ന്യൂഡൽഹി: വനിത ടെന്നീസിൽ ഇന്ത്യയുടെ അങ്കിത റെയ്നയ്ക്ക് ലോകറാങ്കിംഗിൽ 197-ാം സ്ഥാനം. ഇന്ത്യയിൽ നിന്ന് 200 സ്ഥാനത്തിനുള്ളിൽ എത്തിയ അഞ്ചാമത്തെ ആളാണ് അങ്കിത. സാനിയ മിർസ, നിരുപമ വെെദ്യനാഥൻ, ശിഖ ഒബ്റോയ്, സുനിത റാവു എന്നിവരാണ് നേരത്തെ 200 റാങ്കിനുള്ളിൽ എത്തിയവർ. സിംഗിൾസിൽ സാനിയ 2007-ൽ 27-ാം റാങ്ക് കരസ്ഥമാക്കിയിരുന്നു. നിരുപമ 1997-ൽ 134-ാം സ്ഥാനവും 2005ൽ ശിഖ 122-ാം സ്ഥാനവും, 2008ൽ സുനിത 144 -ാം സ്ഥാനവും കരസ്ഥമാക്കിയിട്ടുണ്ട്. കഠിനാധ്വാനവും സഹനവുമാണ് തന്നെ ഇൗ സ്ഥാനത്തിനു അർഹയാക്കിയതെന്ന് അങ്കിത പറഞ്ഞു. കുറെനാളുകളായി 200നും 250നും ഇടയിലായിരുന്നു സ്ഥാനം. സമയമെടുത്താണ് ഇൗ സ്ഥാനത്തെത്തിയതെന്നും അങ്കിത പറഞ്ഞു.
Read MoreCategory: Sports
കോമണ്വെൽത്ത് ഗെയിംസ്: മേരികോം ഫൈനലിൽ
ഗോൾഡ്കോസ്റ്റ്: കോമണ്വെൽത്ത് ഗെയിംസിലെ വനിതാ ബോക്സിംഗ് റിംഗിൽ ഇന്ത്യയുടെ സൂപ്പർ താരം മേരികോം ഫൈനലിൽ പ്രവേശിച്ചു. സെമിയിൽ ശ്രീലങ്കയുടെ അനുഷ ദിൽറുക്ഷിയെ പരാജയപ്പെടുത്തിയാണ് മേരികോമിന്റെ നേട്ടം. 48 കിലോ വിഭാഗത്തിൽ ആണ് മേരികോം മത്സരിക്കുന്നത്.
Read Moreസൂപ്പർ കിംഗ്സിന്റെ മത്സരങ്ങൾ ചെന്നെയിൽത്തന്നെ
മുംബൈ: ചെന്നൈ സൂപ്പർ കിംഗ്സിന്റെ മത്സരങ്ങൾ ചെന്നൈയിൽത്തന്നെ നടത്തുമെന്ന് ഐപിഎൽ ചെയർമാൻ രാജീവ് ശുക്ല. ഇന്ന് നടക്കാനിരിക്കുന്ന കോൽക്കത്ത നൈറ്റ് റൈഡേഴ്സുമായുള്ള മത്സരം ചെന്നൈയിൽ നടക്കും. ചെന്നൈയുടെ മത്സരങ്ങളിൽ ആവശ്യമായ സുരക്ഷ നൽകുമെന്നും അതിനാൽ മത്സരങ്ങൾ മാറ്റേണ്ടതില്ലെന്നും രാജീവ് ശുക്ല അറിയിച്ചു.കാവേരി ജല പ്രശ്നം പരിഹരിക്കുന്നതുവരെ ഐപിഎൽ ബഹിഷ്കരിക്കുമെന്ന ആഹ്വാനം തമിഴ്നാട്ടിൽ വ്യാപകമായി ഉണ്ടായിരുന്നു. തുർന്ന് കഴിഞ്ഞ ദിവസം മത്സരങ്ങൾ തിരുവനന്തപുരം കാര്യവട്ടം ഗ്രൗണ്ടിലേക്ക് മാറ്റാൻ ബിസിസിഐയും സൂപ്പർ കിംഗ്സ് ടീം മാനേജ്മെന്റും കേരള ക്രിക്കറ്റ് അസോസിയേഷന്റെ തീരുമാനം ആരാഞ്ഞിരുന്നു.
Read Moreബാഡ്മിന്റണിലും സ്വർണക്കൊയ്ത്ത്; ഇന്ത്യയുടെ സുവർണനേട്ടം പത്ത്
ഗോൾഡ് കോസ്റ്റ്: കോമണ്വെൽത്ത് ഗെയിംസിൽ ഇന്ത്യയുടെ സ്വർണവേട്ട തുടരുന്നു. ബാഡ്മിന്റണ് മിക്സഡ് ടീം ഇനത്തിൽ നേടിയ സ്വർണത്തോടെ ഇന്ത്യയുടെ സുവർണനേട്ടം പത്തായി. അശ്വിനി പൊന്നപ്പ, സത്വിക് റാങ്കിറെഡ്ഡി, കിഡംബി ശ്രീകാന്ത്, സൈന നെഹ്വാൾ എന്നിവരടങ്ങിയ ടീമാണ് സ്വർണം നേടിയത്. ടീം 3-1 എന്ന സ്കോറിന് കരുത്തരായ മലേഷ്യയെ പരാജയപ്പെടുത്തി. കോമണ്വെൽത്ത് ഗെയിംസിൽ ഇത് ആദ്യമായാണ് ഇന്ത്യ മിക്സഡ് ടീം ഇനത്തിൽ സ്വർണം നേടുന്നത്. പത്തു സ്വർണമടക്കം 19 മെഡലുകളുമായി ഇന്ത്യ പോയിന്റ് പട്ടികയിൽ മൂന്നാം സ്ഥാനത്തു തുടരുകയാണ്. 35 സ്വർണമടക്കം 105 മെഡലുകളുമായി ആതിഥേയരായ ഓസ്ട്രേലിയയാണ് ഒന്നാമത്. 22 സ്വർണമുൾപ്പെടെ 62 മെഡലുകളുള്ള ഇംഗ്ലണ്ട് രണ്ടാം സ്ഥാനത്തുണ്ട്.
Read Moreകോമണ്വെല്ത്ത്: ഹോക്കിയിൽ ഇന്ത്യയ്ക്ക് രണ്ടാം ജയം
ഗോൾഡ് കോസ്റ്റ്: കോമണ്വെല്ത്ത് ഗെയിംസ് പുരുഷ ഹോക്കിയിൽ ഇന്ത്യൻ ടീമിന് ജയം. പൂൾ ബി മത്സരത്തിൽ മലേഷ്യയെ 2-1ന് ഇന്ത്യ തോൽപിച്ചു. ഹർമൻ പ്രീത് സിംഗിന്റെ ഇരട്ട ഗോളുകളാണ്(3,43 മിനിറ്റുകൾ) ഇന്ത്യയ്ക്ക് ജയമൊരുക്കിയത്. ഫൈസൽ സാരി മലേഷ്യയുടെ ഏക ഗോൾ നേടി. രണ്ടാം ജയത്തോടെ നോക്കൗട്ടിലേക്കുള്ള സാധ്യത ഇന്ത്യ വർധിപ്പിച്ചു. ഗ്രൂപ്പ് ബിയിൽ മൂന്ന് മത്സരങ്ങളിൽ നിന്ന് ഏഴ് പോയിന്റാണ് ഇന്ത്യക്കുള്ളത്.
Read Moreലോകറിക്കാർഡ് രാജ്യത്തിനു സമർപ്പിച്ച് പെയ്സ്
ന്യൂഡൽഹി: ലിയാൻഡർ പെയ്സ് ഡേവിസ് കപ്പിലെ ആദ്യ മത്സരത്തിനിറങ്ങുന്പോൾ 16 വയസായിരുന്നു. വിജയങ്ങൾ സ്വന്തമാക്കി മുന്നേറിയപ്പോൾ പെയ്സ് ഇന്ത്യ കണ്ട ടെന്നീസിലെ ഇതിഹാസതാരമായി വളർന്നു. ഇപ്പോൾ 44 വയസിലെത്തിയ പെയ്സിനെ പ്രായം തളർത്തുന്നില്ല. ഡേവിസ് കപ്പ് ഡബിൾസിൽ 43 വിജയങ്ങളുമായി ലോകറിക്കാർഡ് പെയ്സ് സ്വന്തമാക്കി. ഡേവിസ് കപ്പിൽ ഏറ്റവും കൂടുതൽ ഡബിൾസ് വിജയിയെന്ന പേര് ഇനിമുതൽ ഇന്ത്യൻ ഇതിഹാസത്തിന്റെ പേരിലാണ്. ഡേവിസ് കപ്പിലെ ലോക റിക്കാർഡ് രാജ്യത്തിനു സമർപ്പിക്കുകയാണെന്ന് താരമറിയിച്ചു. ഈ മണ്ണിന്റെ പുത്രനായതിലും ഇത്രയും കാലം കളിക്കാനായതിലും അഭിമാനിക്കുന്നതായും പെയ്സ് പറഞ്ഞു. റിക്കാർഡ് അച്ഛനും രക്ഷിതാക്കൾക്കും മകൾ അയാനയ്ക്കും ഡേവിസ് കപ്പിലെ എല്ലാ നായകന്മാർക്കും ഡബിൾസിലെ പങ്കാളികൾക്കും സമർപ്പിക്കുന്നു- പെയ്സ് പറഞ്ഞു.
Read Moreകോമണ്വെൽത്ത് മെഡൽ ഉറപ്പിച്ച് മേരികോം
ഗോൾഡ് കോസ്റ്റ്: കോമണ്വെൽത്ത് വനിതാ ബോക്സിംഗ് റിംഗിലെ ഇന്ത്യയുടെ സൂപ്പർ വനിതയായ മേരി കോം സെമിയിൽ പ്രവേശിച്ചു. ക്വാർട്ടറിൽ സ്കോട്ലൻഡിന്റെ മേഗൻ ഗോർഡൗണിനെ 5-0നു കീഴടക്കിയാണ് മേരി കോം സെമിയിലെത്തി മെഡൽ ഉറപ്പാക്കിയത്. അഞ്ചു തവണ ലോകചാന്പ്യനായ ഇന്ത്യൻ താരം 45-48 കിലോഗ്രാം വിഭാഗത്തിൽ ക്വാർട്ടറിലേക്ക് നേരിട്ട് യോഗ്യത നേടുകയായിരുന്നു. പതിനെട്ടുകാരിയായ സ്കോട്ടിഷ് താരത്തിന് മുപ്പത്തഞ്ചുകാരിയായ മേരി കോമിന്റെ പഞ്ചുകൾക്ക് മറുപടിയില്ലായിരുന്നു.ബുധനാഴ്ചയാണ് സെമിഫൈനൽ. പുരുഷ ബോക്സിംഗിൽ ഇന്ത്യയുടെ മെഡൽ പ്രതീക്ഷയായ വികാസ് കൃഷാൻ ക്വാർട്ടറിൽ കടന്നു.
Read Moreചെന്നൈ-ബാംഗളൂർ മത്സരങ്ങൾക്കു കേരളം വേദിയായേക്കും
കൊച്ചി: തമിഴ്നാടും കർണാടകയും തമ്മിലുള്ള കാവേരി നദീജല തർക്കം നിലനിൽക്കുന്നതിനാൽ ചെന്നൈ സൂപ്പർ കിംഗ്സ്, റോയൽ ചലഞ്ചേഴ്സ് ബാംഗളൂർ ടീമുകളുടെ മത്സരങ്ങൾക്ക് കേരളം വേദിയായേക്കുമെന്ന് സൂചന. തിരുവനന്തപുരം ഗ്രീൻഫീൽഡ് സ്റ്റേഡിയത്തിൽ മത്സരം നടത്താൻ സൗകര്യം ആരാഞ്ഞ് ബിസിസിഐയും സൂപ്പർ കിംഗ്സ് ടീം മാനേജ്മെന്റും കേരള ക്രിക്കറ്റ് അസോസിയേഷന്റ അഭിപ്രായം ആരാഞ്ഞു. മത്സരം നടത്താൻ സ്റ്റേഡിയം പൂർണ സജ്ജമാണെന്നാണ് കെസിഎ പ്രസിഡന്റ് റോങ്ക്ലിൻ ജോണ് മറുപടി അറിയിച്ചു. ഗ്രീൻഫീൽഡ് സ്റ്റേഡിയത്തെ ചെന്നൈ സൂപ്പർ കിംഗ്സിന്റെ ഹോം ഗ്രൗണ്ടായി നിശ്ചയിച്ചുകൊണ്ടാകും മത്സരം കേരളത്തിലേക്ക് മാറ്റുക. കാവേരി ജലതർക്കം പരിഷ്കരിക്കുന്നതുവരെ ഐപിഎൽ ബഹിഷ്കരിക്കണമെന്ന ആഹ്വാനം തമിഴ്നാട്ടിൽ വ്യാപകമായുണ്ട്. തമിഴ് ജനതയൊന്നാകെ മത്സരത്തിനെതിരെ തിരിഞ്ഞിട്ടുണ്ട്. ഇതേ നിലപാടിലാണ് ഭരണ-പ്രതിപക്ഷ പാർട്ടികളും. ഈ സാഹചര്യത്തിലാണ് മത്സരങ്ങൾ കേരളത്തിലേക്ക് മാറ്റാൻ ആലോചിക്കുന്നത്.
Read Moreകോമണ്വെൽത്ത് ഗെയിംസ്: ഇന്ത്യക്ക് വീണ്ടും മെഡൽ നേട്ടം
ഗോൾഡ്കോസ്റ്റ്: കോമണ്വെൽത്ത് ഗെയിംസിൽ ഇന്ത്യക്ക് വീണ്ടും മെഡൽ നേട്ടം. വനിതകളുടെ 10 മീറ്റർ ഷൂട്ടിംഗിൽ മെഹൂലി ഘോഷ് വെള്ളിയും അപൂർവി ചന്ദേല വെങ്കലവും നേടി. ഗെയിംസിൽ എട്ടു സ്വര്ണവും നാല് വെള്ളിയും അഞ്ച് വെങ്കലവുമായി മൂന്നാം സ്ഥാനത്താണ് ഇന്ത്യ ഇപ്പോൾ.
Read Moreകോമണ്വെൽത്ത്: ഹോക്കിയിൽ ജയം കൈവിട്ട് ഇന്ത്യ
ഗോൾഡ് കോസ്റ്റ്: കോമണ്വെൽത്ത് ഗെയിംസ് പുരുഷ വിഭാഗം ഹോക്കിയിൽ പാക്കിസ്ഥാനെതിരേ ഇന്ത്യ ജയം കൈവിട്ടു. രണ്ടു ഗോളിന് മുന്നിട്ടുനിന്ന ഇന്ത്യ അവസാന നിമിഷം വഴങ്ങിയ ഗോളിലൂടെ ജയം നഷ്ടമാക്കുകയായിരുന്നു. മത്സരം 2-2 എന്ന നിലയിൽ സമനിലയിൽ കലാശിച്ചു. മത്സരത്തിന്റെ നാലാം ക്വാർട്ടറിലെ അവസാന മിനിറ്റിൽ പാക്കിസ്ഥാന് ലഭിച്ച പെനാൽറ്റി കോർണറാണ് ഇന്ത്യയുടെ വിജയം തട്ടിയകറ്റിയത്. പകുതി സമയം വരെ ആക്രമണത്തിലും പ്രതിരോധത്തിലും മികച്ച നിന്ന ഇന്ത്യൻ യുവനിര പകുതിക്ക് ശേഷം കളിമറന്നതാണ് തിരിച്ചടിയായത്. മലയാളി താരം പി.ആർ.ശ്രീജേഷിന്റെ ഉജ്ജ്വല സേവുകൾ കൂടിയില്ലായിരുന്നെങ്കിൽ മത്സരഫലം പാക്കിസ്ഥാന് അനുകൂലമാകുമായിരുന്നു.ഹർമൻപ്രീത് സിംഗും ദിൽപ്രീത് സിംഗുമാണ് ഇന്ത്യയുടെ സ്കോറർമാർ. മുഹമ്മദ് ഇർഫാൻ ജൂനിയർ, അലി മുബഷാർ എന്നിവരാണ് പാക്കിസ്ഥാന് വേണ്ടി ഗോളുകൾ നേടിയത്.
Read More