മുഹമ്മ: ആലപ്പുഴയുടെ ടൂറിസം മേഖലയ്ക്ക് തിലകക്കുറിയാകാൻ പാതിരാമണൽ ദ്വീപ് അണിഞ്ഞൊരുങ്ങുന്നു. കുട്ടികളുടെ പാർക്ക്, കാനന ചാരുതയുള്ള നടവഴികൾ, വള്ളിയൂഞ്ഞാലുകൾ, ഏറുമാടങ്ങൾ എന്നിങ്ങനെ ടൂറിസ്റ്റുകളുടെ മനം കവരുന്ന സൗകര്യങ്ങൾക്കൊപ്പം കലാപരിപാടികളുടെ നിറച്ചാർത്ത് ഒരുക്കുന്നതിനുള്ള തയാറെടുപ്പിലാണ് അധികാരികൾ. പുല്ലുമേഞ്ഞ തിയറ്റാറാണ് നാടൻ കലാരൂപങ്ങളുടെ അവതരണത്തിന് സജ്ജമാകുന്നത്. പഴമയിലേക്കു ചേക്കേറുന്ന വില്ലടിച്ചാംപാട്ട്, കൈകൊട്ടിക്കളി തുടങ്ങിയ കലാരൂപങ്ങളാണ് ദിവസവും അവതരിപ്പിക്കുക. പരമ്പരാഗത തൊഴിലിടങ്ങൾ, കരകൗശല വസ്തുക്കളുടെ നിർമാണശാലകൾ, നാടൻ ഭക്ഷണ ശാലകൾ എന്നിവയെല്ലാം ടൂറിസ്റ്റുകളുടെ മനംകവരും. മന്ത്രി ഗണേഷ്കുമാർ മുൻകൈയെടുത്താണ് കായൽ ടൂറിസത്തിന് നിറമേകുന്ന പദ്ധതി നടപ്പാക്കുന്നത്. ഇതിന്‍റെ ഭാഗമായി പാതിരാമണൽ ദ്വീപിനെ ബന്ധപ്പെടുത്തി ആരംഭിച്ച ബോട്ട് സർവീസ് ഒട്ടേറെ വിനോദസഞ്ചാരികളെ ദ്വീപിലേക്ക് ആകർഷിക്കുന്നു. മുഹമ്മ പഞ്ചായത്തുമായി സഹകരിച്ചാണ് പദ്ധതി നടപ്പാക്കുന്നത്.രാത്രിയിലും ദ്വീപിലെത്താമെന്നത് സഞ്ചാരികൾക്ക് നേട്ടമാണ്. വൈദ്യുതി ഇല്ലാത്തതിന്‍റെ പേരിൽ ഇരുൾമൂടിക്കിടന്ന ദ്വീപിൽ സൗരോർജവിളക്കുകൾ മിഴിതുറന്നതോടെ സഞ്ചാരികളുടെ എണ്ണം ഗണ്യമായി കൂടി. ജനസഹസ്രങ്ങളെ…
Read Moreടൂറിസ്റ്റുകളുടെ മനം കവരുന്ന സൗകര്യങ്ങൾക്കൊപ്പം കലാപരിപാടികളും; ആലപ്പുഴയുടെ തിലകക്കുറിയാകാൻ അണിഞ്ഞൊരുങ്ങി പാതിരാമണൽ
