ചെറായി: കൊല്ലത്ത് നിന്നെത്തി മുനന്പത്ത് കടലിൽ കുളിച്ചുകൊണ്ടിരുന്ന യുവാവിനെ നാട്ടുകാർ പിടികൂടി പോലീസിൽ ഏൽപ്പിച്ചു. ഓസ്ട്രേലിയയിലേക്കുള്ള ശ്രീലങ്കൻ അഭയാർഥി ബോട്ടിൽ നിന്നും കടലിൽ ചാടി രക്ഷപെട്ടയാളാണെന്നാരോപിച്ചാണ് കൊല്ലം കാവനാട് സ്വദേശിയായ യുവാവിനെ നാട്ടുകാർ പിടികൂടിയത്. ഇന്നലെ മുനന്പം വേളാങ്കണ്ണിക്കടപ്പുറത്തായിരുന്നു സംഭവം. ശ്രീലങ്കയിലെ അഭയാർഥികൾ മുനന്പം വഴി ഓസ്ട്രേലിയക്ക് പോകാൻ മുനന്പത്തും ചെറായി ബീച്ചിലും തന്പടിച്ചുവെന്ന വാർത്തയെ തുടർന്ന് ബീച്ചുകളിലും ഹാർബറുകളിലും പോലീസും നാട്ടുകാരും ജാഗരൂഗരാണ്. ഇതിനിടയിലാണ് ഒരു യുവാവ് ഒറ്റക്ക് കടലിൽ നിന്നും നീന്തിക്കയറി വരുന്നതായി നാട്ടുകാരിൽ ചിലർ കണ്ടത്. അൽപം മദ്യം അകത്താക്കിയിരുന്ന യുവാവിനെ നാട്ടുകാർ പിടിച്ചു നിർത്തി കാര്യം ചോദിച്ചപ്പോൾ മദ്യലഹരിയിൽ കൊല്ലം ഭാഷയിൽ മലയാളം പറഞ്ഞത് സിംഹളഭാഷയാണെന്ന് തെറ്റിദ്ധരിച്ച് നാട്ടുകാർ ഉടൻ പോലീസിനെ വിളിച്ച് വരുത്തുകയായിരുന്നു. മുനന്പം പോലീസ് സ്ഥലത്തെത്തി കസ്റ്റഡിയിലെടുത്ത് ചോദ്യം ചെയതപ്പോൾ യുവാവ് തന്റെ പേരും വിലാസവും കൃത്യമായി പറഞ്ഞു.…
Read MoreCategory: Kochi
ബ്യൂട്ടി പാർലർ വെടിവയ്പ്പ് ഒത്തുതീർപ്പായെന്നു പ്രചരണം: സ്ഥിരീകരിക്കാതെ അന്വേഷണ സംഘം; ഒത്തുത്തീർപ്പായില്ലെന്ന് നടിയും
കൊച്ചി: ബ്യൂട്ടി പാർലർ വെടിവയ്പ്പ് സംഭവം ഒത്തുതീർപ്പായെന്നു പ്രചരണം, സ്ഥിരീകരിക്കാതെ അന്വേഷണ സംഘം. ഒത്തുത്തീർപ്പ് സംബന്ധിച്ച വാർത്തകൾ പ്രചരിക്കുന്നുണ്ടെങ്കിലും ഇത് സംബന്ധിച്ച വിവരങ്ങൾ ലഭിച്ചിട്ടില്ലെന്ന് അന്വേഷണ സംഘം വ്യക്തമാക്കി. നാളുകളായി ഇത്തരത്തിൽ പ്രചരണം നടക്കുന്നുണ്ടെന്നും ഇത് സംബന്ധിച്ച് വിവരങ്ങളൊന്നും ലഭ്യമായിട്ടില്ലെന്നും പോലീസ് പറയുന്നു. ബ്യൂട്ടിപാർലർ ഉടമയും നടിയുമായ ലീന മരിയ പോളിൽനിന്ന് പോലീസ് രണ്ടാമതും മൊഴിയെടുക്കാൻ ഒരുങ്ങുകയാണെങ്കിലും അവർ ഒഴിഞ്ഞുമാറുകയാണെന്നും പോലീസ് പറയുന്നു. കഴിഞ്ഞ മാസം 15ന് ഉച്ചകഴിഞ്ഞു മൂന്നോടെയാണ് പനന്പള്ളിനഗറിലുള്ള നെയ്ൽ ആർട്ടിസ്ട്രി എന്ന ബ്യൂട്ടിപാർലറിൽ വെടിവയ്പുണ്ടായത്. ബൈക്കിൽ എത്തിയ രണ്ടുപേർ വെടിവച്ചശേഷം കടന്നുകളയുകയായിരുന്നു. രവി പൂജാരിയുടെ പേരെഴുതിയ കടലാസ് പ്രദേശത്ത് ഉപേക്ഷിച്ചശേഷമാണു പ്രതികൾ രക്ഷപ്പെട്ടത്. ഹെൽമറ്റും ജാക്കറ്റും ധരിച്ചാണു പ്രതികളെത്തിയിരുന്നത്. രവി പൂജാരിയുമായുള്ള കോടികളുടെ പണമിടപാട് സംബന്ധിച്ച തർക്കമാണ് വെടിവയ്പ്പിന് പിന്നിലെന്നാണ് പോലീസ് സംശയം. പണം നൽകി ഒത്തുത്തീർപ്പിലേക്ക് നീങ്ങിയാലും കേസ് ഇല്ലാതാകില്ലെന്ന് പോലീസ്…
Read Moreമുനന്പം മനുഷ്യക്കടത്ത്: ഓസ്ട്രേലിയൻ ഫെഡറൽ പോലീസ് കൊച്ചിയിലേക്ക്
ആലുവ: മുനന്പം മനുഷ്യക്കടത്തിന്റെ അന്വേഷണം ഒാസ്ട്രേലിയയടക്കമുള്ള രാഷ്ട്രങ്ങളിലേയ്ക്കും വ്യാപിപ്പിക്കുന്നു. സംഭവം വിവാദമായതിനേത്തുടർന്ന് ഒാസ്ട്രേലിയൻ ഫെഡറൽ പോലീസ് കേരളത്തിലെത്തുന്നതായി അന്വേഷണ സംഘത്തിന് വിവരം ലഭിച്ചതായിട്ടാണ് സൂചന. ഒാസ്ട്രേലിയൻ പോലീസിന്റെ ഡിറ്റക്ടീവ് വിഭാഗത്തിലെ മൂന്ന് ഉദ്യോഗസ്ഥരും ഇതിനായി ഉടൻ കൊച്ചിയിലെത്തും. അതേസമയം, സംസ്ഥാന പോലീസ് കോസ്റ്റ് ഗാർഡ്, നാവികസേന, കേന്ദ്ര രഹസ്യാന്വേഷണ ഏജൻസി എന്നിവരുടെ സഹായത്തോടെ നടത്തിവരുന്ന അന്വേഷണം പുരോഗമിക്കുകയാണ്. ഇന്ത്യൻ നേവിയുടെ നിരീക്ഷണ കപ്പലുകളും പുറംകടലിൽ തിരച്ചിൽ തുടരുന്നുണ്ട്. കൊച്ചി റേഞ്ച് ഐജി വിജയ് സാഖറെ, എറണാകുളം റൂറൽ എസ്പി രാഹുൽ ആർ.നായർ, തൃശൂർ സിറ്റി പോലീസ് കമ്മീഷണർ യതീഷ് ചന്ദ്ര എന്നിവരുടെ നേതൃത്വത്തിൽ പ്രത്യേകസംഘം അന്വേഷണം ഉൗർജിതമാക്കിയിരിക്കുകയാണ്. മുനന്പം ഫിഷിംഗ് ഹാർബർ വഴി ഒാസ്ട്രേലിയയിലേക്ക് ബോട്ടുമാർഗം കടന്നുവെന്ന് സംശയിക്കുന്നവർ താമസിച്ചിരുന്ന ഡൽഹി അംബേദ്കർ കോളനിയടക്കം റൂറൽ എസ്പി സുദർശനന്റെ നേതൃത്വത്തിലുള്ള സംഘം അന്വേഷണം തുടരുകയാണ്. എന്നാൽ ഇത്…
Read Moreബിന്ദുവിനും കനകദുർഗയ്ക്കും അനധികൃത സൗകര്യങ്ങളൊരുക്കിയെന്ന് നിരീക്ഷക സമിതി
കൊച്ചി: ശബരിമലയിൽ യുവതി പ്രവേശം നടത്തിയ ബിന്ദുവിനും കനകദുർഗയ്ക്കും അനധികൃത സൗകര്യങ്ങളൊരുക്കിയെന്ന് ഹൈക്കോടതി നിരീക്ഷക സമിതി.പോലീസുകാർ കാവൽ നിൽക്കുന്ന ഗേറ്റ് വഴി യുവതികൾ എങ്ങനെ സന്നിധാനത്ത് എത്തിയെന്ന് അറിയില്ലെന്നും നിരീക്ഷക സമിതി ഹൈക്കോടതിയിൽ സമർപ്പിച്ച പുതിയ റിപ്പോർട്ടിൽ പറയുന്നു. കൊടിമരത്തിനടുത്ത് കൂടി ശ്രീകോവിലിന് മുന്നിലേക്ക് കടത്തിയതും ഭക്തരെ പ്രവേശിപ്പിക്കാത്ത വഴിയിലൂടെയാണെന്നും സമിതി റിപ്പോർട്ടിൽ വിമർശിക്കുന്നു.
Read Moreകെഎസ്ആർടിസി സമരം നിയമപരമല്ലെന്ന് ഹൈക്കോടതി; പ്രശ്നം ചർച്ചയിലൂടെ പരിഹരിക്കാൻ ശ്രമിക്കുകയല്ലേ വേണ്ടതെന്നും കോടതി
കൊച്ചി: കെഎസ്ആർടിസി തൊഴിലാളികൾ ഇന്ന് അർദ്ധരാത്രി മുതൽ നടത്താനിരിക്കുന്ന അനിശ്ചിതകാല പണിമുടക്കിനെതിരേ ഹൈക്കോടതി. സമരം നിയമപരമല്ലെന്ന് ചീഫ് ജസ്റ്റീസ് അധ്യക്ഷനായ ബെഞ്ച് നിരീക്ഷിച്ചു. നേരത്തെ നോട്ടീസ് നൽകിയെന്നത് സമരം ചെയ്യാനുള്ള അനുമതിയല്ല. പ്രശ്നം ചർച്ചയിലൂടെ പരിഹരിക്കാൻ ശ്രമിക്കുകയല്ലേ വേണ്ടതെന്നും നിയമപരമായ പരിഹാരമുള്ളപ്പോൾ എന്തിന് മറ്റ് മാർഗങ്ങൾ തേടണമെന്നും കോടതി ചോദിച്ചു. കെഎസ്ആർടിസി സമരത്തിനെതിരെ സെന്റർ ഫോർ കണ്സ്യൂമർ എഡ്യൂക്കേഷൻ എന്ന സംഘടനയാണ് ഹൈക്കോടതിയെ സമീപിച്ചത്. അശാസ്ത്രീയമായ ഡ്യൂട്ടി പരിഷ്കാരം മൂലമുണ്ടായ യാത്രാക്ലേശം പരിഹരിക്കുക, അപകടം ഉൾപ്പെടെയുണ്ടായി അവധിയിൽ പ്രവേശിക്കുന്ന ജീവനക്കാരെ തിരിച്ചെടുക്കാത്ത നടപടി അവസാനിപ്പിക്കുക, ശന്പളപരിഷ്കരണം സംബന്ധിച്ച ചർച്ച ആരംഭിക്കുക തുടങ്ങിയ ആവശ്യങ്ങൾ ഉന്നയിച്ചാണ് പണിമുടക്കിന് ആഹ്വാനം ചെയ്തിരിക്കുന്നത്.
Read Moreമുനമ്പം വഴി മനുഷ്യക്കടത്ത്; ഇതരസംസ്ഥാനങ്ങളിലും അന്വേഷണം; കസ്റ്റഡിയിലുള്ളവരെ ചോദ്യം ചെയ്യൽ തുടരുന്നു ; അറസ്റ്റുണ്ടായേക്കുമെന്ന് സൂചന
കൊച്ചി/ആലുവ: മുനന്പം ഹാർബർ വഴി മനുഷ്യക്കടത്ത് നടത്തിയ സംഭവവുമായി ബന്ധപ്പെട്ട് ഇതര സംസ്ഥാനങ്ങളിലേക്കടക്കം അന്വേഷണം വ്യാപിപ്പിച്ച് പോലീസ്. ഡൽഹി, ചെന്നൈ അടക്കമുള്ള സ്ഥലങ്ങളിൽ വിവിധ സംഘങ്ങളായി തിരിഞ്ഞാണു അന്വേഷണം നടത്തുന്നത്. ഇതിനിടെ, സംഭവുമായി ബന്ധപ്പെട്ട് ആദ്യ അറസ്റ്റ് ഉണ്ടാകുമെന്ന സൂചനകളും പുറത്തുവരുന്നുണ്ട്. കസ്റ്റഡിയിലെടുത്ത ഏതാനും പേരിൽ ഒരാളുടെ അറസ്റ്റ് രേഖപ്പെടുത്തിയേക്കുമെന്നാണു വിവരം. അന്വേഷണ സംഘത്തിന്റെ നേതൃത്വത്തിൽ കസ്റ്റഡിയിലുള്ളവരെ ഇന്നും ചോദ്യം ചെയ്യുമെന്ന് അധികൃതർ പറഞ്ഞു. മനുഷ്യക്കടത്ത് സംഘം മുനന്പത്തുനിന്ന് വാങ്ങിയെന്നു കരുതുന്ന ബോട്ടിന്റെ സഹ ഉടമ അടക്കമുള്ളവരാണ് കസ്റ്റഡിയിലുള്ളതെന്നാണു പുറത്തുവരുന്ന വിവരങ്ങൾ. ഇവരിൽനിന്ന് കൂടുതൽ വിവരങ്ങൾ ശേഖരിക്കുന്ന പോലീസ് അറസ്റ്റിലേക്ക് നീങ്ങുന്നതായാണു കരുതുന്നത്. മത്സ്യബന്ധന ബോട്ടിൽ മുനന്പം ഹാർബറിൽനിന്നു കടന്നത് ശ്രീലങ്കൻ തമിഴ് വംശജരാണെന്ന് പോലീസ് സ്ഥിരീകരിച്ചു. ഉപേക്ഷിക്കപ്പെട്ട നിലയിൽ കണ്ടെത്തിയ ബാഗുകളിലെ സൂചനകളും ഇവർ താമസിച്ച ഹോംസ്റ്റേകളിലെ സിസിടിവി ദൃശ്യങ്ങളും പരിശോധിച്ചതിൽനിന്നാണ് പോലീസ് ഈയൊരു നിഗമനത്തിൽ…
Read Moreവിമാനത്താവളം വഴി സ്വർണ കള്ളക്കടത്ത്! കള്ളക്കടത്തുക്കാർ കടത്തിന്റെ രൂപവും ഭാവവും മാറ്റി
നെടുന്പാശേരി: കൊച്ചി രാജ്യാന്തര വിമാനത്താവളം വഴി നടക്കുന്ന സ്വർണം കള്ളക്കടത്ത് സംബന്ധിച്ച് ഉന്നത തല അന്വേഷണം ആരംഭിച്ചു. ഇന്നലെ വിമാനത്തിലെ വേസ്റ്റ് ബക്കറ്റിൽനിന്നും 1.91 കോടി രൂപയുടെ സ്വർണം കണ്ടെത്തിയ പശ്ചാത്തലത്തിലാണ് ഉന്നതതല അന്വേഷണം നടത്തുന്നത്. കഴിഞ്ഞ മൂന്നുമാസത്തിനിടെമാത്രം സ്വർണ മിശ്രിതമായി കടത്തിയ നാല് കിലോഗ്രാമോളം സ്വർണമാണ് അധികൃതർ പിടികൂടിയത്. കള്ളക്കടത്തിന്റെ രൂപവും ഭാവവും മാറ്റി ഇതിനോടകം കൂടുതൽ കടത്ത് നടത്തിയിട്ടുണ്ടാകാമെന്നും അധികൃതർ സംശയിക്കുന്നു. നെടുന്പാശേരി അന്താരാഷ്ട്രവിമാനത്താവളത്തിൽ എത്തിയ ജെറ്റ് എയർവേസ് വിമാനത്തിൽനിന്നാണ് സ്വർണം കണ്ടെത്തിയത്. വിമാനത്തിലെ മാലിന്യങ്ങൾ നിക്ഷേപിക്കുന്ന ബക്കറ്റിൽ ഉപേക്ഷിക്കപ്പെട്ട നിലയിലായിരുന്നു സ്വർണം. ഇതിനാൽ മാലിന്യം ശേഖരിക്കുന്ന ഏജൻസികൾക്ക് ഇതുമായി ബന്ധമുണ്ടോയെന്നും സംശയം ഉയരുന്നുണ്ട്. വർഷങ്ങൾക്കുമുന്പ് ഇത്തരത്തിൽ നടന്ന സ്വർണം കടത്തുകൾക്കു വിമാനത്താവളത്തിലെ വിവിധ ഏജൻസികൾക്ക് പങ്കുള്ളതായി കണ്ടെത്തിയിരുന്നു. സാധാരണയായി രാജ്യാന്തര സർവീസ് നടത്തുന്ന വിമാനങ്ങളിൽ യാത്രക്കാർ മുഴുവൻ ഇറങ്ങിയ ശേഷം കസ്റ്റംസ് വിഭാഗം…
Read Moreതെരഞ്ഞെടുപ്പിന് ഒരുങ്ങി കോൺഗ്രസ്; രാഹുൽ കേരളത്തിലേക്ക്; ഇതു ചരിത്രസംഭവമാക്കാനാണ് കോണ്ഗ്രസ് തീരുമാനം
ജോണ്സണ് വേങ്ങത്തടം കൊച്ചി: കോണ്ഗ്രസ് അധ്യക്ഷൻ രാഹുൽഗാന്ധിയെ കേരളത്തിലെത്തിച്ചു ലോക്സഭ തെരഞ്ഞെടുപ്പിനു ഗോദയിലിറങ്ങാൻ കോണ്ഗ്രസ് ഒരുങ്ങുന്നു. പാർട്ടിയെ അടിത്തട്ടിൽ ചലിപ്പിക്കാനുള്ള കരുത്തു നേടാൻ ഇതിലൂടെ സാധിക്കുമെന്നു കോണ്ഗ്രസ് വിലയിരുത്തുന്നു. വരുന്ന പൊതു തെരഞ്ഞെടുപ്പിലെ മുഖ്യശ്രദ്ധകേന്ദ്രമായ രാഹുൽഗാന്ധിയെ കേരളത്തിലെത്തിച്ചു തെരഞ്ഞെടുപ്പിനുള്ള കളമൊരുക്കാനാണ് കോണ്ഗ്രസ് ശ്രമിക്കുന്നതെന്നു കെപിസിസി പ്രസിഡന്റ് മുല്ലപ്പള്ളി രാമചന്ദ്രൻ വ്യക്തമാക്കിയതും ഇതിന്റെ വെളിച്ചത്തിലാണ്. 29നാണ് രാഹുൽഗാന്ധി കൊച്ചിയിലെത്തുന്നത്. ഇതു ചരിത്രസംഭവമാക്കാനാണ് കോണ്ഗ്രസ് തീരുമാനം. എറണാകുളം മറൈൻ ഡ്രൈവിൽ പുതുതായി തെരഞ്ഞെടുക്കപ്പെട്ട 24,970 ബൂത്ത് പ്രസിഡന്റുമാരും അത്രയും വനിതാ വൈസ് പ്രസിഡന്റുമാരും ഉൾപ്പെടെ അരലക്ഷത്തോളം പ്രതിനിധികളെ അഭിസംബോധന ചെയ്യുന്നതോടെ കേരളത്തിലെ ലോക്സഭാ തെരഞ്ഞെടുപ്പു പ്രചാരണത്തിനു തുടക്കമാകും. രാഹുൽഗാന്ധിയെ സ്വീകരിക്കാനുള്ള സ്വാഗതസംഘവും ഒരുങ്ങി കഴിഞ്ഞു. കേരളത്തിലെ നേതാക്കളെല്ലാം ഒന്നിച്ചുനിന്നു സമ്മേളനം വിജയിപ്പിക്കാനുള്ള ഒരുക്കത്തിലാണ്. താഴെത്തട്ടിൽ പാർട്ടിയുടെ പ്രവർത്തനങ്ങൾക്കുചുക്കാൻപിടിക്കുന്ന ബൂത്ത് പ്രസിഡന്റുമാരും വനിതകളായ ബൂത്ത് വൈസ് പ്രസിഡന്റുമാരുമാണ് 29നു പങ്കെടുക്കുന്നത്. രാഹുൽഗാന്ധി…
Read Moreവിശുദ്ധ മദർ തെരേസയുടെ അവസാന കേരള സന്ദർശനത്തിനു നാളെ 25 വയസ്
സിജോ പൈനാടത്ത് കൊച്ചി: അഗതികളുടെ അമ്മ വിശുദ്ധ മദർ തെരേസയുടെ അവസാനത്തെ കേരള സന്ദർശനത്തിനു നാളെ 25 വയസ്. 1994 ജനുവരി 16ന് കൊച്ചിയിലെത്തിയ മദറിന്റെ നാലാമത്തെ കേരള സന്ദർശനമായിരുന്നു അത്. ഇടപ്പള്ളി പള്ളിയുടെ പതിനാലാം ശതാബ്ദി ആഘോഷങ്ങളുടെ സമാപന ചടങ്ങിൽ പങ്കെടുക്കാനുള്ള ക്ഷണം സ്വീകരിച്ചായിരുന്നു കോൽക്കത്തയിൽ നിന്ന് മദർ തെരേസയുടെ അവസാന കേരളയാത്ര. പള്ളിയങ്കണത്തിൽ നടന്ന ചടങ്ങിൽ മുഖ്യാതിഥിയായിരുന്നു മദർ. അന്നത്തെ എറണാകുളം ആർച്ച്ബിഷപ് കർദിനാൾ മാർ ആന്റണി പടിയറയും മുഖ്യമന്ത്രി കെ.കരുണാകരനും ഉൾപ്പെടെ പ്രമുഖർ മദറിനൊപ്പം വേദിയിലുണ്ടായിരുന്നു. അന്നത്തെ ഇടപ്പള്ളി ഫൊറോന പള്ളി വികാരി ഫാ. സെബാസ്റ്റ്യൻ ശങ്കുരിക്കൽ കോൽക്കത്തയിലെത്തിയാണു മദറിനെ ക്ഷണിച്ചത്. ഇടപ്പള്ളി പള്ളി സന്ദർശിച്ച മദറിന്റെ സാമൂഹ്യസേവന പ്രവർത്തനങ്ങൾക്കു സഹായമാകാൻ ഒരു പിക്കപ്പ് വാൻ സമ്മാനമായി പള്ളി അധികൃതർ നൽകി. എറണാകുളം എസ്ആർഎം റോഡിലുള്ള സിസ്റ്റേഴ്സ് ഓഫ് ചാരിറ്റി കോണ്വെന്റിലായിരുന്നു മദറിന്റെ…
Read Moreപ്ലസ് ടു വിദ്യാർഥിനിയെ തട്ടിക്കൊണ്ടു പോയെന്ന കേസ്: അന്വേഷണ ഉദ്യോഗസ്ഥർക്ക് ഹൈക്കോടതിയുടെ രൂക്ഷ വിമർശനം
കൊച്ചി: പ്രണയം നടിച്ചു പ്ലസ് ടു വിദ്യാർഥിനിയെ തട്ടിക്കൊണ്ടു പോയെന്ന കേസിലെ അന്വേഷണ ഉദ്യോഗസ്ഥരായ ആലുവ റൂറൽ എസ്പിക്കും അന്വേഷണ സംഘത്തിനും ഹൈക്കോടതിയുടെ രൂക്ഷ വിമർശനം. കോടതി പലതവണ നിർദേശം നൽകിയിട്ടും പെൺകുട്ടിയെ കണ്ടെത്താൻ വേണ്ടത്ര പരിശ്രമങ്ങൾ റൂറൽ എസ്പി നടത്തിയില്ലെന്ന് ഡിവിഷൻ ബെഞ്ച് ചൂണ്ടിക്കാട്ടി. 2018 നവംബർ എട്ടിന് കാണാതായ പെണ്കുട്ടിയെ കണ്ടെത്താൻ പോലീസ് നടത്തിയ നീക്കങ്ങൾ തൃപ്തികരമല്ലെന്നു വ്യക്തമാക്കിയ ഹൈക്കോടതി കേസ് ഡയറി ഹാജരാക്കാനും നിർദേശിച്ചു. പിതാവ് നൽകിയ ഹേബിയസ് ഹർജിയാണ് കോടതി പരിഗണിക്കുന്നത്. അന്വേഷണം തൃപ്തികരമല്ലെന്ന് ചൂണ്ടിക്കാട്ടിയ കോടതി അന്വേഷണ വിവരങ്ങൾ വ്യക്തമാക്കി റിപ്പോർട്ട് നൽകാൻ റൂറൽ എസ്പിക്ക് നിർദേശം നൽകിയിരുന്നു. എന്നാൽ ജനുവരി എട്ടിന് റൂറൽ എസ്പി നൽകിയ റിപ്പോർട്ടും തൃപ്തികരമല്ലെന്ന് കോടതി പറഞ്ഞു. 21ന് ഹർജി വീണ്ടും പരിഗണിക്കും.
Read More