലെന്ന കാരണത്താല് പാലക്കാട് കേരള മെഡിക്കല് കോളജില് നിന്നു മാറ്റുന്ന 150 രണ്ടാം വര്ഷ എംബിബിഎസ് വിദ്യാര്ഥികളെ 13 സ്വാശ്രയ മെഡിക്കല് കോളജുകളില് പ്രവേശിപ്പിക്കാമെന്ന സംസ്ഥാന സര്ക്കാരിന്റെ നിര്ദേശം ഇന്ത്യന് മെഡിക്കല് കൗണ്സില് അംഗീകരിച്ചു. ഇതു വ്യക്തമാക്കി മെഡിക്കല് കൗണ്സില് ഹൈക്കോടതിയില് റിപ്പോര്ട്ട് നല്കി. പാലക്കാട് കേരള മെഡിക്കല് കോളജില് അടിസ്ഥാന സൗകര്യങ്ങളില്ലെന്ന് ചൂണ്ടിക്കാട്ടി ഒരുകൂട്ടം വിദ്യാര്ഥികളും രക്ഷിതാക്കളും നല്കിയ ഹര്ജികളാണ് ഹൈക്കോടതിയുടെ പരിഗണനയിലുള്ളത്. ഹൈക്കോടതിയുടെ നിര്ദേശാനുസരണം മെഡിക്കല് എഡ്യുക്കേഷന് ഡയറക്ടര് 17 സ്വാശ്രയ മെഡിക്കല് കോളജുകളുമായി ചര്ച്ച നടത്തിയിരുന്നു. ഇതില് 13 മെഡിക്കല് കോളജുകള് മുന്നോട്ടുവച്ച നിബന്ധനകള് അംഗീകരിക്കാവുന്നതാണെന്ന് കണ്ടെത്തുകയാ യിരുന്നു.
Read Moreന്യൂനമർദം ചുഴലിക്കാറ്റാകുന്നു; മുന്നറിപ്പുമായി ദുരന്ത നിവാരണ അഥോറിറ്റി നൽകുന്ന നിർദേശങ്ങൾ
കോട്ടയം, എറണാകുളം, ഇടുക്കി, തൃശൂർ, മലപ്പുറം, പത്തനംതിട്ട, വയനാട്, കോഴിക്കോട്, പാലക്കാട്, കണ്ണൂർ എന്നി ജില്ലകളിൽ ഉരുൾപൊട്ടൽ സാധ്യതയുള്ളതിനാൽ രാത്രി ഏഴു മുതൽ രാവിലെ ഏഴു വരെയുള്ള സമയത്ത് മലയോരമേഖലകളിലേക്കുള്ള യാത്ര ഒഴിവാക്കണം. • മലയോര മേഖലയിലെ റോഡുകൾക്കു കുറുകെ ഉള്ള ചെറിയ ചാലുകളിലൂടെ മലവെള്ള പാച്ചിലും ഉരുൾപൊട്ടലും ഉണ്ടാകുവാൻ സാധ്യതയുള്ളതിനാൽ ചാലുകളുടെ അരികിൽ വാഹനങ്ങള് നിർത്തരുത്. • മലയോര മേഖലയിലും ബീച്ചുകളിലും വിനോദ സഞ്ചാരത്തിന് പോകാതിരിക്കുക. • സമൂഹ മാധ്യമങ്ങളിലൂടെ തെറ്റായ വിവരങ്ങൾ പ്രചരിപ്പിക്കരുത്. • നദികൾ, ചാലുകൾ എന്നിവ മുറിച്ചു കടക്കരുത് • പാലങ്ങളിലും, നദിക്കരയിലും മറ്റും നിന്ന് സെൽഫിഎടുക്കുന്നത് ഒഴിവാക്കുക • പുഴകളിലും തോടുകളിലും ജല നിരപ്പ് ഉയരുവാൻ സാധ്യതയുള്ളതിനൽ പുഴകളിലും, ചാലുകളിലും, വെള്ളകെട്ടിലും മഴയത്ത് ഇറങ്ങാതിരിക്കണം പ്രത്യേകിച്ച് കുട്ടികൾ ഇറങ്ങുന്നില്ല എന്ന് മുതിർന്നവർ ഉറപ്പുവരുത്തണം. • നദിക്കരയോട് ചേർന്ന് താമസിക്കുന്നവരും മുൻകാലങ്ങളിൽ…
Read Moreകടകള്ക്കു മുന്നിലെ അനധികൃത പാര്ക്കിംഗ് അവകാശലംഘനമെന്നു ഹൈക്കോടതി; തേവലക്കര സ്വദേശിയുടെ ഹർജിയിൽ കോടതി ചൂണ്ടിക്കാട്ടുന്ന കാര്യം ഇങ്ങനെ…
കൊച്ചി: പാതയോരങ്ങളിലെ കടകള്ക്കു മുന്നിലെ അനധികൃത പാര്ക്കിംഗ്, റോഡിലേക്കു പ്രവേശിക്കാന് കടയുടമയ്ക്കുള്ള അവകാശത്തിന്റെ ലംഘനമാണെന്നു ഹൈക്കോടതി. കൊല്ലം തേവലക്കര പഞ്ചായത്തിലെ പടപ്പനാല് ജംഗ്ഷനിലെ ഓട്ടോ സ്റ്റാന്ഡ് അനധികൃതമാണെന്നും ഇതു മാറ്റണമെന്നുമാവശ്യപ്പെട്ടു തേവലക്കര സ്വദേശി എം. നൗഷാദ് ഉള്പ്പെടെ ആറു പേര് നല്കിയ ഹര്ജിയിലാണ് ഹൈക്കോടതി ഇക്കാര്യം വ്യക്തമാക്കിയത്. റോഡിനോടു ചേര്ന്നു കിടക്കുന്ന ഭൂമിയുടെ ഏതു ഭാഗത്തു കൂടിയും പൊതുറോഡിലേക്കു പ്രവേശിക്കാന് ഭൂവുടമയ്ക്ക് അവകാശമുണ്ട്. പാര്ക്കിംഗിന്റെ പേരില് ഇതു നിഷേധിക്കാന് കഴിയില്ല. ഇതേ വിഷയത്തില് വിവിധ ഹൈക്കോടതികള് പ്രസ്താവിച്ച വിധിയും ഡിവിഷന് ബെഞ്ച് ചൂണ്ടിക്കാട്ടി. പാര്ക്കിംഗ് സ്ഥലം നിശ്ചയിക്കേണ്ടത് പഞ്ചായത്താണെന്നു മോട്ടോര് വാഹന ചട്ടത്തില് പറയുന്നുണ്ട്. ഗതാഗത തടസമൊഴിവാക്കാനും പൊതുജനങ്ങള്ക്കുള്ള ബുദ്ധിമുട്ട് ഇല്ലാതാക്കാനും എല്ലാ തദ്ദേശ ഭരണ സ്ഥാപനങ്ങളിലും ട്രാഫിക് റെഗുലേറ്ററി കമ്മിറ്റി വേണമെന്ന് കേരള പോലീസ് ആക്ടിലും വ്യക്തമാക്കിയിട്ടുണ്ട്. ഹര്ജിക്കാരുടെ കേസില് അനധികൃത ഓട്ടോ സ്റ്റാന്ഡാണ് നിലവിലുള്ളതെന്നു…
Read Moreവൈപ്പിൻ മാലിപ്പുറത്തെ വീട്ടമ്മയുടെ മരണം; കൊള്ളപ്പലിശക്കാരുടെ ഭീഷണിയെ തുടർന്നെന്നു ബന്ധുക്കൾ; പോലീസിൽ തെളിവു നൽകിയിട്ടും അന്വേഷണമില്ലെന്ന് ആരോപണം
വൈപ്പിൻ: മാലിപ്പുറം കർത്തേടത്ത് കഴിഞ്ഞമാസം ആത്മഹത്യചെയ്ത അന്പതുകാരിയായ വീട്ടമ്മയുടെ മരണത്തിനു പിന്നിൽ കൊള്ളപ്പലിശക്കാരുടെ ഭീഷണിയെന്ന് ബന്ധുക്കളുടെ ആരോപണം. മർച്ചന്റ് നേവി ഉദ്യോഗസ്ഥനായ മനക്കിൽ ലാലിയുടെ ഭാര്യ സുബിജയാണ് മരിച്ചത്. കഴിഞ്ഞമാസം 27നായിരുന്നു സംഭവം. പണം പലിശക്കു നൽകുന്ന ആലപ്പുഴക്കാരായ ദന്പതികളുടെ ഭീഷണിയാണ് വീട്ടമ്മയെ ആത്മഹത്യക്ക് പ്രേരിപ്പിച്ചതെന്നു ബന്ധുക്കൾ പറയുന്നു. മകനു നിശ്ചയിച്ചുറപ്പിച്ച വിവാഹം മുടക്കുമെന്നു ദന്പതികൾ വീട്ടിലെത്തി ഭീഷണി മുഴക്കിയതായി പിന്നീടാണ് ബന്ധുക്കൾ അറിയുന്നത്. സംഭവത്തിൽ അസ്വാഭാവിക മരണത്തിനു പോലീസ് കേസെടുത്തിരുന്നു. കാര്യങ്ങൾ മനസിലാക്കിയ ബന്ധുക്കൾ ഇക്കാര്യം പോലീസിനെ ധരിപ്പിക്കുകയും മരണാനന്തരം വീട്ടിലെത്തിയ ദന്പതികളെ പിടികൂടി പോലീസിൽ ഏല്പിക്കുകയും ചെയ്തെങ്കിലും അന്വേഷണം മന്ദഗതിയിലാണെന്നാണ് ബന്ധുക്കളുടെ പരാതി. ഇതിനിടെ ദന്പതികൾ തങ്ങൾക്കു പണം വേണ്ടെന്നും കേസിൽനിന്നും ഒഴിവാക്കിയാൽ മതിയെന്നും ബന്ധുക്കളെ അറിയിച്ചെങ്കിലും കേസുമായി മുന്നോട്ടു പോകാനാണു ബന്ധുക്കളുടെ തീരുമാനം. നാലരലക്ഷത്തോളം രൂപ നൽകാനുണ്ടെന്നാണു ദന്പതികളുടെ അവകാശവാദം. എന്നാൽ ഇത്രയും…
Read More43 വോട്ടുകൾ അധികം കണ്ടെത്തിയ കളമശേരിയിലെ ബൂത്തിൽ റീപോളിംഗ് 30ന്
തിരുവനന്തപുരം: വോട്ടുകളിൽ വ്യത്യാസം കണ്ടെത്തിയ കളമശേരിയിലെ 83-ാം നന്പർ ബൂത്തിൽ 30-ന് റീപോളിംഗ് നടത്തുമെന്ന് മുഖ്യ തെരഞ്ഞെടുപ്പ് ഓഫീസർ അറിയിച്ചു. രാവിലെ ഏഴു മുതൽ വൈകിട്ട് ആറു വരെയാണ് വോട്ടെടുപ്പ്. 83-ാം നന്പർ ബൂത്തിൽ യഥാർഥ വോട്ടുകളിൽനിന്ന് വ്യത്യസ്തമായി വോട്ടിംഗ് അവസാനിച്ചപ്പോൾ മെഷീനിൽ 43 വോട്ടുകൾ അധികം കാണിച്ചിരുന്നു. വോട്ടെടുപ്പിനുശേഷം ആകെ വോട്ടിന്റെ എണ്ണം എടുക്കുന്പോഴാണ് വ്യത്യാസം കണ്ടത്. ഇതോടെ മൂന്നു മുന്നണിയിലേയും പ്രതിനിധികൾ തെരഞ്ഞെടുപ്പ് കമ്മീഷണർക്ക് പരാതി നൽകി. സ്ഥലത്തെത്തിയ കളക്ടറുടെ നേതൃത്വത്തിൽ വോട്ടിംഗ് മെഷീൻ പരിശോധിച്ച് ഇതു സുരക്ഷിതമായി മറ്റൊരു സ്ഥലത്ത് സൂക്ഷിക്കാൻ തീരുമാനിക്കുകയായിരുന്നു. ആകെ 215 വോട്ടർമാരാണ് കളമശേരി 83-ാം നന്പർ ബൂത്തിൽ പോൾ ചെയ്തത്. അവസാനം എണ്ണിയപ്പോൾ 258 വോട്ടുകൾ പോൾ ചെയ്തതായാണ് കാണിച്ചത്. മോക് പോളിലെ വോട്ടുകൾ മാറ്റാതെ വോട്ടെടുപ്പ് ആരംഭിച്ചതാണ് ഈ അധിക വോട്ടുകൾക്കു കാരണമെന്നു തെരഞ്ഞെടുപ്പ് കമ്മീഷൻ…
Read Moreതെരഞ്ഞെടുപ്പ് കഴിഞ്ഞു; പ്രചാരണത്തിന്റെ ഭാഗമായി സ്ഥാപിച്ച പോസ്റ്ററുകൾ നീക്കം ചെയ്ത് രാഷ്ട്രീയ പാർട്ടികൾ
കൊച്ചി: തെരഞ്ഞെടുപ്പ് പ്രചാരണത്തിന്റെ ഭാഗമായി നഗരത്തിൽ രാഷ്ട്രീയ പാർട്ടികൾ സ്ഥാപിച്ച പോസ്റ്ററുകളും ചുവരെഴുത്തുകളും ഹരിത ചട്ടപ്രകാരം നീക്കം ചെയ്യുന്നതിനുള്ള പ്രവർത്തനങ്ങൾ ആരംഭിച്ചു. ലെറ്റ്സ് ക്ലീൻ എറണാകുളം, ഗ്രീൻ സിറ്റി എന്നീ ഹാഷ് ടാഗുകളോടെയാണ് എൽഡിഎഫിന്റെ പ്രചാരണ ബോർഡുകൾ നീക്കം ചെയ്യുന്നതിനുള്ള പ്രവർത്തനങ്ങൾ ആരംഭിച്ചിട്ടുള്ളത്. മഹാരാജാസ് എസ്എഫ്ഐ യൂണിറ്റിന്റെ നേതൃത്വത്തിൽ മഹാരാജാസ് കോളജിന് സമീപത്തുള്ള പോസ്റ്ററുകളും ബാനറുകളും തോരണങ്ങളും നീക്കം ചെയ്തുതുടങ്ങി. വൈറ്റിലയിൽ പ്രചാരണത്തിന് ഉപയോഗിച്ച മതിലുകൾ വെള്ളപൂശി തുടങ്ങി. വടുതലയിൽ തെരഞ്ഞെടുപ്പ് പ്രചാരണ ബോർഡുകൾ, തോരണങ്ങൾ, ബാനറുകൾ എന്നിവ നീക്കം ചെയ്തു. യുഡിഎഫിന്റെ പ്രചാരണ ബോർഡുകൾ നീക്കം ചെയ്യുന്ന പ്രവൃത്തികളും ഇന്നലെ തുടങ്ങി. ഇടപ്പള്ളി പ്രദേശത്തെ ഫ്ളെക്സ് ബോർഡുകളും ബാനറുകളും പോസ്റ്ററുകളുമാണ് നീക്കം ചെയ്തു തുടങ്ങിയത്. യുഡിഎഫ് സ്ഥാനാർഥി ഹൈബി ഈഡൻ നേതൃത്വം നൽകി. എറണാകുളം കച്ചേരിപ്പടിയിൽ തെരഞ്ഞെടുപ്പിൽ ഒട്ടിച്ച ബിജെപിയുടെ പോസ്റ്ററുകൾ എൻഡിഎ സ്ഥാനാർഥി അൽഫോണ്സ്…
Read More