തലശേരി: തലശേരി നഗരത്തിൽ പട്ടാപ്പകൽ യുവാവിനെ കഴുത്തറുത്ത് കൊല്ലാൻ ശ്രമം. സംഭവം നേരിൽ കണ്ട സ്ത്രീകളും കുട്ടികളുമുൾപ്പെടെയുള്ളവർ ഭയന്ന് വിറച്ചു. സംഭവവുമായി ബന്ധപ്പെട്ട് കോട്ടയം സ്വദേശിയായ കൊടും ക്രിമിനൽ അറസ്റ്റിൽ. ഇന്നലെ വൈകുന്നേരം തലശേരി പുതിയ ബസ്സ്റ്റാൻഡിലാണ് സിനിമാ സ്റ്റൈലിലുള്ള അക്രമം അരങ്ങേറിയത്. അക്രമത്തിൽ കഴുത്തിനും കൈക്കും ആഴത്തിൽ മുറിവേറ്റ തോട്ടുമ്മൽ വാഴയിൽ വീട്ടിൽ ഷംസീറിനെ (24) തലശേരി സഹകരണ ആശുപത്രിയിൽ പ്രവേശിപ്പിച്ചു. ഇയാളെ അടിയന്തര ശസ്ത്രക്രിയയ്ക്ക് വിധേയമാക്കി. സംഭവവുമായി ബന്ധപ്പെട്ട് കോട്ടയം വാകത്താനം പെരുന്താനം മുള്ളൻ നളക്കൽ മോനു രാജ് പ്രേമിനെ (24) എസ്ഐ കെ. അഷറഫും സംഘവും അറസ്റ്റ് ചെയ്തു. മോഷണം, പോക്സോ ഉൾപ്പെടെ കോട്ടയം ജില്ലയിൽ പന്ത്രണ്ട് കേസുകളിൽ മോനുരാജ് പ്രതിയാണെന്ന് പോലീസ് പറഞ്ഞു. കാപ്പ പ്രകാരവും ഇയാൾ അറസ്റ്റിലായിട്ടുണ്ട്. ഷംസീറിനെ കുത്തി വീഴ്ത്തിയ ശേഷം രക്ഷപ്പെട്ട പ്രതിയെ നാട്ടുകാർ ഓട്ടോറിക്ഷയിൽ പിന്തുടർന്ന്…
Read MoreCategory: Kottayam
നൂറുകടന്ന റോസയും തോമസും വാക്സിനെടുത്ത് മാതൃകയായി! ശാരീരിക അസ്വസ്ഥതകളോ ക്ഷീണമോ ഒന്നുംതന്നെ ഇരുവരെയും ബാധിച്ചില്ല; കാരണം…
ഇടുക്കി: അയൽപക്കക്കാരും നൂറുവയസ് പിന്നിട്ടവരുമായ ഇടുക്കി വെള്ളിയാമറ്റം മുതുകുളത്തേൽ റോസ (104)യും പുതിയേടത്ത് തോമസും (101) കോവിഡ് പ്രതിരോധ വാക്സിനെടുത്ത് മാതൃകയായി. കഴിഞ്ഞ ദിവസങ്ങളിലാണ് വെള്ളിയാമറ്റം പഞ്ചായത്തിലെ പന്നിമറ്റത്ത് പ്രവർത്തിക്കുന്ന ശാന്തിനികേതന ഹോസ്പിറ്റലിലെത്തി ഇരുവരും കോവിഷീൽഡ് വാക്സിനെടുത്തത്. വാക്സിനെടുത്തശേഷം സാധാരണ ഗതിയിൽ വരുന്ന ശാരീരിക അസ്വസ്ഥതകളോ ക്ഷീണമോ ഒന്നുംതന്നെ ഇരുവരെയും ബാധിച്ചില്ല. ചിട്ടയായ ജീവിതക്രമമാണ് ഇരുവരും ഇപ്പോഴും പിന്തുടരുന്നത്. അതിനാൽതന്നെ പ്രായാധിക്യത്തിന്റെ അവശതയല്ലാതെ മറ്റു രോഗങ്ങളൊന്നും ഇരുവർക്കുമില്ല. മഹാമാരിയെ തുടർന്നുണ്ടായ ലോക്ക് ഡൗണ് കാലഘട്ടത്തിൽ സർക്കാർ നിർദേശിച്ച കോവിഡ് പ്രതിരോധ മാനദണ്ഡങ്ങൾ പൂർണമായും പാലിച്ച് വീട്ടിൽതന്നെയാണ് ഇവർ കഴിഞ്ഞത്. സമീപ ദിവസങ്ങളിൽ പഞ്ചായത്ത് തലത്തിൽ മുതിർന്ന പൗരൻമാർക്കായി പ്രതിരോധ വാക്സിനേഷൻ ക്യാന്പ് നടത്തുന്നതിന്റെ ഭാഗമായി ഇവരെയും വാക്സിനെടുപ്പിക്കാൻ തീരുമാനിച്ചു. ഇരുവരുടെയും വീട്ടുകാരും ബന്ധുക്കളും ചെറിയ ആശങ്ക പങ്കുവച്ചെങ്കിലും ആരോഗ്യ പ്രവർത്തകരുടെ നിർദേശങ്ങളും റോസയുടേയും തോമസിന്റെയും ആത്മവിശ്വാസവും പരിഗണിച്ച്…
Read Moreപാലാ നഗരസഭയിൽ സിപിഎം-കേരള കോണ്ഗ്രസ് അംഗങ്ങൾ തമ്മിലടിച്ചു
കോട്ടയം: പാലാ നഗരസഭാ കൗണ്സിൽ യോഗത്തിൽ ഭരണപക്ഷ അംഗങ്ങൾ തമ്മിലടിച്ചു. സിപിഎം-കേരള കോണ്ഗ്രസ്-എം അംഗങ്ങൾ തമ്മിലുണ്ടായ തർക്കമാണ് കൈയാങ്കളിയിൽ കലാശിച്ചത്. സ്റ്റാൻഡിംഗ് കമ്മിറ്റി യോഗം ചേരുന്നത് സംബന്ധിച്ച തർക്കമാണ് സംഭവത്തിന് കാരണം. കേരള കോണ്ഗ്രസ്-എമ്മിലെ ബൈജു കൊല്ലംപറമ്പിലും സിപിഎമ്മിലെ ബിനു പുളിക്കക്കണ്ടവും തമ്മിലായിരുന്നു വാക്കേറ്റവും കൈയാങ്കളിയും. മറ്റ് കൗണ്സിലർമാർ ഇരുവരെയും പിടിച്ചുമാറ്റുകയായിരുന്നു. സംഘർഷത്തിൽ ബൈജുവിന് തലയ്ക്ക് പരിക്കേറ്റു. തർക്കത്തെ തുടർന്ന് കൗണ്സിൽ യോഗം മുടങ്ങി.ദീർഘകാലത്തിന് ശേഷമാണ് പാലാ നഗരസഭയിൽ എൽഡിഎഫ് ഭരണം വരുന്നത്. കേരള കോണ്ഗ്രസ്-എം എൽഡിഎഫിൽ എത്തിയതിന് പിന്നാലെ നടന്ന തദ്ദേശ തെരഞ്ഞെടുപ്പിൽ ഭരണം ഇടതു മുന്നണി പിടിക്കുകയായിരുന്നു. എന്നാൽ പുതിയ ഭരണസമിതി അധികാരമേറ്റതു മുതൽ സിപിഎം-കേരള കോണ്ഗ്രസ്-എം തർക്കം പതിവായിരുന്നു. നിയമസഭാ തെരഞ്ഞെടുപ്പിന് ദിവസങ്ങൾ ബാക്കിനിൽക്കേയുണ്ടായ തർക്കം പരിഹരിക്കാൻ എൽഡിഎഫ് ജില്ലാ നേതൃത്വം ഇടപെടുമെന്നാണ് സൂചന.
Read Moreആഴക്കൂടുതലും ചതുപ്പും! കാൽവഴുതി മീനച്ചിലാറ്റിൽ വീണ ഏഴു വയസുകാരിയെ പതിനഞ്ചുകാരൻ അതിസാഹസികമായി രക്ഷപ്പെടുത്തി; സംഭവം ഇങ്ങനെ…
തിരുവാർപ്പ്: കാൽവഴുതി മീനച്ചിലാറ്റിൽ വീണ ഏഴു വയസുകാരിയെ പതിനഞ്ചുകാരൻ അതിസാഹസികമായി രക്ഷപ്പെടുത്തി. സഹോദരനോടൊപ്പം ഇന്നലെ വൈകുന്നേരം 5.30ന് കടയിൽപ്പോയി മടങ്ങവേ വെള്ളത്തിൽ വീണ രമീഷയെ പത്താംക്ലാസ് വിദ്യാർഥിയായ കാശിനാഥാണ് രക്ഷപ്പെടുത്തിയത്. തിരുവാർപ്പ് തട്ടാർ കാട് മാലത്തുശേരി ഭാഗത്തായിരുന്നു സംഭവം. പുഴയിൽ വീണ അനുജന്റെ ചെരുപ്പെടുക്കാനുള്ള ശ്രമത്തിലാണ് കുമരകം എസ്കെഎം സ്കൂൾ രണ്ടാം ക്ലാസ് വിദ്യാർഥിയായ രമീഷ നിലയില്ലാകയത്തിൽ വീണത്. കൂടെയുണ്ടായിരുന്ന കുട്ടികൾക്ക് അപകടം തിരിച്ചറിയാനായില്ല. സൈക്കിളിൽ അവിടെത്തിയ കാശിനാഥ് കൈകാലിട്ടടിക്കുന്ന കുട്ടിയെക്കണ്ട് ആറ്റിൽചാടി രക്ഷിക്കുകയായിരുന്നു. ആഴക്കൂടുതലും ചതുപ്പും കാരണം കരയ്ക്കുകയറാൻ ബുദ്ധിമുട്ടിയപ്പോൾ ഓടിയെത്തിയ സുഹൃത്ത് ആരോമലിന്റെ സഹായത്തോടെയാണ് കുട്ടിയെ രക്ഷിച്ചത്. തിരുവാർപ്പ് പരപ്പേൽ രഞ്ജീവ് – രമ ദന്പതികളുടെ മകനാണ് കോട്ടയം ലൂർദ് പബ്ലിക് സ്കൂൾ വിദ്യാർഥിയാണ് കാശിനാഥ്. സ്വജീവൻ പണയംവച്ച് ആറ്റിൽ ചാടി സാഹസികമായി കുട്ടിയെ രക്ഷപ്പെടുത്തിയ കാശിനാഥിന്റെ മാതൃകാപരമായ പ്രവൃത്തിയെ അനുമോദിച്ച് തിരുവാർപ്പ് ടി.കെ.…
Read Moreനീണ്ട 31 വർഷം..! സിസ്റ്റർ അമ്മ ടീച്ചറുടെ യാത്രയയപ്പിൽ കണ്ണീരണിഞ്ഞു കുട്ടികളും നാട്ടുകാരും; മൂന്നു പതിറ്റാണ്ടു നീണ്ട കുമരകത്തെ ജീവിതത്തിലെ സംഭവങ്ങള് ഇങ്ങനെ…
കുമരകം: നീണ്ട 31 വർഷം കുമരകം സെന്റ് പീറ്റേഴ്സ് എൽപി സ്കൂളിൽ അധ്യാപികയായിരുന്ന സിസ്റ്റർ ബീനാ നെറ്റോയുടെ യാത്രയയപ്പിൽ കണ്ണീർകണങ്ങൾ പൊഴിച്ചു വിദ്യാർഥികളും നാട്ടുകാരും. 1990 ജൂണ് നാലിനാണ് സിസ്റ്റർ ബീനാ അധ്യാപികയായി സ്കൂളിലെത്തുന്നത്. നിർധനരായ മത്സ്യത്തൊഴിലാളികളുടെയും കക്കാവാരൽ തൊഴിലാളികളുടെയും കർഷക തൊഴിലാളികളുടെയും കുട്ടികളായിരുന്നു സ്കൂളിൽ കൂടുതലും പഠിച്ചിരുന്നത്. ഇന്നത്തേതുപോലെ ഉച്ചഭക്ഷണം സ്കൂളിൽ ലഭിച്ചിരുന്നില്ല. വീട്ടിൽനിന്ന് ഉച്ചഭക്ഷണം കൊണ്ടുവരാത്ത കുട്ടികൾക്ക് ടീച്ചർ ഭക്ഷണം കൊണ്ടുവന്നു നൽകിയിരുന്നു. പഠനത്തിൽ പിന്നാക്കം നിൽക്കുന്നവരെ സമീപത്തുള്ള കോണ്വന്റിൽ വിളിച്ചുവരുത്തി സ്പെഷൽ ക്ലാസുകൾ എടുത്തു പ്രോത്സാഹിപ്പിച്ചിരുന്ന സിസ്റ്റർ ബീന കുട്ടികൾക്കു പോറ്റമ്മ കൂടിയായിരുന്നു. വിദ്യാർഥികളുടെ പഠനത്തെയും വ്യക്തിത്വ വികസനത്തെയും കുടുംബപ്രശ്നങ്ങൾ ഏറെ ബാധിച്ചിരുന്നതായി മനസിലാക്കിയ സിസ്റ്റർ രക്ഷാകർത്താക്കളെ ബോധവത്കരിക്കുന്നതിനും സമയം കണ്ടെത്തി. പൂർവ വിദ്യാർഥികളിലേറെയും സ്വദേശത്തും വിദേശത്തും ഉന്നതജോലി കരസ്ഥമാക്കിയിട്ടുണ്ട്. ഇവർ നാട്ടിലെത്തുന്പോൾ കോണ്വെന്റിൽ എത്തി തന്നെ കാണുന്നതും ഫോണ് വിളിക്കുന്നതും തന്നോടുള്ള…
Read Moreദുരൂഹസാഹചര്യത്തിൽ മരിച്ച വീട്ടമ്മയുടെ മരണം കൊലപാതകം! മകൻ പിടിയിൽ; സംഭവത്തെക്കുറിച്ച് പറയുന്നത് ഇങ്ങനെ…
പീരുമേട്: ദുരൂഹസാഹചര്യത്തിൽ മരിച്ച വീട്ടമ്മയുടെ മരണം കൊലപാതകമാണെന്നു തെളിഞ്ഞു. സംഭവത്തിൽ മകൻ പോലീസിന്റെ പിടിയിലായി. വാഗമണ് കോട്ടമല എസ്റ്റേറ്റ് മൂന്നാം ഡിവിഷനിലെ വിജയകുമാരി (44) കൊല്ലപ്പെട്ട കേസിലാണ് മകൻ ശരത് കുമാർ (20) നാലു ദിവസത്തിനു ശേഷം പിടിയിലായത്. കഴിഞ്ഞ 25-നു രാത്രിയാണ് വിജയകുമാരി മരിച്ചത്. നെഞ്ചുവേദന അനുഭവപ്പെട്ട അമ്മ ബോധരഹിതയായി നിലത്തുവീണെന്നു പറഞ്ഞ് ശരത് കുമാർ സമീപവാസികളെ വിളിച്ചുവരുത്തി. തുടർന്ന് വിജയകുമാരിയെ ഉപ്പുതറ ഗവണ്മെന്റ് ആശുപത്രിയിൽ എത്തിച്ചെങ്കിലും പരിശോധനയിൽ മരിച്ചതായി സ്ഥിരീകരിച്ചു. പിന്നീട് മൃതദേഹം കോവിഡ് പരിശോധനയ്ക്കും പോസ്റ്റ് മോർട്ടത്തിനും വേണ്ടി കോട്ടയം മെഡിക്കൽ കോളജ് ആശുപത്രിയിലേക്ക് മാറ്റി.പോസ്റ്റുമോർട്ടത്തിനുശേഷം ബന്ധുക്കൾ മൃതദേഹം ഏറ്റുവാങ്ങി സംസ്കരിച്ചു. ഇവർ താമസിക്കുന്ന എസ്റ്റേറ്റ് ലയത്തിലെ മറ്റു മുറികളിൽ താമസക്കാരില്ല. 25-ന് ജോലിക്ക് പോയ മകൻ തിരികെയെത്താൻ താമസിച്ചതിനാൽ രാത്രി 8.30 വരെ മറ്റൊരു വീട്ടിലായിരുന്നു വിജയകുമാരി. ഇവിടെനിന്ന് മകൻ എത്തിയാണ്…
Read Moreഭർത്താവിനു തെരഞ്ഞെടുപ്പ് തിരക്ക്; ഭാര്യക്ക് കൂലിപ്പണിയുടെ കരുത്ത്! ഭർത്താവിന്റെ വിജയത്തിനായി പ്രാർത്ഥിക്കുന്നുണ്ടെന്ന് ജയക്കൊടി
മൂന്നാർ: നിയമസഭാ തെരഞ്ഞെടുപ്പ് അടുത്തെത്തിയെങ്കിലും ജയക്കൊടി സ്വന്തം തൊഴിലിന്റെ തിരക്കിലാണ്. ദേവികുളം മണ്ഡലത്തിലെ യുഡിഎഫ് സ്ഥാനാർഥി ഡി. കുമാറിന്റെ ഭാര്യയാണ് ജയക്കൊടി. സ്ഥാനാർഥി മണ്ഡലത്തിന്റെ ഓരോ മുക്കിലും മൂലയിലും ഓടിയെത്തി വോട്ടർമാരെ കാണാനുള്ള തിരക്കിലാണെങ്കിലും തെരഞ്ഞെടുപ്പിന്റെ ഒരു തിരക്കിലും പെടാതെ ജയക്കൊടി മൂന്നാറിലെ ചോക്ലേറ്റ് നിർമാണ ഫാക്ടറിയിൽ ജോലിയുടെ തിരക്കിലാണ്. ബിരുദധാരിയാണെങ്കിലും കൂലിപ്പണി ചെയ്യുന്നതിൽ ഒരു മടിയുമില്ലെന്നും ഇവർ പറയുന്നു. മക്കൾ പഠിച്ച് ഓരോ നിലയിലെത്തിയെങ്കിലും ജയക്കൊടി തന്റെ തൊഴിൽ അഭിമാനത്തോടെ തുടരുകയാണ്. എംബിഎ ബിരുദധാരിയായ മകൻ ടാറ്റാ കോൾ സെന്ററിലെ ഉദ്യോഗസ്ഥനാണ്. മകൾ ബിരുദധാരിയുമാണ്. പഴയ മൂന്നാറിലെ ചോക്ലേറ്റ് കന്പനിയായ എഎസ്പി ഇല്ലത്തിലാണ് കഴിഞ്ഞ പത്തുവർഷമായി ജയക്കൊടി ജോലിചെയ്യുന്നത്. തെരഞ്ഞെടുപ്പു പ്രവർത്തനങ്ങളുടെ ഭാഗമാകുന്നില്ലെങ്കിലും ഭർത്താവിന്റെ വിജയത്തിനായി പ്രാർത്ഥിക്കുന്നുണ്ടെന്ന് ജയക്കൊടി പറയുന്നു.
Read Moreജോസ് കെ. മാണിക്കെതിരേ വ്യാജ വീഡിയോ; തെരഞ്ഞെടുപ്പ് കമ്മീഷനു പരാതി നൽകി; പിന്നില്…
കോട്ടയം: പാലായിലെ എൽഡിഎഫ് സ്ഥാനാർഥി ജോസ് കെ. മാണിക്കെതിരേ വ്യാജ വീഡിയോ വഴി അപകീർത്തികരമായ പ്രചാരണം നടത്തിയ സംഭവത്തിൽ തെരഞ്ഞെടുപ്പ് കമ്മീഷനു പരാതി നൽകി. ജോസ് കെ. മാണിയുടെ മുഖ്യ തെരഞ്ഞെടുപ്പ് ഏജന്റായ ലോപ്പസ് മാത്യുവാണ് തെരഞ്ഞെടുപ്പ് കമ്മിഷനു പരാതി നൽകിയത്. തെരഞ്ഞെടുപ്പിന്റെ ആദ്യഘട്ടം പൂർത്തിയായശേഷം സോഷ്യൽ മീഡിയ വഴി ജോസ് കെ. മാണിയെ അപകീർത്തിപ്പെടുത്തുന്ന സന്ദേശം പ്രചരിപ്പിച്ചതായാണു പരാതി. വിവിധ സോഷ്യൽ മീഡിയ ഗ്രൂപ്പുകൾ വഴി ഇത്തരത്തിൽ വ്യാജ പ്രചാരണം നടത്തുന്നതായാണു പരാതി. പ്രചാരണത്തിനു പിന്നിൽ എതിർസ്ഥാനാർഥിയും അടുത്ത വൃത്തങ്ങളുമാണെന്നും പരാതിയിൽ പറയുന്നു. മുഖ്യ തെരഞ്ഞെടുപ്പ് കമ്മീഷൻ ടിക്കാറാം മീണയക്കും കേന്ദ്ര തെഞ്ഞെടുപ്പ് കമ്മിഷനുമാണു പരാതി നൽകിയിരിക്കുന്നത്.
Read Moreനാലുകോടിയിൽ വീട്ടമ്മയുടെ മാലപൊട്ടിച്ച കേസിൽ രണ്ടുപേരെക്കൂടി പോലീസ് തെരയുന്നു
ചങ്ങനാശേരി: സ്കൂട്ടറിലെത്തി വീട്ടമ്മയുടെ മാല പറിച്ച് രക്ഷപ്പെട്ടതുൾപ്പെടെ നിരവധി കേസുകളിലെ പ്രതികളായ യുവാക്കളെ തൃക്കൊടിത്താനം പോലീസ് അറസ്റ്റ് ചെയ്തു. പുലിക്കോട്ടുപടി പാറക്കുളം വീട്ടിൽ അലൻ റോയി(21), നാലുകോടി മന്പള്ളിൽ ജസ്റ്റിൻ ബിജു,(21)എന്നിവരെയാണ് പോലീസ് അറസ്റ്റ് ചെയ്്ത്. രണ്ടാഴ്ച മുന്പ് വൈകുന്നേരം ജോലികഴിഞ്ഞ് വീട്ടിലേക്കു പോകുകയായിരുന്ന വീട്ടമ്മയുടെ മാലപൊട്ടിച്ച് രക്ഷപ്പെട്ട കേസിലാണ് ഇവർ പിടിയിലായത്. ഈ കേസിൽ രണ്ടു യുവാക്കളെക്കൂടി പിടികിട്ടാനുള്ളതായും ഇവർ ഒളിവിലാണെന്നും പോലീസ് പറഞ്ഞു. സംഭവത്തിനുശേഷം ഒളിവിൽ കഴിഞ്ഞിരുന്ന പ്രതികളെ ഇന്നലെ അമര ആശാരിമുക്കിൽ നിന്നുമാണ് പോലീസ് പിടികൂടിയത്. ഇവർ വീട്ടമ്മയുടെ മാല പൊട്ടിക്കുന്ന സംഭവം സമീപത്തെ സ്ഥാപനത്തിലുള്ള സിസി ടിവി കാമറയിൽ പതിഞ്ഞിരുന്നു. കാമറയും മൊബൈൽ ഫോണും കേന്ദ്രീകരിച്ചു നടത്തിയ അന്വേഷണത്തിലാണ് ഇവരെ പിടികൂടിയത്. ഇവരെ ഇന്നു കോടതിയിൽ ഹാജരാക്കും. തൃക്കൊടിത്താനം എസ്എച്ച്ഒ എ. അജീബിന്റെ നേതൃത്വത്തിലുള്ള സംഘമാണ് കേസന്വേഷിക്കുന്നത്.
Read Moreസാമൂഹിക വിരുദ്ധരുടെയും കമിതാക്കളുടെയും ശല്യം അസഹനീയം; നാട്ടുകാരുടെ ഉറക്കം കെടുത്തി ചീപ്പുങ്കൽ കായൽ പാർക്ക്
കുമരകം: അയ്മനം പഞ്ചായത്ത് ടൂറിസം വികസനത്തിനായി നിർമിച്ച മാലിക്കായൽ പാർക്ക് നാട്ടുകാരുടെ ഉറക്കം കെടുത്തുന്നതായി പരാതി. കൂടി വരുന്ന തെരുവു നായ ശല്യത്തിനൊപ്പം സാമൂഹിക വിരുദ്ധരുടെയും കമിതാക്കളുടെയും ശല്യം അസഹനീയമായിരിക്കുകയാണെന്നാണ് സമീപവാസികളുടെ പരാതി. ചീപ്പുങ്കൽ പാലത്തിൽനിന്ന് ഒന്നര കിലോമീറ്റർ പടിഞ്ഞാറ് വേന്പനാട്ടു കായൽ തീരത്താണ് പാർക്ക് സ്ഥിതി ചെയ്യുന്നത്. പാർക്കിനുള്ളിലും സമീപത്തും വീടുകളില്ല. അയ്മനം പഞ്ചായത്ത് 20-ാം വാർഡിന്റെ പടിഞ്ഞാറേ അറ്റത്തുള്ള പാർക്കിലും സമീപ പ്രദേശങ്ങളിലും ചൂണ്ട ഇട്ട് മീൻപിടിക്കാനെന്ന പേരിൽ എത്തുന്നവരിലേറെ ആളുകളുടേയും ലക്ഷ്യം മറ്റു പലതുമാണ്. സന്ധ്യയായാൽ ഇവരുടെ ശല്യം സമീപവാസികൾക്ക് അസഹനീയമാണെന്നാണ് പരാതി. ലഹരി വസ്തുക്കളുടെ ഉപയോഗവും വിൽപ്പനയും ഇവിടെ വ്യാപകമായി നടക്കാറുണ്ട്. പകൽ സമയങ്ങളിൽ സ്കൂൾ കോളജ് വിദ്യാർഥികൾ ചേക്കേറാനെത്തുന്നതും ചീപ്പുങ്കൽ പാർക്കിലും കുമരകം നാലു പങ്ക് ബോട്ട്ടെർമിനലിന്റെ സമീപമുള്ള വിജനമായ പ്രദേശത്തുമാണ്. ഇതോടൊപ്പം തെരുവു നായ്ക്കളുടെ ശല്യവും വർധിച്ചത് ജനവാസം…
Read More