ഒഡെൻസ്: ഡെന്മാർക്ക് ഓപ്പണ് ബാഡ്മിന്റണിൽ അപ്രതീക്ഷിത അട്ടിമറി. ലോക മൂന്നാം നന്പറായ ഇന്ത്യൻ വനിതാ സിംഗിൾസ് താരം പി.വി. സിന്ധു ആദ്യ റൗണ്ടിൽ പുറത്തായി. അമേരിക്കയുടെ ബീവെൻ ഹാങ് ആണ് ഇന്ത്യൻ താരത്തെ അട്ടിമറിച്ചത്. 56 മിനിറ്റ് നീണ്ട പോരാട്ടത്തിൽ 17-21, 21-16, 18-21നായിരുന്നു ഇന്ത്യൻ താരത്തിന്റെ തോൽവി. തുടർച്ചയായ മൂന്നാം തവണയാണ് ഹാങിനു മുന്നിൽ സിന്ധു പരാജയപ്പെടുന്നത്. ഫെബ്രുവരിയിൽ ഇന്ത്യൻ ഓപ്പണ് ഫൈനലിൽ സിന്ധുവിനെ കീഴടക്കി ഹാങ് കിരീടം സ്വന്തമാക്കിയിരുന്നു. ഏഷ്യൻ ഗെയിംസ് വെള്ളി നേട്ടത്തിനുശേഷം സിന്ധു മോശം അവസ്ഥയിലാണ്. ജപ്പാൻ ഓപ്പണിന്റെ രണ്ടാം റൗണ്ടിലും ചൈന ഓപ്പണിന്റെ ക്വാർട്ടറിലും ഇരുപത്തിമൂന്നുകാരിയായ സിന്ധു പുറത്തായിരുന്നു. അതേസമയം, സൈന നെഹ്വാൾ ശക്തമായ പോരാട്ടത്തിനൊടുവിൽ രണ്ടാം റൗണ്ടിൽ ഇടംനേടി. ഹോങ്കോംഗിന്റെ ചിയുങ് ഗാൻ യിയെയാണ് സൈന മൂന്ന് ഗെയിം നീണ്ട പോരാട്ടത്തിൽ കീഴടക്കിയത്. ആദ്യ ഗെയിം നഷ്ടപ്പെട്ടശേഷമായിരുന്നു സൈനയുടെ…
Read MoreCategory: Sports
നൊവാക് ജോക്കോവിച്ച് രണ്ടാം റാങ്കിൽ
മാഡ്രിഡ്: എടിപി ലോക റാങ്കിംഗിൽ സ്പെയിനിന്റെ റാഫേൽ നദാൽ ഒന്നാം സ്ഥാനം നിലനിർത്തിയപ്പോൾ സെർബിയയുടെ നൊവാക് ജോക്കോവിച്ച് രണ്ടാം സ്ഥാനത്തെത്തി. ഷാങ്ഹായ് മാസ്റ്റേഴ്സ് ടെന്നീസ് പുരുഷ സിംഗിൾസ് കിരീടം നേടിയതോടെയാണ് ജോക്കോവിച്ച് രണ്ടാം സ്ഥാനത്ത് ഉയർന്നത്. സ്വിറ്റ്സർലൻഡിന്റെ റോജർ ഫെഡററെ മൂന്നാം സ്ഥാനത്തേക്ക് പിന്തള്ളിയാണ് ജോക്കോയുടെ മുന്നേറ്റം. ഡെൽപോട്രൊ, അലക്സാണ്ടർ സ്വരേവ് എന്നിവരാണ് നാലും അഞ്ചും സ്ഥാനങ്ങളിൽ. വനിതാ സിംഗിൾസ് റാങ്കിംഗിൽ റൊമാനിയയുടെ ഷിമോണ ഹാലെപ്പ് ഒന്നാം സ്ഥാനം നിലനിർത്തി. കരോളിൻ വോസ്നിയാക്കി, കെർബർ, ഒസാക്ക, പ്ലീഷ്കോവ എന്നിവരാണ് യഥാക്രമം ആദ്യ അഞ്ച് സ്ഥാനങ്ങളിൽ.
Read Moreസോളോ ഗോളിലൂടെ റൊണാൾഡോ ജൂണിയർ
ടുറിൻ: പോർച്ചുഗീസ് സൂപ്പർ താരം ക്രിസ്റ്റ്യാനോ റൊണാൾഡോയുടെ മകനും അച്ഛന്റെ വഴിയേതന്നെ. കളത്തിൽ മാന്ത്രികത സൃഷ്ടിക്കുന്ന റൊണാൾഡോയുടെ മകൻ റൊണാൾഡോ ജൂണിയർ നേരത്തേതന്നെ ശ്രദ്ധപിടിച്ചു പറ്റിയതാണ്. അച്ഛന്റെ കേളീശൈലിയാണു ജൂണിയറിനും കിട്ടിയിരിക്കുന്നതെന്ന് ആരാധകർ അടിവരയിടുന്നു. അതിനെ സാധൂകരിക്കുന്ന തരത്തിലൊരു പ്രകടനവുമായി റൊണാൾഡോ ജൂണിയർ സമൂഹമാധ്യമങ്ങളിൽ തരംഗമാകുന്നു. യുവന്റസ് അണ്ടർ ഒന്പത് ടീമിനുവേണ്ടി ജൂണിയർ നേടിയ സോളോ ഗോളാണ് ഇപ്പോൾ ചർച്ചയായിരിക്കുന്നത്. റൊണാൾഡോയുടെ മാഞ്ചസ്റ്റർ യുണൈറ്റഡ് കാലത്തെ ഓർമിപ്പിക്കുന്ന സോളോ ഗോളായിരുന്നു റൊണാൾഡോ ജൂണിയർ കഴിഞ്ഞ ദിവസം നേടിയത്. സിആർ7 ന്റെ ട്രേഡ് മാർക്ക് മൂവായ ഡ്രാഗ് ബാക്കിലൂടെ എതിർ താരത്തെ മറികടന്ന റോണോ ജൂണിയർ ഗോളിയേയും ഡ്രിബിൾ ചെയ്താണ് ഗോൾ നേടിയത്. മത്സരത്തിൽ മറ്റൊരു ഗോൾ കൂടി കുഞ്ഞു റൊണാൾഡോ നേടി. സിആർ7 ആണ് സമൂഹമാധ്യമത്തിലൂടെ മകന്റെ പ്രകടനം പുറത്തു വിട്ടത്. യുവന്റസ് അണ്ടർ 9നുവേണ്ടി അരങ്ങേറ്റ…
Read Moreപരിശീലകർക്കെതിരേ പട
ബെയ്ജിംഗ്: ചൈനയ്ക്കെതിരേ സൗഹൃദ മത്സരത്തിൽ സമനില നേടി ഇന്ത്യ നടത്തിയ പ്രകടനം ചെന്നുകൊണ്ടത് ഇറ്റാലിയൻ പരിശീലകനായ മാഴ്സലോ ലിപ്പിയുടെ ഹൃദയത്തിൽ. കാരണം റാങ്കിംഗിൽ താഴെയുള്ള ഇന്ത്യയോട് സമനില വഴങ്ങിയതിനെത്തുടർന്ന് ലിപ്പിയുടെ രാജിക്കായുള്ള ആവശ്യം ശക്തമായിരിക്കുന്നു എന്നതുതന്നെ. തുടർച്ചയായ മൂന്നാമത്തെ മത്സരത്തിലാണ് മാഴ്സലോ ലിപ്പിയുടെ ടീം ഗോളടിക്കാതെ പതറുന്നത്. റാങ്കിംഗിൽ തങ്ങളേക്കാൾ പിന്നിലുള്ള ടീമുകളോട് ചൈന ശരാശരിയിലും താഴ്ന്ന പ്രകടനം കാഴ്ചവയ്ക്കുന്നതാണ് പ്രശ്നത്തിന്റെ കാരണം. ഫിഫ റാങ്കിംഗിൽ ചൈന 76ഉം ഇന്ത്യ 97ഉം സ്ഥാനങ്ങളിലാണ്. ചൈനയിലെ വിവിധ മാധ്യമങ്ങളും ആരാധകരും ലിപ്പിയെ ഒഴിവാക്കണമെന്ന ആവശ്യവുമായി രംഗത്തെത്തി. ജനുവരിയിൽ ഏഷ്യൻ കപ്പ് ആരംഭിക്കുന്നതിനു മുന്പുതന്നെ ഇറ്റാലിയൻ പരിശീലകനെ ഒഴിവാക്കണമെന്നാണ് ആവശ്യം. ഏഷ്യയിലെ ഏറ്റവും കൂടുതൽ പ്രതിഫലം വാങ്ങുന്ന പരിശീലകരിലൊരാളാണ് ലിപ്പി.ലോകകപ്പും യുവേഫ ചാന്പ്യൻസ് ലീഗും എഎഫ്സി ചാന്പ്യൻസ് ലീഗും നേടിയ ഒരേയൊരു പരിശീലകനുമാണ്. ലിപ്പിയുടെ കീഴിൽ 19 മത്സരങ്ങളിൽനിന്നു വെറും…
Read Moreഇഞ്ചുറി പറ്റാതെ ഇറ്റലി
വാഴ്സോ: യുവേഫ നേഷൻസ് ലീഗിൽ ഇറ്റലിക്ക് നിറംമങ്ങിയ ജയം. ലീഗ് എയിലെ ഗ്രൂപ്പ് മൂന്നിൽ നടന്ന മത്സരത്തിൽ ഇഞ്ചുറിടൈമിൽ നേടിയ ഏക ഗോളിലാണ് ഇറ്റലി ജയം സ്വന്തമാക്കിയത്. 90+2ാം മിനിറ്റിൽ ക്രിസ്റ്റ്യാനോ ബിരാഗിയാണ് അസൂറികളുടെ ജയം കുറിച്ച ഗോൾ നേടിയത്. ഇതോടെ ലീഗ് എയിൽനിന്ന് പോളണ്ട് തരം താഴ്ത്തപ്പെട്ടു. അടുത്ത സീസണിൽ പോളണ്ടിന് ബി ലീഗിൽ കളിക്കേണ്ടിവരും. നേഷൻസ് ലീഗിൽ തരംതാഴ്ത്തപ്പെട്ട ആദ്യ ടീമായി ഇതോടെ പോളണ്ട്. ഗ്രൂപ്പിൽ മൂന്ന് കളിയിൽനിന്ന് നാല് പോയിന്റാണ് ഇറ്റലിക്കുള്ളത്. പോളണ്ടിന് ഒരു പോയിന്റും. രണ്ട് മത്സരത്തിൽനിന്ന് ആറ് പോയിന്റുമായി പോർച്ചുഗൽ ആണ് ഗ്രൂപ്പിന്റെ തലപ്പത്ത്. റോബർട്ടോ മാൻസീനിക്കു കീഴിൽ ഒരു ടൂർണമെന്റിൽ ഇറ്റലി നേരിടുന്ന ആദ്യ ജയമാണിത്. സൗദി അറേബ്യക്ക് എതിരായ സൗഹൃദത്തിൽ മാത്രമാണ് മാൻസീനിക്കു കീഴിൽ ഇറ്റലി ജയിച്ചത്. ആദ്യ പാദത്തിൽ മികച്ച നീക്കങ്ങളുമായി കളംനിറഞ്ഞ ഇറ്റലിയുടെ ഗോൾ…
Read Moreയൂത്ത് ഒളിന്പിക്സ് ഹോക്കിയിൽ ഇന്ത്യയ്ക്ക് ഇരട്ട വെള്ളി
ബുവേനോസ് ആരീസ്: യൂത്ത് ഒളിന്പിക്സ് ഹോക്കിയിൽ ഇന്ത്യയ്ക്ക് ഇരട്ട വെള്ളി. പുരുഷ-വനിത ടീമുകളാണ് വെള്ളി നേടിയത്. ഹോക്കി 5എസ് ഫൈനലിൽ മലേഷ്യയോടാണ് പുരുഷ ടീം കീഴടങ്ങിയത്. 4-2നായിരുന്നു മലേഷ്യയുടെ വിജയം. ആദ്യ പകുതിയിൽ ഇന്ത്യ 2-1 മുന്നിലായിരുന്നു. എന്നാൽ രണ്ടാം പകുതിയിൽ മലേഷ്യയുടെ മുന്നിൽ ഇന്ത്യ അടിപതറി. അർജന്റീനയോടാണ് വനിതകൾ പരാജയപ്പെട്ടത്. 3-1നായിരുന്നു അർജന്റീനയുടെ വിജയം. ചൈനയെ പരാജയപ്പെടുത്തിയാണ് ഇന്ത്യൻ വനിതകൾ ഫൈനലിൽ പ്രവേശിച്ചത്. ആദ്യമായാണ് ഇന്ത്യ യൂത്ത് ഒളിന്പിക്സ് ഹോക്കിയിൽ പങ്കെടുക്കുന്നത്.
Read Moreഫുട്ബോൾ അരങ്ങേറ്റത്തിൽ ബോൾട്ടിന് ഇരട്ട ഗോൾ
സിഡ്നി: പ്രഫഷണൽ ഫുട്ബോളിൽ അരങ്ങേറ്റം നടത്തിയ ജമൈക്കൻ സ്പ്രിന്റർ ഉസൈൻ ബോൾട്ടിന് ഇരട്ട ഗോൾ. സൗഹൃദ മത്സരത്തിൽ സൗത്ത് വെസ്റ്റിനെതിരേ സെൻട്രൽ കോസ്റ്റ് മറീനേഴ്സിനായാണ് ബോൾട്ട് 57, 67 മിനിറ്റുകളിൽ ഗോൾ നേടിയത്. മത്സരത്തിൽ സെൻട്രൽ കോസ്റ്റ് 4-0ന് ജയിച്ചു.
Read Moreഇന്ത്യ x ചൈന യുദ്ധം
സീചൊ (ചൈന): ഷാങ്ഹായ്ക്ക് സമീപമുള്ള സീചൊയിലെ ഒളിന്പിക് സ്റ്റേഡിയത്തിൽ ഇന്ന് ഇന്ത്യ-ചൈന യുദ്ധം. ഫുട്ബോൾ കളത്തിൽ വർഷങ്ങൾക്ക് ശേഷം നീലപ്പടയും റെഡ് ഡ്രാഗണ്സും കൊന്പുകോർക്കുന്പോൾ ഇരു രാജ്യങ്ങളും തമ്മിൽ കാലങ്ങളായുള്ള വൈര്യത്തിന്റെ കനൽ ജ്വലിക്കും. മാഴ്സലോ ലിപ്പിയെന്ന ഇറ്റാലിയൻ പരിശീലകന്റെ കീഴിലാണ് ചൈന ഇറങ്ങുന്നത്. ചൈനയുടെ പടക്കോപ്പുകളെ നിർജീവമാക്കി സർജിക്കൽ സ്ട്രൈക്ക് നടത്തി മടങ്ങാൻ ഇന്ത്യൻ തന്ത്രമൊരുക്കുന്നത് സ്റ്റീഫൻ കോണ്സ്റ്റൈന്റനും. ഇന്ത്യൻ സമയം വൈകുന്നേരം അഞ്ചിനാണ് കിക്കോഫ്. ലോക ജനസംഖ്യയിലെ മൂന്നിൽ ഒന്നിലധികം ഇരു രാജ്യങ്ങളിലുമായാണുള്ളത്. എന്നാൽ, ലോക ഫുട്ബോൾ ഭൂപടത്തിൽ അതിന്റെ മേന്മ ഇരു രാജ്യങ്ങൾക്കും അത്രയൊന്നും അവകാശപ്പെടാനില്ല. ജനസംഖ്യയിൽ ആദ്യ രണ്ട് സ്ഥാനങ്ങളിലാണെങ്കിലും ഫിഫ റാങ്കിംഗിൽ ചൈന 76ഉം ഇന്ത്യ 97ഉം സ്ഥാനങ്ങളിലാണ്. എന്നിരുന്നാലും ഇരു രാജ്യങ്ങളും നേർക്കുനേർവരുന്പോൾ ജീവന്മരണ പോരാട്ടം നടക്കുമെന്നുറപ്പ്. കാരണം, കളത്തിനു പുറത്ത് ഇരു രാജ്യങ്ങളും തമ്മിൽ കാലങ്ങളായുള്ള വൈര്യംതന്നെ.…
Read Moreലൂക്കാക്കുവിന്റെ ഇരട്ടഗോളിൽ ബെൽജിയത്തിനു ജയം
ബ്രസൽസ്: യുവേഫ നേഷൻസ് ലീഗിൽ ഒന്നിനെതിരെ രണ്ടു ഗോളുകൾക്ക് സ്വിറ്റ്സർലൻഡിനെ ബെൽജിയം തകർത്തു. റൊമേലു ലൂക്കാക്കുവിന്റെ ഇരട്ടഗോളിലായിരുന്നു ബെൽജിയത്തിന്റെ ജയം. കളിയുടെ 58, 84 മിനിറ്റുകളിലായിരുന്നു ലൂക്കാക്കുവിന്റെ ഗോൾ. ഗവർനോവിച്ചായിരുന്നു (76) സ്വിറ്റ്സർലൻഡിന്റെ ആശ്വാസ ഗോൾ നേടിയത്. ഗോൾ രഹിതമായ ആദ്യ പകുതിക്കു ശേഷമാണ് ഗോൾവല ചലിച്ചു തുടങ്ങിയത്. റൈറ്റ് ബാക്ക് തോമസ് മ്യൂനിയറുടെ മികച്ച പാസാണ് ലൂക്കാക്കുവിന്റെ ഒന്നാം ഗോൾ പിറവിക്കു കാരണമായത്. കാൽമണിക്കൂറിനുള്ളിൽ തിരിച്ചടിച്ച് സ്വിറ്റ്സർലൻഡ് സമനിലപിടിച്ചു. മനോഹരമായൊരു ഫ്രീകിക്ക് ആണ് ഗോളിൽ കലാശിച്ചത്. ബോക്സിനു വെളിയിൽനിന്നും ഷാഖീരിയെടുത്ത ഫ്രീകിക്ക് ഇടത് പോസ്റ്റിന്റെ മൂലയിലേക്ക് ഓടിക്കയറിയ നികോ എൽവേദി തലകൊണ്ടു പിന്നിലേക്കു മറിച്ചു. തക്കം പാർത്തിരുന്ന മരിയോ ഗവർനോവിച്ച് പന്തിനെ ഗോളിലേക്കു പറഞ്ഞുവിട്ടു. കളിയുടെ അവസാന നിമിഷം തിരിച്ചടിച്ച ബെൽജിയം സമനിലപൂട്ട് പൊട്ടിച്ചു. ഹസാർഡ്, ഡ്രൈസ് മെർട്ടനസ്, ലൂക്കാക്കു എന്നിവരായിരുന്നു രണ്ടാം ഗോളിനു പിന്നിൽ.
Read Moreഇന്ത്യാ -വെസ്റ്റിൻഡീസ് ഏകദിനം; ടീമുകൾ 30 ന് എത്തും; ടിക്കറ്റ് വില്പന 17 മുതൽ
തിരുവനന്തപുരം: നവംബർ ഒന്നിന് കാര്യവട്ടം സ്പോർട്സ് ഹബ്ബിൽ നടക്കുന്ന ഇന്ത്യാ വെസ്റ്റിൻഡീസ് ഏകദിന ക്രിക്കറ്റ് മത്സരത്തിനായി ഇരു ടീമുകളും ഈ മാസം 30 ന് തിരുവനന്തപുരത്ത് എത്തും. അന്ന് കോവളം ഹോട്ടൽ ലീലയിൽ തങ്ങുന്ന ഇരു ടീമും 31 ന് രാവിലെയും ഉച്ചകഴിഞ്ഞുമായി പരിശീലനത്തിന് സ്റ്റേഡിയത്തിലെത്തും. മത്സരത്തിനായുള്ള ടിക്കറ്റ് വില്പനയുടെ ഉദ്ഘാടനം 17 ന് കായികമന്ത്രി ഇ.പി. ജയരാജൻ നിർവഹിക്കും. 42000 ടിക്കറ്റുകളാണ് വില്പന നടത്തുക. 1000 രൂപമുതൽ 3000 രൂപവരെയാണ് ടിക്കറ്റ് നിരക്ക്. കഴിഞ്ഞ ട്വി-20 മത്സരത്തിന് പിച്ച് തയാറ്റാക്കിയ കെസിഎ ക്യൂറേറ്റർ ബിജുവിന്റെ നേതൃത്വത്തിൽ പിച്ച് നിർമാണം അവസാന ഘട്ടത്തിലാണ്. കളിക്കാർക്കായി പ്രത്യേക മുറികളും സജീകരിച്ചിട്ടുണ്ട്. കുടുംബശ്രീ,ജയിൽ വകുപ്പ് എന്നിവരുടെ നേതൃത്വത്തിലാകും മത്സരദിനം സ്റ്റേഡിയത്തിൽ ഭക്ഷണ വിതരണം.
Read More