വെഞ്ഞാറമ്മൂട്: ശബരിമല ദർശനം കഴിഞ്ഞ് മടങ്ങുകയായിരുന്ന ആന്ധ്രപ്രദേശ് സ്വദേശികൾ സഞ്ചരിച്ചിരുന്ന വാഹനം നിയന്ത്രണം നഷ്ടപ്പെട്ട് ബേക്കറിയിലേക്ക് ഇടിച്ചു കയറി കടയുടമയ്ക്ക് ദാരുണാന്ത്യം. വെഞ്ഞാറമൂട് തണ്ട്രാംപൊയ്ക നെസ്റ്റ് ബേക്കറി ഉടമ അമ്പലം മുക്ക് സ്വദേശി രമേശാണ് (49) മരിച്ചത്. വെഞ്ഞാറമൂട് തണ്ട്രാംപൊയ്ക ജംഗ്ഷനു സമീപം ഇന്ന് പുലർച്ചെ 4.45നായിരുന്നു അപകടം. രാവിലെ ഹോട്ടൽ തുറക്കാനെത്തിയ രമേശ് സ്ഥാപനം തുറന്നു കൊണ്ടിരിക്കുന്നതിനിടയിൽ നിയന്ത്രണം വിട്ട കാർ കടയിലേക്ക് പാഞ്ഞ് കയറി രമേശിനെയും ഇടിച്ച് തെറിപ്പിപ്പിക്കുകയായിരുന്നു. കാറിൽ ഉണ്ടായിരുന്നവരുടെ പരുക്ക് ഗുരുതരമല്ല. പരിക്കേറ്റവരെ ഗോകുലം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
Read MoreCategory: Edition News
നെയ്റയുടെ പുത്രിമാരുടെ മിശിഹ; ചങ്ങാതിക്കൂട്ടത്തിന്റെ പുതിയ ഗാനം ശ്രദ്ധേയം
കോട്ടയം: അണാപൈസയില്ലാതെ ബെദ്ലഹേം തെരുവിലൂടെ അലഞ്ഞ ജോസഫും മേരിയും കരുതിയുരുന്നില്ല തങ്ങൾക്ക് പിറക്കാൻ പോകുന്നത് വരാനുള്ള ലോകത്തിന് വെളിച്ചമാകുന്ന നക്ഷത്രമെന്ന്. ഏതാണ്ട് സമാനമാണ് രക്ഷകന്റെ ജനനത്തെ വർണിക്കുന്ന ഈ ഗാനത്തിന്റെ പിറവിയും. വൻമുതൽ മുടക്കിനൊന്നും പാങ്ങില്ലാത്ത ചങ്ങാതിമാരുടെ പാട്ടിനോടുള്ള ഇഷ്ടം ഇത്തവണയും നക്ഷത്രത്തിളക്കമുള്ള ഒരു ഗാനത്തിന് കൂടി പിറവിയേകി. റോണു ജോണും സംഘവുമാണ് സെറാഫിം ഹാർമണിക്സ് എന്ന യൂട്യൂബ് ചാനലിൽ പുത്തൻ ക്രിസ്മസ് ഗാനവുമായി എത്തിയിരിക്കുന്നത്. കന്യകതൻ താരാട്ടിനാൽ മയങ്ങുന്നതാരിവനോ എന്ന ഗാനം ഇതിനകം തന്നെ ശ്രദ്ധേയമായിട്ടുണ്ട്. ആൽബിൻ ഉണ്ണി സാം, അഖിൽ തോമസ് കുര്യൻ, ആസോർ ജാക് ജീസസ്, ക്രിസ്റ്റീന ബാബു, ദിയ മരിയ, ഇവ മെർലിൻ ഷാജി, ജനീറ്റ മറിയം ജോബി, ജെറിൻ വി. ജോൺ, മോനു കെ. ബാബു, പോൾസൺ മാത്യു, റിയ രാജൻ, റോണു ജോൺ, റോസ് മേരി ഐസക്ക്, ശിൽപ്പ…
Read Moreമണ്ണിൽ പൊന്ന് വിളയിച്ച നേട്ടം: മഴവെള്ള സംഭരണിയിലെ ജലം ഉപയോഗപ്പെടുത്തി ജൈവകൃഷി ചെയ്ത് വിജയിപ്പിച്ചു; കർഷക കോൺഗ്രസിന്റെ ആദരവ് ഫാ. ജോയി ചെഞ്ചേരിലിന്
ഇലഞ്ഞി: കർഷക കോൺഗ്രസ് ഇലഞ്ഞി മണ്ഡലം കൺവൻഷൻ ഇലഞ്ഞി കോൺഗ്രസ് ഭവനിൽ നടന്നു. മണ്ഡലം പ്രസിഡന്റ് ബേബിച്ചൻ മൂലയിൽ അധ്യക്ഷത വഹിച്ചു. ജില്ലാ പ്രസിഡന്റ് ശ്രീ കെ. ജെ ജോസഫ് ഉദ്ഘാടനം ചെയ്തു. കാഞ്ഞിരമല എംസിബിഎസ് ആശ്രമത്തിലെ ഫാ.ജോയി ചെഞ്ചേരിലിനെ (മഴവെള്ള സംഭരണിയിലെ വെള്ളം ഉപയോഗപ്പെടുത്തി ജൈവകൃഷി ചെയ്ത് വിജയിപ്പിച്ചതിന് ) കർഷക കോൺഗ്രസ് ജില്ലാ പ്രസിഡന്റ് പൊന്നാട അണിയിച്ച് ആദരിച്ചു. കർഷക കോൺഗ്രസ് പിറവം നിയോജക മണ്ഡലം പ്രസിഡന്റ് മാത്യു കുന്നേൽ, കോൺഗ്രസ് മണ്ഡലം പ്രസിഡന്റ് സിജുമോൻ പുല്ലം പറയിൽ, ബ്ലോക്ക് സെക്രട്ടറിമാരായ ബാബു ജോസഫ് , റെജി വീരമന, പി.കെ പ്രതാപൻ , കർഷക കോൺഗ്രസ് നിയോജക മണ്ഡലം ജനറൽ സെക്രട്ടറി എൻ.പി രാജീവ്, വത്സലാ ജോസഫ് , വർഗീസ് കരിപ്പാടം, ജോയി പോൾ എന്നിവർ പ്രസംഗിച്ചു.
Read Moreയാത്രക്കാരുടെ വർധന; പരശുറാമിൽ രണ്ട് കോച്ചുകള്കൂടി പരിഗണനയില്
കോഴിക്കോട്: മംഗളൂരു-നാഗര്കോവില് റൂട്ടില് സര്വീസ് നടത്തുന്ന പരശുറാം എക്സ്പ്രസില് യാത്രക്കാരുടെ തിരക്കു പരിഗണിച്ച് രണ്ട് അഡീഷണല് കോച്ചുകള് കൂടി ചേര്ക്കുന്ന കാര്യം റെയില്വേ പരിഗണിക്കുന്നു. അസാധാരണമായ തിക്കും തിരക്കും അനുഭവപ്പെടുകയും യാത്രക്കാര് തിരക്കുസഹിക്കാനാവാതെ കുഴഞ്ഞുവീഴുകയും ചെയ്യുന്ന സാഹചര്യത്തിലാണു പുതിയ കോച്ചുകള് അനുവദിക്കുന്നത്. യാത്രാദുരിതം മാധ്യമങ്ങളില് നിറഞ്ഞുനില്ക്കുകയും ജനപ്രതിനിധികള് പ്രശ്നത്തില് ഇടപെട്ട് സമ്മര്ദം ചെലുത്തുകയും ചെയ്യുന്നത് പുനരാലോചനയ്ക്ക് റെയില്വേയെ പ്രേരിപ്പിക്കുന്നുണ്ട്. നിലവില് 22 കോച്ചുകളുമായാണ് പരശുറാം എക്സ്പ്രസ് സര്വീസ് നടത്തുന്നത്. പുതുതായി കോച്ചുകള് കൂട്ടിച്ചേര്ത്താല് അവസാനത്തെ സ്റ്റോപ്പായ നാഗര്കോവിലില് കൂടുതല് സൗകര്യങ്ങള് ഏര്പ്പെടുത്തേണ്ടതുണ്ട്. അവിടെ പ്ലാറ്റഫോം നീട്ടി നിര്മിക്കുന്നതിന്റെ പ്രവൃത്തി നടന്നുവരികയാണ്. രണ്ടുമാസം കൊണ്ട് പൂര്ത്തിയാവുമെന്നാണു കരുതുന്നത്. അതു കഴിഞ്ഞാല് കോച്ചുകള് അനുവദിക്കുന്നകാര്യമാണ് റെയില്വേ പരിഗണിക്കുന്നത്. മലബാറിലെ യാത്രക്കാര് ട്രെയിന്യാത്രയ്ക്ക് വലിയ ബുദ്ധിമുട്ടാണ് അനഭവിക്കുന്നത്. തിരക്കുള്ള സമയത്ത് ട്രെയിനുകള് വളരെ കുറവാണ്. അതിനുപുറമേ വന്ദേഭാരതിനുവേണ്ടി പാസഞ്ചര് ട്രെയിനുകള് ഏറെനേരം…
Read Moreവീട്ടില് കയറി യുവാവിനെ കൊല്ലാൻ ശ്രമം; 5 പേര് അറസ്റ്റില്
കോട്ടയം: വീട്ടിൽ കയറി യുവാവിനെ ആക്രമിച്ചു കൊലപ്പെടുത്താന് ശ്രമിച്ച കേസില് അഞ്ച് പേരെ പോലീസ് അറസ്റ്റ് ചെയ്തു. മണര്കാട് കിഴക്കേതില് പ്രവീണ് രാജു (31), കൂരോപ്പട ളാക്കാട്ടൂര് കല്ലുത്തറ ഉണ്ണിക്കുട്ടന് (ആരോമല്-26), മണര്കാട് മണ്ഡലത്തില് സനുമോന് (29), അയര്ക്കുന്നം അമയന്നൂര് തേവര്വടക്കേതില് ശരത് ശശി (25), കോട്ടയം കളക്ടറേറ്റ് കോഴിമല ജിജിന് ഫിലിപ്പ് (രതീഷ്-26) എന്നിവരെയാണ് മണര്കാട് പോലീസ് അറസ്റ്റ് ചെയ്തത്. ഇവര് സംഘം ചേര്ന്ന് ആറിനു പുലര്ച്ചെ മണര്കാട് പറപ്പള്ളികുന്ന് ഭാഗത്തുള്ള യുവാവിന്റെ വീട്ടില് അതിക്രമിച്ചു കയറി കൊലപ്പെടുത്താന് ശ്രമിക്കുകയായിരുന്നു. നേരത്തെ ഇവർ സുഹൃത്തുക്കളായിരുന്നു. ബന്ധം വഷളായതിനെത്തുടർന്നുണ്ടായ വിരോധമാണ് ആക്രമണത്തിനു കാരണം. ആക്രമണശേഷം ഇവര് സംഭവസ്ഥലത്തുനിന്ന് കടന്നുകളഞ്ഞു. പരാതിയെത്തുടര്ന്ന് മണര്കാട് പോലീസ് പ്രതികളെ പിടികൂടുകയുമായിരുന്നു.
Read Moreആരോഗ്യവകുപ്പിലെ നിയമനത്തട്ടിപ്പ്; യൂത്ത് കോണ്ഗ്രസ് നേതാവ് നടത്തിയത് വന് ഇടപാടുകള്
പത്തനംതിട്ട: ആരോഗ്യവകുപ്പില് നിയമനങ്ങള് വാഗ്ദാനം ചെയ്ത് പണം തട്ടിയ കേസില് തിരുവനന്തപുരം കന്റോണ്മെന്റ് പോലീസ് അറസ്റ്റ് ചെയ്ത യൂത്ത് കോണ്ഗ്രസ് സംസ്ഥാന സെക്രട്ടറി അരവിന്ദ് വെട്ടിക്കലിനെ ആറന്മുള പോലീസ് കസ്റ്റഡിയില് വാങ്ങും. ആറന്മുള കോഴിപ്പാലത്ത് താമസിക്കുന്ന നിലയ്ക്കല് അട്ടത്തോട് സ്വദേശി അരവിന്ദ് വെട്ടിക്കലാണ് അറസ്റ്റിലായത്. കോട്ടയം ജനറല് ആശുപത്രിയില് ജോലി വാഗ്ദാനം ചെയ്തു പണം തട്ടിയ കേസിലടക്കം ഇയാള് റിമാന്ഡില് കഴിയവേയാണ് ആറന്മുളയില് പുതിയ പരാതികളുണ്ടായത്. ഇയാള്ക്കെതിരേ രണ്ട് കേസുകളാണ് ആറന്മുള പോലീസ് രജിസ്റ്റര് ചെയ്തിരിക്കുന്നത്. ഇടയാറന്മുള സ്വദേശിയായ യുവതിക്ക് പത്തനംതിട്ട ജനറല് ആശുപത്രിയില് നഴ്സായി ജോലി വാങ്ങി നല്കാമെന്ന് പറഞ്ഞ് ബാങ്ക് അക്കൗണ്ടിലൂടെ 80,000 രൂപ വാങ്ങി. കോഴിപ്പാലം സ്വദേശിയായ യുവാവിന് കോഴഞ്ചേരി ആശുപത്രിയില് സെക്യൂരിറ്റി ഗാര്ഡ് ആയി ജോലി നല്കാമെന്ന് പറഞ്ഞ് വിശ്വസിപ്പിച്ച് 40,000 രൂപ വാങ്ങിയ പരാതിയിലുമാണ് കേസ്. സെക്യൂരിറ്റി ജോലിക്കായി നിയമന…
Read Moreനവകേരള സദസ്; നിവേദനങ്ങള് എങ്ങനെ നല്കാം
കോട്ടയം: വിവിധ വകുപ്പുകളുടെ ഇടപെടല് വേണ്ടതോ ഒരു വകുപ്പുമായി മാത്രം ബന്ധപ്പെട്ടതോ ആയ നിവേദനങ്ങള്/ അപേക്ഷ തുടങ്ങിയവ നവകേരള സദസിന്റെ കൗണ്ടറുകളില് നല്കാം. വെള്ള പേപ്പറില് തയാറാക്കിയ അപേക്ഷകള് രേഖകളുടെ പകര്പ്പു സഹിതം സമര്പ്പിക്കാം. അപേക്ഷകര് മൊബൈല് നമ്പര് നല്കണം. നാല് ഉദ്യോഗസ്ഥര് വീതമുള്ള 25 കൗണ്ടറുകളാണ് നവകേരള സദസില് ഉണ്ടാവുക. അതില് അഞ്ചെണ്ണം സ്ത്രീകള്ക്കും നാലെണ്ണം മുതിര്ന്നപൗരന്മാര്ക്കും രണ്ടെണ്ണം ഭിന്നശേഷിക്കാര്ക്കും മാത്രമായാണ്. നവകേരള സദസ് തുടങ്ങുന്നതിന് മൂന്നു മണിക്കൂര് മുമ്പ് കൗണ്ടര് പ്രവര്ത്തനം ആരംഭിക്കും. 50 എണ്ണമായാല് അപേക്ഷകള് ഓരോ കെട്ടാക്കി മാറ്റുകയും കൗണ്ടര് സൂപ്പര്വൈസര്ക്ക് കൈമാറുകയും അവര് നവകേരള സദസിന്റെ ചുമതലയുള്ള ഉദ്യോഗസ്ഥന് കൈമാറുകയും ലഭിച്ച എല്ലാ പരാതികളും രേഖാമൂലം കളക്ടറേറ്റില് എത്തിക്കുകയും ചെയ്യുന്നു. അവിടെ നിന്ന് https://navakeralasadas.kerala.gov.in എന്ന പോര്ട്ടലില് അപ്ലോഡ് ചെയ്യുകയും ബന്ധപ്പെട്ട വകുപ്പിലേക്ക് അയച്ചുകൊടുക്കുകയും ചെയ്യും.
Read Moreമുക്കുപണ്ടം നല്കി പണം തട്ടാന് ശ്രമം; യുവാവ് പിടിയിൽ
കോട്ടയം: മുക്കുപണ്ടം പണയംവച്ചു പണം തട്ടാന് ശ്രമിച്ച കേസില് യുവാവിനെ അറസ്റ്റ് ചെയ്തു. കൂരോപ്പട എസ്എന് പുരം ഭാഗത്ത് താമസിക്കുന്ന ചങ്ങനാശേരി അക്ഷരനഗര് പടിഞ്ഞാറെ പുത്തന്പുരയ്ക്കല് ഡി. ദില്ജിത്തിനെയാണ് കോട്ടയം വെസ്റ്റ് പോലീസ് അറസ്റ്റ് ചെയ്തത്. ഇയാള് ഇന്നലെ വൈകുന്നേരം വേളൂര് മാണിക്കുന്നം ഭാഗത്തെ സ്വകാര്യ പണമിടപാട് സ്ഥാപനത്തിലെത്തി മുക്കുപണ്ടം പണയം വച്ച് പണം തട്ടാന് ശ്രമിക്കുകയായിരുന്നു. എട്ടു ഗ്രാം തൂക്കമുള്ള സ്വര്ണം പൂശിയ കമ്പിവള നല്കിയാണ് 31,000 രൂപ തട്ടിയെടുക്കാന് ശ്രമിച്ചത്. സംശയം തോന്നിയ സ്ഥാപന ഉടമ പോലീസില് വിവരം അറിയിക്കുകയും കോട്ടയം വെസ്റ്റ് പോലീസ് സ്ഥലത്തെത്തി ഇയാളെ അറസ്റ്റ് ചെയ്യുകയുമായിരുന്നു. ദില്ജിത്തിന് കോട്ടയം ഈസ്റ്റ്, ചങ്ങനാശേരി, തൃക്കൊടിത്താനം, ലപ്പുഴ, മുഹമ്മ, കിഴ് വായ്പുര് എന്നീ സ്റ്റേഷനുകളില് സമാനമായ നിരവധി ക്രിമിനല് കേസുകളുണ്ട്.
Read Moreയുവതി ജീവനൊടുക്കിയ സംഭവം: ഭര്ത്താവിന്റെ അമ്മാവന് കസ്റ്റഡിയിൽ
കോഴിക്കോട്: ഭര്തൃവീട്ടിലെ പീഡനം കാരണം അരൂര് പുളിയംവീട്ടില് അമ്മദിന്റെ മകള് ഷബ്ന (30) ജീവനെടുക്കിയ സംഭവത്തില് ഭര്ത്താവ് വടകര കുന്നുമ്മക്കരയിലെ തട്ടാര്കണ്ടി ഹബീബിന്റെ അമ്മാവന് ഹനീഫ അറസ്റ്റില്. ഇയാള് യുവതിയെ മര്ദിക്കാൻ ശ്രമിക്കുന്ന സിസിടിവി ദൃശ്യം പുറത്തുവന്ന സാഹചര്യത്തിലാണ് അറസ്റ്റ്. ഹബീബിന്റെ വീട്ടില് തിങ്കളാഴ്ച രാത്രിയിലാണ് ഷബ്ന തൂങ്ങിമരിച്ചത്. ഹബീബ് ഗള്ഫിലാണ്. അറസ്റ്റിലായ ഹനീഫയെ പോലീസ് ചോദ്യം ചെയ്തു. വൈദ്യ പരിശോധന പൂര്ത്തിയാക്കിയ ഇയാളെ ഇന്നുതന്നെ കോടതിയില് ഹാജരാക്കും. തൂങ്ങി മരിക്കുന്നതിന്റെ തൊട്ടുമുമ്പ് ഹനീഫ യുവതിയെ മര്ദിച്ചിരുന്നുവത്രെ. ഇതിനുശേഷം മുറിയില് പോയ ഷബ്ന പുറത്തേക്ക് വന്നില്ല. വീട്ടുകാര് തിരിഞ്ഞുേനാക്കിയതുമില്ല. ഭര്തൃമാതാവും ഭര്ത്താവിന്റെ സഹോദരിയും നിരന്തരം പീഡിപ്പിച്ചിരുന്നതായി പരാതിയുണ്ട്. പീഡനം സഹിക്കാനാവാതെ ഷബ്ന വീടുമാറാന് തീരുമാനിച്ചിരുന്നു. ഇതിനായി വിവാഹ സമയത്ത് നല്കിയ സ്വര്ണാഭരണങ്ങള് തിരികെ ചോദിക്കുകയും ചെയ്തിരുന്നു. ഇതിന്റെ പേരിലാണ് തിങ്കളാഴ്ച തര്ക്കം നടന്നത്. യുവതി അകത്തുകയറി വാതില്…
Read Moreആശുപത്രിയിൽ വീട്ടമ്മയെ വധിക്കാൻ ശ്രമം; മധ്യവയസ്കൻ പിടിയിൽ
മണര്കാട്: വീട്ടമ്മയെ കൊലപ്പെടുത്താന് ശ്രമിച്ച കേസില് മധ്യവയസ്കനെ പോലീസ് അറസ്റ്റ് ചെയ്തു. എറണാകുളം ചേരാനല്ലൂര് ഇടയക്കുന്നം കരിക്കത്തറ കെ.വി. ഷാജു (57) ആണ് അറസ്റ്റിലായത്. ആശുപത്രിയിൽ ചികിത്സയിലായിരുന്ന വീട്ടമ്മയെ കഴുത്തുഞെരിച്ച് കൊലപ്പെടുത്താൻ ശ്രമിച്ചെന്നാണ് കേസ്. ബുധനാഴ്ച ഉച്ചയ്ക്ക് വടവാതൂരില് പ്രവര്ത്തിക്കുന്ന ആശുപത്രിയിലായിരുന്നു സംഭവം. വിധവയായ വീട്ടമ്മയുമായി കുറച്ചുകാലം ഇയാൾ ഒരുമിച്ചു താമസിച്ചിരുന്നു. ആ സമയത്ത് ഇവര് തമ്മില് വഴക്കുണ്ടാവുകയും വീട്ടമ്മയെ കൊലപ്പെടുത്താന് ശ്രമിക്കുകയും ചെയ്തു. വീട്ടമ്മ നൽകിയ പരാതിയിൽ ഇയാള് ജയിലിലാവുകയും ചെയ്തിരുന്നു. ജാമ്യത്തിലിറങ്ങിയ ഇയാള് വീട്ടമ്മ ചികിത്സയ്ക്കായി ആശുപത്രിയില് അഡ്മിറ്റാണെന്നറിഞ്ഞ് ഇവിടെയെത്തി കഴുത്തുഞെരിച്ച് കൊലപ്പെടുത്താന് ശ്രമിക്കുകയായിരുന്നു. തുടര്ന്ന് ഇയാള് ആശുപത്രിയില്നിന്ന് കടന്നുകളഞ്ഞു. പരാതിയെത്തുടര്ന്ന് മണര്കാട് പോലീസ് പ്രതിയെ പിടികൂടുകയായിരുന്നു.
Read More