ആലുവ: മുനന്പത്തുനിന്നുള്ള മനുഷ്യക്കടത്തിന്റെ അന്വേഷണം സ്ഥിരീകരിച്ച് കേരള പോലീസ്. മനുഷ്യക്കടത്തിൽ കോടികളുടെ ഇടപാടുകൾ നടന്നതായി പോലീസ് കണ്ടെത്തി കഴിഞ്ഞു. ഡൽഹിയിൽ പിടിയിലായ പ്രതിയിൽ നിന്നും ഞെട്ടിക്കുന്ന രഹസ്യങ്ങളാണ് പുറത്തു വന്നിരിക്കുന്നത്. ഒരാളിൽ നിന്നും ഒന്നര ലക്ഷം രൂപ വാങ്ങിയിരുന്നു. പോകാൻ തയാറായ ആളുകളിൽ നിന്നായി ആറുകോടിയോളം രൂപ പിരിച്ചെടുത്തതായിട്ടാണ് വിവരം. 200നും 300 നും ഇടയിൽ ആളുകൾ കുറഞ്ഞതു പോയിട്ടുണ്ടെന്നാണ് അറിയുന്നത്. ന്യൂഡൽഹിയിലെ അംബേദ്കർ കോളനിയിൽ കേരള പോലീസ് നടത്തിയ റെയ്ഡിൽ പിടിയിലായ മുനന്പത്തുനിന്നും യാത്ര പോകാൻ കഴിയാതെ മടങ്ങിയെത്തിയ ശ്രീലങ്കൻ അഭയാർഥി ദീപക്കുമായി അന്വേഷണസംഘത്തിലെ ഒരു വിഭാഗം കൊച്ചിയിൽ തിരിച്ചെത്തി. ഇന്നു രാവിലെ നെടുന്പാശേരി അന്താരാഷ്ട്ര വിമാനത്താവളത്തിൽ വടക്കേക്കര സിഐ അഷറഫിന്റെ നേതൃത്വത്തിലുള്ള സംഘമാണ് എത്തിയത്. കസ്റ്റഡിയിലുള്ളയാളെ വിശദമായി ചോദ്യം ചെയ്യുന്നതിനായി ഉന്നത ഉദ്യോഗസ്ഥരുടെ മുന്നിൽ ഹാജരാക്കും. ആലുവ വെസ്റ്റ് എസ്ഐ സാബുവിന്റെ നേതൃത്വത്തിലുള്ള മറ്റൊരു…
Read MoreCategory: Kochi
ചികിത്സയുടെ ഭാഗമായ മരുന്നുകൾക്കു നികുതി പാടില്ല; ആശുപത്രികൾ ധർമ്മ സ്ഥാപനമല്ലെങ്കിലും മരുന്നു വിൽക്കാനുള്ള ബിസിനസ് സ്ഥാപനമായി മാത്രം കാണാനാവില്ലെന്ന് ഹൈക്കോടതി
കൊച്ചി: ആശുപത്രികളിൽ പ്രവേശിപ്പിക്കപ്പെടുന്ന രോഗികൾക്കു നൽകുന്ന മരുന്നിനും ജീവൻ രക്ഷിക്കാൻ പിടിപ്പിക്കുന്ന ഉപകരണങ്ങൾക്കും ശസ്ത്രക്രിയാ സാമഗ്രികൾക്കും നികുതി ഈടാക്കാനാവില്ലെന്നു ഹൈക്കോടതി. രോഗിയുടെ ജീവൻ രക്ഷിക്കാനുള്ള ചികിത്സയുടെ ഭാഗമായി നൽകുന്ന മരുന്നുകളും മറ്റും നൽകുന്നതു വില്പനയായി കണക്കാക്കാൻ കഴിയില്ല. ഇതിന്റെ തുക ആശുപത്രി ബില്ലിനൊപ്പം ഈടാക്കുന്പോൾ കേരള വാറ്റ് പ്രകാരമുള്ള നികുതി ഈടാക്കരുതെന്നും കോടതി വ്യക്തമാക്കി. അവശ്യ മരുന്നുകൾക്കും ജീവൻ രക്ഷാ ഉപകരണങ്ങൾക്കുമൊക്കെ നികുതി ഏർപ്പെടുത്തുന്നതിനെതിരായ ഒരുകൂട്ടം ഹർജികളിലാണു ഹൈക്കോടതി ഫുൾബെഞ്ചിന്റെ ഉത്തരവ്. ആശുപത്രികളിലെത്തിക്കുന്ന രോഗികൾക്കു മതിയായ ചികിത്സയാണു നൽകുന്നത്. രോഗിയുടെ താത്പര്യപ്രകാരമല്ല, ഡോക്ടറുടെയോ സർജന്റെയോ വിദഗ്ധോപദേശ പ്രകാരമാണു മരുന്നു നൽകുന്നത്. ഇതിന്റെ സേവന സ്വഭാവം പരിഗണിക്കുന്പോൾ മരുന്നിന്റെ വില അപ്രസക്തമാണ്. ആശുപത്രികൾ പൂർണമായും ധർമസ്ഥാപനമല്ലെങ്കിൽ പോലും മരുന്നു വിൽക്കാനുള്ള ബിസിനസ് സ്ഥാപനമായി മാത്രം കാണാനാവില്ല. ചികിത്സയുടെ ലക്ഷ്യം രോഗം ഭേദമാക്കുകയെന്നതാണ്. ഇതിനു നൽകുന്ന മരുന്നുകളുടെ വിലയ്ക്കു ചികിത്സയെന്ന…
Read Moreആസിഡ് ആക്രമണം; കുട്ടിയുടെ കാഴ്ച നഷ്ടപ്പെടാൻ സാധ്യതയെന്നു ഡോക്ടർമാർ; ആസിഡ് ആക്രമത്തെക്കുറിച്ച് കുട്ടികളുടെ മാതാവ് പറയുന്നതിങ്ങനെ…
ഗാന്ധിനഗർ: ഭാര്യയുടേയും നാലു മക്കളുടെയും ദേഹത്ത് ആസിഡ് വീണു ചികിത്സയിൽ കഴിയുന്ന കുട്ടിയുടെ രണ്ട് കണ്ണിന്റെയും കോർണിയ (കറുത്ത ഭാഗം)യ്ക്കു മുറിവുളളതിനാൽ കണ്ണിന്റെ കാഴ്ച നഷ്ടപ്പെടുവാൻ സാധ്യതയുണ്ടെന്ന് ചികിത്സയ്ക്ക് നേതൃത്വം നൽകുന്ന ഡോക്്ടർമാർ അറിയിച്ചു. പിറവം രാമമംഗലം മൂട്ടമലയിൽ റെനിയുടെ ഭാര്യ സ്മിത (35), മക്കളായ നെവിൻ (14), സ്മിന (13) സ്മിജു (12) സ്മിനു(5) എന്നിവരെയാണ് റെനി ആസിഡ് ഒഴിച്ച് പൊള്ളലേപ്ച്ചിത്. വ്യാഴാഴ്ച പുലർച്ചെ മൂന്നിനു രാമമംഗലത്ത് സ്മിത താമസിക്കുന്ന ഒറ്റമുറി വിട്ടിലായിരുന്നു സംഭവം. സംഭവത്തെക്കുറിച്ച് സ്മിത പറയുന്നതിങ്ങനെ: കൂലിപ്പണിക്കാരനായ റെനി എന്നും മദ്യപിച്ചെത്തി ബഹളം വയ്ക്കുക പതിവായിരുന്നു. ഇയാളിൽനിന്നു മാറി താമസിക്കുവാൻ തീരുമാനിച്ചു. കുട്ടികൾക്ക് ഭക്ഷണം നൽകുവാനും കിടക്കുവാനും മാർഗമില്ലാതിരുന്നതിനാൽ നെവിൻ പഠിക്കുന്ന പിറവം സെന്റ് ജോസഫ് ഹൈസ്കൂളിലെ ഫിസിക്കൽ അധ്യാപകൻ പി.പി. ബാബുവിന്റെ നേതൃത്വത്തിൽ ഇവർക്ക് ഒരു വീട് നിർമ്മിച്ച് നൽകുവാൻ തീരുമാനിച്ചു.…
Read Moreകൊച്ചിക്കാര്ക്കു സീറ്റ് ബെല്റ്റ് ധരിക്കാന് മടി! കൊച്ചിക്കാരുടെ സുരക്ഷിതബോധം വളരെ താഴ്ന്നതാണെന്ന് പഠനറിപ്പോര്ട്ട്
കൊച്ചി: വാഹനം ഓടിക്കുന്പോൾ കൊച്ചിയിലെ 70 ശതമാനത്തിലധികം പേരും സീറ്റ് ബെൽറ്റ് ധരിക്കാറില്ലെന്നു പഠനം. ഇന്ത്യയിലെ സീറ്റ് ബെൽറ്റ് ഉപയോഗവും കുട്ടികൾക്കുള്ള റോഡ് സുരക്ഷയും എന്ന വിഷയത്തിൽ നിസാൻ ഇന്ത്യയും സേവ് ലൈഫ് ഫൗണ്ടേഷനും സംയുക്തമായി കൊച്ചി ഉൾപ്പെടെ രാജ്യത്തെ പത്തു നഗരങ്ങളിൽ നടത്തിയ പഠനത്തിലാണു കൊച്ചിക്കാരുടെ സുരക്ഷിതബോധം വളരെ താഴ്ന്നതാണെന്ന കണക്ക് രേഖപ്പെടുത്തിയിരിക്കുന്നത്. ഭൂരിഭാഗം കാറുകളിലും സീറ്റ് ബെൽറ്റ് സൗകര്യം ഉണ്ടെങ്കിലും അത് ഉപയോഗിക്കാത്തവരാണ് അധികവും. സീറ്റ് ബെൽറ്റ് ധരിക്കേണ്ടത് നിയമപ്രകാരം നിർബന്ധമാണെന്ന് അറിയാത്തവർ 40 ശതമാനമാണ്. നഗരത്തിലെ റോഡുകൾ കുട്ടികൾക്ക് സുരക്ഷിതമല്ലെന്നു സർവേയിൽ പങ്കെടുത്ത 80 ശതമാനം പേരും അഭിപ്രായപ്പെട്ടു. സീറ്റ് ബെൽറ്റ് ധരിക്കാത്തതിന്റെ പേരിൽ പോലീസിന്റെ ഭാഗത്തുനിന്ന് ഒരുതവണ പോലും ചോദ്യമുണ്ടായിട്ടില്ലെന്നു 90 ശതമാനത്തിലധികം പേരും പറയുന്നു. കുട്ടികൾക്കായി ശക്തമായ റോഡ് സുരക്ഷാ നിയമം വേണമെന്നും സർവേയിൽ പങ്കെടുത്ത ഭൂരിഭാഗം പേരും ആവശ്യപ്പെട്ടു.…
Read Moreമൂന്നാം വിവാഹം: ഭാര്യയുടെ പരാതിയിൽ യുവാവ് പിടിയിൽ; ആദ്യ ഭാര്യയിൽ രണ്ട് കുട്ടികൾ;കൂത്താട്ടുകുളത്തെ മൂന്നാം കല്യാണക്കഥയിങ്ങനെ…
കൂത്താട്ടുകുളം: മൂന്നു തവണ വിവാഹിതനായ യുവാവിനെ ഭാര്യയുടെ പരാതിയിൽ പോലീസ് പിടികൂടി. മണ്ണത്തൂർ കണ്ണംന്താനത്ത് ജിനിൽ ജോർജ് (36) ആണ് പിടിയിലായത്. ഇയാളുടെ ആദ്യ വിവാഹത്തിൽ രണ്ട് കുട്ടികളുണ്ട്. ഇവരെ ഉപേക്ഷിച്ചാണ് ഒലിയപ്പുറം സ്വദേശിയും ഭർതൃമതിയുമായ യുവതിയെ വിവാഹം കഴിച്ചത്. ഇവരുമായി തെറ്റിപ്പിരിഞ്ഞാണ് തിരുവനന്തപുരം സ്വദേശിയായ യുവതിയെ പരിചയപ്പെട്ട് മൂന്നാമത്തെ വിവാഹം കഴിച്ചത്. ഇതിനിടെ രണ്ടാം ഭാര്യയെത്തിയതോടെ പ്രശ്നമാകുകയായിരുന്നു. മൂന്നാം ഭാര്യയെ വീട്ടിൽനിന്ന് ഇറക്കിവിടുകയും ജിനിൽതന്നെ ഇവരെ കോട്ടയത്ത് കാറിൽ എത്തിച്ച് അവിടെനിന്ന് തിരുവനന്തപുരത്തേക്ക് ബസിൽ കയറ്റി വിടുകയുമായിരുന്നു. എന്നാൽ യുവതി ചങ്ങനാശേരി പോലീസ് സ്റ്റേഷനിലെത്തി വിവരങ്ങൾ ധരിപ്പിക്കുകയും കൂത്താട്ടുകുളം പോലീസിന്റെ സഹായത്തോടെ പിടികൂടുകയുമായിരുന്നു. സുപ്രീകോടതിയുടെ വിധിയുണ്ടെന്നും ഒപ്പം താമസിച്ചാൽ കുഴപ്പമില്ലെന്നുമാണ് മൂന്നാം ഭാര്യയെ പറഞ്ഞ് കബളിപ്പിച്ചിരുന്നത്. വിവാഹത്തിലൂടെ യുവതികളിൽനിന്ന് സ്വർണാഭരണങ്ങളും രണ്ട് ലക്ഷം രൂപയോളവും തട്ടിയെടുത്തതായും പരാതിയിലുണ്ട്. കൂത്താട്ടുകുളം കോടതിയിൽ ഹാജരാക്കിയ പ്രതിയെ റിമാന്ഡ് ചെയ്തു.
Read Moreമുനമ്പം മനുഷ്യക്കടത്ത്: ബോട്ട് വാങ്ങാൻ ഇടനില നിന്നത് ആറ് ബ്രോക്കർമാർ; പോലീസിന്റെ കണ്ടെത്തലുകൾ ഇങ്ങനെ…
ചെറായി: മുനന്പം മനുഷ്യക്കടത്തുമായി ബന്ധപ്പെട്ട് മനുഷ്യക്കടത്ത് റാക്കറ്റിനു മുനന്പം സ്വദേശിയിൽ നിന്നും ദയാമാതാ എന്ന ബോട്ട് വാങ്ങാൻ ഇടനിലക്കാരായി വർത്തിച്ചത് മൊത്തം ആറ് ബ്രോക്കർ മാരെന്ന് പോലീസിന്റെ അന്വേഷണത്തിൽ കണ്ടെത്തി. ഇവരിൽ രണ്ട് പേരെ കസ്റ്റഡിയിലെടുത്ത് മുനന്പം പോലീസ് ചോദ്യം ചെയ്തിരുന്നു. മനുഷ്യക്കടത്തിനാണ് ബോട്ടെന്ന് തങ്ങൾക്ക് അറിയാമായിരുന്നില്ലെന്നും ബോട്ടിനായി ഒരു തമിഴ്നാട് സ്വദേശിയാണ് തങ്ങളെ സമീപിച്ചതെന്നുമാണ് ബ്രോക്കർമാർ പോലീസിനെ അറിയിച്ചത്. ബ്രോക്കർ ഷെയർ വകയിൽ 55000 രൂപവീതം ഇവർക്ക് ലഭിച്ചുവെന്നും ഇവർ പോലീസിനു മൊഴി നൽകിയതായി അറിയുന്നു. മുഖ്യപ്രതി ശ്രീകാന്തനെ ഇവർ കണ്ടിട്ടില്ലെന്നാണ് പറയുന്നത്. എന്നാൽ, ഇയാളുടെ ഫോണിലേക്ക് വിളിച്ചിട്ടുള്ള രേഖകൾ പോലീസിനു ലഭിച്ചിട്ടുണ്ട്. പക്ഷേ, ഇത് ബോട്ട് കൊടുക്കൽ വാങ്ങലിന്റെ ഭാഗമായി തങ്ങളെ സമീപിച്ച തമിഴ്നാട്ടുകാരൻ നൽകിയ നന്പറിൽ വിളിച്ച് യഥാർഥത്തിൽ വാങ്ങുന്ന ഉടമയുമായി വിലയുറപ്പിക്കുന്നതിനായുള്ള വിളികൾ മാത്രമായിരുന്നുവെന്നും ആളെ തങ്ങൾക്ക് അറിയില്ലെന്നും ബ്രോക്കർ ആവർത്തിച്ചു…
Read Moreപ്രാണനല്ലെ കളയല്ലേ…; നാലാമതും പെൺകുഞ്ഞ്, ഉപേക്ഷിക്കാൻ ദന്പതികളുടെ ശ്രമം; ഒടുവില്…
പറവൂർ: നാലാമതും പെൺകുഞ്ഞു ജനിച്ചതിനെത്തുടർന്നു നേപ്പാൾ സ്വദേശികളായ ദമ്പതികൾ കുഞ്ഞിനെ ഉപേക്ഷിക്കാൻ ശ്രമിച്ചു. വിവരമറിഞ്ഞു നഗരസഭാധികൃതരും പോലീസും ചേർന്നു കുട്ടിയെയും അമ്മയെയും ചൈൽഡ് ലൈൻ പ്രവർത്തകരെ ഏൽപിച്ചു. നേപ്പാൾ സ്വദേശി ലോഗ് ബഹദൂറും ഭാര്യ ജാനകിയുമാണ് പെൺകുഞ്ഞിനെ ഉപേക്ഷിക്കാൻ ശ്രമിച്ചത്. ചാലാക്കയിലെ ഹോട്ടലിൽ ജോലി ചെയ്തിരുന്നയാളാണു ലോഗ് ബഹദൂർ. വർഷങ്ങളായി മുനമ്പത്താണു താമസം. നേരത്തെയുണ്ടായിരുന്ന മൂന്നു പെൺകുട്ടികളിൽ ഇളയതിനു രണ്ടര വയസു പ്രായമേയുള്ളൂ. നാലാമതു ജാനകി ഗർഭിണി ആയപ്പോൾ ചെറായിയിലെ ഒരു ഡോക്ടറെ കാണുകയും എന്തു കുട്ടിയാണെന്ന് അന്വേഷിക്കുകയും ചെയ്തിരുന്നു. ഡോക്ടർ ആൺകുട്ടിയാണെന്നു പറഞ്ഞെന്നാണു ലോഗ് ബഹദൂർ പറയുന്നത്. കഴിഞ്ഞ ബുധനാഴ്ച വീട്ടിലായിരുന്നു പ്രസവം. പെൺകുഞ്ഞാണെന്ന് അറിഞ്ഞതോടെ ദന്പതികൾ കുഞ്ഞിനെ ഉപേക്ഷിക്കാൻ ശ്രമം തുടങ്ങി. ഇതറിഞ്ഞ ആശാ വർക്കർമാര് കുടുംബത്തെ താലൂക്ക് ആശുപത്രിയിലെത്തിച്ചു. എന്നാൽ കുട്ടിക്ക് ആവശ്യമായ പ്രാഥമിക ചികിൽസ നൽകാൻ മാതാപിതാക്കൾ സമ്മതിച്ചില്ല. തന്റെ വരുമാനം…
Read Moreദുരിതം വിട്ടൊഴിയാതെ; !ഒറ്റമുറി വീട്ടിൽ ഉറങ്ങിക്കിടന്ന അമ്മയ്ക്കും നാലു മക്കൾക്കും നേരെ ആസിഡ് ആക്രമണം; കുട്ടികളുടെ മുഖം പൊള്ളി വികൃതമായയി; കാഴ്ച നഷ്ടപ്പെട്ടേക്കാമെന്ന് ഡോക്ടർമാർ
പിറവം: രാമമംഗലത്ത് ഒറ്റമുറി വീടിനുള്ളിൽ ഉറങ്ങിക്കിടന്ന അമ്മയുടെയും നാലു മക്കളുടെയും ദേഹത്തേക്കു ജനാലയിലൂടെ ആസിഡ് ഒഴിച്ചു പൊള്ളലേൽപ്പിച്ചു. ഒരു കുട്ടിക്കു സാരമായി പൊള്ളലേറ്റു. രാമമംഗലം നെയ്ത്തുശാലപ്പടിക്കു സമീപം വാടകയ്ക്കു താമസിക്കുന്ന മുട്ടമലയിൽ സ്മിത (40), മക്കളായ നെവിൻ (14), സ്മിജ (13), സിമ്ന (12), സിമ്നു (നാല്) എന്നിവർക്കാണു പൊള്ളലേറ്റത്. സിമ്നയുടെ മുഖത്തും ശരീരത്തിന്റെ മറ്റു ഭാഗങ്ങളിലും കാര്യമായ പൊള്ളലേറ്റിട്ടുണ്ട്. നാലു പേരെയും കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ഭർത്താവുമായി അകന്നുകഴിയുന്ന സ്മിത നാലു മക്കളുമായി ഒറ്റമുറി വാടകവീട്ടിലാണു താമസം. സംഭവത്തിൽ ഭർത്താവിനെ ഇന്നലെ രാത്രി പോലീസ് കസ്റ്റ ഡിയിലെടുത്തു. ഇന്നലെ പുലർച്ചെ മൂന്നോടെയാണ് ആക്രമ ണമെന്നു സ്മിത പറഞ്ഞു. വെള്ളം ഒഴിച്ചതാണെന്നാണ് ആദ്യം കരുതിയത്. ശരീരം പൊള്ളിയപ്പോഴാണ് ആസിഡാണെന്നു മനസിലായത്. ജനലിന്റെ വശത്തു കിടന്നുറങ്ങുകയായിരുന്ന സിമ്നയുടെ ദേഹത്താണു കൂടുതൽ ആസിഡ് വീണത്. കുട്ടിയുടെ കണ്ണിൽ…
Read Moreമുതൽമത്സ്യബന്ധന ബോട്ടുകളിൽ കർശന പരിശോധന! തൊഴിലാളികളുടെ തിരിച്ചറിയൽ രേഖയും ബോട്ടിന്റെ രജിസ്ട്രേഷൻ രേഖയും നിർബന്ധം
ചെറായി : മത്സ്യബന്ധന ബോട്ടുകളിൽ പണിയെടുക്കുന്ന അന്യസംസ്ഥാനക്കാരായ തൊഴിലാളികൾ ഉൾപ്പെടെയുള്ളവരുടെ തിരിച്ചറിയൽ രേഖകളും ബോട്ടിന്റെ രജിസ്ട്രേഷൻ രേഖകളും ബോട്ടിൽ കരുതണമെന്ന് മറൈൻ എൻഫോഴ്സമെന്റ്, കോസ്റ്റൽപോലീസ്, ഫിഷറീസ് ഡിപ്പാർട്ട്മെന്റ് എന്നീ വിഭാങ്ങൾ അറിയിച്ചു. ബോട്ടുകളിൽ കർശന പരിശോധന ഉണ്ടാകും. വ്യക്തമായ രേഖകളില്ലെങ്കിൽ ചട്ടമനുസരിച്ചുള്ള നടപടികൾ സ്വീകരിക്കുമെന്നും ഉദ്യോഗസ്ഥൻമാർ മുന്നറിയിപ്പ് നൽകി. മുനന്പം വഴി മനുഷ്യക്കടത്ത് നടക്കുന്നതായി വ്യക്തമായ സൂചനകൾ ലഭിച്ച സാഹചര്യത്തിലാണ് അധികൃതർ നടപടികൾ കർശനമാക്കിയിരിക്കുന്നത്. നാട്ടുകാരും അന്യസംസ്ഥാനക്കാരുമായ നിരവധി ആളുകൾ മുനന്പം മത്സ്യബന്ധനമേഖലയിൽ തൊഴിലെടുക്കുന്നുണ്ട്. ഇവരിൽ 90 ശതമാനം പേർക്കും തിരിച്ചറിയൽ രേഖകളില്ല. ഈ സാഹചര്യത്തിൽ മത്സ്യബന്ധന വ്യവസായ മേഖലയിൽ പ്രതിസന്ധിയില്ലാതിരിക്കാൻ എല്ലാ ബോട്ടുടമകളും അധികൃതരുടെ നിർദ്ദേശങ്ങൾ കൃത്യമായി പാലിക്കണമെന്ന് ബോട്ടുടമാസംഘം ചെയർമാൻ പി.പി. ഗിരീഷ് ആവശ്യപ്പെട്ടു.
Read Moreമുനമ്പം മനുഷ്യക്കടത്ത്! ബോട്ട് വാങ്ങാന് ഇടനില നിന്ന ബ്രോക്കര്മാര് പോലീസ് കസ്റ്റഡിയില്
വൈപ്പിൻ : മുനന്പം മനുഷ്യക്കടത്തുമായി ബന്ധപ്പെട്ട് രണ്ട് ബോട്ട് ബ്രോക്കർമാരെ മുനന്പം പോലീസ് കസ്റ്റഡിയിലെടുത്തു.മാല്യങ്കര സ്വദേശിയായ ഒരാളും പള്ളിപ്പുറം സ്വദേശിയായ മറ്റൊരാളുമാണ് കസ്റ്റഡിയിലുള്ളത്. മനുഷ്യക്കടത്ത് റാക്കറ്റിൽ പോലീസ് അന്വേഷിക്കുന്ന മുഖ്യ പ്രതി ശ്രീകാന്തനുമായി പലകുറി ഫോണിൽ സംസാരിച്ചതായി തെളിവുകൾ ലഭിച്ച സാഹചര്യത്തിൽ പോലീസ് ഇവരെ ചോദ്യം ചെയ്യാൻവേണ്ടിയാണ് കസ്റ്റഡിയിൽ എടുത്തിട്ടുള്ളത്. ശ്രീലങ്കൻ അഭയാർഥികളെ മുനന്പം വഴി ഒാസ്ട്രേലിയയിലേക്ക് കടത്താനായി മുനന്പം സ്വദേശിയിൽനിന്നും ദയാമാതാ എന്നമത്സ്യബന്ധനബോട്ട് ശ്രീകാന്തൻ വാങ്ങിയത് ഇപ്പോൾ പോലീസ് കസ്റ്റഡിയിലുളള രണ്ട് ബ്രോക്കർമാർ മുഖേനയാണെന്ന് പോലീസ് പറഞ്ഞു. ഇതിനിടെ അഭയാർഥികൾ താമസിച്ചിരുന്ന ചെറായി ബീച്ചിൽ പോലീസ് അടച്ചു മുദ്രവെച്ച ആറു റിസോർട്ടുകളിലെ സിസിടിവി ക്യാമറകൾ പ്രവർത്തിച്ചിരുന്ന കംപ്യൂട്ടറുകളുടെ ഹാർഡ് ഡിസ്കിൽ നിന്നും ശ്രീലങ്കൻ അഭയാർഥികളുടെ ദൃശ്യങ്ങൾ പോലീസ് ശേഖരിച്ചു . പലതിലും മുഖം വ്യക്തമല്ലാത്തിനാൽ ദൃശ്യങ്ങൾ പോലീസിനു അന്വേഷണത്തിനു കാര്യമായി ഫലം ചെയ്യുകയില്ലെന്നാണ് സൂചന. മാത്രമല്ല…
Read More