തിരുവനന്തപുരം: അഭിമന്യൂ വധക്കേസിലെ പ്രതികളെ പോലീസ് സഹായിക്കുന്നുവെന്ന് ആരോപിച്ച് എബിവിപി സെക്രട്ടറിയേറ്റിലേക്ക് നടത്തിയ മാർച്ചിൽ സംഘർഷം. മാർച്ച് പോലീസ് ബാരിക്കേഡ് ഉപയോഗിച്ച് തടഞ്ഞതിന് പിന്നാലെ പ്രവർത്തകർ പ്രകോപിതരായി. ബാരിക്കേഡ് മറിച്ചിടാൻ ശ്രമിച്ച പ്രവർത്തകർക്ക് നേരെ പോലീസ് ജലപീരങ്കി പ്രയോഗിച്ചു. പ്രവർത്തകരിൽ ചിലർക്ക് നേരിയ പരിക്കേറ്റു. പോലീസ് നടപടിയിൽ പ്രതിഷേധിച്ച് പ്രവർത്തകർ റോഡിൽ കുത്തിയിരുന്നു. അഭിമന്യൂ കൊലക്കേസിലെ പ്രതികളായ എസ്ഡിപിഐ പ്രവർത്തകർക്ക് പോലീസ് സംരക്ഷണം ഒരുക്കുകയാണെന്നായിരുന്നു എബിവിപിയുടെ ആക്ഷേപം. കേസിലെ മുഖ്യപ്രതികളെ എത്രയും വേഗം പിടികൂടണമെന്നും എസ്ഡിപിഐ എന്ന ഭീകര സംഘടനയെ നിരോധിക്കണമെന്നും എബിവിപി ആവശ്യപ്പെട്ടു.
Read MoreCategory: TVM
മന്ത്രിസഭാ പുനഃസംഘടന അജണ്ടയിലില്ല; സഹകരിച്ചു നിൽക്കുന്നവരെ എങ്ങനെ പ്രായോഗികമായി സഹകരിപ്പിക്കാമെന്നതാണ് ആലോചനയെന്ന് കോടിയേരി
തിരുവനന്തപുരം: സംസ്ഥാന മന്ത്രിസഭയിൽ പുനഃസംഘടന ഉണ്ടാവില്ലെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ. വ്യാഴാഴ്ച തുടങ്ങുന്ന മുന്നണി നേതൃയോഗങ്ങളിൽ ഇക്കാര്യങ്ങൾ ചർച്ചയാകില്ലെന്നും അദ്ദേഹം പറഞ്ഞു. മുന്നണിയുമായി സഹകരിച്ചു നിൽക്കുന്നവരെ എങ്ങനെ പ്രായോഗികമായി സഹകരിപ്പിക്കാമെന്ന് ആലോചിപ്പിക്കുമെന്നും കോടിയേരി വ്യക്തമാക്കി.
Read Moreസംസ്ഥാനത്ത് അതിതീവ്ര മഴയ്ക്ക് സാധ്യത; മധ്യകേരളത്തിൽ നാലാം ദിവസവും ശക്തമായ മഴ തുടരുന്നു
തിരുവനന്തപുരം: മധ്യകേരളത്തിൽ നാലാം ദിവസവും ശക്തമായ മഴ തുടരുന്നു. സംസ്ഥാനത്ത് വെള്ളിയാഴ്ച വരെ അതിതീവ്ര മഴയ്ക്ക് സാധ്യതയുണ്ടെന്ന് കാലാവസ്ഥാപഠന കേന്ദ്രം മുന്നറിയിപ്പ് നൽകി. മണിക്കൂറിൽ 60 കിലോമീറ്റർ വേഗത്തിൽ വരെ കാറ്റുവീശാനും സാധ്യതയുണ്ടെന്നാണ് മുന്നറിയിപ്പ്.
Read Moreപിണറായി വിജയന് തിണ്ണ മിടുക്കു മാത്രം; കേന്ദ്ര സർക്കാരിന് കേരളത്തോട് ചിറ്റമ്മനയവുമെന്ന് ചെന്നിത്തല
തിരുവനന്തപുരം: കേന്ദ്ര സർക്കാരിന് കേരളത്തോട് ചിറ്റമ്മനയമെന്ന് പ്രതിപക്ഷ നേതാവ് രമേശ് ചെന്നിത്തല. കേന്ദ്രത്തോട് ഒന്നും ചോദിച്ച് വാങ്ങാൻ സംസ്ഥാന സർക്കാരിനായിട്ടില്ലെന്നും ചെന്നിത്തല പറഞ്ഞു. മുഖ്യമന്ത്രി പിണറായി വിജയന് തിണ്ണ മിടുക്കു മാത്രമെന്നും അദ്ദേഹം പരിഹസിച്ചു. സായിപ്പിനെ കാണുമ്പോൾ കവാത്ത് മറക്കുന്നതു പോലെ മോദിയെ കാണുമ്പോൾ പിണറായി എല്ലാ മറക്കുന്നുവെന്നും ചെന്നിത്തല വിമർശിച്ചു.
Read Moreതരൂരിന്റെ ഓഫീസ് ആക്രമിച്ചത് പ്രതിഷേധാർഹം; സംഘപരിവാർ സംഘടനകൾ രാജ്യവ്യാപകമായി കാണിക്കുന്ന അസഹിഷ്ണുതയുടെ തുടർച്ചയെന്ന് എം.ബി.രാജേഷ്
തിരുവനന്തപുരം: ശശി തരൂർ എംപിയുടെ തിരുവനന്തപുരത്തെ ഓഫീസിനുളളിൽ യുവമോർച്ച പ്രവർത്തകർ കരി ഓയിൽ ഒഴിച്ചതിനെതിരേ എം.ബി.രാജേഷ് എംപി രംഗത്ത്. സംഘപരിവാർ സംഘടനകൾ രാജ്യവ്യാപകമായി കാണിക്കുന്ന അസഹിഷ്ണുതയുടെ തുടർച്ചയാണ് കേരളത്തിലെ സംഭവമെന്നും തരൂരിന്റെ ഓഫീസിനെതിരായ അക്രമം പ്രതിഷേധാർഹമാണെന്നും രാജേഷ് പറഞ്ഞു. കഴിഞ്ഞ ദിവസമാണ് ഹിന്ദു പാക്കിസ്ഥാൻ പരാമർശത്തിന്റെ പേരിൽ തരൂരിന്റെ ഓഫീസിന് നേരെ യുവമോർച്ച ആക്രമണം നടത്തിയത്. ഓഫീസിന് മുന്നിലും തരൂരിന്റെ ചിത്രം പതിച്ച ബോർഡിലും പ്രവർത്തകർ കരി ഓയിൽ ഒഴിക്കുകയായിരുന്നു. തരൂർ രാജിവയ്ക്കണമെന്ന് ആവശ്യപ്പെട്ടായിരുന്നു പ്രതിഷേധം.
Read Moreവെള്ളിയാഴ്ച വരെ മഴ തുടരും; ന്യൂനമര്ദ്ദം വീണ്ടും രൂപപ്പെടാൻ സാധ്യതയെന്ന് കാലാവസ്ഥാ നിരീക്ഷകര്
തിരുവനന്തപുരം: 20 വരെ മഴ തുടരുമെന്ന് കാലാവസ്ഥാ കേന്ദ്രം. മല്സ്യത്തൊഴിലാളികള് കടലില് പോകരുതെന്ന് അധികൃതർ മുന്നറിയിപ്പ് നൽകിയിട്ടുണ്ട്. കൂടാതെ ഇപ്പോൾ സംസ്ഥാനത്തിന്റെ പല ഭാഗങ്ങളിലും മഴ കുറഞ്ഞു നിൽക്കുന്നുണ്ടെങ്കിലും 19ന് വീണ്ടും ന്യൂനമര്ദ്ദം രൂപപ്പെടുമെന്നാണ് കാലവസ്ഥാ നിരീക്ഷകര് പറയുന്നത്. അത് വീണ്ടും കനത്ത മഴയ്ക്ക് ഇടയാക്കും. ഒഡീഷ തീരത്തു ബംഗാൾ ഉൾക്കടലിൽ രൂപംകൊണ്ട ന്യൂനമർദത്തെ തുടർന്നുണ്ടായ ശക്തമായ പടിഞ്ഞാറൻ കാറ്റാണു കേരളത്തിലെ കനത്ത മഴയ്ക്ക് കാരണം. സംസ്ഥാനത്ത് ഇതുവരെ 16 ശതമാനം അധികമഴയാണ് ഇതിനോടകം ലഭിച്ചത്.
Read Moreമഴ ശക്തമായി തുടരും; 70 കിലോമീറ്റർ വേഗത്തിൽ കാറ്റുവീശും; മത്സ്യബന്ധനത്തിന് പോകരുതെന്ന് മുന്നറിയിപ്പുമായി കാലാവസ്ഥാ നിരീക്ഷണകേന്ദ്രം
തിരുവനന്തപുരം: സംസ്ഥാനത്ത് മഴ ശക്തമായിതന്നെ തുടരുമെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. ബുധനാഴ്ച രാവിലെ വരെ വ്യാപകമായി മഴ പെയ്യും. തെക്കുപടിഞ്ഞാറൻ കാലവർഷം തിങ്കളാഴ്ച അതിശക്തമായിരുന്നു. വ്യാപകമായി മഴ പെയ്തു. അടുത്ത 24 മണിക്കൂറിനുള്ളിൽ കേരളത്തിൽ ഒറ്റപ്പെട്ട സ്ഥലങ്ങളിൽ അത്യന്തം കനത്തമഴയ്ക്കു സാധ്യതയുണ്ട്. വ്യാഴാഴ്ച രാവിലെ വരെ ഒറ്റപ്പെട്ട സ്ഥലങ്ങളിൽ കനത്ത മഴയ്ക്കു സാധ്യതുണ്ടെന്നും കാലാവസ്ഥാ നിരീക്ഷണകേന്ദ്രം അറിയിച്ചു. അടുത്ത 24 മണിക്കൂറിനുള്ളിൽ കേരളതീരത്ത് പടിഞ്ഞാറൻ കാറ്റിന്റെ വേഗം ചില അവസരങ്ങളിൽ മണിക്കൂറിൽ 70 കിലോമീറ്റർ വരെ ആകാൻ സാധ്യതയുള്ളതിനാൽ മീൻപിടുത്തക്കാർ ജാഗ്രത പാലിക്കണം. കേരളതീരത്തും അറബിക്കടലിന്റെ തെക്കുപടിഞ്ഞാറൻ, മധ്യ, വടക്കൻ ഭാഗങ്ങളിൽ കടൽ പ്രക്ഷുബ്ധമായിരിക്കാൻ സാധ്യതയുള്ളതിനാൽ മീൻപിടുത്തക്കാർ ഈ ഭാഗങ്ങളിൽ മത്സ്യബന്ധനത്തിനായി പോകരുതെന്നും മുന്നറിയിപ്പിൽ പറയുന്നു.
Read Moreവാഹനമിടിച്ച് തിരുവനന്തപുരം സ്വദേശി മരിച്ച സംഭവം: കാർ കസ്റ്റഡിയിൽ; അപകടം ഉണ്ടാക്കിയത് തന്റെ കാർ അല്ലെന്ന് ഉടമ; മൊബൈയിൽ ലൊക്കേഷൻ പരിശോധിക്കുമെന്ന് പോലീസ്
പരിയാരം: തിരുവനന്തപുരം സ്വദേശി പിലാത്തറ ചുമടുതാങ്ങിയില് വാഹനമിടിച്ച് മരിച്ച സംഭവത്തില് അപകടത്തിനിടയാക്കിയെന്ന് സംശയിക്കുന്ന മാരുതി റിസ്റ്റ് കാര് പരിയാരം മെഡിക്കല് കോളജ് പോലീസ് കസ്റ്റഡിയിലെടുത്തു. കാറിന് ചില കേടുപാടുകള് കണ്ടെങ്കിലും ചോദ്യം ചെയ്യലില് താന് അതുവഴി പോയിട്ടില്ലെന്നാണ് കാറുടമ പോലീസിനോട് പറഞ്ഞത്. ഇയാളുടെ മൊബൈല് ടവര് ലൊക്കേഷന് സൈബര്സെല് വഴി പരിശോധിക്കുമെന്ന് പരിയാരം എസ്ഐ വി.ആര്.വിനീഷ് പറഞ്ഞു. മറ്റൊരു വാഹനവും പോലീസ് കസ്റ്റഡിയിലെടുത്തതായി സൂചനയുണ്ട്. നെയ്യാറ്റിന്കര ഉദയന്കുളങ്ങരയിലെ ശേഖരന്നായർ-കൃഷ്ണമ്മ ദമ്പതികളുടെ മകന് എസ്.ഹരികുമാര്(42)ആണ് അപകടത്തില് മരിച്ചത്. പാപ്പിനിശേരി-പിലാത്തറ കെഎസ്ടിപി റോഡില് പിലാത്തറ ചുമടുതാങ്ങിയില് വെള്ളിയാഴ്ച്ച രാത്രി ഒന്പതരക്കായിരുന്നു അപകടം. ചുമടുതാങ്ങിയിലെ പവിഴം സിമന്റ് ഡിസൈന് വര്ക്സ് ഉടമയായ ഹരികുമാര് 25 വര്ഷമായി ഇവിടെ ജോലിക്കാരോടൊപ്പം വാടകക്വാര്ട്ടേഴ്സില് താമസിച്ചുവരികയായിരുന്നു. രാത്രി പാര്സല് ഭക്ഷണം വാങ്ങി റോഡരികിലൂടെ നടന്നുപോകവെയാണ് ഹരികുമാറിനെ അജ്ഞാതവാഹനം ഇടിച്ചത്. തെരുവ് വിളക്കുകളില്ലാത്ത സ്ഥലമായതിനാല് റോഡില് വീണുകിടക്കുന്നത്…
Read Moreവക്കം ഷബീർ വധം; വിദേശത്തേക്ക് കടന്ന പ്രതി രണ്ട് വർഷത്തിന് ശേഷം തിരികെ നാട്ടിലേക്ക് വരാൻ മുംബൈ എയർപോട്ടിലെത്തിയപ്പോഴാണ് അറസ്റ്റിലായത്
ആറ്റിങ്ങൽ: വക്കം ഷബീർ വധക്കേസിലെ ഏഴാം പ്രതിയെ അറസ്റ്റു ചെയ്തു .വക്കം രാമർ വിളാകത്ത് വിഷ്ണു(27) ആണ് പിടിയിലായത്.സംഭവത്തിന് ശേഷം വിദേശത്തേക്ക് കടന്ന വിഷ്ണു കഴിഞ്ഞദിവസം മുംബയ് സഹർ എയർപോർട്ടിലെ എമിഗ്രേഷൻ വിഭാഗം ഉദ്യോഗസ്ഥർ പിടികൂടിയിരുന്നു.തുടർന്ന് കടയ്ക്കാവൂർ സി.ഐ ജി.ബി. മുകേഷിന്റെ നേതൃത്വത്തിലുള്ള സംഘത്തിന് കൈമാറി. 2016 ജനുവരി 31നായിരുന്നു സംഭവം.ഇതോടെ ഈ വധക്കേസ്സിലെ മുഴുവൻ പേരേയും അറസ്റ്റു ചെയ്തു. ഏഴ് പേരിൽ ഒരാൾ വിചാരണയ്ക്കിടെ ആത്മഹത്യ ചെയ്തിരുന്നു. ഒരാളെ വെറുതെവിട്ടു.
Read Moreസംസ്ഥാനത്ത് കനത്ത മഴ തുടരുന്നു; വ്യാപകനാശം; ബുധനാഴ്ച വരെ മഴ തുടരുമെന്ന് കാലവസ്ഥാ നിരീക്ഷണ കേന്ദ്രം
തിരുവനന്തപുരം: സംസ്ഥാനത്ത് കനത്ത മഴ തുടരുന്നു. ബുധനാഴ്ച വരെ മഴ തുടരുമെന്നാണ് കാലവസ്ഥാ നിരീക്ഷണ കേന്ദ്രം നല്കുന്ന മുന്നറിയിപ്പ്. കേരളാ, ലക്ഷദ്വീപ് തീരങ്ങളിൽ മണിക്കൂറിൽ 70 കിലോമീറ്റർ വേഗത്തിൽ കാറ്റ് വീശാൻ സാധ്യതയുണ്ട്. അതിനാൽ മത്സ്യത്തൊഴിലാളികൾ കടലിൽ പോകരുതെന്ന് നിർദേശം നൽകിയിട്ടുണ്ട്. തിരുവനന്തപുരം, കൊല്ലം, ആലപ്പുഴ, എറണാകുളം. തൃശൂർ, മലപ്പുറം, കോഴിക്കോട് ജില്ലകളിൽ രൂക്ഷമായ കടലാക്രമണത്തിലും വ്യാപക നാശമുണ്ട്. എറാണാകുളം ജില്ലയിലെ കിഴക്കൻ മേഖലയിലെ ആദിവാസി ഊരുകൾ ഒറ്റപ്പെട്ടു. മലപ്പുറം ചങ്ങരംകുളത്തും പൊന്നാനിയിലും ശക്തമായ കാറ്റിൽ വ്യാപക കൃഷിനാശമുണ്ടായി. മരങ്ങൾ പിഴുതുവീണതിനെത്തുടർന്നു റോഡ് ഗതാഗതവും പലേടത്തും തടസപ്പെട്ടു. കോട്ടയം ജില്ലയിലെ പടിഞ്ഞാറൻ പ്രദേശങ്ങളും വെള്ളപ്പൊക്ക ഭീഷണിയിലാണ്. മീനച്ചിലാർ കരകവിഞ്ഞതിനെ തുടർന്നു പാലാ-ഈരാറ്റുപേട്ട റോഡിൽ ഗതാഗതം നിരോധിച്ചു. പലയിടങ്ങളിലും ട്രെയിനുകൾ നാല് മണിക്കൂർ വരെ വൈകിയാണ് ഓടുന്നത്. സ്റ്റേഷനുകളിൽ ട്രെയിനുകൾ പിടിച്ചിട്ടിരിക്കുകയാണ്. അതിനിടെ ചന്തിരൂരില് ഓടിക്കൊണ്ടിരുന്ന മംഗലാപുരം-കൊച്ചുവേളി അന്ത്യോദയ…
Read More