പാരീസ്: എടിപി പുരുഷ സിംഗിൾസ് റാങ്കിംഗിൽ സ്വിറ്റ്സർലൻഡിന്റെ റോജർ ഫെഡറർ ഒന്നാം സ്ഥാനത്ത് തിരിച്ചെത്തി. മാഡ്രിഡ് ഓപ്പണ് ക്വാർട്ടറിൽ സ്പാനിഷ് താരം റാഫേൽ നദാൽ പുറത്തായതാണ് ഫെഡറർക്ക് ഗുണമായത്. മാർച്ചിനുശേഷം ഫെഡറർ കളത്തിൽ ഇറങ്ങിയിട്ടില്ല. അതേസമയം, മുൻ ലോക ഒന്നാം നന്പറായിരുന്ന സെർബിയയുടെ നൊവാക് ജോക്കോവിച്ച് ആറ് സ്ഥാനങ്ങൾ പിന്നോട്ടിറങ്ങി 18-ാം റാങ്കിലായി. 2006 ഒക്ടോബറിനുശേഷം ജോക്കോവിച്ചിന്റെ ഏറ്റവും മോശം റാങ്കിംഗ് ആണിത്. ജർമനിയുടെ അലക്സാണ്ടർ സ്വെരേവ്, ബൾഗേറിയയുടെ ഗ്രിഗോർ ദിമിത്രോവ്, ക്രൊയേഷ്യയുടെ മാരിൻ സിലിച്ച് എന്നിവരാണ് യഥാക്രമം മൂന്ന്, നാല്, അഞ്ച് സ്ഥാനങ്ങളിൽ. വനിതാ സിംഗിൾസിൽ റൊമാനിയയുടെ സിമോണ ഹാലെപ്പ്, ഡെ·ാർക്കിന്റെ കരോളിൻ വോസ്നിയാകി, സ്പെയിനിന്റെ ഗാർബിനെ മുഗുരുസ, യുക്രെയ്നിന്റെ എലിന സ്വിറ്റോണിയ, ചെക്ക് റിപ്പബ്ലിന്റെ കരോളിന പ്ലീഷ്കോവ എന്നിവരാണ് യഥാക്രമം ആദ്യ അഞ്ച് സ്ഥാനങ്ങളിൽ.
Read MoreCategory: Sports
ലോകകപ്പിനുള്ള ബ്രസീൽ സംഘത്തെ പ്രഖ്യാപിച്ചു
ബ്രസീലിയ: റഷ്യൻ ലോകകപ്പിനുള്ള 23 അംഗ ബ്രസീൽ സംഘത്തെ പരിശീലകൻ ടിറ്റെ പ്രഖ്യാപിച്ചു. പരിക്കിൽനിന്ന് പൂർണമായി മോചിതനാകാത്ത നെയ്മർ ഉൾപ്പെടെ ടീമിലുണ്ട്. അഞ്ച് തവണ ലോക ചാന്പ്യന്മാരായ ബ്രസീൽ ലോകകപ്പിൽ ഗ്രൂപ്പ് ഇയിലാണ്. ടീം: ഗോൾ കീപ്പർമാർ- അലിസണ്, എഡേഴ്സണ്, കാസിയോ. ഡിഫൻഡർമാർ- മിറാൻഡ, മാർഖിനോസ്, തിയാഗോ സിൽവ, മാഴ്സലോ, ഫിലിപ്പെ ലൂയിസ്, ഫാഗ്നർ, പെഡ്രോ ജെറോമൽ, ഡാനിയേലോ. മധ്യനിര – കാസിമിറോ, ഫെർണാണ്ടീനോ, പൗളീഞ്ഞോ, റെനാറ്റോ അഗസ്തോ, ഫിലിപ്പെ കുട്ടീഞ്ഞോ, വില്യണ്, ഫ്രെഡ്. മുന്നേറ്റ നിര – ഗബ്രിയേൽ ജീസസ്, റോബർട്ടോ ഫിർമിനോ, ഗഗ്ലസ് കോസ്റ്റ, ടൈസണ്, നെയ്മർ.
Read More115 കോടി, റൂണി ഡിസി യുണൈറ്റഡിലേക്ക്
ലണ്ടൻ: ഇംഗ്ലീഷ് പ്രീമിയർ ലീഗിൽനിന്ന് വെയ്ൻ റൂണി അമേരിക്കൻ മേജർ സോക്കർ ലീഗിലേക്ക് ചേക്കേറുന്നു. മാഞ്ചസ്റ്റർ യുണൈറ്റഡിന്റെ മുൻ താരമായിരുന്ന റൂണിയുടെ ട്രാൻസ്ഫർ തുക 115 കോടി രൂപയാണെന്നാണ് റിപ്പോർട്ട്. ഈ സീസണിന്റെ തുടക്കത്തിലാണ് റൂണി യുണൈറ്റഡിൽനിന്ന് എവർട്ടണിലേക്ക് എത്തിയത്. 2020വരെ എവർട്ടണുമായി കരാർ ഉണ്ടായിരിക്കേയാണ് റൂണി അമേരിക്കൻ സോക്കർ ലീഗിലെ ഡിസി യുണൈറ്റഡിലേക്ക് നീങ്ങുന്നത്. 31 കളികളിൽനിന്ന് 10 ഗോൾ എവർട്ടണിനായി ഈ സീസണിൽ റൂണി സ്വന്തമാക്കിയിട്ടുണ്ട്. 2003 മുതൽ 2016വരെ ഇംഗ്ലണ്ട് താരമായിരുന്ന റൂണിയുടെ പേരിലാണ് രാജ്യത്തിനായി ഏറ്റവും അധികം ഗോൾ (119 കളികളിൽനിന്ന് 53 ഗോൾ) നേടിയതിന്റെ റിക്കാർഡ്.
Read Moreട്രാൻസ്ഫർ റിക്കാർഡ് തകർക്കാൻ വീണ്ടും നെയ്മർ
പാരീസ്: പാരീ സാൻ ഷെർമയ്ന്റെ ബ്രസീലിയൻ സൂപ്പർ താരം നെയ്മർ അടുത്ത ക്ലബ് മാറ്റത്തിനൊരുങ്ങുന്നു. ലോക ഇലവനെ ഓർമിപ്പിക്കുന്ന ടീമുകളെ ഇറക്കുന്നതിൽ പ്രത്യേക താത്പര്യം കാണിക്കുന്ന റയൽ മാഡ്രിഡിലേക്കാവും അടുത്ത മാറ്റമെന്നാണ് സൂചന. ബാഴ്സലോണയിൽ നിന്ന് 222 മില്യൻ യൂറോ(1776 കോടി രൂപ) എന്ന റിക്കാർഡ് ട്രാൻസ്ഫർ തുകയ്ക്കാണ് നെയ്മർ പിഎസ്ജിയിലെത്തിയത്. ഇവിടെ താരം അതൃപ്തനാണെന്നും, റയലുമായുള്ള ചർച്ചകൾ അവസാന ഘട്ടത്തിലാണെന്നുമാണ് റിപ്പോർട്ടുകൾ.260 മില്യൻ യൂറോയാണ് ഇപ്പോൾ പറഞ്ഞു കേൾക്കുന്ന ട്രാൻസ്ഫർ തുക. നെയ്മറുടെ ഏജന്റോ റയൽ അധികൃതരോ ഇതു സ്ഥിരീകരിച്ചിട്ടില്ല.
Read Moreഅയർലൻഡിനെതിരായ ആദ്യ ട്വന്റി-20യിലും കോഹ്ലി ഇല്ല
ന്യൂഡൽഹി: അയർലൻഡിനെതിരായ ട്വന്റി-20 പരന്പരയിലെ ആദ്യ മത്സരത്തിൽ ഇന്ത്യൻ ക്രിക്കറ്റ് ടീമിനൊപ്പം ക്യാപ്റ്റൻ വിരാട് കോഹ്ലി ഉണ്ടാകില്ല. രണ്ട് മത്സര ട്വന്റി-20 പരന്പരയിൽ ബിസിസിഐ വിരാടിനെ ക്യാപ്റ്റനായി പ്രഖ്യാപിച്ചിരുന്നു. എന്നാൽ, കൗണ്ടിയിൽ സറെയ്ക്കായി കളിക്കുന്നതിനാൽ ആദ്യ മത്സരം കോഹ്ലിക്ക് ഒഴിവാക്കേണ്ടിവരും. ഇതോടെ ആദ്യ ട്വന്റി-20യിൽ രോഹിത് ശർമ ഇന്ത്യയെ നയിക്കും. കോഹ്ലി കൗണ്ടി കളിക്കുന്നതിനാൽ അഫ്ഗാനിസ്ഥാനെതിരായ ടെസ്റ്റിൽനിന്ന് ഒഴിവാക്കിയിരുന്നു. അജിങ്ക്യ രഹാനെയാണ് ടെസ്റ്റിൽ ഇന്ത്യയെ നയിക്കുക.
Read Moreഓ ബാഴ്സ! ബാഴ്സലോണ
മാഡ്രിഡ്: സ്പാനിഷ് ലീഗ് ഫുട്ബോളിൽ ബാഴ്സലോണയുടെ അപരാജിത യാത്ര തുടരുന്നു. ലീഗിലെ 36-ാം മത്സരത്തിൽ ബാഴ്സലോണ 5-1നു വിയ്യാറയലിനെ കീഴടക്കി. ഈ സീസണോടെ ക്ലബ് വിടുന്ന മിഡ്ഫീൽഡ് ജനറൽ ആ്രന്ദേ ഇനിയെസ്റ്റയുടെ രണ്ട് വേൾഡ് ക്ലാസ് അസിസ്റ്റുകളും ഡെംബെലെയുടെ ഇരട്ട ഗോളും (87, 90+3 മിനിറ്റുകൾ) ബാഴ്സയുടെ ജയത്തിനു ചന്തം പകർന്നു. ലയണൽ മെസി (45-ാം മിനിറ്റ്), പൗളീഞ്ഞോ (16-ാം മിനിറ്റ്), കുട്ടീഞ്ഞോ (11-ാം മിനിറ്റ്) എന്നിവരും ബാഴ്സയ്ക്കായി ലക്ഷ്യംകണ്ടു. 54-ാം മിനിറ്റിൽ സാൻസണിന്റെ വകയായിരുന്നു വിയ്യാറയലിന്റെ ഏക ഗോൾ. ശേഷിക്കുന്ന രണ്ട് മത്സരങ്ങളിൽകൂടി പരാജയപ്പെടാതിരുന്നാൽ ആധുനിക ലാ ലിഗയിൽ തോൽവി അറിയാതെ കപ്പുയർത്തുന്ന ടീമെന്ന നേട്ടം ബാഴ്സയ്ക്ക് സ്വന്തമാക്കാം. കിരീടം ഇതിനോടകം സ്വന്തമാക്കിക്കഴിഞ്ഞ ബാഴ്സയുടെ ശേഷിക്കുന്ന മത്സരങ്ങൾ ലീഗിൽ 16-ാം സ്ഥാനത്തുള്ള ലെവന്റെയ്ക്കും 11-ാം സ്ഥാനത്തുള്ള റയൽ സോസിഡാഡിനും എതിരേയാണ്. ലീഗിൽ 18 മത്സരങ്ങൾ ഉണ്ടായിരുന്ന…
Read Moreപന്താക്രമണം, പ്രത്യാക്രമണം
ന്യൂഡൽഹി: ഋഷഭ് പന്ത് എന്ന യുവതാരത്തിന്റെ ബാറ്റ് ഗർജിച്ചപ്പോൾ സണ്റൈസേഴ്സ് ഹൈദരാബാദിനെതിരേ ആദ്യം ബാറ്റ് ചെയ്ത ഡൽഹി ഡെയർ ഡെവിൾസ് 20 ഓവറിൽ അഞ്ച് വിക്കറ്റ് നഷ്ടത്തിൽ 187 റണ്സ് എടുത്തു. 63 പന്തിൽ ഏഴ് സിക്സും 15 ഫോറും അടക്കം 128 റണ്സ് എടുത്ത പന്ത് പുറത്താകാതെനിന്നു. കെയ്ൻ വില്യംസൺ (53 പന്തിൽ 83 നോട്ടൗട്ട്), ശിഖർ ധവാൻ (50 പന്തിൽ 92 നോട്ടൗട്ട്) എന്നിവരുടെ കരുത്തിൽ 18.5 ഓവറിൽ ഒരു വിക്കറ്റ് നഷ്ടത്തിൽ 191 അടിച്ച് സൺറൈസേഴ്സ് ജയമാ ഘോഷിച്ചു. ഐപിഎൽ 2018 സീസണിലെ മൂന്നാമത്തെ സെഞ്ചുറിയാണ് ഇന്നലെ പന്ത് നേടിയത്. പഞ്ചാബ് കിംഗ്സ് ഇലവനായി ക്രിസ് ഗെയ്ലും ചെന്നൈ സൂപ്പർ കിംഗ്സിനായി ഷെയ്ൻ വാട്സണും ഈ സീസണിൽ സെഞ്ചുറി നേടിയിരുന്നു. എന്നാൽ, സീസണിലെ ഏറ്റവും ഉയർന്ന വ്യക്തിഗത സ്കോറായിരുന്നു പന്തിന്റെ 128 നോട്ടൗട്ട്.…
Read Moreഇറ്റാലിയൻ കപ്പ് യുവന്റസിന്
മിലാൻ: ഇറ്റാലിയൻ കപ്പ് ഫുട്ബോൾ കിരീടം യുവന്റസിന്. ഫൈനലിൽ എസി മിലാനെയാണ് യുവെ മറുപടിയില്ലാത്ത നാലു ഗോളുകൾക്ക് കീഴടക്കിയത്. ഗോൾ രഹിതമായ ആദ്യ പകുതിക്കുശേഷം ബെനറ്റിയ (56, 64 മിനിറ്റുകൾ), ഡഗ്ലസ് കോസ്റ്റ (61-ാം മിനിറ്റ്) എന്നിവർ യുവന്റസിനായി ലക്ഷ്യംനേടി. 76-ാം മിനിറ്റിൽ നിക്കോളസ് കലിനിക്കിന്റെ സെൽഫ് ഗോൾകൂടി ആയതോടെ എസി മിലാന്റെ പരാജയം പൂർണം. തുടർച്ചയായ നാലാം തവണയാണ് യുവെ ഇറ്റാലിയൻ കപ്പ് കിരീടം സ്വന്തമാക്കുന്നത്. യുവെ ഗോളി ജിയാൻ ലൂയിജി ബഫണ് 1999നു ശേഷം ഇറ്റാലിയൻ കപ്പ് ഫൈനൽ കളിക്കുന്നത് ഇതാദ്യമായാണ്. കഴിഞ്ഞ ഏഴ് വർഷമായി എസി മിലാന് ഒരു കിരീടം പോലും സ്വന്തമാക്കാൻ കഴിഞ്ഞിട്ടില്ല.
Read Moreകാൽപ്പന്തിലെ കൊളംബിയൻ വസന്തം…
കൊളംബിയ, ഫുട്ബോൾ ലോകത്ത് എന്നും വേറിട്ടുനിൽക്കുന്ന സൗന്ദര്യം. ലാറ്റിനമേരിക്കൻ ഫുട്ബോളിൽ ബ്രസീലിനും അർജന്റീനയ്ക്കുമൊപ്പം ആരാധകർ നെഞ്ചോടുചേർത്തുപിടിച്ച രാജ്യം. ഇതിഹാസ താങ്ങൾക്ക് ജന്മം നല്കുന്നതിൽ കൊളംബിയ ഇക്കാലമത്രയും പിശുക്ക് കാട്ടിയിട്ടില്ല. എന്നാൽ, ഒരിക്കലെങ്കിലും ലോകകപ്പ് ഫുട്ബോളിന്റെ സെമിയിൽപോലും അവർക്കു കടക്കാനായിട്ടില്ല. 2014ൽ ക്വാർട്ടറിൽ എത്തിയതാണ് കൊളംബിയയുടെ ലോകകപ്പിലെ മികച്ച പ്രകടനം. സ്വർണത്തലമുടിക്കാരനായ കാൽലോസ് വാൽഡറാമ, ഗോളടിക്കും ഗോളിയായി പേരെടുത്ത റെനെ ഹിഗ്വിറ്റ, ഭാവനാസന്പന്ന ഗോളിനുടമയായ അസ്പ്രില്ല, സെൽഫ് ഗോളടിച്ചതിനു വെടിയേറ്റുമരിച്ച ആന്ദ്രേ എസ്കോബർ… 2014ലെ ഗോൾഡൻ ബൂട്ട് സ്വന്തമാക്കിയ ഹമേഷ് റോഡ്രിഗസ്, സൂപ്പർ സ്ട്രൈക്കറായ റഡമേൽ ഫൽക്കാവോ… ചരിത്രത്തിൽ താരസന്പത്തിനും വ്യത്യസ്തതയ്ക്കും കൊളംബിയ എന്നും മുൻപന്തിയിലുണ്ട്. എന്നാൽ, മത്സരവേദിയിൽ നിരാശയും ദുഃഖവുമാണ് ഈ ലാറ്റിനമേരിക്കക്കാരുടെ കൈമുതൽ! കാൽപ്പന്തുകളിയുടെ ഈറ്റില്ലമാണ് കൊളംബിയ. ഫിഫയുടെ കണക്കുപ്രകാരം മൂന്നരലക്ഷത്തോളം കളിക്കാർ കൊളംബിയയിലുണ്ട്. അതിൽ 2,91,299പേർ രജിസ്റ്റേർഡ് കളിക്കാരാണ്. ലാറ്റിനമേരിക്കയുടെ വടക്ക്പടിഞ്ഞാറായി സ്ഥിതിചെയ്യുന്ന ഈ…
Read Moreസതാംപ്ടണിനു ജയം, വെസ്റ്റ്ബ്രോം തരംതാഴ്ത്തപ്പെട്ടു
ലണ്ടൻ: ഇംഗ്ലീഷ് പ്രീമിയർ ലീഗിൽ സ്വാൻസീ സിറ്റിക്കെതിരേ സതാംപ്ടണിനു ജയം. 72-ാം മിനിറ്റിൽ മനോലോ ഗബ്ബിയാഡിനി നേടിയ ഗോളിൽ 1-0ന് ആയിരുന്നു സതാംപ്ടണിന്റെ ജയം. ജയത്തോടെ അടുത്ത സീസണിലും പ്രീമിയർ ലീഗ് സാന്നിധ്യം സതാംപ്ടണ് ഉറപ്പിച്ചു. സ്വാൻസീയുടെ കാര്യം ത്രിശങ്കുവിലുമായി. സതാംപ്ടണിന്റെ ജയത്തോടെ വെസ്റ്റ്ബ്രോംവിച്ച് ആൽബിയോണ് ലീഗിൽനിന്ന് തരംതാഴ്ത്തപ്പെട്ട് പുറത്തായി. 37 മത്സരങ്ങളിൽനിന്ന് 31 പോയിന്റുള്ള ബ്രോംവിച്ച് 19-ാം സ്ഥാനത്താണ്. അവസാന മൂന്ന് സ്ഥാനക്കാരാണ് തരംതാഴ്ത്തപ്പെടുന്നത്. 20-ാം സ്ഥാനത്തുള്ള സ്റ്റോക് സിറ്റി നേരത്തേ തരംതാഴ്ത്തപ്പെട്ടിരുന്നു. 18-ാം സ്ഥാനത്തുള്ള സ്വാൻസീ സിറ്റിക്ക് 33 പോയിന്റാണുള്ളത്. സ്റ്റോക് സിറ്റിക്കെതിരേയാണ് സ്വാൻസീയുടെ അവസാന മത്സരം.
Read More