ആമ്പല്ലൂർ: യുഡിഎഫ് ആമ്പല്ലൂർ മണ്ഡലം കമ്മിറ്റിയുടെ നേതൃത്വത്തിൽ പഞ്ചായത്ത് ഓഫീസിലേക്ക് കർഷകരുടെ മാർച്ച് നടത്തി. തോട്ടറ പുഞ്ചക്കായി വകയിരുത്തിയ 17 ലക്ഷം രൂപ വിനിയോഗിക്കാത്ത ആമ്പല്ലൂർ ഗ്രാമപഞ്ചായത്ത് ഭരണസമിതി രാജിവയ്ക്കണമെന്ന് ആവശ്യപ്പെട്ടാണ് മാർച്ച് നടത്തിയത്. അടുത്ത സാമ്പത്തിക വർഷം ആദ്യം സബ്സിഡി നൽകുമെന്ന പഞ്ചായത്ത് ഭരണസമിതിയുടെ വാഗ്ദാനം ജനങ്ങളെ കബളിപ്പിക്കാനാണെന്നും യുഡിഎഫ് കുറ്റപ്പെടുത്തി. ഡിസിസി ജനറൽ സെക്രട്ടറി റീസ് പുത്തൻവീട്ടിൽ മാർച്ച് ഉദ്ഘാനം ചെയ്തു. യുഡിഎഫ് മണ്ഡലം ചെയർമാൻ ആർ. ഹരി അധ്യക്ഷത വഹിച്ചു. മുളന്തുരുത്തി ബ്ലോക്ക് കോൺഗ്രസ് പ്രസിഡന്റ് വേണു മുളന്തുരുത്തി, കർഷക കോൺഗ്രസ് സംസ്ഥാന സെക്രട്ടറി കെ.ജെ. ജോസഫ്, മുസ്ലീം ലീഗ് പിറവം നിയോജക മണ്ഡലം പ്രസിഡന്റ് കെ.എം. അബ്ദുൾ കരീം തുടങ്ങിയവർ പ്രസംഗിച്ചു.യുഡിഎഫ് നടത്തിയ കർഷക മാർച്ച് പഞ്ചായത്ത് കവാടത്തിൽ മുളന്തുരുത്തി പോലീസ് തടഞ്ഞു. അതേസമയം പഞ്ചായത്ത് കോമ്പൗണ്ടിനുള്ളിൽ എൽഡിഎഫ് അംഗങ്ങൾക്കു ധർണ…
Read MoreCategory: Kochi
തുറന്ന വാഹനത്തിൽ കുപ്പിവെള്ളം; നടപടിയുമായി വാഹന വകുപ്പ്; കുപ്പിവെള്ളത്തിൽ വെയിലേറ്റൽ സംഭവിക്കുന്ന കാര്യം ഇങ്ങനെ….
കാക്കനാട്: തുറന്ന വാഹനത്തിൽ സൂര്യപ്രകാശം ഏൽക്കുന്ന രീതിയിൽ കുപ്പിവെളളം കൊണ്ടുപോയ 12 വാഹനങ്ങൾക്കെതിരേ മോട്ടോർ വാഹന വകുപ്പ് നടപടിയെടുത്തു. നേരിട്ടു സൂര്യപ്രകാശം ഏൽക്കരുതെന്നു നിർമാതാക്കൾ തന്നെ കുപ്പിവെള്ളത്തിന്റെ പുറത്തു മുന്നറിയിപ്പ് പ്രദർശിപ്പിച്ചിട്ടുണ്ട്. ഇത് അവഗണിച്ച് തുറന്ന വാഹനങ്ങളിലാണ് വെള്ളം കൊണ്ടുപോകുന്നെന്ന പരാതികൾ വർധിച്ചതോടെയാണ് മോട്ടോർ വാഹന വകുപ്പ് നടപടി തുടങ്ങിയത്. പിടിച്ചെടുത്ത വാഹനങ്ങൾ നിയമാനുസൃതം മൂടിക്കെട്ടിച്ചശേഷം പിഴ ഈടാക്കി വിട്ടയച്ചു. ഒരിക്കൽ മാത്രം ഉപയോഗിക്കാൻ തക്കമുള്ള പ്ലാസ്റ്റിക് കുപ്പികളിൽ നിറയ്ക്കുന്ന കുപ്പിവെള്ളം നേരിട്ടു സൂര്യപ്രകാശം ഏറ്റു ചൂടായാൽ പ്ലാസ്റ്റിക്കിൽനിന്നും രാസപദാർഥങ്ങൾ വെള്ളത്തിൽ കലരും. ഈ വെള്ളം കുടിക്കുന്നത് ഗുരുതരമായ ആരോഗ്യ പ്രശ്നങ്ങൾ സൃഷ്ടിക്കും. കേന്ദ്ര മോട്ടോർ വാഹന ചട്ടം 138 ബി പ്രകാരം തുറന്ന വാഹനങ്ങളിൽ കയറ്റുന്ന ചരക്ക് ടർപോളിനോ അതിനു തുല്യമോ ആയ ഷീറ്റ് കൊണ്ട് പൂർണമായും മൂടിക്കെട്ടിവേണം കൊണ്ടു പോകാൻ. അടുത്ത ദിവസങ്ങളിലും പരിശോധന…
Read Moreയുഡിഎഫിനായി സൈക്കിളിൽ കേരളംചുറ്റി ചാലക്കുടിക്കാരൻ പ്രകാശന്റെ പ്രചാരണം
മൂവാറ്റുപുഴ: സൈക്കിളിൽ കേരളമാകെ ചുറ്റിക്കറങ്ങി യുഡിഎഫിനായി പ്രചാരണം നടത്തുകയാണ് പ്രകാശനെന്ന പഴയ സൈക്കിൾ യജ്ഞക്കാരൻ. സംസ്ഥാനത്തേക്കുള്ള രാഹുൽ ഗാന്ധിയുടെ വരവിൽ ആവേശം ഉൾക്കൊണ്ട് 20 ലോക്സഭാ മണ്ഡലങ്ങളിലേയും യുഡിഎഫ് സ്ഥാനാർഥികളെ വിജയിപ്പിക്കണമെന്ന സന്ദേശവുമായാണ് ഈ 57കാരൻ നാടു ചുറ്റുന്നത്. കഴിഞ്ഞ നാലിനു രാഹുൽഗാന്ധിയെ നേരിൽകണ്ടശേഷം വയനാട്ടിൽനിന്ന് ആരംഭിച്ച സൈക്കിൾ സവാരിയുടെ ഭാഗമായാണ് പ്രകാശൻ ഇന്നലെ മൂവാറ്റുപുഴവഴി കടന്നുപോയത്. റോഡരുകിലെ തെരഞ്ഞെടുപ്പു കമ്മിറ്റി ഓഫീസുകളാണ് ഇയാളുടെ വിശ്രമ സങ്കേതങ്ങൾ. ഭാരത് സർക്കസിൽ വർഷങ്ങളോളം സൈക്കിൾ യജ്ഞക്കാരനായി ജോലിചെയ്തിരുന്ന പ്രകാശൻ ചാലക്കുടി കൊരട്ടി സ്വദേശിയാണ്
Read Moreപേരണ്ടൂർ കനാൽ മലിനീകരണത്തിനു പരിഹാരമായി; കലൂരിലെ അറവുശാല ബ്രഹ്മപുരത്തേക്ക് മാറ്റും
കൊച്ചി: തേവര-പേരണ്ടൂർ കനാലിനെ മാലിന്യക്കനാലാക്കുന്നതിൽ പ്രധാന പങ്ക് വഹിക്കുന്ന കലൂരിലെ അറവുശാല ബ്രഹ്മപുരത്തേക്കു മാറ്റിസ്ഥാപിക്കാൻ പദ്ധതി. ബ്രഹ്മപുരം മാലിന്യനിക്ഷേപകേന്ദ്രത്തോടു ചേർന്ന് അത്യാധുനിക സൗകര്യങ്ങളോടെയുള്ള അറവുശാല സ്ഥാപിക്കാനാണു കൊച്ചി കോർപറേഷൻ ആലോചിക്കുന്നത്. ഇതുസംബന്ധിച്ച സാധ്യതാപഠനം നടത്തി പ്രപ്പോസൽ തയാറാക്കാൻ ആരോഗ്യ സ്റ്റാൻഡിംഗ് കമ്മിറ്റിയെ മേയർ സൗമിനി ജെയിൻ ചുമതലപ്പെടുത്തി. 20 കോടി ചെലവിലുള്ള അറവുശാലയാണു ബ്രഹ്മപുരത്ത് വിഭാവനം ചെയ്തിട്ടുള്ളത്. കലൂരിലെ അറവുശാലയുടെ അധുനികവത്കരണത്തിനായി കേരള ഇൻഫ്രാസ്ട്രക്ചർ ഇൻവെസ്റ്റ്മെന്റ് ബോർഡിന്റെ (കെഐഐഎഫ്ബി) സാന്പത്തിക സഹായത്തോടെ 15 കോടിയുടെ പദ്ധതി കോർപറേഷൻ തയാറാക്കിയിരുന്നു. ഈ തുകയ്ക്കൊപ്പം അഞ്ചു കോടി കൂടി വകയിരുത്തിയാൽ ബ്രഹ്മപുരത്ത് കോർപറേഷന്റെ ഉടമസ്ഥതയിലുള്ള സ്ഥലത്ത് ആധുനിക അറവുശാല നിർമിക്കാമെന്നാണ് കഴിഞ്ഞ കൗണ്സിലിൽ അഭിപ്രായം ഉണ്ടായത്. ബ്രഹ്മപുരത്ത് അറവുശാല വന്നാൽ നഗരത്തിലെ പോലെ തിരക്കുണ്ടാകില്ലെന്നും കച്ചവടക്കാർക്ക് സൗകര്യത്തോടെ എത്തി ഇറച്ചി വാങ്ങിക്കൊണ്ടുപോകാനാകുമെന്നുമാണു പ്രധാനമായും ഇതിലെ സൗകര്യം. മാത്രമല്ല മാലിന്യം വേഗത്തിൽ…
Read Moreകഴിഞ്ഞ വർഷം കണ്ണേ കരളേ വി.എസേ, ഇത്തവണ കണ്ണേ കരളേ പിണറായി; തെരഞ്ഞെടുപ്പ് കമ്മീഷനു നൽകിയ താരപ്രചാരകരുടെ പട്ടികയിൽ നിന്ന് വിഎസ് ഔട്ട്…
ജോണ്സണ് വേങ്ങത്തടം കൊച്ചി: കഴിഞ്ഞ തെരഞ്ഞെടുപ്പുകാലം വരെ കണ്ണേ കരളേ വി.എസേ എന്നു നീട്ടിവിളിച്ചിരുന്ന കേരളത്തിലെ സിപിഎം ഇക്കുറി വി.എസിനെ തഴഞ്ഞു. ഇപ്പോൾ വിളിക്കുന്നതു കണ്ണേ കരളേ പിണറായി. ലോക്സഭ തെരഞ്ഞെടുപ്പുകളിൽ സിപിഎം ഇറക്കിയിരിക്കുന്ന പോസ്റ്ററുകളിലൊന്നും വിഎസില്ല. പകരം പിണറായിയും കോടിയേരി ബാലകൃഷ്ണനും സ്ഥാനം പിടിച്ചു. വി.എസ്. പൂർണമായും ഒൗട്ടായി. സിപിഎമ്മിന് ഇപ്പോൾ വി എസ് താരപ്രചാരകനല്ല. തെരഞ്ഞെടുപ്പ് കമ്മീഷനു നൽകിയ താരപ്രചാരകരുടെ പട്ടികയിൽ നിന്ന് പാർട്ടി, വി.എസ് അച്യുതാനന്ദന്റെ പേര് നീക്കം ചെയ്തു. എന്നാൽ, അണികളെ ആവേശക്കടലിലാഴ്ത്താൻ ഇന്നും വി .എസ് അച്യുതാനന്ദൻ തന്നെ വേണം. മറ്റ് നേതാക്കളുടെ പ്രസംഗങ്ങളെക്കാൾ അണികളിൽ ആവേശം നിറയ്ക്കാൻ വി .എസിന്റെ വാക്കുകൾ തന്നെ വേണമെന്നു അണികളും ചൂണ്ടികാട്ടുന്നു. മാർച്ച് 26 നു തെരഞ്ഞെടുപ്പ് കമ്മീഷന് പാർട്ടി നൽകിയ താരപ്രചാരകരുടെ പട്ടികയിൽ ആകെ 40 പേരാണ് ഉള്ളത്. പിണറായിയ്ക്കും കോടിയേരിക്കും…
Read Moreഎടവനക്കാട് പെൺകുട്ടികളെ കടത്തിക്കൊണ്ടുപോയി പീഡിപ്പിക്കാൻ ശ്രമിച്ച സംഭവം; അറസ്റ്റിലായ പ്രതികളെ റിമാന്റ് ചെയ്തു; പ്രതികളെ കുടുക്കിയത് പോലീസിന്റെ തന്ത്രപരമായ നീക്കത്തിലൂടെ
വൈപ്പിൻ: എടവനക്കാട് നിന്നും പ്രായപൂർത്തിയാകാത്ത രണ്ടു സഹോദരിമാർ ഉൾപ്പെടെ മൂന്നു പെണ്കുട്ടികളെ രാത്രി വീട്ടിൽനിന്നും കടത്തിക്കൊണ്ടുപോയി മദ്യവും മയക്കുമരുന്നും നൽകി പീഡിപ്പിക്കാൻ ശ്രമിച്ച കേസിൽ ഞാറക്കൽ പോലീസ് അറസ്റ്റ് ചെയ്ത മൂന്നുപ്രതികളെയും ഞാറക്കൽ ഫസ്റ്റ് ക്ലാസ് മജിസ്ട്രേറ്റ് കോടതി 14 ദിവസത്തേക്ക് റിമാൻഡ് ചെയ്തു. കുഴുപ്പിള്ളി ബീച്ചിൽ വാടേപ്പറന്പിൽ വിഷ്ണു (25), എടവനക്കാട് മായാബസാർ കറുത്താട്ടി നജ്മൽ (26), കുഴുപ്പിള്ളി നികത്തുതറ ഷിജിൽ (29) എന്നിവരാണ് അറസ്റ്റിലായത്. ഇവരിൽ വിഷ്ണുവും നജ്മലും അടുത്തിടെ കുഴുപ്പിള്ളി ബീച്ചിൽ വച്ച് തമിഴ്നാട് സ്വദേശിയായ ഗജേന്ദ്രൻ എന്ന യുവാവിനെ കുത്തിക്കൊലപ്പെടുത്തിയ കേസിൽ കോടതിയിൽനിന്നും ജാമ്യത്തിൽ ഇറങ്ങിയവരാണ്. കുഴുപ്പിള്ളി ബീച്ചിൽ രാപകലില്ലാതെ കഞ്ചാവ് മയക്ക് മരുന്ന് വിൽപന നടത്തുന്ന പ്രതികളിൽ ഷിജിലിന്റെ വീട്ടിൽനിന്ന് പോലീസ് കഞ്ചാവും പിടിച്ചെടുത്തിട്ടുണ്ട്. ആലുവ ഡിവൈഎസ്പി വിദ്യാധരന്റെ നിർദേശാനുസരണം സിഐ സജിൻ ശശി, എസ്ഐ സംഗീത് ജോബ് എന്നിവർ…
Read Moreകെ.എം. മാണിയുടെ ആരോഗ്യനിലയിൽ നേരിയ പുരോഗതി; ആശങ്കപ്പെടാനില്ലെന്ന് ആശുപത്രി വൃത്തങ്ങൾ
കൊച്ചി: ശ്വാസതടസത്തെത്തുടർന്ന് എറണാകുളം മരട് വിപിഎസ് ലേക് ഷോർ ആശുപത്രിയിൽ പ്രവേശിപ്പിച്ച കേരള കോണ്ഗ്രസ്-എം ചെയർമാനും മുൻ മന്ത്രിയുമായ കെ.എം. മാണിയുടെ ആരോഗ്യനിലയിൽ നേരിയ പുരോഗതി. മരുന്നുകളുടെ സഹായം ഇല്ലാതെതന്നെ അദ്ദേഹത്തിന്റെ രക്ത സമ്മർദം സാധാരണ നിലയിലാണെന്നും ആരോഗ്യ നിലയിൽ ആശങ്കപ്പെടാനില്ലെന്നും ആശുപത്രി വൃത്തങ്ങൾ പറഞ്ഞു. ഹൃദയത്തിലേക്കുള്ള രക്തധമനികളുടെ പ്രവർത്തനം സാധാരണ നിലയിലാണ്. സന്ദർശകർക്കു കർശന നിയന്ത്രണമുണ്ടെന്നും ആശുപത്രി അധികൃതർ കൂട്ടിച്ചേർത്തു. കഴിഞ്ഞ വെള്ളിയാഴ്ചയാണ് എണ്പത്തിയാറുകാരനായ മാണിയെ ആശുപത്രിയിൽ പ്രവേശിപ്പിച്ചത്. ശ്വാസകോശ സംബന്ധമായ അസുഖങ്ങളുള്ള അദ്ദേഹം ചീഫ് പൾമനോളജിസ്റ്റ് ഡോ. ഹരി ലക്ഷ്മണന്റെ നേതൃത്വത്തിൽ വിദഗ്ധ ഡോക്ടർമാരുടെ സൂക്ഷ്മനിരീക്ഷണത്തിലാണ്.
Read Moreകെ.എം.മാണിയെ മുഖ്യമന്ത്രി ആശുപത്രിയിൽ സന്ദർശിച്ചു
കൊച്ചി: ശ്വാസകോശ അസുഖങ്ങളെ തുടർന്ന് കൊച്ചിയിലെ സ്വകാര്യ ആശുപത്രിയിൽ ചികിത്സയിൽ കഴിയുന്ന കേരള കോണ്ഗ്രസ്-എം ചെയർമാൻ കെ.എം.മാണിയെ മുഖ്യമന്ത്രി പിണറായി വിജയൻ സന്ദർശിച്ചു. ബന്ധുക്കളോടും ഡോക്ടർമാരോടും വിവരങ്ങൾ തിരക്കിയ മുഖ്യമന്ത്രി അദ്ദേഹം വേഗം സുഖം പ്രാപിക്കട്ടെ എന്നും ആശംസിച്ചു.
Read Moreതന്റെ പേരിലുള്ള റോഡിലെ മാലിന്യങ്ങൾ നീക്കാൻ നേരിട്ടിറങ്ങി പി.ആർ. ശ്രീജേഷ്
കിഴക്കമ്പലം: ഒടുവിൽ തന്റെ പേരിലുള്ള റോഡിലെ മാലിന്യങ്ങൾ നീക്കം ചെയ്യാൻ ഒളിമ്പ്യൻ പി.ആർ. ശ്രീജേഷ് തന്നെ മുന്നിട്ടിറങ്ങി. കിഴക്കമ്പലം മാർക്കറ്റ് ജംഗ്ഷൻ മുതൽ അച്ചപ്പൻ കവല വരെയുള്ള ശ്രീജേഷ് റോഡിൽ മാലിന്യം തള്ളുന്നത് പതിവായതോടെയാണ് ഇന്ത്യൻ ഹോക്കിതാരം നേരിട്ട് രംഗത്തിറങ്ങിയത്. ഓരോ തവണ വീട്ടിലേക്ക് വരുമ്പോഴും വഴിയിൽ മാലിന്യം കിടക്കുന്നത് ശ്രദ്ധയിൽപ്പെട്ടിട്ടുണ്ടെന്ന് ശ്രീജേഷ് പറഞ്ഞു. ഈ വിവരം അധികൃതരെ അറിയിച്ചിട്ടും നടപടിയെടുക്കാത്ത സാഹചര്യത്തിലാണ് നേരിട്ടിറങ്ങിയത്. റോഡിനിരുവശത്തും കിടന്ന പ്ലാസ്റ്റിക്ക് മാലിന്യങ്ങൾ ഉൾപ്പെടെയുള്ളവ ശ്രീജേഷിന്റെ നേതൃത്വത്തിലുള്ള സംഘം നീക്കം ചെയ്തു. രാസമാലിന്യങ്ങളും കക്കൂസ് മാലിന്യങ്ങളും ഓരോ ദിവസവും ശ്രീജേഷ് റോഡിലും സമീപത്തെ പാടശേഖരങ്ങളിലും തള്ളുന്നുണ്ട്. റോഡിന് സമീപത്ത് വീടുകൾ കുറവായതിനാലും രാത്രി കാലങ്ങളിൽ മാലിന്യം തള്ളൽ വ്യാപകമാണ്. നിരവധി പരാതികൾ പഞ്ചായത്തിനും പോലീസിനും ഇതു സംബന്ധിച്ച് നൽകിയെങ്കിലും യാതൊരു നടപടിയും സ്വീകരിച്ചിട്ടില്ല.
Read Moreഅമിക്കസ് ക്യൂറി റിപ്പോർട്ട് ; നരഹത്യക്കു കേസെടുക്കണമെന്നു ചെന്നിത്തല; വസ്തുതാപരമല്ലെന്നു കോടിയേരി
വൈപ്പിൻ: പ്രളയം സംബന്ധിച്ച കേസിൽ ഹൈക്കോടതി നിയമിച്ച അമികസ് ക്യൂറി കോടതിയിൽ സമർപ്പിച്ച റിപ്പോർട്ടിന്റെ അടിസ്ഥാനത്തിൽ മനപൂർവ്വമല്ലാത്ത നരഹത്യക്ക് മുഖ്യമന്ത്രി പിണറായി വിജയനെതിരേ കേസെടുക്കണമെന്ന് പ്രതിപക്ഷ നേതാവ് രമേശ് ചെന്നിത്തല ആവശ്യപ്പെട്ടു. എറണാകുളം നിയോജകമണ്ഡലത്തിലെ യുഡിഎഫ് സ്ഥാനാർത്ഥി ഹൈബി ഈഡന്റെ തിരഞ്ഞെടുപ്പ് പ്രചരണത്തോടനുബന്ധിച്ച് നായരന്പലത്ത് നടന്ന യോഗം ഉദ്ഘാടനം ചെയ്ത് സംസാരിക്കുകയായിരുന്നു ചെന്നിത്തല. നാനൂറിൽപരം മനുഷ്യജീവനുകളാണ് മനുഷ്യ നിർമിതമായ ഈ പ്രളയംമൂലം നഷ്ടമായതെന്നു പ്രതിപക്ഷനേതാവ് ചൂണ്ടിക്കാട്ടി. എന്നാൽ യഥാർഥ വസ്തുതകളുമായി ബന്ധമില്ലെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ പ്രസ്താവിച്ചു. പി. രാജീവിന്റെ തെരഞ്ഞെടുപ്പ് പ്രചരണാർഥം പള്ളത്താംകുളങ്ങരയിൽ നടന്ന തീരദേശ സംഗമം ഉദ്ഘാടനം ചെയ്യുകയായിരുന്നു അദ്ദേഹം. സാങ്കേതിക വിദഗ്ധരുടെ അഭിപ്രായങ്ങൾ തേടാതെയുള്ള ഈ റിപ്പോർട്ട് രഷ്ട്രീയ പ്രേരിതമാണെന്നും റിപ്പോർട്ട് തയാറാക്കിയ അമിക്കസ് ക്യൂറി യുഡിഎഫ് സഹയാത്രികനായ ഒരു അഭിഭാഷകനാണെന്നും കോടിയേരി ആരോപിച്ചു.
Read More