കുമരകം: സിവിൽ സർവീസിൽ പരീക്ഷയിൽ 574-ാമത് റാങ്ക് നേടി നാടിന്റെ അഭിമാനമായി മാറിയിരിക്കുകയാണ് ജോസഫ് കെ. മാത്യു എന്ന മെയിൽ നഴ്സ്. സാധാരണ കുടുംബത്തിലെ പരാധീനതകളിൽ തളരാതെ കഠിനധ്വാനത്തിലൂടെ മെയിൽ നഴ്സായ യുവാവിന് ലഭിച്ചത് ഐഎഎസ് പദവി. കുമരകം കൊച്ചുകളത്തിൽ കെ.ഒ. മാത്യു, അക്കാമ്മ ദന്പതികളുടെ മൂത്തമകനാണ് ജോസഫ് കെ. മാത്യു. കുമരകം സെന്റ് ജോണ്സ് യുപി സ്കൂളിലും എസ്കഐം എച്ച്എസ്എസിലുമായിരുന്നു ജോസഫ് കെ.മാത്യുവിന്റെ പ്രഥമിക വിദ്യാഭ്യാസം. തുടർന്ന് കോട്ടയം മെഡിക്കൽ കോളജിൽനിന്നും ബിഎസ്സി നഴ്സിംഗ് പഠിച്ചതിന് ശേഷം ആറുവർഷമായി ഡൽഹിയിലെ എയിംസിൽ സേവനം അനുഷ്ഠിക്കുന്നതിനിടയിലായിരുന്നു ജോസഫ് കെ.മാത്യുവിനെ തേടി സിവിൽ സർവീസ് എത്തുന്നത്. ഡൽഹിയിൽ തന്നെയായിരുന്നു സിവിൽ സർവീസ് കോച്ചിംഗ് ക്ലാസും നടന്നത്. ഇന്നലെ പ്രസിദ്ധീകരിച്ച റാങ്ക് ലിസ്റ്റിൽ 574-ാം റാങ്ക് ലഭിച്ചതോടെയാണ് ജോസഫ് നാടിന്റെ അഭിമാനമായി മാറിയത്. കുമരകം ആറ്റാമംഗലം പള്ളി മോർ ഇഗ്്നാത്യോസ്…
Read MoreCategory: Kottayam
മഴനനഞ്ഞ് കാവൽക്കാർ..! അടിസ്ഥാന സൗകര്യങ്ങളില്ലാതെ സെക്യൂരിറ്റി ജീവനക്കാർക്ക് മഴക്കാലം ദുരിതകാലമാകുന്നു; പരാതി നൽകിട്ടും നടപടിയെടുക്കാതെ ഏജൻസികൾ
കോട്ടയം: നഗരത്തിലെ വിവിധ ബാങ്കുകളുടെയും ജ്വല്ലറികളുടെയും മുന്പിൽ രാത്രികാലങ്ങളിൽ കാവൽ നിൽക്കുന്ന സെക്യൂരിറ്റി ജീവനക്കാർക്ക് മഴക്കാലം ദുരിതകാലം. പലപ്പോഴുംപലസ്ഥാപനങ്ങളുടെ മുന്പിൽ കാവൽനിൽക്കുന്ന സെക്യൂരിറ്റി ജീവനക്കാർക്ക് അടിസ്ഥാന സൗകര്യം പോലും ഒരുക്കാൻ അധികൃതർ തയാറാകുന്നില്ല. രാത്രിയിൽ മഴ ശക്തമാകുന്പോൾ എടിഎം കൗണ്ടറിനുള്ളിൽ കയറിയും മറ്റു കെട്ടിടങ്ങളുടെ സമീപത്തുമാണ് അഭയം പ്രാപിക്കുന്നത്. അതിനിടെ നഗരത്തിൽ തെരുവുനായ്ക്കളും മോഷ്ടാക്കളും വിലസുന്പോൾ സെക്യൂരിറ്റി ജീവനക്കാരുടെ സുരക്ഷയ്ക്ക് പുല്ലുവിലയാണ് അധികൃതർ കല്പ്പിക്കുന്നതെന്നും ആരോപണമുണ്ട്. നഗരത്തിൽ പോലീസ് പട്രോളിംഗ് ശക്തമായുള്ളതായാണ് ഇത്തരം സുരക്ഷാജീവനക്കാരുടെ ഏക ആശ്രയം.നഗരത്തിലെ മിക്ക സ്ഥാപനങ്ങളിലും സെക്യൂരിറ്റി ഏജൻസികൾ മുഖേനയാണ് സുരക്ഷാ ജീവനക്കാരെ നിയമിക്കുന്നത്. 1000 മുതൽ 3000 രൂപ വരെ ഓരോ മാസവും ഓരോ തൊഴിലാളിയിൽനിന്ന് കമ്മീഷനായി ഏജൻസികൾക്ക് ലഭിക്കും. ഏജൻസികൾക്കാണ് സ്ഥാപനം പണം നൽകുന്നത്. എന്നാൽ സുരക്ഷാ ജീവനക്കാർക്ക്വേണ്ട സൗകര്യങ്ങളൊരുക്കാനോ പരിശീലനം നൽകാനോ ബന്ധപ്പെട്ട ഏജൻസികൾ തയാറാകുന്നില്ലെന്നും ആക്ഷേപമുണ്ട്. സെക്യൂരിറ്റി…
Read Moreകാമുകി പ്രയണം നിസരിച്ചു; അമിതമായി ഗുളികകഴിച്ച് ജീവനൊടുക്കാൻ ശ്രമിച്ച യുവാവിനെ മെഡിക്കൽ കോളജിൽ പ്രവേശിപ്പിച്ചു; സം ഭവത്തെക്കുറിച്ച് പോലീസ് പറയുന്നതിങ്ങനെ
ഗാന്ധിനഗർ: അമിതായി ഗുളിക കഴിച്ച് ആത്മഹത്യയ്ക്കു ശ്രമിച്ച യുവാവിനെ മെഡിക്കൽ കോളജിൽ പ്രവേശിപ്പിച്ചു. കൂത്താട്ടുകുളം പാലക്കുഴ സ്വദേശിയായ ഇരുപത്തിരണ്ടുകാരനെയാണ് കോട്ടയം മെഡിക്കൽ കോളജിൽ പ്രവേശിപ്പിച്ചത്. ഭവത്തെക്കുറിച്ച് പോലീസ് പറയുന്നതിങ്ങനെ: പാലക്കുഴ സ്വദേശിയായ യുവാവും വൈക്കം സ്വദേശിനിയുമായ യുവതിയും തമ്മിൽ പ്രണയത്തിലായിരുന്നു. യുവതിയെ തനിക്ക് വിവാഹം കഴിച്ചു തരണമെന്നാവശ്യപ്പെട്ട് യുവാവ് ഇന്നലെ യുവതിയുടെ വീട്ടിലെത്തി. തുടർന്ന് യുവാവും യുവതിയുടെ വീട്ടുകാരുമായി ഇതേക്കുറിച്ച് സംസാരിച്ചു. യുവതിയ്ക്കു താത്പര്യമുണ്ടെങ്കിൽ വിവാഹം കഴിച്ചു തരാമെന്ന് യുവതിയുടെ പിതാവ് യുവാവിനെ അറിയിച്ചു . വിവാഹം കഴക്കാൻ യുവതി എതിർപ്പു പ്രകടിപ്പിച്ചതോടെ യുവാവ് കൈയിൽ കരുതിയിരുന്ന ഗുളിക എടുത്തു കഴിക്കുകയായിരുന്നുവെന്ന് പോലീസ് പറഞ്ഞു. തുടർന്ന് യുവാവിനെ വൈക്കം താലൂക്ക് ആശുപത്രിയിൽ പ്രവേശിപ്പിച്ചു. പിന്നീട് വിദ്്ഗധചികിത്സക്കായി കോട്ടയം മെഡിക്കൽ കോളജിലേക്ക് മാറ്റുകയായിരുന്നുവെന്ന് വൈക്കം പോലീസ് അറിയിച്ചു.
Read Moreവിട്ടൊഴിയാതെ മരണം..! പിതാവിന്റെ സംസ്കാര ചടങ്ങിൽ പങ്കെടുക്കാൻ പോകവേ ജീപ്പ് മറിഞ്ഞ് മകൻ മരിച്ചു; തോക്കുപാറ സ്വദേശി ജോയിയാണ് മരിച്ചത്
തൊടുപുഴ: അടിമാലി കൂന്പൻപാറയ്ക്കു സമീപം ഇടശേരി വളവിൽ ജീപ്പ് കൊക്കയിലേക്കു മറിഞ്ഞ് പിതാവിന്റെ സംസ്കാരത്തിനു പോവുകയായിരുന്ന മകൻ ഒ മരിച്ചു. കൊച്ചുമകന് പരികക്കേറ്റു. അപകടത്തിൽ ജീപ്പിൽ സഞ്ചരിച്ചിരുന്ന ചേലത്തുമാലിയിൽ ജോയി(52)യാണ് മരിച്ചത്. ഇയാളുടെ മകൻ ബേസിലിന് അപകടത്തിൽ ഗുരുതരമായി പരിക്കേറ്റു. ഇയാളെ രാജഗിരി ആശുപത്രിയിൽ പ്രവേശിപ്പിച്ചു. ഇന്നു രാവിലെ ഏഴിനായിരുന്നു അപകടം. ജോയിയുടെ പിതാവ് ഇന്നലെ മരിച്ചു. പിതാവിന്റെ സംസ്കാരചടങ്ങുകളിൽ പങ്കെടുക്കാൻ തോക്കുപാറയിൽനിന്ന് ജോയിയും മകനും അടിമാലിയിലേക്കു വരികയായിരുന്നു. നിയന്ത്രണംവിട്ട് ജീപ്പ് കൊക്കയിലേക്കു മറിയുകയായിരുന്നു. ജോയിയുടെ മൃതദേഹം അടിമാലി താലൂക്ക് ആശുപത്രിയിൽ.
Read More1500 ദിവസം പിന്നിട്ട സത്യഗ്രഹ സമരം..! ശബരി റെയിൽപാതയുടെ പുതിയ അലൈൻമെന്റ് പ്രദേശം റെയിൽപാതയ്ക്ക് യോജിച്ചതല്ലെന്ന് സി.ആർ. നീലകണ്ഠൻ
പാലാ:ശബരി റെയിൽപാതയുടെ പുതിയ അലൈൻമെന്റ് പ്രദേശം റെയിൽപാതയ്ക്ക് യോജിച്ചതല്ലെന്ന് പരിസ്ഥിതി പ്രവർത്തകൻ സി.ആർ. നീലകണ്ഠൻ. സർവേ നടന്ന അന്തീനാട്ടിലും കീഴന്പാറയിലും സന്ദർശിച്ചശേഷം ദീപ്തി ആക്്ഷൻ കൗണ്സിലിന്റെ ആഭിമുഖ്യത്തിൽ കീഴന്പാറയിൽ നടന്ന യോഗത്തിൽ സംസാരിക്കുകയായിരുന്നു അദ്ദേഹം. ഏറെ ചെരിവുള്ള പ്രദേശം ഉൾപ്പെടുന്നതിനാൽ കൂടുതൽ ടണലുകളും മേൽപാലങ്ങളും ആവശ്യമായിവരുന്നു. 300 കോടി അധികച്ചെലവ് വരുന്നമെന്നും ഇതു പുനഃപരിശോധിക്കണമെന്നും അദ്ദേഹം ആവശ്യപ്പെട്ടു.ദീപ്തി ആക്്ഷൻ കൗണ്സിൽ ചെയർമാൻ ടോമി തെങ്ങുംപള്ളിൽ യോഗത്തിൽ അധ്യക്ഷതവഹിച്ചു. തലപ്പലം പഞ്ചായത്തംഗങ്ങളായ സി.ബി. ശൈലജ, പി.സി. സജീവ്, ബിനു പെരുമന, തിടനാട് പഞ്ചായത്തംഗം പ്രഭാകരൻനായർ തോണിപ്ലാക്കൽ, ജോസഫ് മൈക്കിൾ, കെ.ജി. ഗോപാലകൃഷ്ണൻ എന്നിവർ പ്രസംഗിച്ചു. വേഴങ്ങാനം, കീഴന്പാറ, ദീപ്തി, ചാത്തൻകുളം, കപ്പാട് വഴിയുള്ള റൂട്ട് പിൻവലിക്കണമെന്നാവശ്യപ്പെട്ട് ആക്ഷൻ കൗണ്സിൽ 1500 ദിവസമായി സത്യഗ്രഹസമരം നടത്തിവരികയാണ്.
Read Moreനിർത്തിയിട്ടിരുന്ന ബസിനു പിന്നിൽ കണ്ടെയ്നർ ലോറിയിടിച്ചു: യാത്രക്കാർ അത്ഭുതകരമായി രക്ഷപ്പെട്ടു; ഇടിയുടെ ആഘാതത്തിൽ ലോറിയുടെ മുൻവശം പൂർണമായും തകർന്നു
കോട്ടയം: നിർത്തിയിട്ടിരുന്ന ബസിനു പിന്നിൽ കണ്ടെയ്നർ ലോറിയിടിച്ചു യാത്രക്കാർ അത്ഭുതകരമായി രക്ഷപ്പെട്ടു. ഇന്നു പുലർച്ചെ 4.15നു എംസി റോഡിൽ തെള്ളകത്താണ് അപകടം നടന്നത്. എറണാകുളത്തുനിന്ന് കോട്ടയത്തേക്ക് അരിയുമായി എത്തിയ കണ്ടെയ്നർ ലോറി ബംഗളുരൂവിൽ നിന്നും പത്തനംതിട്ടയ്ക്കു പോവുകയായിരുന്ന എയർബസിനു പിന്നിൽ ഇടിക്കുകയായിരുന്നു. ഇടിയുടെ ആഘാതത്തിൽ കണ്ടെയ്നർ ലോറിയുടെ മുൻവശം പൂർണമായും തകർന്നു. ലോറി ഡ്രൈവർ പരികക്കേല്ക്കാതെ അത്ഭുതകരമായി രക്ഷപ്പെട്ടു. ബസിനു പിന്നിൽ യാത്രക്കാരില്ലായിരുന്നതിനാൽ ആർക്കും പരിക്കില്ലെന്നു ഏറ്റുമാനൂർ പോലീസ് അറിയിച്ചു. അപകടത്തെ തുടർന്ന് ബസ് ഉടമകൾ മറ്റൊരു ബസ് എത്തിച്ചാണ് യാത്രക്കാരെ യഥാസ്ഥാനത്ത് എത്തിച്ചത്. അപകടത്തിൽ ലോറിയുടെ മുൻവശത്തെ രണ്ടു ടയറുകളും പൊട്ടിത്തെറിച്ചതിനാൽ വാഹനം എംസി റോഡിൽ നിന്നും മാറ്റാൻ സാധിച്ചിട്ടില്ല. ചെറിയ ക്രെയിൻ ഉപയോഗിച്ച് വാഹനം മാറ്റാനുള്ള പോലീസിന്റെ ശ്രമം പരാജയപ്പെട്ടു.
Read Moreസർക്കാരിനെയും മുഖ്യമന്ത്രിയേയും വിമർശിച്ച് വാട്സാപ്പ് സന്ദേശം പ്രചരിപ്പിച്ചെന്ന്; ഇന്ന് വിരമിക്കുന്ന എസ്ഐക്ക് സസ്പെൻഷൻ
കടുത്തുരുത്തി: ഇന്ന് വിരമിക്കുന്ന എസ്ഐക്ക് സസ്പെൻഷൻ. വെള്ളൂർ അഡീഷണൽ എസ്ഐ ആർ.കാർത്തികേയനെയാണ് സസ്പെൻഡ് ചെയ്തത്. സർക്കാരിനെയും മുഖ്യമന്ത്രി പിണറായി വിജയനെയും വിമർശിച്ചുക്കൊണ്ടുള്ള സന്ദേശം വാട്സാപ്പ് ഗ്രൂപ്പിലൂടെ പ്രചരിപ്പിച്ചതിനെത്തുടർന്നാണ് ഇദ്ദേഹത്തെ ജില്ലാ പോലീസ് മേധാവി സസ്പെൻഡ് ചെയ്തത്. എസ്പിസിയുടെ വാട്സാപ്പ് ഗ്രൂപ്പിലാണ് കാർത്തികേയൻ മുഖ്യമന്ത്രിയേയും സർക്കാരിനെയും രൂക്ഷമായി വിമർശിച്ചുകൊണ്ടുള്ള പോസ്റ്റിട്ടത്. ഇതുസംബന്ധിച്ച ഡിപ്പാർട്ടുമെന്റുതല അന്വേഷണം നടത്തിയതിനെ തുടർന്നാണ് നടപടി. കൂടാതെ എസ്ഐക്കെതിരെ ഡിവൈഎഫ്ഐ ജില്ലാ സെക്രട്ടറിയേറ്റംഗത്തിന്റെ പരാതിയും മുഖ്യമന്ത്രിക്കും ഉന്നത പോലീസ് ഉദ്യോഗസ്ഥർക്കും ലഭിച്ചിരുന്നു. മുന്പും സമാനമായ നിലയിൽ സർക്കാരിനും മുഖ്യമന്ത്രിയ്ക്കുമെതിരെ പ്രചാരണങ്ങൾ സംഘടിപ്പിച്ചിട്ടുള്ളയാളാണ് ഇദേഹമെന്നും ആരോപണമുണ്ട്.
Read Moreഒന്ന് ക്ലിക്ക് ചെയ്താൽ എല്ലാം ശരിയാകും ..! പ്ലസ്ടു കഴിഞ്ഞ് ഇനി എന്ത് പഠിക്കണം എന്ന ചോദ്യത്തിന് ഉത്തരവുമായി ജസ്ജിത്തും പ്രിൻസിന്റെയും വക ഒരു വെബ്സൈറ്റ്
ബി.എം കോട്ടയം: പ്ലസ്ടു കഴിഞ്ഞ് ഏത് കോഴ്സ് തെരഞ്ഞെടുക്കണമെന്നത് ഏതൊരു വിദ്യാർഥിയുടെയും പഠനകാലഘട്ടത്തിലെ സുപ്രധാന തീരുമാനമാണ്. എന്ത് പഠിക്കണം, ഏത് കോഴ്സിന് ചേരണം എന്ന് ചിന്തിച്ചിരിക്കുന്നവരെ സഹായിക്കാൻ www.bewhom.in എന്ന വെബ്സൈറ്റുമായി രണ്ടു വിദ്യാർഥികൾ. കേരളത്തിലെ വിവിധ കോളജുകളും കോഴ്സുകളും ഉൾപ്പെടുത്തി വിദ്യാർഥികളുടെ അഭിരുചിക്കനുസരിച്ച് വെബ്സൈറ്റ് തയാറാക്കിയിരിക്കുന്നത് ഏറ്റുമാനൂർ സ്വദേശികളായ സി.വി. ജസ്ജിത്തും പ്രിൻസ് ബേബിയുമാണ്. കുട്ടിക്കാലം മുതൽ ഒന്നിച്ച് പഠിച്ച ഇരുവരുടെയും സൗഹൃദത്തിൽനിന്നും ഉടലെടുത്ത ആശയത്തിന്റെ സാക്ഷാത്കാരമാണ് ബീഹൂം എന്ന വെബ്സൈറ്റ്. കേരളത്തിൽ ഒട്ടനവധി കോഴ്സുകളുണ്ടെങ്കിലും വിദ്യാർഥികൾക്ക് സുപരിചിതമായ കോഴ്സുകൾ വിരലിലെണ്ണാവുന്നതേയുള്ളൂ. അന്യസംസ്ഥാനങ്ങളിൽ പോയി കോഴ്സുകളും കോളജുകളും തെരഞ്ഞടുക്കാൻ ആലോചിക്കുന്നവർ കേരളത്തിലെ അവസരങ്ങളെ നിസാരമായി ഒഴിവാക്കുകായണ് ചെയ്യുന്നതെന്ന് ഇരുവരും പറഞ്ഞു. ബംഗളുരൂ, കോയന്പത്തൂർ ഉൾപ്പെടെയുള്ള സ്ഥലങ്ങളിലേക്ക് ഉപരിപഠനത്തിനായി വണ്ടികയറുന്നവർ നിരവധിയാണ്. പലവിദ്യാർഥികളും കോഴ്സ് തെരഞ്ഞെടുക്കുന്നത് ജോലി സാധ്യതയെ അടിസ്ഥാനമാക്കിയാണ്. വിദ്യാഭ്യാസം പൂർത്തിയാക്കുന്പോൾ ജോലി സാധ്യത നിലനിൽക്കണമെന്നില്ല.…
Read Moreവിലക്കിന്റെ യുക്തിയെ വിമർശിച്ച്..! പശു ഗോമാതാവെങ്കിൽ കാലന്റെ വാഹനമായ പോത്തിനെ കൊല്ലുന്നതു വിലക്കിയതെന്തിനെന്ന് ആർ ബാലകൃഷ്ണ പിള്ള
അടിമാലി: ബീഫ് നിരോധനവും മറ്റു സംഭവവികാസങ്ങളും ന്യുനപക്ഷത്തിനുമേലുള്ള പരാക്രമമാണെന്നു കേരള കോണ്ഗ്രസ് -ബി അധ്യക്ഷൻ ആർ. ബാലകൃഷ്ണപിള്ള. ഇതോടെ ന്യൂനപക്ഷ വർഗീയതയെപ്പറ്റി പറയാൻ മോദിക്കോ സംഘപരിവാർ ശക്തികൾക്കോ അവകാശമില്ലെന്ന് അടിമാലിയിൽ കെടിയുസി -ബി സംസ്ഥാന പ്രതിനിധി സമ്മേളനം ഉദ്ഘാടനം ചെയ്ത് അദ്ദേഹം പറഞ്ഞു. ഗോമാതാവിന്റെ പേരിലാണ് പശുവിനെ കൊല്ലുന്നത് വിലക്കിയതെങ്കിൽ കാലന്റെ വാഹനമായ പോത്തിനെ കൊല്ലുന്നതു വിലക്കിയതിന്റെ യുക്തി മനസിലാകുന്നില്ല. ഭൂരിപക്ഷ സമുദായത്തിന്റെ വോട്ട് തട്ടുകയെന്ന ലക്ഷ്യത്തോടെ ന്യൂനപക്ഷത്തെ ഇല്ലായ്മ ചെയ്യുന്ന രീതിയാണിത്. മതപരമായ വെല്ലുവിളികൂടിയാണ് ഇതിൽനിന്നു വ്യക്തമാകുന്നത്. പശുനിരോധനത്തിൽ മോദിക്കു മാതൃക കോണ്ഗ്രസാണ്. മധ്യപ്രദേശിൽ നിരോധനം കൊണ്ടുവന്നത് ഉയർത്തിക്കാട്ടി ബാലകൃഷ്ണപിള്ള കോണ്ഗ്രസിനെയും വിമർശിച്ചു. കൈപ്പത്തി മുതലാളിമാർ അഞ്ചു വർഷം കേരളത്തെ കട്ടുമുടിച്ചു. സോളാർ, ഭൂമി ഇടപാട് തുടങ്ങി ഉമ്മൻ ചാണ്ടി കൊള്ളസംഘത്തിനാണ് നേത്യത്വം നൽകിയത്. അഴിമതിവിരുദ്ധ സംസ്ഥാനമായി കേരളത്തെ മാറ്റിയതു പിണറായി വിജയനാണ്. മൂന്നാറിലെ അനധികൃത…
Read Moreഭാവിയിൽ കന്നുകാലിയുണ്ട് സൂക്ഷിക്കുക: കന്നുകാലികളെ സ്വതന്ത്രമായി വിൽക്കാൻ കഴിയാത്ത സാഹചര്യം വരികയാണെങ്കിൽ അവയെ തെരുവിലേക്ക് വിടുമെന്ന് കർഷകർ
കട്ടപ്പന: കശാപ്പിനു വിലക്കേർപ്പെടുത്തി കേന്ദ്ര സർക്കാർ ഉത്തരവിറക്കിയതോടെ കാർഷിക മേഖലയിൽ പ്രതിസന്ധിയും അമർഷവും ശക്തം. കന്നുകാലികളെ വളർത്താനും വിൽക്കാനും സാധിക്കാത്ത സാഹചര്യമാണ് ആശങ്ക സൃഷ്ടിച്ചിരിക്കുന്നത്. കാർഷികാവശ്യത്തിനുള്ള കന്നുപരിപാലനം തടസപ്പെടുത്തുന്നില്ലെന്നു സർക്കാർ വിശദീകരണം നൽകുന്നുണ്ടെങ്കിലും പ്രായോഗികതലത്തിൽ വൻ പ്രതിസന്ധി തന്നെയാണ്. ക്രയവിക്രയം ബുദ്ധിമുട്ടാകുന്പോൾ ഈ രംഗം വിടാൻ സാധാരണക്കാർ നിർബന്ധിതരാകും. ക്ഷീരമേഖല ഉപജീവന മാർഗമാക്കിയ ലക്ഷക്കണക്കിനു കർഷകർ ഉള്ള സംസ്ഥാനത്ത് കറവ മാടുകളെ ഉത്പാദന ക്ഷമതയുടെ സ്ഥിതി നോക്കി കൊടുക്കുകയും വാങ്ങുകയും ചെയ്യുന്നതു കാർഷിക മേഖലയിലെ സാധാരണ രീതിയാണ്. കൃഷിക്കാരന്റെ ജീവിതാവസ്ഥയും സ്ഥലവിസ്തീർണവും നൽകി മാടുകച്ചവടം പ്രായോഗികമല്ല. കാളവണ്ടികളും കണ്ടം പൂട്ടലുകളും ഉണ്ടായിരുന്ന കാലഘട്ടത്തിൽ കാളകളെയും പോത്തുകളെയും അതിനുപയോഗിക്കുമായിരുന്നെങ്കിലും ഇന്ന് ഇതിനു തീരെ പ്രസക്തിയില്ല. ആണ് കിടാരികളെയും പോത്തു കിടാക്കളെയും ഇറച്ചിക്കായി വളർത്തുകയാണു സാധാരണയായി കേരളത്തിൽ നടപ്പിലുള്ളത്. മറ്റു സംസ്ഥാനങ്ങളിൽനിന്നുപോലും പോത്തു കിടാക്കളെ വിലയ്ക്കുവാങ്ങി വളർത്തി ഇറച്ചിക്കായി വിൽക്കുന്ന…
Read More