തിരുവനന്തപുരം : ആന്ധ്രാപ്രദേശ് മുന് മുഖ്യമന്ത്രി കിരണ് റെഡ്ഡി ബിജെപിയില് ചേര്ന്ന പശ്ചാത്തലത്തിൽ കോൺഗ്രസ് പ്രവർത്ത കർക്ക് സിപിഎമ്മിലേക്ക് വാതിൽ തുറന്നിട്ട് മന്ത്രി പി.എ.മുഹമ്മദ് റിയാസ്. ഫേസ് ബുക്കിലൂടെയാണ് കോണ്ഗ്രസ് പ്രവര്ത്തകരെ സിപിഎമ്മിലേക്ക് സ്വാഗതം ചെയ്ത് കൊണ്ടുള്ള കുറിപ്പ് മന്ത്രി പുറത്തുവിട്ടത്. കോണ്ഗ്രസില് നിന്നും ബിജെപിയിലേക്ക് പോയ മുഖ്യമന്ത്രിമാരുടെ പേരുകള് പരാമര്ശിച്ചാണ് റിയാസിന്റെ കുറിപ്പ്. കേരളത്തില് കോണ്ഗ്രസിന്റെ പല നേതാക്കളും ബിജെപിയിലേക്ക് പോകാതെയിരിക്കുന്നത് ഇവിടത്തെ രാഷ്ട്രീയ സാഹചര്യമാണ്. ഇടതുപക്ഷത്തിന്റെ ശക്തമായ സാന്നിധ്യവും അതിലൂടെ സംരക്ഷിക്കപ്പെടുന്ന മതനിരപേക്ഷ പാരമ്പര്യവുമാണ് കേരളത്തിലെ രാഷ്്ട്രീയ സാഹചര്യത്തിന്റെ പ്രത്യേകതയെന്നും റിയാസ് കുറിപ്പിൽ പറയുന്നു. 1.എസ്.എം. കൃഷ്ണ (കര്ണാടക),2.ദിഗംബര് കാമത്ത് (ഗോവ),3.വിജയ് ബഹുഗുണ(ഉത്തരാഖണ്ഡ്),4.എന്.ഡി.തിവാരി (ഉത്തര്പ്രദേശ്, ഉത്തരാഖണ്ഡ്),5.പ്രേമ ഖണ്ഡു (അരുണാചല് പ്രദേശ് ),6.ബിരേന് സിംഗ് ( മണിപ്പൂര്),7.ക്യാപ്റ്റന് അമരീന്ദര് സിംഗ് (പഞ്ചാബ്)8. എന്.കിരണ് കുമാര് റെഡഡ്ഡി(ആന്ധ്രാ പ്രദേശ്)കോണ്ഗ്രസില് നിന്ന് ബിജെപിയിലേക്ക്പോയ മുന് മുഖ്യമന്ത്രിമാരുടെ ലിസ്റ്റാണിത്. അവിഭക്ത…
Read MoreCategory: Loud Speaker
രാജ്യത്തിന്റെ സര്വസൈന്യാധിപ ദ്രൗപതി മുര്മു യുദ്ധവിമാനത്തില് പറന്നുയര്ന്നു
ഗുവാഹത്തി: യുദ്ധവിമാനത്തില് പറന്നുയര്ന്ന് രാഷ്ട്രപതി ദ്രൗപതി മുര്മു. അസമിലെ തേസ്പൂര് വ്യോമകേന്ദ്രത്തില്നിന്ന് സുഖോയ്-30 യുദ്ധവിമാനത്തിലാണ് രാഷ്ട്രപതി പറന്നുയര്ന്നത്. മൂന്ന് ദിവസത്തെ അസം സന്ദര്ശനത്തിനെത്തിയതാണ് രാഷ്ട്രപതി. രാവിലെ 10.30ഓടെ രാഷ്ട്രപതി വ്യോമകേന്ദ്രത്തിലെത്തി. പ്രത്യേക ആന്റി ഗ്രാവിറ്റി സ്യൂട്ടുള്പ്പെടെ അണിഞ്ഞാണ് രാഷ്ട്രപതി യുദ്ധവിമാനത്തില് പ്രവേശിച്ചത്. പിന്നീട് സുരക്ഷാപരിശോധനകളെല്ലാം പൂര്ത്തിയാക്കിയശേഷം വിമാനം പറന്നുയര്ന്നു.രണ്ട് പേര്ക്ക് സഞ്ചരിക്കാന് കഴിയുന്ന വിമാനത്തില് രാഷ്ട്രപതിയും പൈലറ്റും മാത്രമാണുള്ളത്. രാജ്യത്തിന്റെ സര്വസൈന്യാധിപ കൂടിയായ രാഷ്ട്രപതിയുടെ യാത്രയോടനുബന്ധിച്ച് മേഖലയില് കനത്ത സുരക്ഷയൊരുക്കിയിട്ടുണ്ട്. മുന് രാഷ്ട്രപതിമാരായ അബ്ദുൾ കലാം, പ്രതിഭാ പാട്ടില് അടക്കമുള്ളവരും സമാനരീതിയില് യുദ്ധവിമാനത്തില് സഞ്ചരിച്ചിരുന്നു.
Read Moreകരള് പ്രവര്ത്തനത്തില് ചെറിയ പ്രശ്നങ്ങള്, പരിശോധിച്ചപ്പോള്..! ഷാറൂഖിനെ കോഴിക്കോട് മെഡിക്കൽ കോളേജിൽ പ്രവേശിപ്പിച്ചു
കോഴിക്കോട്: എലത്തൂർ ട്രെയിൻ തീവയ്പ് കേസിലെ പ്രതി ഷാറൂഖ് സെയ്ഫിക്ക് മഞ്ഞപ്പിത്തം സ്ഥിരീകരിച്ചു. ഷാറൂഖിനെ കോഴിക്കോട് മെഡിക്കൽ കോളേജിൽ പ്രവേശിപ്പിച്ചു. ഷാറൂഖിന്റെ കരൾ പ്രവർത്തനത്തിൽ ചെറിയ പ്രശ്നങ്ങളുണ്ടെന്നും സ്ഥിരീകരിച്ചു. എക്സ് റേ, സിടി സ്കാൻ പരിശോധനകളിൽ പ്രശ്നങ്ങൾ കണ്ടെത്തിയില്ലെന്നാണ് വിവരം. പ്രതിയുടെ ശരീരത്തിലേറ്റ മുറിവുകളുടെയും പൊള്ളലിന്റെയും പഴക്കം ഡോക്ടർമാരുടെ സംഘം പരിശോധിച്ചു. കേസില് പരസ്പരവിരുദ്ധമായിട്ടാണ് പ്രതി ഷാറൂഖ് സെയ്ഫി മൊഴികൾ നൽകിയിരിക്കുന്നത്. തനിക്ക് പ്രേരണയായത് മറ്റൊരാൾ നൽകിയ ഉപദേശമെന്ന് അറസ്റ്റിലായ ഷാറൂഖ് സെയ്ഫി മഹാരാഷ്ട്രാ എടിഎസിനോട് പറഞ്ഞതെങ്കിലും തന്റെ കുബുദ്ധിയാണ് എല്ലാമെന്നാണ് കേരള പോലീസിനോട് വ്യക്തമാക്കിയത്.
Read Moreചെറിയ തുക പോട്ടേ… പക്ഷേ അഞ്ഞൂറ് കൊടുത്തപ്പോള്..! ടിക്കറ്റ് നല്കിയശേഷം കണ്ടക്ടര് ബാക്കിതുക നല്കാത്തതു പണം തട്ടാനുള്ള തന്ത്രമെന്ന പരാതി വ്യാപകം; കോട്ടയത്ത് സംഭവിച്ചത്…
കോട്ടയം: സ്വകാര്യ ബസ് കണ്ടക്ടര്മാര് യാത്രക്കാര്ക്ക് ടിക്കറ്റ് നൽകിയശേഷം ബാക്കിതുക തിരികെ നൽകാത്തതു മനപ്പൂർവമെന്ന പരാതി വ്യാപകമാകുന്നു. ചെറിയ തുകകള് പല യാത്രക്കാരും വേണ്ടെന്നുവച്ചു മടങ്ങാറുണ്ട്. എന്നാല് കഴിഞ്ഞ ദിവസം വലിയ തുക നൽകാതെപോയത് യാത്രക്കാർക്കിടയിൽ പ്രതിഷേധത്തിനിടയാക്കി. കോട്ടയത്തുനിന്ന് ഒരു പെണ്കുട്ടി മെഡിക്കല് കോളജിനു ടിക്കറ്റെടുത്തു. 500 രൂപയാണ് കണ്ടക്ടര്ക്കു നല്കിയത്. മെഡിക്കല് കോളജ് ബസ് സ്റ്റാൻഡിലെത്തിയപ്പോൾ പെണ്കുട്ടിയിറങ്ങി. പെണ്കുട്ടി ബാലന്സ് തുക കൊടുത്തില്ല. പിന്നീട് മോട്ടോർ വാഹനവകുപ്പ് ഉദ്യോഗസ്ഥർ ഇടപെട്ടാണ് ബാക്കി തുക പെൺകുട്ടിക്കു നൽകിയത്. ഇതേദിവസം തന്നെ മറ്റൊരു സംഭവവുമുണ്ടായി. കോട്ടയം-എറണാകുളം റൂട്ടില് സര്വീസ് നടത്തുന്ന ലിമിറ്റഡ് സ്റ്റോപ്പ് ബസില് തലയോപ്പറമ്പില്നിന്ന് രണ്ടു യാത്രക്കാര് മെഡിക്കല് കോളജിലേക്ക് ടിക്കറ്റെടുത്തു. 76 രൂപയായിരുന്നു രണ്ടു പേരുടെ ടിക്കറ്റ് ചാര്ജ്. 500 രൂപാ നല്കി. ബാക്കി 24 രൂപ കണ്ടക്ടര് ബാലന്സായി നൽകി. 400 രൂപാ പിന്നീടു…
Read Moreരുചിച്ചുനോക്കാൻപോലും കിട്ടിയില്ല! ചിക്കൻകറിയെച്ചൊല്ലി തർക്കം; മകനെ അച്ഛൻ അടിച്ചുകൊന്നു
മംഗളൂരു: വീട്ടിൽ ഉണ്ടാക്കിയ ചിക്കൻകറി രുചിച്ചുനോക്കാൻപോലും കിട്ടാഞ്ഞതിന്റെ പേരിൽ വഴക്കുണ്ടായതിനെത്തുടർന്ന് അച്ഛന്റെ അടിയേറ്റു മകൻ മരിച്ചു. സുള്ള്യയിലെ ഗട്ടിഗാറിലാണ് സംഭവം. 32 വയസുകാരനായ ശിവറാം ആണ് അച്ഛൻ ഷീണയുടെ അടിയേറ്റ് മരിച്ചത്. വീട്ടിലുണ്ടാക്കിയ ചിക്കൻ കറിയെച്ചൊല്ലിയാണ് വഴക്കുണ്ടായത്. കറി മുഴുവൻ ഷീണ കഴിച്ചതിനെച്ചൊല്ലി ശിവറാം വഴക്കിടുകയായിരുന്നു. കറിയുണ്ടാക്കുമ്പോൾ ശിവറാം വീട്ടിലുണ്ടായിരുന്നില്ല. തിരികെയെത്തിയപ്പോഴാണ് കറി തീർന്നത് അറിഞ്ഞത്. തുടർന്ന് അച്ഛനും മകനും തമ്മിൽ ഇതേച്ചൊല്ലി വാക്കേറ്റമായി. പ്രകോപിതനായ ഷീണ ഒരു വലിയ വിറകെടുത്ത് ശിവറാമിനെ തലയ്ക്കടിക്കുകയായിരുന്നു. ഷീണയെ പോലീസ് അറസ്റ്റ് ചെയ്തു. ശിവറാമിനും ഭാര്യയ്ക്കും അവരുടെ രണ്ട് മക്കൾക്കുമൊപ്പമാണ് അച്ഛൻ ഷീണ കഴിഞ്ഞിരുന്നത്.
Read Moreവീഡിയോകോളിലൂടെ ഉമ്മൻചാണ്ടിയുടെ ആരോഗ്യസ്ഥിതി അന്വേഷിച്ച് മോഹൻലാൽ! ഇരുവരും സംസാരിച്ചത്…
ബംഗളൂരുവിലെ ആശുപത്രിയിൽ ചികിത്സയിൽ കഴിയുന്ന മുൻ മുഖ്യമന്ത്രി ഉമ്മൻചാണ്ടിയുടെ ആരോഗ്യവിവരം അന്വേഷിച്ച് നടൻ മോഹൻലാൽ. വീഡിയോ കോളിലൂടെയാണ് താരം ഉമ്മൻചാണ്ടിയുമായി സംസാരിച്ചത്. മോഹൻലാലുമായി വീഡിയോകോളിൽ സംസാരിക്കുന്ന ഉമ്മൻചാണ്ടിയുടെ ചിത്രം മകൻ ചാണ്ടി ഉമ്മനാണ് സമൂഹമാധ്യമങ്ങളിൽ പങ്കുവച്ചത്. ഇന്നലെ വൈകിട്ട് നാലു മണിയോടെയാണ് മോഹൻലാലിന്റെ ഫോൺകോൾ എത്തിയത്. പിന്നീട് സംഭാഷണം വിഡിയോ കോളിലേക്ക് മാറി. 10 മിനിറ്റോളം ഇരുവരും സൗഹൃദ സംഭാഷണം നടത്തി. ആരോഗ്യത്തെക്കുറിച്ചും ചികിത്സയെക്കുറിച്ചുമാണ് ഇരുവരും സംസാരിച്ചത്. മോഹൻലാലിന്റെ പുതിയ സിനിമാ വിശേഷങ്ങൾ ഉമ്മൻചാണ്ടിയും അന്വേഷിച്ചു. ഇടയ്ക്കുണ്ടായ ന്യൂമോണിയ ബാധ ഭേദപ്പെട്ട ശേഷം ഫെബ്രുവരി 12നാണ് ഉമ്മൻചാണ്ടിയെ വിദഗ്ദ ചികിത്സക്കായി ബംഗളുരുവിലേക്ക് കൊണ്ടുപോയത്.
Read Moreഇന്ന് യുദാസ് ഒറ്റിക്കൊടുത്ത ദിവസം, പലതും സംഭവിക്കും! അനില് ആന്റണിക്കെതിരെ കെ.സുധാകരന്
തിരുവനന്തപുരം: എ.കെ.ആന്റണിയുടെ മകന് അനില് ആന്റണി ബിജെപിയില് ചേര്ന്നതില് പ്രതികരണവുമായി കെപിസിസി പ്രസിഡന്റ് കെ.സുധാകരന്. മുപ്പത് വെള്ളിക്കാശിന് യൂദാസ് ഒറ്റിക്കൊടുത്ത ദിവസമാണിന്ന്. ആ ദിവസത്തില് പലതും സംഭവിക്കും. അതില് ഒരു കാര്യം മാത്രമാണിതെന്നും സുധാകരന് പറഞ്ഞു. എ.കെ.ആന്റണിയുടെ മകന് എന്നതിലപ്പുറത്ത് അനിലിന് കോണ്ഗ്രസുമായി ഒരു ബന്ധവുമില്ല. കോണ്ഗ്രസിനുവേണ്ടി ജാഥ സംഘടിപ്പിക്കുകയോ മുദ്രാവാക്യം വിളിക്കുകയോ ചെയ്തിട്ടില്ല. രാജ്യത്തെ വഞ്ചിക്കുന്ന കോണ്ഗ്രസ് പ്രവര്ത്തകരില്നിന്ന് മോചനം നേടുകയാണെന്നാണ് അദ്ദേഹം പ്രതികരിച്ചത്. ആരാണ് വഞ്ചിതരാകുന്നതെന്ന് സ്വയം ചിന്തിക്കേണ്ട കാര്യമാണ്. ജനം എല്ലാം വിലയിരുമെന്നും സുധാകരന് പ്രതികരിച്ചു.
Read Moreആശ്വസിപ്പിക്കാന് വീട്ടുകാര് ശ്രമിച്ചെങ്കിലും..! മുടി മുറിച്ചപ്പോള് നീളം കുറഞ്ഞു; എട്ടാം ക്ലാസ് വിദ്യാര്ഥി ജീവനൊടുക്കി
മുംബൈ: തലമുടി മുറിച്ചപ്പോള് നീളം കുറഞ്ഞതിന്റെ മനപ്രയാസത്തില് എട്ടാം ക്ലാസ് വിദ്യാര്ഥി ജീവനൊടുക്കി. മഹാരാഷ്രയിലെ ഭയന്ദേര് സ്വദേശി ശത്രുഘ്നന് പഥക്(13) ആണ് കെട്ടിടത്തിന്റെ പതിനാറാം നിലയില്നിന്ന് ചാടിയത്. ബുധനാഴ്ച 11.30ന് വീട്ടിലുള്ളവരെല്ലാം ഉറങ്ങിയതിന് ശേഷം പഥക് ശുചിമുറിയുടെ ജനല്വഴി പുറത്തേയ്ക്ക് ചാടുകയായിരുന്നു. ബന്ധുവിനൊപ്പം പോയി മുടിവെട്ടിയ കുട്ടി മുടിയുടെ നീളം കുറഞ്ഞുപോയതില് അസ്വസ്ഥമായിരുന്നു. ആശ്വസിപ്പിക്കാന് വീട്ടുകാര് ശ്രമിച്ചെങ്കിലും കുട്ടി കടുത്ത വിഷമത്തിലായിരുന്നെന്നാണ് വിവരം.സംഭവത്തില് പോലീസ് കേസെടുത്ത് അന്വേഷണം ആരംഭിച്ചു.
Read Moreഅധ്യാപകനാണേത്ര അധ്യാപകന്..! 11 പെൺകുട്ടികളെ ലൈംഗീകമായി പീഡിപ്പിച്ചു; മുൻ പ്രധാനാധ്യാപകന് 10 വർഷം തടവ്
റൂർക്കേല: സ്കൂളിലെ 11 വിദ്യാർഥിനികളെ ലൈംഗികമായി പീഡിപ്പിച്ചെന്ന കേസിൽ മുൻ പ്രധാനാധ്യാപകനെ 10 വർഷം കഠിന തടവിനും 47,000 രൂപ പിഴ നൽകാനും വിധിച്ചു. ഒഡീഷയിലെ സുന്ദർഗഡ് ജില്ലയിലെ പോക്സോ കോടതിയാണ് ശിക്ഷിച്ചത്. 2015ൽ ലെഫ്രിപ്പാറ ബ്ലോക്കിലെ ഒരു സ്കൂളിൽ വച്ചാണ് 62-കാരനായ പ്രധാനാധ്യാപകൻ വിദ്യാർഥിനികളെ പീഡിപ്പിച്ചതായി പരാതി ഉയർന്നത്. കേസിൽ 2016 ജൂൺ 14ന് അറസ്റ്റിലായ പ്രതി അന്നുമുതൽ ജയിലിലാണ്. സംഭവത്തിനു ശേഷം ഇയാളെ സർവീസിൽ നിന്ന് നീക്കം ചെയ്തിരുന്നു. സുന്ദർഗഡ് പോക്സോ കോടതി അഡീഷണൽ ജില്ലാ ജഡ്ജി മഹേന്ദ്രകുമാർ സൂത്രധാരാണ് വിധി പറഞ്ഞത്.
Read Moreഭാര്യ പിണങ്ങിപ്പോയി, ഭാര്യാഗൃഹത്തിലെത്തി വിളിച്ചിട്ടും കൂടെ വന്നില്ല..! ഒടുവില് യുവാവ് ചെയ്തത്…
ചെന്നൈ: മദ്യലഹരിയില് ട്രാന്സ്ഫോമറില് കയറി ഹൈടെന്ഷന് കമ്പിയില് കടിച്ച യുവാവിന് ഗുരുതരമായി പൊള്ളലേറ്റു. തമിഴ്നാട്ടിലെ തിരുവള്ളൂര് ജില്ലയിലാണ് സംഭവം. ചിന്നമങ്കോട് സ്വദേശി ധര്മ്മദുരൈക്കാണ്(33) പൊള്ളലേറ്റത്. ഗുരുതരമായി പൊള്ളലേറ്റ ഇയാളെ ആശുപത്രിയിലേക്ക് മാറ്റി. കുടുംബപ്രശ്നങ്ങളെതുടര്ന്ന് ഭാര്യ പിണങ്ങിപ്പോയതില് ഇയാള് അസ്വസ്ഥനായിരുന്നു. ഇയാള് ഭാര്യാഗൃഹത്തിലെത്തി വിളിച്ചിട്ടും ഇവര് കൂടെ പോരാന് തയാറായില്ല. തുടര്ന്ന് ഭാര്യാസഹോദരന്മാര്ക്കെതിരെ പരാതി നല്കാന് ഇയാള് ധര്മ്മദുരൈ പോലീസ് സ്റ്റേഷനിലെത്തി. അല്പസമയം കാത്തിരിക്കാന് പോലീസുകാര് ആവശ്യപ്പെട്ടതോടെ ഇയാള് സ്റ്റേഷന് വളപ്പില്നിന്ന് ഇറങ്ങി സമീപത്തുള്ള ട്രാന്സ്ഫോമറില് കയറി. മദ്യലഹരിയിലായിരുന്ന ഇയാള് ഹൈടെന്ഷന് വയറില് കടിക്കുകയായിരുന്നെന്നും പോലീസുകാര് പറഞ്ഞു. സംഭവത്തിന്റെ ദൃശ്യങ്ങള് സമൂഹമാധ്യമങ്ങളില് വ്യാപകമായി പ്രചരിക്കുന്നുണ്ട്.
Read More