ന്യുയോർക്ക്: ദേശീയ ടീമിൽനിന്നു വിരമിച്ചെങ്കിലും കളിമികവ് കൈമോശം വന്നിട്ടില്ലെന്നും വിളിച്ചു വീണ്ടും തെളിയിച്ച് ഇംഗ്ലീഷ് ഫുട്ബോൾ താരം വെയ്ൻ റൂണി. അമേരിക്കയിലെ മേജർ സോക്കർ ലീഗിൽ ഡിസി യുണൈറ്റഡിനായി നേടിയ ഗോളാണു ഫുട്ബോൾ ലോകത്തിന്റെ മനംകവരുന്നത്. ഓർലാന്േറാ സിറ്റിക്കെതിരായ മത്സരത്തിന്റെ 10-ാം മിനിറ്റിലായിരുന്നു റൂണിയുടെ ഗോൾ. പോസ്റ്റിന് 70 മീറ്റർ അകലെനിന്നു റൂണി ഗോൾവല ലക്ഷ്യമാക്കി ഷോട്ട് പായിച്ചു. ഗോളി മുന്നോട്ടുകയറി നിൽക്കുന്നതുകണ്ടാണു റൂണി മധ്യവരയ്ക്കു പിന്നിൽനിന്നു പന്തടിച്ചത്. ബോക്സിനു പുറത്തായിരുന്ന ഗോൾ കീപ്പർ ബ്രിയാൻ റോ പിന്നിലേക്ക് ഓടി പന്ത് തട്ടിയകറ്റാൻ ശ്രമിച്ചെങ്കിലും സാധിച്ചില്ല. ഇംഗ്ലീഷ് പ്രിമിയർ ലീഗിൽ എവർട്ടണിനായും മാഞ്ചസ്റ്റർ യുണൈറ്റഡിനായും വെസ്റ്റ് ഹാമിനെതിരേയും കളിക്കുന്പോൾ റൂണി സമാനമായ രീതിയിൽ ഗോളുകൾ നേടിയിരുന്നു.
Read MoreCategory: Sports
കോപ്പ ക്വാർട്ടർ തെളിഞ്ഞു
സാവോ പോളോ: കോപ്പ അമേരിക്ക ഫുട്ബോൾ ക്വാർട്ടർ ഫൈനൽ ചിത്രം തെളിഞ്ഞു. ഗ്രൂപ്പ് സിയിലെ അവസാന മത്സരങ്ങളിൽ ഉറുഗ്വെ 1-0ന് നിലവിലെ ചാന്പ്യന്മാരായ ചിലിയെ പരാജയപ്പെടുത്തുകയും ഇക്വഡോറും ജപ്പാനും 1-1 സമനിലയിൽ പിരിയുകയും ചെയ്തതോടെയാണിത്. ജയിച്ചാൽ മികച്ച മൂന്നാം സ്ഥാനക്കാരായി ക്വാർട്ടറിൽ കടക്കാമെന്ന അനുകൂല സാഹചര്യത്തിൽ കളിക്കാനിറങ്ങിയ ജപ്പാൻ സമനിലയിൽ കുരുങ്ങി പുറത്തായി. അതോടെ ഗ്രൂപ്പ് ചാന്പ്യന്മാരായി ഉറുഗ്വെയും രണ്ടാം സ്ഥാനക്കാരായി ചിലിയും ക്വാർട്ടറിലേക്കു മുന്നേറി. 82-ാം മിനിറ്റിൽ എഡിസണ് കവാനിയാണ് ചിലിക്കെതിരേ ഉറുഗ്വെയുടെ ജയം കുറിച്ച ഗോൾ നേടിയത്. മികച്ച മൂന്നാം സ്ഥാനക്കാരായി ഗ്രൂപ്പ് എയിൽനിന്ന് പെറുവും (നാല് പോയിന്റ്) ഗ്രൂപ്പ് ബിയിൽനിന്ന് പരാഗ്വെയും (രണ്ട് പോയിന്റ്) ക്വാർട്ടറിൽ കടന്നു. ഗ്രൂപ്പ് സിയിൽ മൂന്നാം സ്ഥാനക്കാരായ ജപ്പാനും രണ്ട് പോയിന്റ് ആയിരുന്നെങ്കിലും ഗോൾ വ്യത്യാസത്തിൽ പരാഗ്വെയ്ക്കായിരുന്നു മുൻതൂക്കം. വെള്ളിയാഴ്ച മുതൽ ക്വാർട്ടർ പോരാട്ടങ്ങൾ തുടങ്ങും. ആദ്യ…
Read Moreജിയാനി ബ്ലാസ്റ്റേഴ്സില്
കൊച്ചി: ഡച്ച് ഡിഫന്ഡര് ജിയാനി സുയിവെര്ലൂൻ കേരള ബ്ലാസ്റ്റേഴ്സുമായി കരാറില് ഒപ്പിട്ടു. മുപ്പത്തിരണ്ടുകാരനായ ജിയാനി ഫുട്ബോള് കരിയര് ആരംഭിക്കുന്നത് ഫെയെനൂര്ഡ് ക്ലബിന്റെ യുവ ടീമിലാണ്. 2018ൽ ഡല്ഹി ഡൈനോമോസിന്റെ താരമായിരുന്നു.
Read More20,000 റിക്കാർഡിന് 37 റൺസ് അകലെ കോഹ്ലി
മാഞ്ചസ്റ്റർ: വേഗത്തിൽ 20,000 രാജ്യാന്തര റണ്സ് എന്ന റിക്കാർഡിലേക്ക് ഇന്ത്യൻ ക്രിക്കറ്റ് ടീം ക്യാപ്റ്റൻ വിരാട് കോഹ്ലിക്ക് വേണ്ടിയത് 37 റണ്സ്. ഇതിഹാസതാരങ്ങളായ സച്ചിൻ തെണ്ടുൽക്കർ ബ്രയാൻ ലാറ എന്നിവരുടെ പേരിലുള്ള റിക്കാർഡ് അതോടെ പഴങ്കഥയാകും. 453 ഇന്നിംഗ്സുകളിൽനിന്നാണ് സച്ചിനും ലാറയും 20,000 രാജ്യാന്തര റണ്സ് എന്ന റിക്കാർഡ് പങ്കിടുന്നത്. രണ്ടാം സ്ഥാനത്തുള്ളത് 468 ഇന്നിംഗ്സിൽനിന്ന് 20,000 തികച്ച ഓസ്ട്രേലിയയുടെ മുൻ താരം റിക്കി പോണ്ടിംഗ് ആണ്. 416 ഇന്നിംഗ്സുകളിൽനിന്ന് 19,963 റണ്സാണ് കോഹ്ലിക്കുള്ളത്. ഇന്ന് വെസ്റ്റ് ഇൻഡീസിനെതിരേ 37 റണ്സ് നേടിയാൽ രാജ്യാന്തര മത്സരങ്ങളിലായി 20,000 റണ്സ് തികയ്ക്കുന്ന 12-ാമത് താരമാകും ഇന്ത്യൻ ക്യാപ്റ്റൻ. സച്ചിനും (34,357 റണ്സ്) രാഹുൽ ദ്രാവിഡും (24,208 റണ്സ്) മാത്രമാണ് രാജ്യാന്തര മത്സരങ്ങളിൽ 20,000 റണ്സ് എന്ന നാഴികക്കല്ല് കടന്ന ഇന്ത്യൻ താരങ്ങൾ.
Read Moreഷാമി വേണ്ട, ഭുവി മതി: സച്ചിൻ
മുംബൈ: ലോകകപ്പ് ക്രിക്കറ്റില് വെസ്റ്റ് ഇന്ഡീസിനെതിരേയുള്ള മത്സരത്തില് മുഹമ്മദ് ഷാമിക്കു പകരം ഭുവനേശ്വര് കുമാറിനെ ഇറക്കണമെന്ന് ഇതിഹാസതാരം സച്ചിന് തെണ്ടുല്ക്കര്. ഭുവനേശ്വറിന് വെസ്റ്റ് ഇന്ഡീസ് ഓപ്പണര് ക്രിസ് ഗെയ്ലിനെ ബുദ്ധിമുട്ടിക്കാനാകുമെന്നാണ് സച്ചിന്റെ അഭിപ്രായം. ഭുവനേശ്വര് കുമാര് ആരോഗ്യം വീണ്ടെടുത്ത് പരിശീലനം ആരംഭിച്ച കാര്യം സന്തോഷം നല്കുന്നതാണെന്നും അദ്ദേഹത്തിന്റെ ബോഡിലാംഗ്വേജ് ആത്മവിശ്വാസം നിറഞ്ഞതാണെന്നും തെണ്ടുല്ക്കര് പറഞ്ഞു. പാക്കിസ്ഥാനെതിരേയുള്ള മത്സരത്തിനിടെയാണ് ഭുവനേശ്വറിന് പരിക്കേറ്റത്. ഇതേത്തുടര്ന്ന് അഫ്ഗാനിസ്ഥാനെതിരേയുള്ള മത്സരം നഷ്ടമാകുകയും ചെയ്തു. പകരമിറങ്ങിയ ഷാമി അവസാന ഓവറില് ഹാട്രിക് വിക്കറ്റുമായി ഇന്ത്യയെ വിജയത്തിലെത്തിക്കുകയും ചെയ്തിരുന്നു. 2013ല് സച്ചിന് തെണ്ടുല്ക്കറിന്റെ 200-ാമത്തെ വിരമിക്കല് ടെസ്റ്റില് ഗെയ്ലിനെതിരേയുള്ള ഭുവനേശ്വര് കുമാറിന്റെ ബൗളിംഗിനെ അനുസ്മരിച്ചാണ് മുന് ഇന്ത്യന് താരം പറഞ്ഞത്. ആ മത്സരത്തില് ഭുവനേശ്വറിന്റെ പന്തുകള് നേരിടാന് ക്രിസ് ഗെയൽ ബുദ്ധിമുട്ടുകയായിരുന്നുവെന്നു സച്ചിന് പറഞ്ഞു.
Read Moreറിക്കാർഡ് നേട്ടത്തിനാപ്പം ആരണ് ഫിഞ്ച്; മുന്നിലുള്ളത് ഗാംഗുലി
ലോഡ്സ്: ലോകകപ്പ് ക്രിക്കറ്റിൽ റിക്കാർഡ് നേട്ടത്തിനാപ്പം ഓസ്ട്രേലിയൻ നായകൻ ആരണ് ഫിഞ്ച്. ഒരു ലോകകപ്പിൽ രണ്ട് സെഞ്ചുറി നേടുന്ന ക്യാപ്റ്റൻ എന്ന നേട്ടമാണ് ഫിഞ്ചിനെ തേടിയെത്തിയത്. ഗ്ലെൻ ടർണർ (1975), റിക്കി പോണ്ടിംഗ് (2003), ബ്രണ്ടൻ ടെയ്ലർ (2015), കെയ്ൻ വില്യംസണ് (2019) എന്നിവർക്കൊപ്പമാണ് ഇപ്പോൾ ഫിഞ്ചിന്റെ സ്ഥാനം. മൂന്ന് സെഞ്ചുറി നേടിയ സൗരവ് ഗാംഗുലിയുടെ (2003) പേരിലാണ് റിക്കാർഡ്. ഒരു രാജ്യത്തിനെതിരേ ഏറ്റവും അധികം സെഞ്ചുറി നേടുന്ന ഓസ്ട്രേലിയൻ താരമെന്ന റിക്കാർഡും ഫിഞ്ച് കുറിച്ചു. ഇംഗ്ലണ്ടിനെതിരേ ഓസീസ് ക്യാപ്റ്റന്റെ ഏഴാം സെഞ്ചുറി നേട്ടമാണ്. പോണ്ടിംഗ്, ഗിൽക്രിസ്റ്റ് (ആറ് സെഞ്ചുറി) എന്നിവർക്കൊപ്പം റിക്കാർഡ് പങ്കിടുകയായിരുന്നു ഫിഞ്ച്.
Read Moreവനിതാ ലോകകപ്പ്: ജപ്പാനെ വീഴ്ത്തി നെതർലൻഡ്സ് ക്വാർട്ടറിൽ
റെന്നസ്: യൂറോപ്യൻ ചാമ്പ്യന്മാരായ നെതർലൻഡ്സ് വനിതാ ലോകകപ്പ് ഫുട്ബോളിന്റെ ക്വാർട്ടർ ഫൈനലിൽ പ്രവേശിപ്പിച്ചു. പ്രീക്വാർട്ടർ പോരാട്ടത്തിൽ ജപ്പാനെ ഒന്നിനെതിരെ രണ്ടു ഗോളുകൾക്ക് തോൽപ്പിച്ചാണ് നെതർലൻഡ്സ് വനിതകളുടെ മുന്നേറ്റം. ക്വാർട്ടറിൽ ഇറ്റലിയാണ് എതിരാളി. ബാഴ്സലോണ താരമായ ലീകെ മാർടെൻസിന്റെ ഇരട്ട ഗോളാണ് നെതർലൻഡ്സിന് ജയം സമ്മാനിച്ചത്. മികച്ച രീതിയിൽ തുടങ്ങിയ നെതർലൻഡ്സ് 17-ാം മിനിറ്റിൽ ലീഡെടുത്തു. 47-ാം മിനിറ്റിൽ ഹസെഗാവയിലൂടെ ജപ്പാൻ ഒപ്പമെത്തി. എന്നാൽ 90-ാം മിനിറ്റിൽ ഹാൻഡ്ബോളിന് ലഭിച്ച പെനാൽറ്റിയിലൂടെ നെതർലൻഡ്സിന്റെ ജയമെത്തി. നേരത്തെ, ചൈനയെ എതിരില്ലാത്ത രണ്ടു ഗോളുകൾക്ക് തോൽപ്പിച്ചാണ് ഇറ്റലി ക്വാർട്ടറിൽ കടന്നത്. ശനിയാഴ്ചയാണ് ഇറ്റലി-നെതർലൻഡ്സ് ക്വാർട്ടർ പോരാട്ടം.
Read Moreപോർച്ചുഗീസ് മിഡ്ഫീൽഡർ ആന്ദ്രെ ഗോമസ് എവർട്ടണിൽ
മാഡ്രിഡ്: പോർച്ചുഗീസ് മിഡ്ഫീൽഡർ ആന്ദ്രെ ഗോമസ് എവർട്ടണിലേക്ക് കൂടുമാറി. ബാഴ്സലോണയിൽ നിന്ന് 25 മില്യൺ യൂറോ നൽകിയാണ് താരത്തെ എവർട്ടൺ സ്വന്തമാക്കിയത്. 25 വയസുകാരനായ ഗോമസുമായി അഞ്ച് വർഷത്തേക്കാണ് കരാർ. കഴിഞ്ഞ സീസണിൽ എവർട്ടനിൽ ലോണിൽ കളിച്ച താരം മികച്ച പ്രകടനം പുറത്തെടുത്തിരുന്നു. ഇതോടെ കരാർ സ്ഥിരമാക്കാൻ എവർട്ടൻ അധികൃതർ തീരുമാനിക്കുകയായിരുന്നു. 2016ൽ ബാഴ്സയിലെത്തിയ താരം 46 മൽസരങ്ങളിൽ മൂന്നു ഗോളുകളും നേടിയിട്ടുണ്ട്. 2016 യൂറോ കപ്പ് നേടിയ പോർച്ചുഗൽ ടീമിലും അംഗമായിരുന്നു. ബെൻഫിക്കയിലൂടെ കരിയർ ആരംഭിച്ച താരമാണ് ഗോമസ്. 2014-2016 കാലയളവിൽ വലൻസിയയിൽ കളിച്ച താരം മികച്ച പ്രകടനത്തിന്റെ അടിസ്ഥാനത്തിൽ ബാഴ്സയിൽ എത്തുകയായിരുന്നു.
Read Moreഇംഗ്ലണ്ടിന്റെ നെറ്റ്സ് ബൗളറായി അർജുൻ
ലണ്ടൻ: സച്ചിൻ തെണ്ടുൽക്കറിന്റെ മകൻ അർജുൻ തെണ്ടുൽക്കർ ഇംഗ്ലണ്ട് ക്രിക്കറ്റ് ടീമിന്റെ നെറ്റ്സ് ബൗളറായി. ഏകദിന ലോകകപ്പ് ക്രിക്കറ്റിൽ ഇന്ന് ഓസ്ട്രേലിയയ്ക്കെതിരായ വന്പൻ പോരാട്ടത്തിനു മുന്നോടിയായാണ് അർജുനെ ഇംഗ്ലീഷ് ബാറ്റ്സ്മാന്മാർ നെറ്റ്സിൽ നേരിട്ട് പരിശീലിച്ചത്. ഓസ്ട്രേലിയയുടെ ഇടംകൈ പേസർമാരെ നേരിടാനുള്ള മുന്നൊരുക്കമായിരുന്നു ഇംഗ്ലണ്ട് നടത്തിയത്. ലോഡ്സിൽ തിങ്കളാഴ്ചയായിരുന്നു അർജുൻ നെറ്റ്സിൽ എറിയാൻ എത്തിയത്. 2015 ൽ ആഷസ് പരന്പരയിലെ രണ്ടാം ടെസ്റ്റിനു മുന്നോടിയായുള്ള പരിശീലനത്തിലും ഇംഗ്ലണ്ടിനായി അർജുൻ നെറ്റ്സ് ബൗളറായിരുന്നു. പത്തൊന്പതുകാരനായ അർജുൻ നിലവിൽ എംസിസി യംഗ് ക്രിക്കറ്റേഴ്സ്, ലോഡ്സിനായി കളിക്കുകയാണ്.
Read Moreചിലിയെ വീഴ്ത്തി ഉറുഗ്വെ ക്വാർട്ടറിൽ
മാറക്കാന: എഡിൻസണ് കവാനിയുടെ ഏകഗോളിൽ ചിലിയെ തകർത്ത് ഉറുഗ്വെ കോപ്പ അമേരിക്ക ഫുട്ബോൾ ക്വാർട്ടർ ഫൈനലിൽ. ഗ്രൂപ്പ് സിയിൽ ചാന്പ്യൻമാരായാണ് ഉറുഗ്വെയുടെ ക്വാർട്ടർ പ്രവേശനം. ചിലി നേരത്തെ തന്നെ ക്വാർട്ടർ ഉറപ്പിച്ചിരുന്നു. 82-ാം മിനിറ്റിലായിരുന്നു കവാനിയുടെ ഗോൾ പിറന്നത്. ഇതോടെ ഏഴ് പോയിന്റുകളുമായി ഉറുഗ്വെ ഗ്രൂപ്പ് ചാന്പ്യൻമാരായി. രണ്ടാം സ്ഥാനത്തുള്ള ചിലിയ്ക്ക് ആറ് പോയിന്റാണ് ഉള്ളത്.ഇതോടെ ഉറുഗ്വെ ക്വാർട്ടർ ഫൈനലിൽ പെറുവിനെ നേരിടും. ശനിയാഴ്ചയാണ് ക്വാർട്ടർ. ചിലി ക്വാർട്ടറിൽ കോളംബിയയെ നേരിടും. അതേസമയം ഗ്രൂപ്പ് സിയിലെ ഇക്വഡോർ-ജപ്പാൻ മത്സരം സമനിലയിൽ കലാശിച്ചു. ഇതോടെ ഇരു ടീമുകളും ക്വാർട്ടർ കാണാതെ പുറത്തായി. തുടക്കം മുതൽ ആക്രമിച്ചു കളിച്ച ജപ്പാൻ 15-ാം മിനിറ്റിൽ തന്നെ ആദ്യ ഗോൾ നേടി. ഷോയ നകജിമയാണ് ജപ്പാന്റെ ഗോൾ സ്കോറർ. 35-ാം മിനിറ്റിൽ എയ്ഞ്ചൽ മിനയിലൂടെ ഇക്വഡോർ തിരിച്ചടിച്ചു. പിന്നിട് ഗോളിനായി ഇരു ടീമുകളും…
Read More