കോട്ടയം: കോട്ടയം ജില്ലാ പഞ്ചായത്ത് പ്രസിഡന്റ് തെരഞ്ഞെടുപ്പിനോടനുബന്ധിച്ചു നടന്ന സംഭവവികാസങ്ങളുടെ പശ്ചാത്തലത്തിൽ കേരള കോണ്ഗ്രസ്-എം ചെയർമാൻ കെ.എം. മാണി പാലായിൽ വിളിച്ചു ചേർത്ത പാർലമെന്ററി പാർട്ടി യോഗത്തിൽ പങ്കെടുക്കാതിരുന്നത് അസൗകര്യം മൂലമാണെന്ന് മോൻസ് ജോസഫ് എംഎൽഎ. അതിനെ മറ്റൊരു തരത്തിൽ വ്യാഖ്യാനിക്കേണ്ട കാര്യമില്ല. അടുത്ത പാർലമെന്ററി പാർട്ടി യോഗത്തിൽ പങ്കെടുക്കും. കോട്ടയം സംഭവവുമായി ബന്ധപ്പെട്ട് വ്യക്തമായ അഭിപ്രാ യമുണ്ട്, അത് വ്യക്തമാക്കിയിട്ടുമുണ്ട്- മോൻസ് പറഞ്ഞു. ശനിയാഴ്ച നടന്ന യോഗത്തിൽ പാർട്ടി വർക്കിംഗ് ചെയർമാൻ കൂടിയായ പി.ജെ. ജോസഫും പങ്കെടുത്തിരുന്നില്ല. ശനിയാഴ്ച രാത്രി ഏഴിനു കുറവിലങ്ങാട് നടന്ന യോഗത്തിൽ കെ.എം. മാണിക്കൊപ്പം മോൻസ് പങ്കെടുത്തിരുന്നെങ്കിലും പാലായിലെ യോഗത്തിലേക്കു വരാതെ അദ്ദേഹം മടങ്ങുകയായിരുന്നു. കഴിഞ്ഞ ദിവസത്തെ രാഷ്ട്രീയ സംഭവവികാസങ്ങൾക്കു പിന്നാലെ പാർട്ടിയിൽ ഭിന്നത രൂപപ്പെട്ടതായി വാർത്തകൾ വരുന്നതിനിടെയാണ് പി.ജെ. ജോസഫും മോൻസും വിട്ടു നിന്നത്.
Read MoreCategory: Kottayam
വാരിക്കോരി കിട്ടും..! കേരള കോൺഗ്രസുകൾ ഒന്നിച്ച് എൻഡിഎ മുന്നണിയെ ശക്തിപ്പെടുത്തിയാൽ സംസ്ഥാനത്തിനു വലിയനേട്ടമെന്ന് പി.സി. തോമസ്
കോട്ടയം: കേരള കോൺഗ്രസുകൾ ഒന്നിച്ച് എൻഡിഎ മുന്നണിയെ ശക്തിപ്പെടുത്തിയാൽ സംസ്ഥാനത്തിന് വലിയ നേട്ടമുണ്ടാകുമെന്ന് കേരള കോൺഗ്രസ് ചെയർമാനും എൻഡിഎ ദേശീയ കമ്മിറ്റിയംഗവുമായ പി.സി. തോമസ് അഭിപ്രായപ്പെട്ടു. ക്രിസ്ത്യൻ ബിഷപ്പിനെ നികൃഷ്ടജീവിയെന്നു വിശേഷിപ്പിച്ച നേതാവിനെ വാഴ്ത്താനുള്ള നീക്കം അപകടമാണെന്നു കേരള കോൺഗ്രസ്- സിപിഎം ബാന്ധവ നീക്കത്തെക്കുറിച്ച് അദ്ദേഹം അഭിപ്രായപ്പെട്ടു.
Read Moreവണ്ടൈം രജിസ്ട്രേഷനിൽ ജാഗ്രത വേണം: ഉയർന്ന റാങ്ക് കിട്ടിയാലും തെറ്റായ വിവരങ്ങൾ രേഖപ്പെടുത്തിയ പേരിൽ നിങ്ങൾക്ക് ജോലി ലഭിക്കില്ലെന്ന് പിഎസ്സി
ഇടുക്കി: ഓണ്ലൈന് രജിസ്ട്രേഷന് സമയത്ത് ഉദ്യോഗാര്ഥികള് ജാഗ്രത കാട്ടുകയും തെറ്റില്ലാതെ വണ്ടൈം രജിസ്ട്രേഷന് നടത്തുകയും ചെയ്തില്ലെങ്കില് അപേക്ഷ നിരസിക്കപ്പെടുമെന്നും പിന്നീടത് പരിഹരിക്കാന് സാധിക്കില്ലെന്നും കേരള പബ്ലിക് സര്വീസ് കമ്മീഷന് അംഗം പ്രാഫ. ലോപ്പസ് മാത്യു പറഞ്ഞു. പിഎസ്സിയുടെ വജ്ര ജൂബിലി ആഘോഷങ്ങളുടെ ഭാഗമായി ജില്ലയിലെ അക്ഷയകേന്ദ്രം ജീവനക്കാര്ക്ക് ഒറ്റത്തവണ രജിസ്ട്രേഷനില് നല്കിയ ഏകദിന പരിശീലനം ഉദ്ഘാടനം ചെയ്യുകയായിരുന്നു അദ്ദേഹം. ഓണ്ലൈനില് വണ്ടൈം രജിസ്ട്രേഷന് സമയത്ത് വരുത്തുന്ന തെറ്റുകള് മൂലം ഉയര്ന്ന റാങ്ക് കിട്ടിയിട്ടും ജോലി ലഭിക്കാതെ പോകുന്ന സംഭവങ്ങള് ഉണ്ടാകുന്നുവെന്നും അദ്ദേഹം ചൂണ്ടിക്കാട്ടി. ഇക്കാര്യം ഉദ്യോഗാര്ഥികളെ ബോധ്യപ്പെടുത്തി പൂര്ണമായ രജിസ്ട്രേഷന് നടത്താന് അക്ഷയ ജീവനക്കാര് മുന്കൈ എടുക്കണമെന്നും അദ്ദേഹം അഭ്യര്ഥിച്ചു. ചട്ടപ്രകാരം പിഎസ്സി ഒരു വിജ്ഞാപനം പുറത്തിറക്കിയാല് പിന്നീട് അതില് ഒരു കാര്യത്തിലും മാറ്റം വരുത്താന് ആര്ക്കും അധികാരമില്ലെന്നും ഉദ്യോഗാര്ഥികള്ക്കുള്ള നിര്ദേശങ്ങള് ക്രമമായും ചിട്ടയായും സമയബന്ധിതമായും പാലിക്കണമെന്നും…
Read Moreആദ്യം പ്രതിഷേധം പിന്നെ സന്തോഷം..! കടുത്തുരുത്തിയിലെ കോൺഗ്രസു കാർ പറയുന്നു ഇനി കേരളാ കോൺഗ്ര സിനു വേണ്ടി പണിയെടുക്കേണ്ടി വരില്ലല്ലോയെന്ന്
കടുത്തുരുത്തി: ജില്ലാ പഞ്ചായത്ത് തെരഞ്ഞെടുപ്പിൽ കേരളാ കോണ്ഗ്രസ് എം തങ്ങളെ വെട്ടിയതിൽ പ്രതിഷേധമറിയിച്ചാണ് കോണ്ഗ്രസ് പ്രവർത്തകർ നിരത്തിലിറങ്ങിയതെങ്കിലും കടുത്തുരുത്തിയിൽ കാലാകാലങ്ങളായി കേരളാ കോണ്ഗ്രസിന് വേണ്ടി പണിയെടുക്കേണ്ടി വന്ന സാഹചര്യം ഒഴിവായതിലുള്ള സന്തോഷവും ആഹ്ലാദവും കോൺഗ്രസ് പ്രവർത്തകരിൽ പലരും ഇന്നലെ ടൗണിൽ പങ്കുവച്ചു. കാലാകാലങ്ങളായി ലോക്സഭ, നിയമസഭാ, ജില്ലാ പഞ്ചായത്ത് തെരഞ്ഞെടുപ്പുകളിലെല്ലാം കടുത്തുരുത്തിയിലെ കോണ്ഗ്രസ് പ്രവർത്തകർ കേരളാ കോണ്ഗ്രസ് എമ്മിന് വേണ്ടി പ്രവർത്തിച്ചു വരികയായിരുന്നു. പലതവണ പ്രാദേശിക നേതൃത്വം ഇക്കാര്യത്തിൽ മാറ്റമുണ്ടാകാൻ ആഗ്രഹിക്കുകയും ജില്ലാ, സംസ്ഥാന നേതൃത്വങ്ങളെ അറിയിക്കുകയും ചെയ്തിരുന്നെങ്കിലും അവസാനസമയം സീറ്റ് കേരളാ കോണ്ഗ്രസിന് നൽകി ക്കൊണ്ട് മുകളിൽ നിന്നു നിർദശം വരികയും ഇതനുസരിച്ചു പ്രവർത്തിക്കുകയുമായിരുന്നു കോണ്ഗ്രസ് പ്രവർത്തകർ ചെയ്തിരുന്നത്. നിയോജക മണ്ഡലത്തിൽ തങ്ങളാണ് വലിയകക്ഷിയെന്ന് ഇരുകൂട്ടരും അവകാശവാദമുന്നയിക്കുന്നുമുണ്ട്. കടുത്തുരുത്തി എംഎൽഎ നിലപാട് വ്യക്തമാക്കിയിട്ടില്ലെങ്കിലും മാണിയും കൂട്ടരും മറുകണ്ടം ചാടിയതോടെ ഇനിയെങ്കിലും വരുന്ന തെരഞ്ഞെടുപ്പുകളിൽ സ്വന്തം സ്ഥാനാർഥിക്കു…
Read Moreകാർ ലോറിയിൽ ഇടിച്ച് അധ്യാപിക മരിച്ചു; സഹോദരിയുടെ കല്യാണത്തിന് ഗൽഫിൽ നിന്നെത്തുന്ന മകനെ സ്വീകരിക്കാൻ പോകുമ്പോളായിരുന്നു അപകടം
അങ്കമാലി: ഗൾഫിൽ നിന്നെത്തുന്ന മകനെ സ്വീകരിക്കാൻ വിമാനത്താവളത്തിലേക്ക് പോയ ദമ്പതികൾ അപകടത്തിൽ പെട്ടു. ഭാര്യ മരിച്ചു. ഭർത്താവ് പരുക്കുകളോടെ ആശുപത്രിയിൽ. മുണ്ടക്കയം ആഞ്ഞിലിമുട്ടിൽ സതീഷ് ബാബുവിന്റെ ഭാര്യയും ഒളയനാട് എസ്ജിഎം യുപി സ്കൂളിലെ ഹെഡ്മിസ്ട്രസുമായ ലൈല (55) ആണ് മരിച്ചത്. ഭർത്താവ് സതീഷ് ബാബുവിനെ പരുക്കുകളോടെ അങ്കമാലി ലിറ്റിൽ ഫ്ലവർ ആശുപത്രിയിൽ പ്രവേശിപ്പിച്ചു. ഇന്നു പുലർച്ചെ രണ്ടരയോടെ എംസി റോഡിൽ മറ്റൂർ ആശുപത്രിക്കു സമീപത്താണ് അപകടം. കോട്ടയം ഭാഗത്തേക്ക് പോയ നാഷണൽ പെർമിറ്റ് ലോറിയിൽ ദമ്പതികൾ സഞ്ചരിച്ചിരുന്ന കാർ ഇടിക്കുകയായിരുന്നു. ആശുപത്രിയിൽ എത്തിക്കുന്നതിനു മുൻപേ ലൈലയുടെ മരണം സംഭവിച്ചിരുന്നു. ഇടിയുടെ ആഘാതത്തിൽ തലയ്ക്കകത്ത് രക്തസ്രാവമമുണ്ടായതാണ് മരണത്തിനിടയാക്കിയത്. ബാംഗ്ലൂരിൽ ദന്തഡോക്ടറായ സഹോദരി ആര്യയുടെ വിവാഹ ഒരുക്കങ്ങൾക്കായിട്ടാണ് റെലീഷ് സൗദിയിൽ നിന്നും നാട്ടിലേക്കെത്തിയത്. തന്നെ സ്വീകരിക്കാനെത്തിയ അമ്മ അടുത്തെത്തുന്നതിന് അഞ്ചു കിലോമീറ്ററുകൾക്കു മുൻപ് അപകടത്തിൽ മരിച്ചെന്ന വാർത്തയാണ് റെലീഷിനെ തേടിയെത്തിയത്.…
Read Moreരാഷ്ട്രീയവഞ്ചന ; കേരള കോണ്ഗ്രസിന്റെ അധികര മോഹമാണ് സിപിഎമ്മുമായി കോട്ടയത്ത് കൈകോർത്തതിന് പിന്നിലെന്ന് ജോഷി ഫിലിപ്പ്
കോട്ടയം: കോട്ടയം ജില്ലാ പഞ്ചായത്ത് പ്രസിഡന്റ് തെരഞ്ഞെടുപ്പിൽ കേരളകോണ്ഗ്രസ്-എം രാഷ്ട്രീയവഞ്ചന കാട്ടിയെന്ന് ഡിസിസി പ്രസിഡന്റ് ജോഷി ഫിലിപ്പ്. വിശ്വാസവഞ്ചന കാട്ടിയ ജോസ് കെ. മാണി എംപി രാജിവച്ച് തെരഞ്ഞെടുപ്പിനെ നേരിടണമെന്നും അദ്ദേഹം ആവശ്യപ്പെട്ടു. ഏപ്രിൽ മൂന്നിന് കേരള കോണ്ഗ്രസ് എമ്മും കോണ്ഗ്രസും തമ്മിൽ എഴുതിയുണ്ടാക്കിയ രേഖയുടെ ലംഘനമാണ് ഇന്ന് നടന്നത്. കേരള കോണ്ഗ്രസ് എമ്മിന്റെ ആറ് അംഗങ്ങളും കോണ്ഗ്രസിന്റെ എട്ട് അംഗങ്ങളും അഡ്വ. സണ്ണി പാന്പാടിയെ പ്രസിഡന്റായി തെരഞ്ഞെടുകാമെന്ന് രേഖയുണ്ടാക്കിയതാണ്. ഈ രേഖയുടെ മഷി ഉണങ്ങുന്നതിന് മുൻപ് തന്നെ കേരളകോണ്ഗ്രസ്എം വഞ്ചന നടത്തിയെന്നും അദ്ദേഹം ആരോപിച്ചു. കേരള കോണ്ഗ്രസിന്റെ അധികര മോഹമാണ് സിപിഎമ്മുമായി കോട്ടയത്ത് കൈകോർത്തത്. കേരള കോണ്ഗ്രസിന്റെയും സിപിഎമ്മിന്റെ ജാരസന്തതിയാണ് ഇന്ന് കോട്ടയത്ത് ഉണ്ടായതെന്നും അദ്ദേഹം പറഞ്ഞു. കോണ്ഗ്രസ് പ്രവർത്തകർ സന്തോഷവാൻമാർ അണെന്നും കോണ്ഗ്രസ് പാർട്ടിയുടെ അടിയന്തര നേതൃയോഗം ഇന്ന് ചേരുമെന്നും ജോഷി ഫിലിപ്പ് അറിയിച്ചു.
Read Moreപണിപാളും..! വനിതാ കമ്മീഷനിൽ വ്യാജപരാതികൾ കൂടുന്നു; പരാതികൾ തെറ്റാണെന്ന് കണ്ടാൽ കർശന നടപടിയെടുക്കുമെന്ന് വനിതാ കമ്മീഷനംഗം ഡോ. ജെ. പ്രമീളാദേവി
കോട്ടയം: വ്യാജ പരാതി നല്കി വനിതാ കമ്മീഷനെ ദുരുപയോഗം ചെയ്യുന്ന പ്രവണത വർധിക്കുന്നതായി കമ്മീഷന്റെ ശ്രദ്ധയിൽപ്പെട്ടിട്ടുണ്ടെന്നും ഇത്തരത്തിൽ വ്യാജ പരാതികളുമായി എത്തുന്നവർക്കെതിരെ കർശന നടപടി സ്വീകരിക്കുമെന്നും സംസ്ഥാന വനിതാ കമ്മീഷനംഗം ഡോ. ജെ. പ്രമീളാദേവി. കളക്ടറേറ്റ് കോണ്ഫറൻസ് ഹാളിൽ ഇന്നലെ നടന്ന സിറ്റിംഗിലാണ് അവർ ഇക്കാര്യം ചൂണ്ടികാട്ടിയത്. പള്ളിയിൽ കുശിനി പണി ചെയ്യുന്ന ഒരു സ്ത്രീ എട്ട് പേർ തന്നെ അധിക്ഷേപിച്ചതായി ആരോപിച്ച് നൽകിയ പരാതിയിൽ ഒരാളുടെ പേര് മാത്രം സൂചിപ്പിച്ചിട്ടുളളതിനെപ്പറ്റി തിരക്കിയപ്പോൾ താനല്ല പരാതി തയാറാക്കിയതെന്നാണു പരാതിക്കാരി വെളിപ്പെടുത്തിയത്. പരാതി സംബന്ധിച്ചു കൂടുതൽ വിവരം നൽകാനും അവർ തയാറായില്ല. സ്കൂളിലേക്കുളള യാത്രയ്ക്കിടയിൽ സ്കൂട്ടറിടിച്ചു പരിക്കേറ്റ വിദ്യാർഥിയെ അധ്യാപകർ ആശുപത്രിയിലെത്തിച്ചെങ്കിലും മതിയായ ചികിത്സ നൽകാൻ അധ്യാപകർ നടപടി സ്വീകരിച്ചില്ലെന്നു ചൂണ്ടിക്കാട്ടി കുട്ടിയുടെ അമ്മ നൽകിയ പരാതിയിൽ പരിശോധിക്കവേ പരാതിയിൽ പറഞ്ഞിരിക്കുന്ന അധ്യാപകരല്ല മറ്റൊരു അധ്യാപകനെതിരെയാണു പരാതിയെന്നും അയാളുടെ…
Read Moreഇങ്ങനെയൊക്കെ ചെയ്യാമോ..! ജലാശയങ്ങ ളിലും വഴിയോരങ്ങളിലും കക്കൂസ് മാലിന്യം തള്ളുന്ന സംഘം സജീവം; കക്കൂസ് ടാങ്ക് ക്ലീൻ ചെയ്യാൻ ഈടാക്കുന്നത് കാൽ ലക്ഷംരൂപ
കോട്ടയം: കക്കൂസ് മാലിന്യം നീക്കം ചെയ്യും എന്ന പരസ്യം നൽകി ഇവ കോരി വഴിയോരങ്ങളിലും ജലാശയങ്ങളിലും തള്ളുന്ന സംഘങ്ങൾ നിരവധി. കഴിഞ്ഞയാഴ്ച പേരൂരിൽ നാട്ടുകാർ കക്കൂസ് മാലിന്യ ലോറി പിടികൂടി പോലീസിൽ ഏൽപ്പിച്ചിരുന്നു. എറണാകുളം, ആലപ്പുഴ ജില്ലകളിലുള്ള ഏതാനുംപേർ ഇത് വൻവരുമാനമുള്ള തൊഴിലാ ക്കി മാറ്റിയിരിക്കുകയാണ്. കക്കൂസ് ടാങ്ക് ക്ലീൻ ചെയ്യുന്നതിന് കാൽ ലക്ഷംരൂപ വരെ വാങ്ങുന്ന ഏജൻസികൾ കുടിവെള്ളം എന്ന ബോർഡ് പുറത്ത് എഴുതി വച്ച് ടാങ്കർ ലോറികളിൽ കയറ്റി ഇവ കോട്ടയം ജില്ലയിലെ വിവിധ ഭാഗങ്ങളിൽ നിക്ഷേപിക്കുന്നത് പതിവാക്കിയിരിക്കുകാണ്. കുമരകം, വടവാതൂർ, കിടങ്ങൂർ, തലയോലപറന്പ് പ്രദേശങ്ങളി ലെ തോടുകളിലും കാനകളിലുമാണ് ഇവർ കക്കൂസ് മാലിന്യങ്ങൾ തള്ളുന്നത്. പിടികൂടിയാൽ 5000രൂപ മാത്രം പിഴയടച്ച് ലോറികൾ വീണ്ടെടുക്കുകയാണു പതിവ്. നാട്ടുകാർ പിടികൂടി ഇത്തരക്കാരെ കൈകാര്യം ചെയ്യുന്നതും ലോറികൾക്ക് കേടുപാടുണ്ടാക്കുന്നതും മാത്രമാണ് ശിക്ഷ. വിവിധ സ്റ്റേഷനുകളിൽ പോലീസിനു കൈമട…
Read Moreകൊച്ചി റേഞ്ച് ഐജിയുടെ വാഹനം അപകടത്തിൽപ്പെട്ടു; എതിരേ വന്ന ഓട്ടോയിൽ ഇടിക്കാതിരിക്കാൻ വെട്ടിച്ചപ്പോഴാണ് അപകടം ഉണ്ടായത്; ആർക്കും പരിക്കില്ല
കോട്ടയം: കൊച്ചി റേഞ്ച് ഐജി പി. വിജയന്റെ ഒൗദ്യോഗിക വാഹനം അപകടത്തിൽപ്പെട്ടു. ഇന്നു രാവിലെ 7.30ഓടെ കോട്ടയം അടിച്ചിറയ്ക്കു സമീപമാണ് അപകടമുണ്ടായത്. എതിരേ വന്ന ഓട്ടോയിൽ ഐജി സഞ്ചരിച്ചിരുന്ന വാഹനം ഇടിക്കാതിരിക്കാൻ വെട്ടിച്ചപ്പോഴാണ് അപകടത്തിൽപ്പെട്ടത്. ഐജി പി.വിജയൻ സഞ്ചരിച്ച ഒൗദ്യോഗിക വാഹനമായ ഇന്നോവ കാർ നിയന്ത്രണംവിട്ട് സമീപത്തെ ഇലക്ട്രിക്ക് പോസ്റ്റിൽ ഇടിക്കുകയായിരുന്നു. കോട്ടയം ഭാഗത്തുനിന്ന് ഏറ്റുമാനൂരിലേക്ക് പോവുകയായിരുന്നു ഓട്ടോറിക്ഷ. യാത്രാമധ്യേ കോട്ടയം ഭാഗത്തേക്ക് ഓട്ടോറിക്ഷാ തിരിച്ചപ്പോൾ ഓട്ടോയിൽ ഇടിക്കാതിരിക്കാൻ ഇന്നോവ വെട്ടിച്ചതാണ് അപകടത്തിനു കാരണമായത്. അപകടത്തിൽ ആർക്കും പരിക്കില്ല. കോട്ടയം പോലീസ് പരേഡ് ഗ്രൗണ്ടിൽ 850 എസ്പിസി കേഡറ്റുകളുടെ രണ്ട് വർഷത്തെ ഇൻഡോർ ഒൗട്ട്ഡോർ പരിശീലനത്തിനുശേഷമുള്ള പാസിംഗ് ഒൗട്ട് പരേഡിൽ പങ്കെടുക്കാൻ എറണാകുളത്ത് നിന്നും കോട്ടയത്തേക്കുള്ള യാത്രാമധ്യേയാണ് ഐ.ജി പി. വിജയൻ സഞ്ചരിച്ച വാഹനം അപകടത്തിൽപ്പെട്ടത്. തുടർന്ന് പി.വിജയനെ മറ്റൊരു പോലീസ് വാഹനത്തിൽ കോട്ടയത്തെത്തിച്ചു. ു
Read Moreഇനി കുരുക്കില്ലാ കോട്ടയം..! നഗരത്തിന്റെ സ്വപ്നപദ്ധതിയായ ആകാശനടപ്പാതയ്ക്ക് ജീവൻവച്ചു; നിർമാണത്തിന് നഗരസഭ കൗണ്സിൽ അനുമതി നൽകി
കോട്ടയം: കോട്ടയം നഗരത്തിന്റെ സ്വപ്നപദ്ധതിയായ ആകാശനടപ്പാതയ്ക്ക് വീണ്ടും ചിറകുമുളയ്ക്കുന്നു. പ്രതിപക്ഷ അംഗങ്ങളുടെ എതിർപ്പിനിടെ നഗരസഭാ സ്ഥലത്ത് ആകാശപ്പാതയുടെ ചവിട്ടുപടി നിർമാണത്തിന് നഗരസഭ കൗണ്സിൽ അനുമതി നൽകി. ഇന്നലെ ചേർന്ന യോഗത്തിലാണ് ഇത് സംബന്ധിച്ചു തീരുമാനമുണ്ടായത്. നഗരത്തിന്റെ വികസനത്തിന് ആകാശനടപ്പാത അനിവാര്യമാണെന്നു ഭരണപക്ഷം വിലയിരുത്തി. പ്രതിപക്ഷ എതിർപ്പ് വകവയ്ക്കാതെയാണു ഭരണപക്ഷം അനുമതി നല്കിയത്. നഗരത്തിന്റെ ഹൃദയഭാഗത്ത് സ്ഥിതിചെയ്യുന്ന നഗരസഭ നിലവിൽ സ്ഥല പരിമിതിമൂലം ബുദ്ധിമുട്ടിലാണ്. കെട്ടിടം ഇനിയും വികസിപ്പിക്കാൻ കഴിയില്ല എന്നുമാത്രമല്ല, നിലവിലെ പാർക്കിംഗ് പോലും അനിശ്ചതാവസ്ഥയിലാണ്. ഈ സാഹചര്യത്തിൽ ആകാശനടപ്പാത നിർമാണത്തിന് സ്ഥലം വിട്ടുനൽകിയാൽ നഗരസഭാ വാഹനങ്ങൾ പോലും പാർക്ക് ചെയ്യാനാവാത്ത സ്ഥിതിയുണ്ടാകുമെന്നും പ്രതിപക്ഷ അംഗങ്ങൾ ചൂണ്ടിക്കാട്ടി. സ്ഥലം വിട്ടു നൽകുന്നതും നിർമാണത്തിനു മാത്രമായി അനുമതി നൽകുന്നു എന്നതും തമ്മിൽ വലിയ വ്യത്യാസമൊന്നുമില്ലെന്നായിരുന്നു ബിജെപിയുടെ വിലയിരുത്തൽ. നിർമാണത്തിന് അനുമതി നൽകുന്നതോടെ സ്ഥലത്തു പിന്നെ നഗരസഭയ്ക്ക് അവകാശമില്ലെന്ന…
Read More