തിരുവനന്തപുരം: മുഖ്യമന്ത്രി പിണറായി വിജയൻ മാധ്യമപ്രവർത്തകരെ ആട്ടിപ്പുറത്താക്കിയ സംഭവം മനപൂർവമായിരുന്നില്ലെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ. പ്രവേശനം ഇല്ലാത്ത സ്ഥലത്ത് മാധ്യമങ്ങള് വന്നതിലുള്ള സ്വാഭാവിക പ്രതികരണം മാത്രമാണെന്നും കോടിയേരി. തിരുവനന്തപുരത്ത് നടന്ന പാർട്ടി സെക്രട്ടറിയേറ്റ് യോഗത്തിലെ റിപ്പോർട്ടിംഗിലാണ് അദ്ദേഹം ഇക്കാര്യം വിശദീകരിച്ചത്. മസ്കറ്റ് ഹോട്ടലിൽ മുഖ്യമന്ത്രിയുടെ അധ്യക്ഷതയിൽ ചേർന്ന സിപിഎം -ബിജെപി നേതാക്കളുടെ സമാധാന യോഗത്തിനു മുന്നോടിയായി ദൃശ്യങ്ങൾ പകർത്താ നെത്തിയ മാധ്യമപ്രവർത്തകരോടാണ് ‘കടക്കൂ പുറത്ത്’ എന്നു മുഖ്യമന്ത്രി ആക്രോശിച്ചത്. നിങ്ങളെയൊക്കെ (മാധ്യമ പ്രവർത്തകരെ) ആരാ ഇവിടേക്കു വി ളിച്ചതെന്നും അദ്ദേഹം ചോദിച്ചു. തലസ്ഥാനത്തെ രാഷ്ട്രീയ സംഘർഷങ്ങൾക്ക് അറുതി വരുത്താനായിരുന്നു ബിജെപി – ആർഎസ്എസ് നേതാക്കളുമായി മസ്കറ്റ് ഹോട്ടലിൽ മുഖ്യമന്ത്രി ചർച്ച നടത്തിയത്.
Read MoreCategory: TVM
പണിയെടുത്തില്ലേൽ പണിതരും..! കെഎസ്ആർടിസി പണിമുടക്കിൽ പങ്കെടുത്ത ഒരുകൂട്ടം ജീവനക്കാരെ സ്ഥലംമാറ്റി; മാനേജ്മെന്റിന്റെ പ്രതികാര നടപടിയെന്ന് യൂണിയനുകൾ
തിരുവനന്തപുരം: കെഎസ്ആർടിസി പണിമുടക്കിൽ പങ്കെടുത്ത ഒരുകൂട്ടം ജീവനക്കാർക്ക് സ്ഥലംമാറ്റം. 137 ജീവനക്കാരെയാണ് ദൂരെ സ്ഥലങ്ങളിലേക്ക് സ്ഥലം മാറ്റിയത്. ബുധനാഴ്ചത്തെ പണിമുടക്കിൽ സർവീസ് മുടങ്ങിയ ഡിപ്പോകളിലെ ജീവനക്കാരെയാണ് മാറ്റിയത്. അതേസമയം, സ്ഥലംമാറ്റം മാനേജ്മെന്റിന്റെ പ്രതികാര നടപടിയാണെന്ന് എഐടിയുസി ആരോപിച്ചു.
Read Moreഅയാൾ എഴുതുകയാണ്..! മദനിയുടെ യാത്രാ കാര്യത്തിൽ കർണാടക മുഖ്യമന്ത്രിക്ക് കത്ത് അയക്കാമെന്ന് മുഖ്യമന്ത്രി ഉറപ്പ് നൽകി; പ്രൈവറ്റ് സെക്രട്ടറി ജയരാജന് ഒരു നിവേദനം നൽകാൻ നിർദേശിച്ചതായി പൂന്തുറ സിറാജ്
തിരുവനന്തപുരം: ബാംഗ്ലൂർ സ്ഫോടനക്കേസിൽ വിചാരണ തടവുകാരനായി കഴിയുന്ന പിഡിപി ചെയർമാൻ അബ്ദുൾ നാസർ മദനിയുടെ യാത്ര സംബന്ധിച്ച് കർണാടക മുഖ്യമന്ത്രിക്ക് കത്ത് അയക്കുമെന്ന് കേരള മുഖ്യമന്ത്രി പിണറായി വിജയൻ ഉറപ്പ് നൽകിയെന്ന് പിഡിപി നേതാവ് പൂന്തുറ സിറാജ്. കർണാടക സർക്കാരിൽ നിന്നും മറുപടി ലഭിച്ച ശേഷം വേണ്ട കാര്യങ്ങൾ ചെയ്യാമെന്ന് അദ്ദേഹം അറിയിച്ചുവെന്ന് സിറാജ് മാധ്യമപ്രവർത്തകരോട് പറഞ്ഞു. അബ്ദുൾ നാസർ മദനിയുടെ കേരള യാത്രയ്ക്ക് വേണ്ട സുരക്ഷാ ചെലവ് കുറയ്ക്കണമെന്നാവശ്യപ്പെട്ട് പിഡിപി നേതാക്കൾ മുഖ്യമന്ത്രിയുടെ ഓഫീസിലെത്തി നിവേദനം നൽകിയ ശേഷം മാധ്യമങ്ങളോട് ഈ കാര്യം അറിയിക്കുകയായിരുന്നു. മുഖ്യമന്ത്രി ഫോണിലൂടെ ഉറപ്പ് നൽകിയെന്നും നിവേദനം പ്രൈവറ്റ് സെക്രട്ടറി എം.വി.ജയരാജന് നൽകാൻ നിർദേശിച്ചുവെന്നും സിറാജ് പറഞ്ഞു.
Read Moreഅണികളുടെ രോക്ഷം കെട്ടടങ്ങിയില്ല..! സമാധാന യോഗം കൂടിയിട്ടും സമാധാനമില്ല; കാട്ടാക്കടയിൽ സിപിഎം നേതാവിന്റെ വീടിനു നേരെ ബോംബേറ്; ആക്രമണത്തിൽ ആർക്കും പരിക്കില്ല
കാട്ടാക്കട: നിരോധനാജ്ഞ നിലനിൽക്കുന്ന കാട്ടാക്കടയിൽ വീണ്ടും അക്രമം തലപൊക്കി. സിഐടിയു ഏരിയാ സെക്രട്ടറിയും സിപിഎം കാട്ടാക്കട ലോക്കൽ കമ്മിറ്റി അംഗവുമായ എം.ഫ്രാൻസിസിന്റെ വീട്ടിനു നേരെ കഴിഞ്ഞ രാത്രി നാടൻ ബോംബെറിഞ്ഞു. ആക്രമണത്തിൽ ആർക്കും പരിക്കില്ല. കാട്ടാക്കട മൊളിയൂർ ക്ഷേത്ര റോഡിൽ ക്യഷിഭവന് സമീപമാണ് ഫ്രാൻസിന്റെ വീട്. അർധരാത്രി പന്ത്രണ്ടോടെ വീടിന്റെ മുൻ വശത്ത് എന്തോ സാധനം വീണതായി വീട്ടുകാർ ശബ്ദം കേട്ടു. തുടർന്ന് പൊട്ടിത്തെറിക്കുകയായിരുന്നു. സംഭവമറിഞ്ഞ് കാട്ടാക്കട പോലീസ് സ്ഥലത്തെത്തി അന്വേഷണം തുടങ്ങി. ഇന്ന് സയന്റിഫിക് വിദഗ്ധർ സ്ഥലത്തെത്തി പരിശോധന നടത്തും. കഴിഞ്ഞ മാസം 25 മുതലാണ് കാട്ടാക്കടയിൽ പ്രശ്നങ്ങൾ തുടങ്ങിയത്. ഇരു പാർട്ടിയുടെയും ഓഫീസുകൾ തകർത്തിരുന്നു. തുടർന്ന് ജില്ലയുടെ വിവിധ ഭാഗങ്ങളിൽ അക്രമം അരങ്ങേറുകയും ശ്രീകാര്യത്ത് ആർഎസ്എസ് പ്രവർത്തകനെ ഒരു സംഘം വെട്ടിക്കൊലപ്പെടുത്തുകയും ചെയ്തിരുന്നു. സംഘർഷം കണക്കിലെടുത്ത് നിരോധനാജ്ഞ പ്രദേശത്ത് നിലനിൽക്കുന്പോഴാണ് വീണ്ടും അക്രമമുണ്ടാകുന്നത്. ബൈക്കിലെത്തിയ…
Read Moreഎല്ലാം ശരിയാക്കി കൊടുത്ത്..! ചിത്രയോട് സർക്കാർ കനിഞ്ഞു: പരിശീലനത്തിനു മാസംതോറും 25,000 രൂപയുടെ സഹായം; ആവശ്യമായ എല്ലാ സഹായങ്ങളും നൽക്കുമെന്നു കായിക മന്ത്രി
തിരുവനന്തപുരം: അത്ലറ്റ് പി.യു. ചിത്രയ്ക്കു സർക്കാർ ധനസഹായം. പരിശീലനത്തിനായി ചിത്രയ്ക്കു പ്രതിമാസം 25,000 രൂപ വീതം നൽകാൻ ഇന്നു ചേർന്ന മന്ത്രിസഭാ യോഗം തീരുമാനിച്ചു. മാസം 10,000 രൂപയും ദിവസം 500 രൂപയുമാണ് പരിശീലനത്തിനായി നൽകുക. തനിക്കൊരു ജോലി വേണമെന്ന് ചിത്രയുടെ ആവശ്യത്തെ തുടർന്നായിരുന്നു സർക്കാർ ഇത്തരമൊരു തീരുമാനം കൈക്കൊണ്ടത്. ഭുവനേശ്വറിൽ നടന്ന ഏഷ്യൻ അത്ലറ്റിക് ചാന്പ്യൻഷിൽ 1,500 മീറ്റർ ഓട്ടത്തിൽ ചിത്ര സ്വർണം നേടിയിരുന്നു. എന്നാൽ ലണ്ടനിൽ നടക്കുന്ന ലോക ചാന്പ്യൻഷിപ്പിനുള്ള ഇന്ത്യൻ ടീമിൽ അത്ലറ്റിക് ഫെഡറേഷൻ ചിത്രയുടെ പേര് ഒഴിവാക്കിയിരുന്നു. ഇത് വലിയ വിവാദങ്ങൾക്കു ഇടയായി. ചിത്രയെ ഒഴിവാക്കിയ ഫെഡറേഷന്റെ നടപടിക്കെതിരെ മുഖ്യമന്ത്രി ഉൾപ്പെടെയുള്ളവർ രംഗത്ത് എത്തിയിരുന്നു. ചിത്രയുടെ പരിശീലനത്തിനു ആവശ്യമായ എല്ലാ സഹായങ്ങളും സർക്കാർ നൽക്കുമെന്നു കായിക മന്ത്രി എ.സി. മൊയ്തീനും അറിയിച്ചിരുന്നു.
Read Moreദേ പിന്നെയും മാറ്റി..! സ്ത്രീപീഡനക്കേസില് ആരോപണവിധേയനായ വിന്സെന്റ് എംഎല്എ യുടെ ജാമ്യാപേക്ഷ പരിഗണിക്കുന്നത് ജില്ലാ സെഷൻസ് കോടതി നാളത്തേക്ക് മാറ്റി
നെയ്യാറ്റിന്കര: സ്ത്രീപീഡനക്കേസില് ആരോപണവിധേയനായി റിമാന്ഡില് കഴിയുന്ന അഡ്വ. എം. വിന്സെന്റ് എംഎല്എ യുടെ ജാമ്യാപേക്ഷ പരിഗണിക്കുന്നത് തിരുവനന്തപുരം ജില്ല സെഷന്സ് കോടതി നാളത്തേക്ക് മാറ്റി. ഇക്കഴിഞ്ഞ 22 നാണ് ബാലരാമപുരം സ്വദേശിനിയായ വീട്ടമ്മയുടെ പരാതിയിന്മേല് പ്രത്യേക അന്വേഷണ സംഘം വിന്സെന്റ് എംഎല്എ യെ അറസ്റ്റ് ചെയ്തത്. നെയ്യാറ്റിന്കര ഫസ്റ്റ് ക്ലാസ് ജുഡീഷ്യല് മജിസ്ട്രേറ്റ് കോടതിയില് വിന്സെന്റ് ജാമ്യഹര്ജി നല്കിയെങ്കിലും തള്ളിക്കളഞ്ഞു. അതിനിടെ നെയ്യാറ്റിന്കര സ്പെഷല് സബ് ജയിലില് റിമാന്ഡില് കഴിയുന്ന വിന്സെന്റിന് പിന്തുണ അറിയിച്ച് സോഷ്യല് മീഡിയയില് ശക്തമായ പ്രചാരണം തുടരുന്നു. കോവളം കൊട്ടാരവുമായി ബന്ധപ്പെട്ട സര്ക്കാര് നടപടിയില് വിന്സെന്റിന്റെ നേതൃത്വത്തില് ഉയരാനിടയുണ്ടായിരുന്ന പ്രതിഷേധം മുന്നില് കണ്ട് തയാറാക്കിയ രാഷ്ട്രീയ ഗൂഢാലോചനയാണെന്ന ആരോപണവും കോണ്ഗ്രസ് നേതാക്കളും പ്രവര്ത്തകരും പ്രചരിപ്പിക്കുന്നുണ്ട്. കെപിസിസി പ്രസിഡന്റ് അടക്കമുള്ള നേതാക്കളും നിരവധി പ്രവര്ത്തകരും അദ്ദേഹത്തെ ജയിലില് സന്ദര്ശിച്ചു. ബാലരാമപുരത്ത് പനയത്തേരിയില് ബിവറേജ്സ് ഔട്ട്…
Read Moreഎന്നെ കാത്തു നിൽക്കേണ്ട..! ഡ്യൂട്ടി പരിഷ്കരണത്തിൽ പ്രതിഷേധിച്ച് ഇന്നു അർധരാത്രി മുതൽ ഒരു വിഭാഗം കെഎസ്ആർടിസി ജീവനക്കാർ പണിമുടക്കും; 24 മണിക്കൂറാണ് സമരം
തിരുവനന്തപുരം: ഒരു വിഭാഗം കെഎസ്ആർടിസി ജീവനക്കാർ നാളെ പണിമുടക്കും. കേരള സ്റ്റേറ്റ് ട്രാൻസ്പോർട്ട് എംപ്ലോയീസ് യൂണിയനാണ്(എഐടിയുസി) പണിമുടക്കിന് ആഹ്വാനം ചെയ്തിരിക്കുന്നത്. കേരള സ്റ്റേറ്റ് ട്രാൻസ്പോർട്ട് എംപ്ലോയീസ് സംഘവും പണിമുടക്കിന് പിന്തുണ അറിയിച്ചിട്ടുണ്ട്. 24 മണിക്കൂർ പണിമുടക്ക് ഇന്ന് അർധരാത്രി ആരംഭിക്കും. ശന്പളവും പെൻഷനും മുടങ്ങുന്നതിൽ പ്രതിഷേധിച്ചും ഡ്യൂട്ടി പരിഷ്കരണത്തിനെതിരേയുമാണ് പണിമുടക്ക്.
Read Moreമൗനിയായി നടന്നു നീങ്ങി..! സമാധാന ചർച്ച റിപ്പോർട്ട് ചെയ്യാനെത്തിയ മാധ്യമപ്രവർത്തകരോട് “കടക്ക് പുറത്ത്’ എന്ന് പറഞ്ഞത് എന്തിനാണെന്ന ചോദ്യത്തിന് പ്രതികരിക്കാതെ മുഖ്യമന്ത്രി
തിരുവനന്തപുരം: സമാധാന ചർച്ച റിപ്പോർട്ട് ചെയ്യാനെത്തിയ മാധ്യമപ്രവർത്തകരോട് കയർത്തത് എന്തിനാണെന്ന ചോദ്യത്തോട് ഒന്നും പ്രതികരിക്കാതെ മുഖ്യമന്ത്രി. രാവിലെ മസ്കറ്റ് ഹോട്ടലിൽ എത്തിയ മാധ്യമപ്രവർത്തകരോട് “കടക്ക് പുറത്ത്’ എന്ന് പറഞ്ഞത് എന്തിനാണെന്നായിരുന്നു മാധ്യമപ്രവർത്തകരുടെ ചോദ്യം. ഇതിനോട് ഒരു തരത്തിലും പ്രതികരിക്കാതെ മൗനിയായി മുഖ്യമന്ത്രി നടന്നു നീങ്ങുകയായിരുന്നു. ഇന്ന് രാവിലെ ഒൻപതരയോടെയാണ് സമാധാന ചർച്ച റിപ്പോർട്ട് ചെയ്യാനെത്തിയ മാധ്യമപ്രവർത്തകരോടാണ് കടക്ക് പുറത്ത് എന്ന് ആക്രോശിച്ചുകൊണ്ട് മുഖ്യമന്ത്രി രോഷാകുലനായത്. സമാധാന ചർച്ചയിൽ പങ്കെടുക്കാൻ മുഖ്യമന്ത്രിയും സിപിഎം സംസ്ഥാന സെക്രട്ടറി കോടിയേരി ബാലകൃഷ്ണനും ഒരുമിച്ചാണ് എത്തിയത്. ബിജെപി സംസ്ഥാന പ്രസിഡന്റ് കുമ്മനം രാജശേഖരൻ, ആർഎസ്എസ് പ്രാന്തപ്രചാരക് പി.ഗോപാലൻകുട്ടി മാസ്റ്റർ, ആർഎസ്എസ് ദക്ഷിണ മേഖല ഭാരവാഹി പ്രസാദ് ബാബു, ഒ.രാജഗോപാൽ എംഎൽഎ എന്നിവരാണ് ചർച്ചയിൽ പങ്കെടുക്കാൻ ആദ്യം എത്തിയത്. ഇവരുടെ ദൃശ്യങ്ങൾ പകർത്തുകയും മുഖ്യമന്ത്രിയും കോടിയേരിയും എത്തുന്ന ദൃശ്യങ്ങൾ പകർത്തുകയും ചെയ്യുന്നതിനിടെയായിരുന്നു മുഖ്യമന്ത്രിയുടെ ആക്രോശം.
Read Moreഅണികളെ കൊലപാതകത്തിന് പറഞ്ഞ് വിട്ടശേഷം സമാധാന ചർച്ച നടത്തുന്ന മുഖ്യമന്ത്രിയുടെ നടപടി അപഹാസ്യം; മാധ്യമ പ്രവർത്തകരെ ആട്ടിയോടിച്ചതിനു പിന്നിൽ രഹസ്യ അജണ്ടയെന്ന് രമേശ് ചെന്നിത്തല
തിരുവനന്തപുരം: സ്വന്തം പാർട്ടി അണികളെ കൊലപാതകം നടത്താൻ പറഞ്ഞുവിട്ടതിന് ശേഷം സമാധാന ചർച്ച നടത്തുന്ന മുഖ്യമന്ത്രി പിണറായി വിജയന്റെ നടപടി അപഹാസ്യമാണെന്ന് പ്രതിപക്ഷ നേതാവ് രമേശ് ചെന്നിത്തല. കെപിസിസി ആസ്ഥാനത്ത് സംഘടിപ്പിച്ച പ്രാർത്ഥനാ യജ്ഞത്തിൽ പങ്കെടുത്ത് സംസാരിക്കുകയായിരുന്നു അദ്ദേഹം. സമാധാന ചർച്ച റിപ്പോർട്ട് ചെയ്യാനെത്തിയ മാധ്യമ പ്രവർത്തകരെ ആട്ടിയോടിച്ച മുഖ്യമന്ത്രിയുടെ നടപടിക്ക് പിന്നിൽ രഹസ്യ അജണ്ടയുണ്ടെന്ന് ചെന്നിത്തല പറഞ്ഞു. സിപിഎമ്മിന് ബിജെപിയുമായി അവിശുദ്ധ കൂട്ടുകെട്ടുണ്ടെന്ന് ചെന്നിത്തല പറഞ്ഞു. കുമ്മനത്തെ തിരുത്താൻ കേന്ദ്ര നേതൃത്വം തയാറാകണം. തന്റെ ഉപവാസത്തെ പരിഹസിച്ച കോടിയേരി ബാലകൃഷ്ണന് മറുപടിയായി ചെന്നിത്തല പ്രതികരിച്ചു. ബോംബ് നിർമ്മിക്കുന്നവർക്ക് ഉപവാസത്തിന്റെ പ്രാധാന്യം മനസിലാകില്ലെന്നും ചെന്നിത്തല വ്യക്തമാക്കി. കെപിസിസിയുടെ പ്രാർത്ഥനാ യജ്ഞത്തിൽ കെപിസിസി പ്രസിഡന്റ് എം.എം.ഹസൻ, ഡിസിസി ഭാരവാഹികൾ ഉൾപ്പെടെ നൂറോളം കോണ്ഗ്രസ് നേതാക്കളും പ്രവർത്തകരും പങ്കെടുത്തു. രാജ്ഭവൻ മാർച്ചും പാളയം രക്തസാക്ഷി മണ്ഡപത്തിന് സമീപം പ്രാർത്ഥന യോഗവും…
Read Moreകാണേണ്ടവർ കാണാതെ പോവരുത്..! വയോധികയും കുടുംബവും അന്തിയുറങ്ങുന്നത് ഇടിഞ്ഞു വീഴാറായ വീട്ടിൽ; ചോർന്നൊലിക്കുന്ന ഈ വീടിന് 60ലേറെ വർഷം പഴക്കമുണ്ട്
പാലോട്: ചോർന്നൊലിച്ചു ഇടിഞ്ഞു വീഴാറായിട്ടും ഭവന നിർമാണ പദ്ധതിയിൽ ഇടം നേടാതെ അവഗണനയിലാണ് ഇടവം റോഡരികത്തു വീട്ടിൽ ഉഷാകുമാരി. ഇവർക്ക് കഴിഞ്ഞ സർക്കാരിന്റെ കാലത്ത് ഇഎംഎസ് ഭവന പദ്ധതിപ്രകാരം വീടിന് ആദ്യഗഡു ലഭിച്ചിരുന്നു. ഇതുകൊണ്ടു അടിസ്ഥാനം കെട്ടിയെങ്കിലും ഭർത്താവിന് കാൻസർ ബാധിച്ചു അതിന്റെ ചികിത്സയിലും മറ്റും വീടിന്റെ നിർമാണം പൂർത്തിയാക്കാൻ കഴിയാത്തതു മൂലം ബാക്കി ഗഡുക്കൾ നഷ്ടപ്പെട്ടു. ഇതു സംബന്ധിച്ചു കഴിഞ്ഞ യുഡിഎഫ് സർക്കാരിന് നൽകിയ അപേക്ഷയെ തുടർന്ന് തിരിച്ചടവിൽ നിന്ന് ഒഴിവാക്കുകയും പുതിയ വീട് അനുവദിക്കാൻ ഉത്തരവ് നൽകുകയും ചെയ്തു. എന്നാൽ വീട് ലഭിച്ചില്ല. ഇപ്പോൾ ഭവന രഹിതർക്ക് വേണ്ടി ആരംഭിച്ച് ലൈഫ് പദ്ധതിയുടെ ലിസ്റ്റിൽ അപേക്ഷ നൽകിയെങ്കിലും പേരു വന്നില്ല. നിലവിലെ വീടിനു 60 വർഷത്തിലേറെ പഴക്കമുണ്ട്. ടാർ ഷീറ്റ് ദ്രവിച്ചു ചോർന്നൊലിക്കുന്ന സ്ഥിതതിയിലാണ്. വീടിന്റെ പല ഭാഗവും ഇടിഞ്ഞു വീണു തുടങ്ങി. ഭർത്താവ്…
Read More